Ta Gullî Ruxsarî To
Ta gullî ruxsarî to wek min hezarî ‘aşîq e
Rastîy qeddit le ser ser û sinewber faîq e
Ba le herdû la be zullfit baweşênî lê neka
Mêşî xallit nafirrê pabendî şehdî raîq e
Boçî gull pê nakenê ahim sehabî baxî ye
Girye baranî behar e, nalle re’dî barîq e
şew le daxî ‘arîzit, rîşî spî bû asman
Ger dellêy kezzab e ha burhanî subhî sadîq e
Sunbulî zullfit perêşan e, qedî serut billind
Dill perêşanî pesend e nalebarî laîq e
Hasilî wesfî gullim nayête ser hedd û beyan
şîrînî Ferhad e, Leylay Qeys e, ‘Ezray Wamîq e
Min debê bimirim eger men’im neka Hacî le xoy
Ba cewabî len teranî, xerre Mûsa saîq e
|
This work was published before January 1, 1929, and is in the public domain worldwide because the author died at least 100 years ago. |