TAONCA AN FERKIETY GYWÖNHAJT

From Wikisource
Jump to navigation Jump to search
TAONCA AN FERKIETY GYWÖNHAJT by Józef Gara
Zbiór wierszy o wilamowskich obrzędach i obyczajach oraz Słownik języka wilamowskiego
[ 068 ]

TAONCA AN FERKIETY GYWÖNHAJT


TAONCA HYNDER ANA FIR
HO A HYTŁA UNA TIR
HO A BAOZUM UNA ŚTEJŁ
HO A BETŁA UNA FEJŁ

DY FRAJŁAOJT KUMA CY MIR
DÜCHS FAONSTER NY CYR TIR
ZY ZAJN BY MIR NY ŁAONG
Y MER ŚTUW EJ KA BAONK

DY NÖKWYN WUNDYN ZICH ZIR
WI KON YCH WÖN UNA TIR
WAOS EJ A BAOZUM UNA ŚTEJŁ
WI KON YCH ŚŁÖFA UNA FEJŁ

YCH BEJ SIUN ZU GYWÖNT
YM ÖWYT SIAJNT DER MÖND
YM TAOG SIAJNT DY ZUN
DOS OŁYS GYNIGT MIR SIUN





CC SomeRightsReserved.png
Cc-by white.svgCc-sa white.svg