Terceira Epístola de Juan
Jump to navigation
Jump to search
- L ancion al amado Gaio, la quien you amo an berdade.
- Amado, deseio que te baia bien an todas las cousas, i que tengas salude, assi cumo bien bai ana tua alma.
- Porque mui me alegrei quando ls armanos benirun i testificórun de la tua berdade, cumo tu andas na berdade.
- Non tenho maior gozo de l que este: l de oubir que ls mius filhos andan na berdade.
- Amado, procedes fielmente an todo l que fazes para culs armanos, specialmente para culs stranhos,
- os quales delantre de la eigreija testificórun de l tou amor; als quales, se ls ancaminhares na sue biaige dun modo dino de Dius, bien fazerás;
- porque por amor de l Nome saíran, sin nada aceitar de l gentios.
- Portanto als tales debemos acolher, para que séiamos coperadores de la berdade.
- Escrebi algo ana eigreija; mas Diótrefes, que gusta de tener antre eilhes la primazie, nun ne ls recibe.
- Pelo que, se you ande fur, trarei ana memoria las oubras que el faç, proferindo contra nuolos palabras maliciosas; i, nun cuntente cun esto, el nun solamente deixa de recebir ls armanos, mas als que ls quieren recebir el proíbe de l fazíren i inda ls sclui de la eigreija.
- Amado, nun eimites l mal, mas l bien. Quien faç l bien ye de Dius; mas quien faç l mal nun ten bisto la Dius.
- De Demétrio, porén, todos, i até la própia berdade, dan testemunho; i nuolos tamien damos testemunho; i sabes que l nuosso testemunho ye berdadeiro.
- Tinha you muitas cousas que te screbir, mas nun l quiero fazer cun tinta i pena.
- Espero, porén, ber-te brebemente, i falaremos face la face.
- Paç seia cuntigo. Ls amigos te saúdan. Saúda ls amigos nominalmente.