Siore Tiburzie, se 'o no levi in vile

From Wikisource
Jump to navigation Jump to search
Store Tiburzie, se 'o no levi in vile  (1828) 
by Ermes di Colloredo
Poesie scelte edite ed inedite in dialetto friulano

A bella Dama che bramava un

SONETTO

SIORE Tiburzie, se 'o no levi in vile,
No us podevi mai fa il bramat Sunet;
Parcè, che chì in citat jò sòi costret
A jessi pazilat tant che l'arzile.

Hai clamade a consèi la me Sibile,
E j' uciei, cantarins dal miò boschet;
Us hai servide, e cun miò gran dilet,
Gioldind che solitudine tranquile.

Se qualchi chiosse in rest 'o hai fat di ben,
Efiei è' stat dal uestri biel soreli,
Che al mi ha sclarit e iluminat l' inzen.

Onde fàit cont che 'o sèi il uestri spieli,
Vo l' oget cu risplend in ta 'l miò sen
Vo l' lumìn dal miò spirt, jò il cesendeli.