Se̿ng-géng/Mǎ-tuo̿i Hŭ-éng/24
Di̿ 24 Cióng
[edit]- 1 Iǎ-Sú giǎng dāing-di̿ chṳ̆ lâ̤, dō̤-di̿ giǎng gâ̤ sî-hē; hă-sáing giǎng-ce̿ng lâ̤, nà dāing-di̿ gâ̤ gáing-ga̿ bǐ nă Iǎ-Sú chū.
- 2 Iǎ-Sú ciū uā, Nì chū-gi̿ng dāing-di̿ iŏ̤ng duói mî-dī, uòi ì-cài iáu nì uā, Hē-lǎi mài diōng-diū cì-tī ciō̤ lō̤ da̿u ciō̤ ciōng-bíng dú ŏ̤ bǎing-tiāu.
- 3. Iǎ-sú da̿u Gāng-lǎng-súing-di̿ cō-diū, hǎ-sáing càng-càng-di̿ lâ̤ mōng gṳ̀ uā, Nì iáu uòi uā, iŏ̤ng-dī sū-mū sî-hē ŏ̤ da̿u? nì cuo̿i lâ̤ gâ̤ sî-hē iáu si̿-gáing gâ̤ sṳē-mṳě sáing iǔ sū-mū diàu-tê?
- 4. Iǎ-sú a̿ing gṳ̀ uā, Nì niōng siǎu-séng mo̿ nǎ nêng pi̿ng.
- 5. Éng-ṳē cèng cāi nêng ŏ̤ lâ̤ māu-nēng uòi gâ̤ miâng cù-cī uā, Uòi sī Gí-dǔ, pi̿ng cèng cāi nêng ko̤̿.
- 6. Nì hē-lǎi ŏ̤ tia̿ng-nī-gi̿ng mà-dio̿ng iáu mà-dio̿ng gâ̤ se̿ng-sǐ niōng siǎu-séng, ēng niōng giáng.iŏ̤ng-dī cǒng sī iǔ gâ̤, lâ̤-sī si̿-gáing gâ̤ sṳē-mṳě gu̿ ēng-giâng-dǎ̤.
- 7. Éng-ṳē iŏ̤ng-di̿ gâ̤ bǎ-sia̿ng ŏ̤ mà ǔ-di̿ gâ̤ bǎ-sia̿ng, iŏ̤ng cì gǒ ŏ̤ mà ǔ cì gǒ: gu̿ ŏ̤ mà gí-huáng, buǒi-ó̤ng, diá à ŏ̤ dòng kǐ lâ̤, mǔing-si̿-tī dú iǔ.
- 8. Iŏ̤ng dú sī duōi cuói-nūing gâ̤ kǐ-tê.
- 9. Ŭ sî-hē nêng ŏ̤ gáu nì ko̤̿ siū kūing iǎ ŏ̤ huōi-sǐ nì: nì éng-ṳē uòi gâ̤ miâng gu̿ ŏ̤ nǎ tóng-tíng-à gâ̤ bǎ-sia̿ng hāing.
- 10. Ŭ sî-hē cèng cāi gǎ nêng ŏ̤ uā sī huōi gṳ̀ iǔ gua̿-ngāi gṳ̀ so̿ng nì ko̤̿ gúing, nì so̿ng gṳ̀ ko̤̿ gúing; nì hāing gṳ̀, gṳ̀ hāing nì.
- 11. Iǎ iǔ cèng cāi gǎ síng-dí ŏ̤ chṳ̆ lâ̤, nà cèng cāi nêng pi̿ng ko̤̿-tiāu.
- 12. Éng-ṳē cò-ŏ̤ ga̿ing cāi kǐ lâ̤, cì duōi bu̿ing nêng gâ̤ o̿-séng ŏ̤ māing-māing-di̿ bi̿ng-tiāu.
- 13. Cǒng-lâ̤ cì-bǐ-dā̤ da̿u sṳē-mṳě dú géng-dǎ̤ mô̤-nāi, iŏ̤ng nêng ciū ŏ̤ dǎ̤ giù.
- 14. Tíng-gǒ iŏ̤ng hǎu gâ̤ se̿ng-sǐ cǒng ŏ̤ sáing dṳ̆ing da̿u tóng-tíng-à ca̿ gúing-ce̿ng nǎ tóng-tíng-à gâ̤ bǎ-sia̿ng dǎ̤-dí, da̿u ǔ sî-hē si̿-gáing gâ̤ sṳē-mṳě ciū ŏ̤ da̿u.
- 15. Nì chū-gi̿ng síng-dí Dàng-ì-lǐ tê-chîng uā-gua̿ ǔ ciǎ kŏ̤-ŏ̤, huōi nì gǒ bi̿ng ca̿ huáng-biâng gâ̤ mî-dī gṳè da̿u se̿ng gâ̤ sù-cài, (nāng iŏ̤ng cì gṳ̿ sṳ́ gâ̤ nêng niōng měng-bà̤ :)
- 16. Ŭ sî-hē da̿u iǔ-tuo̿i-di̿ diū gâ̤ nêng niōng cě hā súing-di̿ ko̤̿:
- 17. Nêng da̿u chio̤̿ ciōng-bíng ēng niōng à lâ̤ nà chio̤̿-di̿ gâ̤ mî-dī:
- 18. Nêng da̿u châing-di̿ ēng niōng chio̤̿-ko̤̿ nà í-ciông.
- 19. Da̿u ǔ nì-ciě iǔ-séng gâ̤ á-niông-nêng iáu liàng gṳ̆ing-ciě gâ̤ á-niông-nêng cèng kŏ̤-lǐng!
- 20. Nì niōng gǐ-dǎu sǎng-dǎ̤ nì cě gâ̤ sî-hē hō̤-diō̤ dóng-tíng, iáu úing-sǐ-nì:
- 21. Éng-ṳē ǔ sî-hē iǔ duōi cuói-nūing, giǎng kṳé-tíng bī-dī da̿u giâ-gíng dú mǎu iŏ̤ng-gǎ̤-sǐ gâ̤ cuói-nūing, hē-lǎi iǎ mǎu.
- 22. Lâ̤-sī ǔ nì-ciě ēng gǎng-tiāu mī-cie̿, ciū mǎu ciǎ nêng ŏ̤ dǎ̤ giù: éng-ṳē ǔ tǐ chṳ̆ lâ̤ gâ̤ bǎ-sia̿ng ǔ nì-ciě ciū ŏ̤ gǎng-tiāu mī-cie̿.
- 23. Ŭ sî-hē lâ̤ iǔ nêng iáu nì uā, Gí-dǔ da̿u iŏ̤ng-di̿, Gí-dǔ da̿u ǔ-di̿: nì ēng niōng- se̿ng.
- 24. Éng-ṳē ǔ gǎ Gí-dǔ, gǎ síng-dí ŏ̤ chṳ̆ lâ̤ hǐng duōi sěng-tóng cèng hí-gǐ gâ̤ dī: ciū-sī iǔ-nǎing-ge̿ pi̿ng ǔ tǐ chṳ̆ lâ̤ gâ̤ bǎ-sia̿ng iǎ ŏ̤ nǎ gṳ̀ pi̿ng ko̤̿.
- 25. Iŏ̤ng dī, giâ-gíng uòi sáing iáu nì uā.
- 26. Lâ̤ iǔ nêng iáu nì uā, Gí-dǔ da̿u ko̿ng-iǎ gâ̤ sù-cài; nì ēng niōng chṳ̆ ko̤̿; ǐ uā, Gí-dǔ da̿u mà̤-sǎ̤ gâ̤ chio̤̿-gáing; nì ēng niōng se̿ng.
- 27. Ciū su̿-siōng iāng-dáu giǎng dóng-bíng iāng kǐ, iāng da̿u sái-bíng; nêng gâ̤ Gṳ̆ing cuo̿i lâ̤ iǎ ŏ̤ iŏ̤ng-gǎ̤-sǐ.
- 28. Séng-chí mǎu-lō̤ng da̿u nī-di̿, iāu-éng iǎ ŏ̤ cṳ̀ da̿u nī-di̿.
- 29. Iŏ̤ng cuói-nūing cì gua̿-tiāu, mì-tê ciū ŏ̤ ú-o̤̿ng-tiāu, ngṳè iǎ mài guáng, sáing-siu̿ giǎng tíng ciōng lò̤ à lâ̤, ciū-sī tíng ciōng iǔ duōi cǒ-nǎing gâ̤ mî-dī iǎ ŏ̤ iâu-dòng kǐ lâ̤:
- 30. Ŭ sî-hē nêng gâ̤ gṳ̆ing gâ̤ diàu-tê ŏ̤ chṳ̆-hīng da̿u tíng cio̿ng: si̿-gáing gŏ̤ sia̿ng gâ̤ nêng dú ŏ̤ sióng-séng tî-kǔ, iǎ ŏ̤ chū-gi̿ng nêng gâ̤ gṳ̆ing iǔ duōi gṳ̆ing-ba̿ng duōi ĕ̤ng-iāu cō da̿u tíng ciōng gâ̤ ĕ̤ng-di̿ lâ̤.
- 31. Gṳ̀ ŏ̤ hǎng gṳ̀ sǎ̤-chṳ̿ gâ̤ chṳ̆ ko̤̿, chṳé hāu-dông, siáng-éng cèng duōi, nà tǐ chṳ̆ lâ̤ gâ̤ bǎ-sia̿ng giǎng dóng sái nâng bǎ̤ gâ̤, giǎng tíng iŏ̤ng cì bíng da̿u tíng ǔ cì bíng, dú iáu lâ̤ ca̿ cì-dó.
- 32. Nì niōng siǒng mǎu-huá-guǎ chiū bǐ-piān gâ̤ dī; chiū-kiá buǒi-chŏ̤ng, dō̤-di̿ sáng-niò̤ gâ̤ sî-hē, nì ciū dǎ̤-dí hā-tíng tǎu da̿u.
- 33. Iŏ̤ng-gǎ̤-sǐ nì chū-gi̿ng iŏ̤ng duói di̿, iǎ niōng dǎ̤-dí nêng gâ̤ gṳ̆ing tǎu da̿u, ciū da̿u mô̤ng-tê-di̿.
- 34. Uòi ì-cài iáu nì uā, iŏ̤ng cì-si̿ gâ̤ nêng gu̿ ēng-nǎing gua̿-tiāu, iŏ̤ng duói dī dú ŏ̤ gi̿ng-gua̿.
- 35. Tíng dī ŏ̤ hi̿-tiāu, uòi uā gâ̤ dī cǒng mài hi̿-tiāu.
- 36. Lâ̤-sī ǔ nì-ciě, ǔ sî-hē mǎu ciǎ nêng dǎ̤-dí, ciū-sū sǎ̤-chṳ̿ gâ̤ iǎ ēng dǎ̤-dí, Gṳ̆ing iǎ ēng dǎ̤-dí, cǒng-lâ̤ dǎ̤-dí.
- 37. Nêng gâ̤ Gṳ̆ing cuo̿i lâ̤ su̿-siōng Nŏ̤-ngā gâ̤ nì-ciě.
- 38. Éng-ṳē duōi-sṳ̆ ēng-nǎing da̿u, ǔ-cì-sî nêng dú sī iè lò̤, chṳě lò̤, chiǔ-chéng hó̤ng-ha̿, cì-dā̤ da̿u Nŏ̤-ngā nì si̿-gǔ ṳ̆ing gâ̤ nì-ciě.
- 39. Nêng gu̿ ēng dǎ̤-dí da̿u duōi-sṳ̆ sáng-bǔ-lěng-děng lâ̤, nà gṳ̀ dú lâu ko̤̿-tiāu: nêng gâ̤ Gṳ̆ing cuo̿i lâ̤ iǎ ŏ̤ iŏ̤ng-gǎ̤-sǐ.
- 40. Ŭ sî-hē iǔ liōng nêng da̿u châing-di̿, siú ko̤̿ cì-ciǎ, diōng-diū cì-ciǎ.
- 41. Iǔ liòng-ciǎ á-niông-nêng câi-câi mō̤ mî-dī, siú ko̤̿ cì-ciǎ, diōng-diū cì-ciǎ.
- 42. Gu̿-chu̿ nì niōng chíng-chǎng, éng-ṳē ēng dǎ̤-dí nì gâ̤ Cṳ̆ nī cì góng ŏ̤ da̿u.
- 43. Gá-cṳ̆ lâ̤ sáing dǎ̤-dí nī cì gáng iǔ chā̤ lâ̤; cǒng ŏ̤ chíng-chǎng, mài nǎ chā̤ mà-dōng nì gṳ̀ chio̤̿-di̿ lâ̤; iŏ̤ng sī nì dǎ̤-dí gâ̤.
- 44. Gu̿-chu̿ nì iǎ niōng ṳ̄-bī hǎu: éng-ṳē nì siǒng ēng diō̤ gâ̤ sî-hē nêng gâ̤ Gṳ̆ṳ̆ng ciū lâ̤.
- 45. Sū-mū nêng sī dé̤ng-séng ǐ chóng-měng gâ̤ nû-gě, gá-cṳ̆ pa̿i gṳ̀ gǔing chio̤̿-di̿ gâ̤ nû-gě, cia̿u-diū sî-hē bṳ́ing mî-dī nǎ gṳ̀ iè.
- 46 Cṳ̆-nêng chio̤̿ lâ̤ chū-gi̿ng gṳ̀ iŏ̤ng-gǎ̤-sǐ ca̿, ǔ ciǎ nû-gě ciū iǔ hǔ-ki̿.
- 47. Uòi ì-cài iáu nì uā, cṳ̆-nêng ŏ̤ nà gṳ̀ lǒng-cǒng iǔ gâ̤ mî-dī dú pa̿i ǔ ciǎ nû-gě gǔing-lǐ.
- 48. Lâ̤-sī ǔ ciǎ làing gâ̤ nû-gě séng-di̿ gō̤-uā, uòi cṳ̆-nêng cì-hā mài lâ̤.
- 49. Iŏ̤ng-cì-sî ciū mà gṳ̀ gōng bó̤ng gâ̤ nû-gě, iáu iè-ciǔ-cṳ̆ gâ̤ nêng câi iè.
- 50. Da̿u gṳ̀ siǒng ēng diō̤ gâ̤ nì-ciě, ēng dǎ̤-dí gâ̤ sî-hē, ǔ nû-gě gâ̤ cṳ̌-nêng ciū lâ̤,
- 51. Giǎng iŏ̤ng cì-bó̤ng nû-gě-di̿ nà gṳ̀ dāi-tiāu, hǎng gṳ̀ ko̤̿ iáu gǎ-hǎu gâ̤ nêng câi-câi siū hěng : da̿u ǔ-di̿ iǔ gàu-ngâ chiě-chǐ-di̿ tî-kǔ.