Talk:Séng-gĭng/Cháung-sié Gé/1

创世记·第一章 上帝创造天地连万物。 原始时候，上帝创造天地。地是空虚混沌，深渊上势乌暗。上帝其神运动落水面。上帝讲：「著有光。」就有光。上帝看者光是好。上帝分别光共暗。者光上帝叫罗日中，暗叫罗暝晡。有暝晡，有日中，嚽是蜀日。 上帝讲：「水中著有空气，会分开上下其水。」上帝造者空气，连分别上下其水。者空气上帝叫罗天。有暝晡，有日中，嚽是第二日。 上帝讲：「天下其水著聚蜀位处，者凋涂1亦著现出。」就有縂款2。者凋涂上帝叫罗地，聚蜀堆其水叫罗海� Ｉ系劭纯G款是好。上帝讲：「地著生草，连结籽其菜，共结果籽其树，果籽底势有核，都凴伊种类3落地上。」就有縂款。地就生草共会结籽其菜，连结果籽其树，果籽底势有核，都凴伊种类。上帝看縂款是好。有暝晡，有日中，嚽是第三日。 上帝讲：「天上著有三光现出，分别日中暝晡，定四时，记年日。者光著天顶会照落地嚟。」就有縂款。上帝造两只大光：大其管日中，细其管暝晡；亦造许侈其星。上帝排布者光著天上，照落地嚟。会管理日暝，分别光暗。上帝看縂款是好。有暝晡，有日中，嚽是第四日。

上帝讲：「水著生尽侈有活命会定动其乇，亦著有鸟飞落天中空气嚟。」上帝就创造大雨，连水底所生各种会定动活其乇，都凴伊种类，共各种飞鸟亦凴伊种类。上帝看縂款是好。上帝祝福伊，讲：「著生育尽侈，充满落各海许底，鸟亦著生育尽侈落地嚟。」有暝晡，有日中，嚽是第五日。 上帝讲：「地著生诸样活其乇，都凴伊种类，头牲、虫蚁、野兽，都凴伊种类。」就有縂款。上帝就造地上其野兽、头牲、各种虫蚁，都凴伊种类。上帝看縂款是好。 上帝讲：「仱著造侬凴我侪4其样式，使伊管海嚟其鱼、天嚟其鸟、头牲，共地上各种虫蚁，连管全地。」上帝就凴本身其样式创造侬，创造伊就是照上帝其样式，创造喇男共女。上帝祝福伊，共伊讲：「著生育尽侈，遍满落者地，使地服汝管下，连管海嚟其鱼、天嚟其鸟，共地上各种有活命会定动其乇。」上帝讲：「地上四处各种结籽其菜，共各种有核其果籽其树，我都赐汝做口粮。哪5各种其野兽、天嚟其鸟，共爬地兜各种活其乇，我都赐青草乞伊食。」就有縂款。上帝看所做其，都是尽好。有暝晡，有日中，嚽是第六日。