Serbska khorhow´

nadpis	Serbska khorhow´
awtor	Jakub Bart-Ćišinski
lěto
žórło	luzice.euweb.cz
licenca	public domain
nota	stary prawopis

    Stój, khorhow´ módra, čeŕwjena a běła!
    Tón barbow błyšć njech Serbow k sebi łóji,
    Njech pod nim muž při mužu lud wšón stóji,
    Zo zemja serbska w tych by barbach kćěła!

    Najbóle swěra žada so do džěła,
    Kaž njebjo módre jeno rostej hoji.
    A lubosć krew´ a pjasć njech z mocu poji,
    Bjez słónca žadna njej' so róža zhrěła.

    We swěrje pak a w lubosći spi přeće,
    Zo trało zbože by, kiž z njeju pleće
    So, zo by radosć wěčnje wostać směła.

    Stój, khorhow´ módra, čeŕwjena a běła!
    Z njej hajće' sebi swěru, lubosć, radosć!
    A mocy Serbja změja dosć a na dosć.