Scolté, se vorì rid, che ve vûj dì

by Fabio Varese

V.

Scolté, se vorì rid, che ve vûj dì

 

Scolté, se vorì rid, che ve vûj dì
coss'ha fá ona fantesca forscellú,
ch'in verità ghe scarparevv el cú
a sta bolsgia s' l'havess a fà con mì.

L'heva on moros in legg fin l'olter dì,
anz l'oltra nogg al tacconava sù
ona robetta a dill da dagh del vù
per no menass el cazz com' fó mò mì.

Che fala sta fantesca bolgirona
che ved che quel moros è on pó poltron?
Ghe ven compassion, quella coiona,

e s' va a tû on scoldalegg pien de carbon
par scoldagh i calcagn, e sta poltrona
la ghe cascé sù '1 fûgh ind i coion,

e s' le scottè de bon,
utrum demm dì: che le trattass costù
da bolgiron desziferé mò vù.