Sull'impotenza
Jump to navigation
Jump to search
Fabi Vares (1570-1630)
Sull'impotenza
de Fabio Vares (1570-1630)
Avè ona bella cà ben tapezzá,
con di bonn possession, di bon livij,
senza fiû, senza imbroij, senza fradij,
e stà su i spass e su i comeditá;
avè semper la tavla paresgiá
con su di bonn parnis, di pollastrij,
mudà sovenz de colz e de capij
e fà del bell'umor par i contrá;
cavalcà on bell cavall con la valdrappa,
avegh di servitor da menà adré,
con la scovetta da nettà la cappa;
avegh sempr'in la borsa di dané
da mantegnì di spij parchè no scappa
i mej boccon che vegna in sul
Verzé;
trovass pû d'indaré
in legg cont ona bella tosa in brazz
tutt è nient come no tira ol cazz.