Sonett 4

by Lancino Curti

Lanzin Curt (1460 ca.-1512)

Sonett 4

Tacon, Tacon, s'te no tax, in fé 'd Dè,
che 'l giur mò mì ch'a la 't porà costà
e 's no te sognaris pù a stà setá
al Malefitio come on bel missé.

A 't par a tì, sbirasc, on bel mesté
avè ardiment de vorè tì tì má
de quij te no saris degn da lecà
la terra donde i meten lor i pé?

Guardat pur dal diavro mazacan
che ben te tegn la ciá dol camoscion
chì dol tò copro no 's fa stema on pan,

visandet che 's te sciansc più, barbaion,
te seré asasiná per tut Miran
da on milion d'ûv marscie dai toson.

E pû 's dirà: "ol Tacon
è deventá che 'l par on liompardo".
O ch'as 's dirà t'é vegnú on gran lecardo.