Sonnet. L'autheur démonstre icy qu'il faict plus ses rimes par nécessité que pour estre veu.
Jump to navigation
Jump to search
Sonnet.
'L'autheur démonstre icy qu'il faict plus ses rimes par nécessité que pour estre veu.'
Pour me glorifier je n'ay point faict ce livre,
Ny pour penser aussi mon nom éterniser.
Je l'ay faict seulement pour voir et adviser
Si l'estat de rimeur me donneroit à vivre.
J'ay un autre mestier, lequel je voudrois suivre,
Qu'est l'estat de rodier qu'il ne faut mespriser;
Mais il me cousteroit de faire authoriser,
Et tout le bien que j'ay ne vaut pas une livre.
J'ay garnie boutique à mon pays deux fois,
Que toujours m'ont pillé mes outils et mon bois:
Et me voyant pillé, il faut que je vous die;
Que me suis mis à lire et à rimer aussi;
Mais pour autre raison je n'ai point faict cecy,
Sinon tant seulement que pour gaigner ma vie.