Sounet d'Augié que n'a pas voulgut requatta dous sounetz que li vouliou da qualques layrous.
Sounet d'Augié
Que n'a pas voulgut requatta dous sounetz que li vouliou da qualques layrous.
Ieu n'ey jamay voulgut que cap de persounatge
M'agio dat de butins per moun libre farci:
Un souldat serio sot de carga soun rouci
Del pilhatge d'aütru, quant el a prou bagatge.
Ieü éy per fa aquest' libre, amay de l'abantatge
Res de picouregat nou voli dins ayci;
Et péys, ieü n'éy que fa d'estre vantat bouci.
Un méstre es prou vantat quant el fa bél oubratge.
Aquels me vouliou da dous sounets fort poulits;
Mas qu'elis de Rounsard lous abiou reculits.
Ieü lour éy dits, Messus, nou siats poun ta vantayres,
De vous ieü lous pendrio, s'érou de vostre cru,
Mas nou lous voli ges per so qu'els sou d'aütru:
Jamay ieü nou seréy d'aquelis requatayres.