Sul tœu miee
Jump to navigation
Jump to search
Giuseppe Elena (1801-1867)
Sul tœu miee
Discorreven on dì duu giovinott
sul come scernì fœura la miee.
Vun la voreva brutta e con nagott;
l'alter, invece, bella e coi danee.
"Vuj minga cacciador al mè casott!"
(diseva el primm) " Nè corna per i pee!"
"Se devi entràin del numer di merlott"
(rispondeva el second) "vuj god pussee!".
Salta su on terz, che gh'era lì vesin;
"Senza corna coi donn non se pò stà!
I brutt i compren cont el nost borsin,
coi corna i bej tiren la roba in cà...
se conossen appena l'abbacchon,
che guarden lor cossa conven de fà!"