Respekt před mócnymi abo Stary a młody pudl

nadpis	Respekt před mócnymi abo Stary a młody pudl
awtor	Jan Bartko
lěto
žórło	www.obrys-kmen.cz
licenca	public domain

"Praj mi, što to do muža,
zo so před nim pokorja
cyła česna psyčina?
Je snadź wjele wučeny
abo jara pobožny,
ludej k zbožu dźělawy?"
Młody pudl stareho
wćipny takle praša so.
"Ně, mój syno," wotmołwi
stary pudl mudriši.
"Wón nas w swojej mocy ma
a kaž wjelk wšěch roztorha,
kiž wšu česć mu njedadźa."

Tak wšo wije z wopušu,
štož ma psyču wutrobu.