Se avessis in tal chiaf, cul sal dal Tass

by Ermes di Colloredo

Se avessis in tal chiaf, cul sal dal Tass  (1828)  by Ermes di Colloredo

Poesie scelte edite ed inedite in dialetto friulano

Risposta dell' Autore ad una Persona che gli avea mandato un Sonetto.

SONETTO

SE avessis in tal chiaf, cul sal dal Tass,
Anch' chel dal M.... che lu vend dut l' an,
Bastant a no 'l saress, chiar Päesan,
Par inalzà il miò stil cu è rauc e bass.

Ben la Godine uestre fàs fracass,
Se vo la tastizais cun dote man;
E in paragon che dal cantor Teban
Pàr che no vebi nè cantin, nè bass.

Il uestri chiant inchiante, e ognun confont,
E oh me bëat! se mai tochiass cul dêt
De' uestre gran virtut un pizzul pont.

Apolo la corone a vo concêt,
E fra i Cantors Furlans a niun sëont,
Fàis su l' arbul de' glorie il prin insêt.