Sia malarbett Amor coi sœu finezz

From Wikisource
Jump to navigation Jump to search
Sia malarbett Amor coi sœu finezz
by Stefano Simonetta

Steven Simonetta (XVII sec.-1754)‎

Sia malarbett Amor coi sœu finezz

(in D. BALESTRIERI, Lagrime per la morte d'un gatto, 1741)

Sia malarbett Amor coi sœu finezz,
o che brutta desgrazia! Meneghin
savì coss'è suzzess al vost Gattin,
che 'l fæva tanci logg, tanci prodezz!

El mognæva sul tegg par on gran pezz
brasciæ su con la Miscia de Bosin,
e coi deng barattandes i basin
a furia d'ong se fæven di carezz.

Ma despœu quatter tomm de maniman
tirandes a la riva, l'è borlæ
sgiò da la gronda finna al terrapian.

L'ho vist mi col musin tutt spiattaræ
(Dia ne guarda nujolter Cristian)
a restà lì sul colp. Che pecchæ.