Tied
Tied, flukad pesevölün e ba veütikün Cinäna, glofom len smabim u bim, kel dagetom kösömo geili de mets bal jü tel. Stam labom tuigis mödik, pelodöl ko bleds, kels binoms lonedlik, dagiko glünik e tutik. Bleds at mekoms völadi plana. Län de tiedaflukad veütikün binom nog jünu Cinän, kel nestü kösumam stümik in län it, fesedom yelo miglamis za 30.000.000 ovü mel.
Plä in Cinän planon i tiedi mödik in Yapän, Tonkin, Cochin-China ed id in Yafän.
In Lenidän, Basilän ed in Tats de Sulümelop tiedaplanam penindukom te beginü yelatum at. In yel 1843 cets tieda ya umo ka 6000 päninsedoms de Yafän in Amsterdam e Rotterdam.
Se Volapük: Gased bevünetik tedelik, nolik, literatik e gälodik 1887, Nüm: 10, Pad: 91.