Sonett 1
Jump to navigation
Jump to search
Lanzin Curt (1460 ca.-1512)
Sonett 1
Al me messé Gasparo di Vesconti ol sò Lanzin da Corte
Perchè vu sí dra ca Vescont on fió
ve mandi in d'on mazzû sonit parig;
mi no i ó fag, ma chi i à fag o dig
i en ben amix e se 'v porton amó.
Chi vûr sciancià de cose dol Signó
s'pò dì ch'al vaga a fà sû regolig;
e' só ch'avrev an mì quai cos scià scrig
e no trop má s'haves habiú favó.
Ma sia in nom de De quei vuot mò fá,
fors che 'l vegnarà temp che poró dì
e 's faró intend che i' habia ben studiá.
Ogna gran cosa mì faré' per tì,
comanda che son sempre apareciá,
te 'm vedaré sbrilà mò chì, mò lì.
Quel ch'i' ó scrigg i' ó chì
e parchè viv tova imanità sapia
che son pù tò che on ravarin in capia.