Se tant me da tant
Jump to navigation
Jump to search
Speri Della Chiesa Jemoli (1865-1946)
Se tant me da tant
On maester de scoeula l'era intent
a spiegagh ai sò alliev come qualment,
per 'vè ciappaa ona volta on pomm sul nas
(essend sott alla pianta inscì per cas)
a Newton gh'è spontaa l'idea genial
de scoprì "l'attrazion universal"!
-Lì se ved (l'ha conclus) l'ingegn dell'omm
a che sorta de robb el pò menà
quand se gh'ha la bonavoeuja de studià;
e de fatt, se l'avè ciappaa su on pomm
l'è staa assee de guidà sto gran scienziaa
a ideà 'na scoperta inscì importanta
chi sa dì cossa mai l'avriss trovaa
se ghe fuss borlaa tutta la pianta?