Rosis e spinis
Rosis e spinis
Avrîl. Ciàntin lis òdulis
svolant su la campagne verduline
e fra i morars si cùchile,
sblancizade di nêv, la mont Cianine.
Al vintisel c’al sofle 5
viodis-tu i prâs smarîsi di colôr?
E sui fii del telegrafo
sintis-tu ce sunsûr, ce businôr?
Frutine me, ce cialis-tu
tant in che cise? Qualchi viole? Un nît? 10
Ah, distacà tu vuèlis
cu la manute chel ramàz sflorît !
E tirant tu lu crevis
e di rosutis jù ‘ne neveade:
tu ridis fra li lagrimis, 15
ché tu às la conole insanganade.
Frutine me, tu imparis
che rude contentezze il nestri stât
non d’à. No màncin spinis
nance a lis rosis de to biele etât. 20
ENRICO FRUCH (1873-1932)