Serbskim wótčincam

Serbskim wótčincam

Budź wěrnym Serbam sława,
Kiž swjatu horliwosć
We wutrobach nam haja
Za Serbow narodnosć.

Dźak wutrobny wšěm njesće
Kiž płodźa Serbowstwo,
We spěwach krasnych česćće
Wšě serbske towaŕstwo.

A kwětki njech njezwjadnu,
Wot Serbow sadźane,
Te zwjazki njech njespadnu,
Wot bratrow wjazane.

Budź khwalba serbskim mužom,
Kiž prawa žadaja!
Jich sławne mjena wšudźom
Niech hódnje česćuja.

Njech w serbskim kraju znaja
Tych mócnych ryćerjow,
Njech Łužičenjo praja,
Zo maja wótčincow.

• Author: Mikławš Jacsławk (public domain)
• Source: http://texty.citanka.cz/pata/sc1-149.html