Stoyan bä stoyan

Stoyan bä, stoyan

Stoyan bä, stoyan
Stoyani be, stoyani,
Ne da kahırlı durersın?

Nasıl da kahırlı durmeyım?
Armataya gidecäm
Armataya gidecäm

Üç günnük gelinim evdä kaler
Armataya gidecäm,
Üç günnük gelinciimi brakerım

Benim da ona canım aceer
Pek da gencecik o kaler
Ha mari Tudorka, gidelim,

Benim da beygirmä pinelim
Benim da beygirmä pinelim
Hay edip, edip gidelim

Hay edip, edip gidelim
Ray başçesinä girelim
Ray başçesinä girelim

Çiçektän çiçää gezelim
Tudorkayä bir kıtka düzelim
Çiçektän çiçää gezelim

Tudorka, bir kıtka düzelim
Bän da dokuz yılına gidecäm
O beni bırda unutmasın

Sekiz yıl izmet eder,
Dokuzuncuya da baser
Dokuzuncuya bastıynan,

Tudorkanın kitkası seneyor,
Tudorkanın kitkası seneyor,
Tudorka stuyanı unuder,

Tudorka stuyanı unuder,
Tudorka bırda evlener.
Stuyana da pek güç geler

Stuyanın da polkovni
Stuyana da bölä deer:
Stuyani bä stuyani

Ne küsülü kahırlı durersın?
Nasıl da bän durmeycam?
Benim karım da evlener

Sendän da şen yoktu, deer,
Şindi da sendän küsülü yok
Verecäm sana bir beygir,

Lüzgär gibi uçasın
Ha edip da gidesin
Sän da o düünü etiştiräsin