Tı cıra mınete kena
Xér u şer péro ve persé déy beno Maqa dina ollem déy ré düeyi keno Zé vatena ho nametu o bare keno Yé zolımuné dina, ve vatene dano
Herroz tı cıré niyaz kena, o véneno Na dina sero çı bıvo, périne zoneno Çı rınd u rındek, sari ré kémi nékeno Qeda u belayé dina, feqirde vezeno
Zuçi né, tı éy ma ré comerd name kena Hem horé wayir, hem ao serén zonena Rozra çond géyimi, verde bulçi vındena Néremnena, hundé roji vésan manena
O mın u to ro sebıkero, heq vénena O wayiré guna, tı cıra mınete kena O to ro se bıkero, tı verde bervena Bıra! Ma tı çıra rozé cıra hérs nébena
Çı maré nameto, ho cıra morım verdana Namé déy yéno wendene, kesrete ana Jü mala to bile bıvo, déy ré qurvana Né rüwatu ra o, maqa tı rut u vırana
Bıra, ma tı na feqiré dina ra se vana Hem cıra bétivara, hem eve gumana Nametuné dina tı ve ho caverdana Tı ve na qéyde morım u bémordemana -+- Vana, beno guna, saregerm nébena