Salme I. Beatus vir qui non abiit.
Salme I.
Beatus vir qui non abiit.
Ben-hurous es fort grandomen aquel
Qu'an lous mayssans n'es anat al coussel,
Et que n'amuzo al cami dels pequayres,
Ni nou se séy sur lou banc dels mouquayres;
Mas qu'en soun cor el a nostre Seignhour
Et li soube d'y pensa néch et jour.
Un tal sera coum'un grand albre viou
Plantat al pé de qualque fort bel riou
Et que soun fruch el porto en sa culido,
Delqual sa ramo on nou vey pas blasido.
Un home tal hurous el sera fort
Et soun labour vendra tout à boun port.
Mas lous mayssans un tal grand bé n'aüran,
Car à la pailho elis ressemblaran,
Qu'es fort menudo et qu'el ven la neporto.
Els et lour fach vendran d'aquelo sorto.
Al jutgiomen lous reproubats traydous
Nou seran pas mesclats demest lous bous.
Car lou boun Diou toutis lous bouns el vech
Et li soube de lour garda lou drech,
Et lour dara per tout-jour recoumpenso;
Mas el n'aüra bouci de soubenenso
Dels que nou van lou cami drech de Diou,
Els et lour fach vendran en perdissiou.
A touts mous amix
Mous bous amix qu'étz en aqueste rialme,
Se vous troubatz qu'aqueste poulit salme
Sio pla fiquat en lenguo d'Albiges,
Un aütre cop en d'aquest'sot lengatge,
Se Diou o vol, ne metréy dabantatge;
Mas pel presen ieü nou gaüsabo ges.