Jump to content
Se̿ng-géng/Mǎ-tuo̿i Hŭ-éng/26
- 1 Iă-Sú iŏ̤ng duói dī uā làu, ciu iáu hă-sáing ua,
- 2 Nì dă̤-dí gua̿ liòng góng ciū-sī gua̿-mô̤ng-tê gâ̤ căi-ki̿, nêng gâ̤ Gṳ̆ing ci ŏ̤ nă nêng gáu ko̤̿ da̿ing-sĭ da̿u sí-cī-ga̿.
- 3 Iŏ̤ng-gă̤-sĭ, duōi ci̿-sí, nāng-sṳ́ nêng, iáu bă-sia̿ng dĭ-bíng gâ̤ chîng-bo̿, dú cṳ̀ da̿u dĕng duōi ci̿-sí, Gái-ngā-huă gâ̤ ngâ-mô̤ng-di̿.
- 4 Câi-câi sióng-liông să̤ sū-mū gi̿-chă̤ nà-diū Iă-Sú, huōi-sĭ gṳ̀.
- 5 Hē-mṳĕ ĭ gō̤-uā, Gua̿-căi gâ̤ sî-hē ēng gŏ̤ng nà gṳ̀, giáng-pa̿ bă-sia̿ng ŏ̤ cŏ̤ huăing.
- 6 Iă-Sú ka̿ing-ka̿ing da̿u Bă-duōi-nĭ, bāng-tuŏi Sái-mô̤ng chio̤̿-di̿ cō dŏ̤,
- 7 Iŭ cì-ciă á-niông-nêng dé-siū ngṳ̀-hō̤-ciĕ, dó̤ng-diū dĕng dì-cîng gâ̤ hióng iû, giăng-ce̿ng lâ̤ nà hióng iû dău hā Iă-Sú gâ̤ tê-di̿.
- 8 Hă-sáing chū-gi̿ng, ciū nău-nū kĭ lâ̤, Ca̿-sū-dī iŏ̤ng-gă̤-sĭ cá-tă?
- 9 Iŏ̤ng hióng iû ŏ̤ māi-dă̤ cèng cāi cîng, dé lâ̤ kāng-nīng gê̤ng-mău gâ̤ nêng.
- 10 Iă-Sú dă̤-dí gṳ̀ gâ̤ séng-i̿, ciū uā, Nì ca̿-sū-dī nûing-ṳ̆ iŏ̤ng á-niông-nêng, gṳ̀4 iáu uòi iŏ̤ng-gă̤-sĭ ca̿ sī dĕng hău gâ̤ dī.
- 11 Éng-ṳē gê̤ng-mău gâ̤ nêng dŏ̤ng-giŭ iáu nì câi cì-dó, uòi mài dŏ̤ng-giŭ iáu nì câi cì-dó.
- 12 Iŏ̤ng á-niông-nêng nà hióng iû da̿u hā uòi séng-di̿ sī ta̿i uòi o̿-do̿ co̤̿ng-dĕ̤ng gâ̤ dī.
- 13 Uòi ì-cài iáu nì uā, Tóng-tíng-à mău-lō̤ng sū-mū sù-cài iŭ nêng gŏ̤ng iŏ̤ng hău gâ̤ se̿ng-sĭ iă ŏ̤ uā kĭ iŏ̤ng á-niong ca̿ gâ̤ dī, nă nêng gi̿-diū gṳ̀.
- 14 Sí-nī-ciă hă-sáing dĭ-bíng iŭ cì-ciă Gá-liŏ̤ nêng, miâng hăng Iŭ-duōi, iŏ̤ng-cì-sî ko̤̿ gi̿ng duōi ci̿-sí.
- 15 Uā, Nì kăing chṳ̆ uòi gĭ-duói cîng, uòi ciū nà gṳ̀ gáu nă nì? Duōi ci̿-sí ciū do̿ sáng-sī-tī ngê̤ng nă gṳ̀.
- 16 Giăng iŏ̤ng sî-hē kĭ Iŭ-duōi ciū dăing iŭ hō̤-sĭ nà Iă-Sú gáu nă gṳ̀.
- 17 Iè mău-bṳ̆-biăng gâ̤ căi-ki̿, tê cì góng hă-sáing giăng-ce̿ng lâ̤, mōng Iă-Sú uā, Nì o̿ uòi da̿u nī-dī ta̿i nì bāing gua̿-mô̤ng-tê căi gâ̤ ciŭ?
- 18 Iă-Sú uā, Nì ko̤̿ sêng-dĭ da̿u mĕ nêng chio̤̿-di̿, iáu gṳ̀ yua, Síng-Sáing uā, Uòi gâ̤ sî-hē tău da̿u; uòi iáu hă-sáing hā nì chio̤̿-di̿, iè iŏ̤ng gua̿-mô̤ng-tê căi gâ̤ ciŭ.
- 19 Hă-sáing í Iă-Sú gáu-dō gṳ̀ gâ̤ dī ko̤̿ ca̿; ciū bāing gua̿-mô̤ng-tê căi gâ̤ ciŭ.
- 20 Da̿u o̤̿ng-bíng-ciĕ, Iă-Sú iáu sí-nī-ciă hă-sáing câi cō dŏ̤.
- 21 Dō̤-di̿ iè gâ̤ sî-hē, Iă-Sú ua, Uòi ì-cài iáu nì uā, Nì dĭ-bíng iŭ ciă nêng ŏ̤ nà uòi māi-tiāu.
- 22 Hă-sáing ciū cèng ki̿, ciă dú mōng Iă-Sú uā, Cṳ̆ sī uòi, ēng sī?
- 23 Iă-Sú a̿ing uā, Iáu uòi câi sṳ́ing siŭ hā bûing-di̿ dáing mî-dī iè , ciū-sī iŏ̤ng ciă nêng ŏ̤ māi uòi.
- 24 Cia̿u-diū se̿ng-géng gi̿-diū uā gṳ̀ gâ̤ dī, nêng gâ̤ Gṳ̆ing cŏng ŏ̤ gua̿-si̿: lâ̤-sī ŭ ciă māi gṳ̀ gâ̤ nêng iŭ huā da̿u iŏ̤ng nêng da̿u-bú-ṳ̆ mo̿ chṳ̆-si̿ ga̿ing hău.
- 25 Māi Iă-Sú gâ̤ Iŭ-duōi mōng gṳ̀ uā, Síng-Sáing, sī uòi ēng sī ? Iă-Sú uā, Cia̿ng-sī.
- 26 Dō̤-di̿ iè gâ̤ sî-hē, Iă-Sú nà-diū cì-tī biăng, uā do̿-ciā, iĕ-kṳé, bṳ́ing nă hă-sáing, uā, Nì dé ko̤̿ iè; iŏ̤ng sī uòi gâ̤ séng-tĭ.
- 27 Ĭ nà-diū cì-tē é, uā do̿-ciā, pŏng nă hă-sáing , uā , Nì dú niōng chṳĕ.
- 28 Iŏ̤ng sī uòi gâ̤ huăi, ciū-sī iŏ̤-diāng-gṳ́ gâ̤ dī gâ̤ huăi, ta̿i cèng cāi nêng lâu chṳ̆ lâ̤ cò ciu sia̿-dă̤-tiāu.
- 29 Uòi iáu nì uā, Giâ-gíng à ko̤̿ uòi ēng cuo̿i iè iŏ̤ng bŭ-dău gâ̤ cĭ, niōng dăing ŭ nì-ciĕ da̿u uòi Dá gŏ-di̿, uòi iáu nì iè séng bŭ-dău gâ̤ cĭ.
- 30 Chio̿ng-sí làu, Iă-Sú iáu hă-sáing chṳ̆ sêng ko̤̿ Gāng-lăng súing.
- 31 Iă-Sú ciū iáu hă-sáing uā, Géng-diáu o̤̿ng-mâng nì dú ŏ̤ uā uòi sī huōi nì iŭ gua̿-ngāi gâ̤ dī: éng-ṳē se̿ng-géng gi̿-diū uā, Uòi ŏ̤ mà ia̿ng-iông gâ̤ nêng, cì bó̤ng gâ̤ iông dú ŏ̤ su̿ing-tiāu.
- 32 Dăing uòi hŭ-sáng kĭ lâ̤, uòi ciū ŏ̤ da̿u nì tê-chîng ko̤̿ Gá-lī-lī .
- 33 Bĭ-dă̤ a̿ing gṳ̀ uā, Duōi-gá-nêng mŏng uā nì sī huōi gṳ̀ iŭ gua̿-ngāi, uòi ĕ̤ng-ṳ̆ing mài uā nì sī huōi uòi iŭ gua̿-ngāi.
- 34 Iă-Sú uā, Uòi ì-cài iáu nì uā, géng-diáu o̤̿ng-mâng, gái gu̿ ēng-năing ĕ, nì cŏng ŏ̤ sáng-lê̤ng ēng kăing nēng uòi.
- 35 Bĭ-dă̤ a̿ing uā, Uòi ciū-sī niōng iáu nì câi sĭ, dú ŏ̤ nēng nì . Biē gâ̤ hă-sáing iă dú sī iŏ̤ng-gă̤-sĭ uā.
- 36 Hē-mṳĕ Iă-Sú iáu hă-sáing da̿u cì-ciă sù-cài hăng ca̿ Kă-sái-mă-nĭ, Iă-Sú ciu iáu hă-sáing uā, Nì-huōi-nêng cō hā iŏ̤ng-di̿ , dăing uòi ko̤̿ ŭ-bíng gĭ-dău.
- 37 Ciū iáu-diū Bĭ-dă̤ gìng Sái-bĭ-tuo̿i gâ̤ liòng-ciă gṳ̆ing câi ko̤̿, Iă-Sú ciū ki̿ dă̤-hăing sióng-séng kĭ lâ̤,
- 38 Iáu gṳ̀ uā, Uòi séng-dĭ cèng ki̿, tău ki̿-sĭ: nì hā iŏ̤ng-di̿ dăing iáu uòi câi chíng-chăng.
- 39 Ciū giăng iòng ko̤̿ gĭ bū káu, pŭ hā diá-di̿, gĭ-dău, uā, Uòi Dá, lâ̤-sī ēng niōng bĕng uòi o̿ gâ̤, niōng bĕng nì o̿ gâ̤.
- 40 Ciū da̿u hă-sáing ŭ-di̿, chū-gi̿ng gṳ̀ mì-chĭ-diō̤, ciū iáu Bĭ-dă̤ uā, Nì gōng-ciōng mău-năing-ge̿ iáu uòi câi chíng-chăng cì-kă̤-cie̿?
- 41 Niōng chíng-chăng gĭ-dău, săng-dă̤ pōng-diō̤ chi̿ n gâ̤ dī nă gṳ̀ mî-ko̤̿-tiāu: séng-dĭ ì-cài sī gó̤ng-ngṳ̄ing, lâ̤-sī séng-tĭ cèng nṳ̆ing.
- 42 Iă-Sú di̿ nī lê̤ng ĭ ko̤̿ gĭ-dău, uā, Uòi Dá, uòi lâ̤ mài mĭng-tiāu iŏ̤ng cì é, cŏng niōng uòi chṳĕ, ciū niōng cia̿u-diū nì gâ̤ séng-i̿ ca̿.
- 43 Cuo̿i da̿u-tê lâ̤, ĭ chū-gi̿ng hă-sáing mì-chĭ-diō̤, éng-ṳē gṳ̀ mì-ciú cèng să̤ năng ēng kĭ lâ̤.
- 44 Ĭ giăng hă-sáing ŭ-di̿ ko̤̿, di̿ sáng lê̤ng gĭ-dău, uā gâ̤ dī iáu tê-chîng ĭ-búing.
- 45 Hē-mṳĕ ĭ da̿u hă-sáing ŭ-di̿, iáu gṳ̀ uā, Giâ-gíng nì mŏng úing-lò̤-lò̤-di̿ mì-chĭ: sî-hē tău da̿u, nêng gâ̤ Gṳ̆ing nă nêng māi da̿u cò-nêng gâ̤ siŭ-di̿.
- 38 Iáu gṳ̀ uā, Uòi séng-dĭ cèng ki̿, tău ki̿-sĭ: nì hā iŏ̤ng-di̿ dăing iáu uòi câi chíng-chăng.
- 39 Ciū giăng iòng ko̤̿ gĭ bū káu, pŭ hā diá-di̿, gĭ-dău, uā, Uòi Dá, lâ̤-sī ēng niōng bĕng uòi o̿ gâ̤, niōng bĕng nì o̿ gâ̤.
- 40 Ciū da̿u hă-sáing ŭ-di̿, chū-gi̿ng gṳ̀ mì-chĭ-diō̤, ciū iáu Bĭ-dă̤ uā, Nì gōng-ciōng mău-năing-ge̿ iáu uòi câi chíng-chăng cì-kă̤-cie̿?
- 41 Niōng chíng-chăng gĭ-dău, săng-dă̤ pōng-diō̤ chi̿ n gâ̤ dī nă gṳ̀ mî-ko̤̿-tiāu: séng-dĭ ì-cài sī gó̤ng-ngṳ̄ing, lâ̤-sī séng-tĭ cèng nṳ̆ing.
- 42 Iă-Sú di̿ nī lê̤ng ĭ ko̤̿ gĭ-dău, uā, Uòi Dá, uòi lâ̤ mài mĭng-tiāu iŏ̤ng cì é, cŏng niōng uòi chṳĕ, ciū niōng cia̿u-diū nì gâ̤ séng-i̿ ca̿.
- 43 Cuo̿i da̿u-tê lâ̤, ĭ chū-gi̿ng hă-sáing mì-chĭ-diō̤, éng-ṳē gṳ̀ mì-ciú cèng să̤ năng ēng kĭ lâ̤.
- 44 Ĭ giăng hă-sáing ŭ-di̿ ko̤̿, di̿ sáng lê̤ng gĭ-dău, uā gâ̤ dī iáu tê-chîng ĭ-búing.
- 45 Hē-mṳĕ ĭ da̿u hă-sáing ŭ-di̿, iáu gṳ̀ uā, Giâ-gíng nì mŏng úing-lò̤-lò̤-di̿ mì-chĭ: sî-hē tău da̿u, nêng gâ̤ Gṳ̆ing nă nêng māi da̿u cò-nêng gâ̤ siŭ-di̿.
- 46 Kĭ lâ̤, iáu uòi câi ko̤̿: māi uòi gâ̤ nêng chá-bŭ-dó̤ da̿u.
- 47 Dō̤-di̿ uā dī gâ̤ sî-hē, sí-nī-ciă hă-sáing dĭ-bíng gâ̤ Iŭ-duōi iáu-diū cèng cāi nêng nà-diū dáu, châu-tṳ̂, sī giăng duōi ci̿-sí iáu bă-sia̿ng dĭ-bíng gâ̤ chîng-bo̿ ŭ-di̿ lâ̤.
- 48 Ŭ ciă māi Iă-Sú gâ̤ nêng sáing nà cì-ciă o̤̿ng gi̿-nēng nă duōi-gá nêng, uā, Uòi iáu sū nêng mĭ-cṳ̆, ciū-sī gṳ̀ , nì niōng nà-diū gṳ̀.
- 49 Iú-duōi ciū lâ̤ Iă-Sú mīng-chîng, uā, Síng-Sáing, Chiăng-úing, iáu gṳ̀ mĭ-cṳ̆.
- 50 Iă-Sú iáu gṳ̀ uā, Băing-iŭ, nì lâ̤ ca̿ sū dī, ciū mŏng ca̿. Ŭ duói nêng ciū giăng-ce̿ng hā-siŭ nà-diū Iă-Sú.
- 51 Iáu Iă-Sú cì-dó, dĭ-bíng iŭ cì-ciă nêng sṳ́ing siŭ, nà dáu bí chṳ̆ lâ̤, mà dĕng duōi ci̿-sí gâ̤ nû-gĕ, uăi-tiāu gṳ̀ cì-ciă nèng-ciĕ.
- 52 Iă-Sú iáu gṳ̀ uā, Nà nì gâ̤ dáu chă hā sia̿u-di̿: éng-ṳē mău-lō̤ng sū-mū nêng nà dáu, dú ŏ̤ sĭ da̿u dáu à.
- 53 Nì ŏ̤-sī gō̤-siŏng uòi mău-năing-ge̿ giŭ uòi Dá, gṳ̀ iŏ̤ng-cì-sî iă ŏ̤ hăng sí-nī iâng lâing tíng ciōng să̤-chṳ̄ gâ̤ à lâ̤ bó̤ng-cha̿ing uòi?
- 54 Lâ̤-sī iŏ̤ng-gă̤-sĭ ca̿, ŭ se̿ng-géng gi̿-diū uā, cŏng niōng iŭ iŏ̤ng gâ̤ dī, gōng-ciōng ŏ̤ gi̿ng-hāu nī?
- 55 Iă-Sú ciū iáu ŭ duói nêng uā, Nì dé-diū dáu, châu-tṳ̂ chṳ̆ lâ̤ nà uòi su̿-siōng nà chā̤ ĭ-búing? Uòi nì-nì cō da̿u dāing-di̿ háu nêng, nì gu̿ ēng nà uòi.
- 56 Lâ̤ iŭ iŏ̤ng-gă̤-sĭ gâ̤ dī, dú sī niōng gi̿ng-hāu síng-dí sṳ́-di̿ gi̿-diū gâ̤ dī. Iŏ̤ng-cì-sî hă-sáing dú piĕ-tiāu Iă-Sú cĕ ko̤̿-tiāu.
- 57 Nà Iă-Sú gâ̤ nêng ciū duo̿i gṳ̀ ko̤̿ dĕng duōi ci̿-sí Gái-ngā-huă gâ̤ ngâ-mô̤ng, nāng-sṳ́ nêng iáu chîng-bo̿ dú cṳ̀ da̿u ŭ-di̿.
- 58 Bĭ-dă̤ dàu-dàu-di̿ gáing-diū Iă-Sú da̿u dĕng duōi ci̿-sí gâ̤ ngâ-mô̤ng-di̿ ko̤̿, iáu chái-ià câi cō, o̿ chū iŏ̤ng dī gōng-ciōng-di̿ lâ̤4u-mṳĕ.
- 59 Duōi ci̿-sí iáu tóng góng-hō gâ̤ nêng lāu nêng ca̿ gă gâ̤ gúing-ce̿ng ga̿u Iă-Sú, hău huōi-sĭ gṳ̀.
- 60 Ciū mŏng iŭ cèng cāi nêng lâ̤ ca̿ gă gâ̤ gúing-ce̿ng, dú mău cì-iōng gúing-ce̿ng ga̿u dă̤ gṳ̀. Hē-mṳĕ iŭ liōng-nêng lâ̤, uā,
- 61 Iŏ̤ng ciă nêng chîng-mâng uā-gua̿, Uòi iŭ-năing-ge̿ miè-tiāu Ciōng-Di̿ gâ̤ dāing, sáng góng-di̿ ĭ kṳé kĭ lâ̤.
- 62 Dĕng duōi ci̿-sí ciū gṳè kĭ lâ̤, mōng Iă-Sú uā, Nì dú mău dī a̿ing, iŏ̤ng nêng ca̿ gúing-ce̿ng ga̿u nì gâ̤ sī sū-mū dī?
- 63 Iă-Sú dú ēng ca̿ siáng. Dĕng duōi ci̿-sí ĭ iáu gṳ̀ uā, Uòi hăng nì da̿u ĕ̤ng-ṳ̆ing sáng gâ̤ Ciōng-Di̿ mīng-chîng ciū-chṳ̿ iáu uôi-huōi-nêng uā, nì sī Ciōng-Di̿ gâ̤ Gṳ̆ing Gí-Dŭ ēng sī?
- 64 Iă-Sú uā, Cia̿ng-sī: uòi ĭ iáu nì uā, Hē-lăi nì ŏ̤ chū-gi̿ng nêng gâ̤ Gṳ̆ing cō da̿u iŭ duo̿i gṳ̆ing-ba̿ng gâ̤ Ciōng-Di̿ iū-bíng, gi̿-diū tíng-ciōng gâ̤ ĕ̤ng lâ̤.
- 65 Dĕng duōi ci̿-sí ciū nà séng-dĭ gâ̤ í-ciông sí-liè-tiāu, uā, Gṳ̀ kăing uā lūing-gŭing cī chéng cī duo̿i gâ̤ dā, gu̿ niōng sū-mū biē gâ̤ gúing-ce̿ng nī? giâ-gíng nì-huōi-nêng dú tia̿ng-nī-gi̿ng gṳ̀ uā lūing-gŭing cī chéng cī duo̿i gâ̤ dī.
- 66 Nì-huōi-nêng sū-mū cṳ̆-i̿? Duōi-gá-nêng a̿ing uā, Gṳ̀ gâ̤ cò e̿ng-gái niōng sĭ.
- 67 Ciū tu̿-to̿ hā gṳ̀ mīng-găi, să̤ gṳ̂ing-tê mà gṳ̀: iă iŭ nêng să̤ bā-ciŏng mà gṳ̀, uā,
- 68 Gí-Dŭ à, nì mŏng gŭ gŭ hā: mà nì gâ̤ sī sū-mū nêng,
- 69 Bĭ-dă̤ cō da̿u duo̿i dŏ̤ng à di̿: iŭ cì-ciă năi-bŏ̤ lâ̤, iáu gṳ̀ uā, Nì iă sī iáu Gá-lī-lī Iă-Sú câi cì-bó̤ng gâ̤?
- 70 Bĭ-dă̤ hā duōi-gá-nêng mīng-chîng ēng kăing nēng, iáu gṳ̀ uā, Uòi ēng dă̤-dí nì uā sū dī.
- 71 Ciū chṳ̆ ko̤̿ da̿u mô̤ng-bíng ŭ-di̿, ĭ iŭ ciă năi-bŏ̤ chū-gi̿ng gṳ̀, ciū iáu ŭ-di̿ gâ̤ nêng uā, Iŏ̤ng nêng iă sī iáu Nà-să-là̤ nêng Iă-Sú câi cì-bó̤ng gâ̤.
- 72 Bĭ-dă̤ ĭ ēng kăing nēng, ciu̿-chṳ̿ uā, Uòi dú ēngdadi iŏ̤ng nêng.
- 73 Gua̿ cì-kă̤-cie̿ bíng-ha̿ing gṳè-diū gâ̤ nêng giăng-ce̿ng lâ̤ iáu Bĭ-dă̤ uā, Nì ì-cài sī gṳ̀ bì-bó̤ng gâ̤ nêng , tia̿ng-nī nì uā dī gâ̤ kióng-kĕ, ciū dă̤-dí.
- 74 Bĭ-dă̤ ciū ciu̿-chṳ̿ uā, Uòi dú ēng dă̤-dí iŏ̤ng nêng.
- 75 Bĭ-dă̤ ciū ciō̤3ng-kĭ Iă-Sú uā gâ̤ dī, Gái gū ēng-năing ĕ, nì cŏng ŏ̤ sáng-lê̤ng ēng kăing nēng uòi. Ciū chṳ̆ ko̤̿, sióng-séng-séng-di̿ tî.
← · Di̿ 25 Cióng · Di̿ 27 Cióng →
«Se̿ng-géng» gâ̤ mù-lṳ̀
