Sì, che biele tu ses, e biele tant

by Ermes di Colloredo

Sì, che biele tu ses, e biele tant  (1828)  by Ermes di Colloredo

Poesie scelte edite ed inedite in dialetto friulano

Loda la bellezza di Polimia

SONETTO

Sì, che biele tu ses, e biele tant,
Che apene il cil a' ti fàs quintripont:
Se il cil di stelis recamat ha il mant,
Astris plui biei a te splendin in front.

Se in cil sponte il soreli, e dal levant
Luminòs si àlze a no' da l' orizont,
Dà la to gran beltat splendor plui grant
Tu soreli de tiare, albe dal mont.

Se mostre la vie latee il cil seren,
Fra il lateo cu disting doi montesei,
Plui candide la mostre il to biel sen.

Corit dug par stupor umin e Dei,
E amirarès in fazze dal miò ben
Epilogaz dug i planez plui biei.