Talk:Allgemeines plattdeutsches Volksbuch/Kinner- un Ammenrimels

Einige der "Kinner- un Ammenrimels":

Kinner- und Ammenreimels.

Lang un ſchmall
Hett kein Gefall;
Kort un dick
Hett keinen Schick;
Äweſt ein Mäten von mine Mat, –
Dat ziert dei Strat.

—

Wat ſühſt du denn ſo ſur ut?
So ſeih ick von Natur ut;
All Dag, all Dag Kartüffelſ'lat
Un Sünndags tau'r Verännerung
Kartüffeln mit Mundirung!

—

Wat kickſt mi an?
Ick heff all 'n Mann.
Wierſt ihre kamen,
Denn har 'k di nahmen.

—

[...]

—

Backe, backe Kauken,
Dei Bäcker hett all raupen.
Wer will ſchöne Kauken backen,
Dei mütt hebben ſäben Saken:
   Eier un Solt,
   Botter un Schmolt,
   Melk un Mehl,
   Saffran makt den Kauken gäl.
Schuw' in 'n Aben, ſchuw in 'n Aben
Bäcker hett ſin Fru geſchlagen,
Mit den Schüwer up den Kopp,
Dat is 'n rechten Hunzefott.

—

Schlap, Kindken, ſchlap,
Da buten ſteiht ein Schap,
Dat is di gar ein frames Blaut,
Drüm ſünd em alle Minschen gaut.
Schlap, Kindken, ſchlap.

Schlap u. ſ. w.
Da buten ſteiht ein Schap,
Dat hett vier witte Fäute,
Dat gift dei Melk ſo ſäute,
Schlap u. ſ. w.

Schlap u. ſ. w.
Dei Varer höt dei Schap,
Dei Maurer ſitt in 'n Roſengard'n,
Un ſpinnt dat ſchönſte Fleſſengarn.
Schlap u. ſ. w.

—

[...]