Stelaglestän
Pelovepolöl fa W. Cluse, pädel e vpa-tidel.
- 1.
Sagolöd! Li-logol in gödela lulit
Kelosi ävendelo so pleidik äglidobs,
Kela plifs e stels du pöligik feit
Änidoms so glolik ove daems, kel äjälobs?
- Äblöfoms glut filas
- Ed in lut slid glöbas,
- Das nog ästanom
- Du neit stän obas.
Sagolöd, va stelaglestän nog sölom
Ove libikelas län, ove jamepas lom.
- 2.
Len jol palogól neklülo dem dib stömö!,
Kö neflens luglolöl in stil ledledlik slipoms,
Kisi ove geil leklifik viens pledöl
Yofiko dilo sävoms ed i dilo säplifoms?
- Nu fanos in dela dagal
- Bosi de sola stal.
- Gelitos in glol fulik
- Tän su dib nidamal.
Binos stelaglestän! Jenosöd, das oinidom
Ove libikelas län, ove jamepas lom.
- 3.
E kiplad binom tlup äyulöl so pleidik,
Das sun kliga distuk jekik e kofud puga
Onosoms-la obes lomi e läni löfik?
Eklinom blud oka steni okika tlida.
- Savos nos slafi
- E peködutöli;
- Tuga jeki tuvoms,
- Voto sepa dagi.
E stelaglestän! jenosöd, das levikodom
Ove libikelas län, ove jamepas lom.
- 4.
So aibinosöd, kü mans libi löföls
Stanoms bevü fatän löfik e lejek pugas
Pledomöd län läbik, in vikod e püd gädöls,
Nämi emeköl, ekipöl neti obas.
- Obinobs vikodik,
- Kligöls dem kod cödik,
- Ko at välapüked:
- In God spel obsik!
E stelaglestän! jenosöd, das oinidom
Ove libikelas län, ove jamepas lom.
Se Volapük: Gased bevünetik tedelik, nolik, literatik e gälodik 1887, Nüm: 9, Pads: 82-84.