Te Ngahuru's Lament

From Wikisource
Jump to navigation Jump to search
Te Ngahuru's Lament (1800s) 
Mihi-ki-te-kapua (1790-1872)
Original version Ngati Maru version

E muri ahiahi,
ka totoko te aroha,
Wairua o te hanga,
ka wehe i a au.

Wai te teretere,
e rere i waho ra?
Nou na e Te Kou,
e hoki koutou,
Ripa ki te whenua,
ki Maketu ra ia.
Tenei matou
kei runga i te toka.

Me rauhi noa,
ki te wairua kau;
Te waka ra e,
i tataia mai,
Toroa i te wai,
kia paia atu koe,
Haere ki raro ra,
ki Hauraki raia
Hei matakitaki ma te nui
a 'Ti-Maru.

Nei, ka pae noa,
ki Maukaha ra ia!

E muri ahiahi
ka totoko te aroha
Wairua o te hanga
ka wehe i ahau.

Wai te teretere
e rere i waho ra?
Nou e te iwi Hauraki!
E hoki koutou
Ripa ki te whenua
ki Te Totara ra ia
Tenei matou
kei runga i te toka.

Me rauhi mai
te wairua kau
Te waka ra e
i tataia mai
Toroa i te wai
kia paia atu koe
Haere ki raro ra
ki Hauraki ra ia
Hei matakitaki mai
m? 'ati Maru

Nei ka pae noa
ki Tikapa Moana


PD-icon.svg This work was published before January 1, 1927, and is in the public domain worldwide because the author died at least 100 years ago.