Toia Tainui Tapotu

From Wikisource
Jump to navigation Jump to search
Toia Tainui Tapotu
anonymous
1893 version 1906 version 1995 version 1910 version 1963 version 2020 version Grey
Ko Nga Moteatea page 90
White
Ancient History Vol 5, Upoko 1
Rewi Maniapoto
Te Waka a te Iwi 1.2 Page 7
Grace, Tuwhaetoa page 34

Toia Tainui!
Tapotu ki te moana,
Ma wai e to?
Ma te whakarongo ake.

He tara wainuku, He tara wairangi,
Puni e! Manoa!

Naumai! Naumai e Tane!
Ka tau taua i te wai,

Kia matakitakina taua
E te tini o te tangata.

Naku koe i tiki atu
ki te Wao-nui-a-Tane,
Mingoi! E Tane! Koakoa! E Tane!
Rangahau! E Tane!
Katahi ka whakaaturia!

Turuturu haere ana te wai,
O te hika o Maruanuku,

E patua ana mai
e te komuri hau
Na runga ana mai o ihi-ihi.

Panekeneke-koia i tona waka,
Ka to ki whea?
Ka to ki Maungatorohi e!
Katahi ka oho te iwi:
‘Torohi e! torohi e! torohi e!’

Toia Tainui,
tapatu ki te moana,
Ma wai e to?
Ma te whakarangana ake

Ki te taha o te rangi
He tara wai nuku, he tara wai rangi,
Punia teina,

Nau mai, nau mai, e Tane

koakoa E Tane rangahau,
E Tane takoto atu ana,
Te ngaro ki tatahi.

Maturuturu haere mai ana te wai
o te hika o Marama-kikohure,

E patua ana mai
E te komuri hau
Na runga ana mai o Waihihi,
o Waihaha;
Kei reira te iringa o Tainui.

Manea ura te ra,
Werowero te ra,
Nga tangata i whakariri
Ka mamau ki te taura
kia tū matatorohi atu
Taku tū matatoro,

Hei hoa turuki, turuki,
Paneke paneke, ihu o waka;
Turuki, turuki!
Paneke paneke!

Tōia, Tainui
Tapotu ki te moana.
Ma wai e tō?
Māku e tō, ma Whakatau e tō.
Whakarongo ake au
Ki te taha o te rangi,
He tarawai nuku he tarawai rangi;
Pūhia te ahi, e.

Nau mai, e Tāne!
Ka kau tāua i te awa
I Pikopiko-i-whiti,
kia mātakitakina koe.
E te tini o te mano.

Naku koe i tiki atu
I te Wao-nui-a-Tane.
Mīroi, e Tane, Koakoa e Tane.

Turuturu haere ana te wai
O te hika o Maru-a-nuku:

E patua ana mai
E te kōmuri hau;
Na runga ana mai
O Wai-hihi, o Waihaha;
Te iringa tēnā o Tainui

Ura te rā,
wewero te rā;
Nga tāngata i whakaririka,
Mamau ki te taura;
Kia tū mātātorohia atu
Taku tū mātātoro:

Ihu o waka!
Turuki, turuki!
Paneke, paneke!

Toia Tainui,
Tapotu ki te moana.
Ma wai e to?
Maku e to, ma Whakatau.

Te rongona atu nei,
He tara-wainuku, he tara-wairangi
Punui e!

Naumai! Nau-mai, e Tane!
Ka kau taua i te awa
I Pikopiko-i-Whiti,
Kia matakitaki a taua
Te tini e te mano.

Naku koe i tiki atu
I te Wao-nui-a-Tane.
Kimikimi e Tane, Koakoa e Tane.

E turuturu haere ana mai
Te wai o te hika o Marama.

E patu_ ana mai
E te komurimuri hau
Na runga mai o Waihi,

Te iringa mai te ra o Tainui.

Ura te ra,
Wewero te ra,
Nga tangata i whakiririka
Mamau ki te taura.
Kia tu matatorotia atu
Taku tu-matatoro.

Ihu o waka!
Turuki, turuki!
Paneke, paneke!

Toia Tainui
 tapotu ki te moana!
Ma wai e to?
Ma te hokarongo aaaak!
Hokarongo ake
 
 he tara wainuku: he tara wairangi
 tinia tono, nau maiiii!

Nau mai e Tane
 ka kau taua, wai tiwai

  kia matakitakina koe.
E te tini o te mano.

Naku koe tiki atu
  _ te wao nui o Tane,
 he tane rangahau, he tane miroi.

Turuturu haere ana te hiku
  ra te wai o Marama.

No ru ana mai te komutu hau.

Ihu o waka i perori e

Hui ē! Taiki ē!

Toia Tainui
Tapotu ki te moana
mā wai e tō?
mā te whakatau e tō

te rangona atu nei
he tarawainuku he tarawairangi
Pūnui e,

nau mai nau mai e Tane.
Ka kau tāua i te awa wai
Pikopiko i Whiti
kia mātakitaki tāua
te tini e te mano,

Nāku koe i tiki atu
i Te Wao nui a Tane
kimikimi e Tane, koakoa e Tane

e turuturu haere mai ana
e te wai o te hika o Mārama.

E patu_ ana mai
e te kōmuri hau
nā runga o Waihīhī,
o Waihāhā
te īringa mai o hera o Tainui

Ūra te rā
wewero te rā
ngā tāngata i whakaririki
mamau ki te taura
kia tū matatorutia atu
taku tū matotoro

Ihu ō waka!
Aha? turuki, turuki,
Paneke, paneke
ihu ō waka, e!

Toia Tainui
tapotu ki te moana!
Ma wai e to?
Ma te whakarangona atu!

He tarawa i Nuku: he tarawa i Rangi.
Tinia, monoa.

Nau mai, nau mai e Tane!
Ka kau taua, I te awa tuatahi,
I te awa tuarua
kia matakitakina koe
e te tini o te tangata.

Naku koe i tiki atu
Ki te wao nui a Tane
Mingoi e Tane
Rangahau e Tane, Koakoa e Tane
Turuturu haere ana mai
e te wai o te waha o Marama.

E takina ana mai
e te komuri hau
na runga o Waihīhī,

Turukiruki, Panekeneke
Ihu o waika
Turukiruki, Panekeneke
Turukiruki, Panekeneke
Oioi te toki whanapou

Toia Tainui
tapotu ki te moana!
Ma wai e to?
Ma te whakaranga ake!

He tara wai nuku, he tara wai rangi.
Tinia, Momoa.

Naumai, mau mai ra e Tane!
Ka kau taua,

kia matakitakina koe
e te tini o te tangata.

Naku koe i tiki atu
ki te wao nui a Tane
He tane miroi, he tane koakoa,
He tane rangahau.

E patua mai ana
E te komuri hau
na runga o Waihi.

Panekeneke ihu o te waka
Turuki, turuki
Paneke, paneke

Toia Tainui
tapotu ki te moana!
Ma wai e to?
Ma te whakarongo ake.

He tara wainuku: he tarawairangi.
Tinia, manoa.

Naumai, naumai ra e Tane!
Ka kau taua,

kia matakitakina koe
e te tini o te tangata.

Naku koe i tiki atu
i te wao nui a Tane
He tane miroi, he tane koakoa,
He tane Rangahau.

E patua ana mai
E te komuri hau
na runga o Waihihi.

Panekeneke ihu o te waka
turuki, turuki!
paneke, paneke!

Toia Te Arawa
tapotu ki te moana!
Ma wai e to?
Ma te whakaranga ake!


He tara wainuku, he tara wairangi.
Tinia, Monoa.

Naumai, naumai ra e Tane!
Ka kau taua,

kia matakitakina koe
e te tini o te tangata.

Naku koe i tiki atu
ki te wao nui a Tane
He tane miroi, he tane koakoa,
He tane rangahau.

E patua mai ana
E te komuri hau
na runga o Waihi.

Panekeneke ihu o te waka
Turuki, turuki!
Paneke, paneke!


This work was published before January 1, 1929, and is in the public domain worldwide because the author died at least 100 years ago.