Sonetto contro i cattivi poeti
Giuseppe Riboni (XIX sec.)
Sonetto contro i cattivi poeti
La toss al dì d'incó g'hann i mossen
e ton se dann e l'aria de cantant;
cérchen i grì de fà la sumia a Dant;
de fà de prim in sul Parnass i asnen.
Ma se ne acorgen nò 'sti poveren
che chi nass nan mór nan, e mai gigant?
E che, per quant se sfòrzen, tanetant,
semper sarann asnen, mossen, grillen!
Con quest vój dì, che i nassen i poeta
e a fall chi è nò ciamad de la natura,
fa trop, se al quarto el riva de la meta.
Quand ester natural ne gh'avii nò,
brusee, pivei, la pena aderittura;
ciapéll, quest l'è 'l par che mì ve dò.