Ta Salîkî Mesalîkî

by Hecî Qadirê Koyî

Ta salîkî mesalîkî mullkî qena’etî
Bakit nebê le rêgir û ehlî şeqawetî

Sofî ‘îbadetî hemû bo mekr û rîwe ye
Ger şêrî nerr be giwê bigrê, peşm e ta’etî

îxlas e eslî meqsed û xorra şeqî debê
Wa tê dega be ser mequlat e se’adetî

Bême’rîfet mebe le terîqî heqîqeta
Ser menzîlî şerî’et e cêgey selametî

Nagen be hîz û rêgirî ême le mullkî Rom
‘Ellamey wîlayet û şêxî wîlayetî

Mefhûmî dû hedîsî sehîhim le beyteka
Cê kirdewe; nezer bike kurdî û fesahetî

Dunya segî le oxlleme toqîwe talîbî,
Neymawe herweku segî pêsûtû rahetî

Sed qubbey xewrineq û seddî skenderî
Nagate beyte kawilî Nalî û metanetî

Saqî kerîm e badey bezmî eleste ye
Hacî le camî qelbî şikawe şîkayetî