Tant che sior Nicolò avess umor

From Wikisource
Jump to navigation Jump to search
Tant che sior Nicolò avess umor  (1828) 
by Ermes di Colloredo
Poesie scelte edite ed inedite in dialetto friulano


Al Signor Niccolò N. N.

SONETTO

TANT che sior Nicolò avess umor
Di pöetà sore la caramade,
E d'intacà fra i prins lu sior Dotor?
Potenzie-chiate-fuur l'avès chiatade!

Us sai a dì,che in dute la brigade
Vo plui di dug avès chiatif savor,
Dal formadi, e dai pìs pa 'l trist odor,
Dute cheste gran chiase jè infetade.

No ocor ch' al trati i altris di minchions
Cui cu mostre une ment tant dissignestre,
E l'abit e 'l cerviel puarte a florons.

Se jess la me virtut fuur pe' fignestre
Dal cùl, vo podès ben cun mil rasons
Chiolile su cul nas, che sarà uestre.