Setopam vpk.
Du yel lätik espodob ko selänels mödumik, e in mod at egetob penedis, potakadis, bledis, bukilis e fotografotis mödik. Ma döl söla Josef Tamerl (Brixen, Löstän) dö setopams laik (söl at ebinom zu so flenik potön obe dinis zesüdik plo setopam somik) setopob anu in lemacem oba. Elabob gälodi legletik dubü spodam vpik. Pato kanob nünÖn, das espodob du tim lonedik ko cinänel sembal, etökobs fotogafotis, e esedom obe dinis plu ka tels difik cinänik, bevü ats pipis, lutömi, tiedi e dekis. Visitels milagoms seki spodama obik, stunoms, sagoms, das binos gletabidik e lenitedik; ab aniks no kanoms suemön, das vilob gebön moni so mödik al spodam. Liedö no labob spadi sätik plo vpadins valik oba, sikodo osetopob latumo in topöp gletikum. Begob liladelis selänik potön obe vpadinis difik; pato vipob fotogafotis potamäkafomik utas, kels spodoms ko ob; töko opotob viliko obiki.
Se Volapük: Popabled e ninsadabled 1890, Nüm: 6, Pad: 23.