Sonet (lumbaart)

From Wikisource
Jump to navigation Jump to search
Sonet (lumbaart)
by Carlo Girell

Carlo Girell (1730-1816)‎

Sonet

Comöt? En quater vèrs ligat e stret
parlà del vescov Nava nost Prelat?
Ga völ on cant, ma longh e nò on sonet
a fà dei sò gran mérecc on ritrat.

No sintif a da quei che ènt al lat
la gran riputaziù e 'l gran concet
ch'el g'ha a Milà? Dabé, zelant, garbat
e tignit per on brao vescov perfet.

Vedarom bé ciapàt per i pelöc
chi la vera moral s'è trat de doss
ne g'ha pora de l'acqua né del föc.

Vedarom sto Pastur a tös endoss
la pegora ch'è 'ndada fò del löc
e portada a l'ovil e ünila al ross.