Regalín benditu

by Daniel Albuerne Cobas

Regalín benditu  (1925)  by Daniel Albuerne Cobas

La neña galana
Que vió la mió pena,
Sacó 'l pañolucu
D' azul maja seda
D' entrás de la chambra
Currina como ella...;
Llimpió selemente
Dos llágrimas tienras
Que 'escurro blincaron
Del so cor manteiga
Tan grandis... tan gordas...
Que xuro ' n concencia
Que non cupiés una
Por una ' scudiella...;
Miróm' estelada
Igual q' una oveya
Qu' al ver los relámpados
Allá pe la 'sfera
Goyaes tres goyaes
Llanciar á la tierra,
Mimosa llevanta
'N entós la cabeza
Y al cielu 'naliza
Y é nello ' mpapiella,
Y aquelos versinos
Purriéndom' apriesa
Falóme dolcina
Con tienra voz trémola:
Vusté, cabayeru,
¿ Cantor ye ?... respuenda...;
-Non séi, estrellina...
Non séi que soy, reina...
Ma séi que miós ansias
Son ansias eternas,
Q' un gran fuebu' strañu
La ' ntraña me queima...
Que suaño 'n cosines
Que non hay na tierra...
Que siento perfondo,..
Que son miós querencias
Regalos y llirios...
Fontanas y estrellas...
Auroras guapinas...
Xilgueiros y selvas...
Non séi qué soy, maja...
¡ Non séi qué soy, ea ! ...
... ¡ Ay, tristi del tristi
Que nestas danceras
Erranti pel mundo
Lo mesmo que fueya
Qu' emburria 'I chubascu
Y el airi con juerza,
Y arriba y abaxo
Lloriada va y seca,
Nin so Edén algama
De IIúcidas pelras
Nin dolce sosiegu
Mal diañu si alcuentra ! ...
... Cabantes, recoime
De yo dicir estas
Palabras tristayu
Con murria tremenda...
La virxen guapina,
La virxen melguera,
Llegóse permansa
Pa xunt´ á mió vera,
Llanció un sospirucu
Suavino……muy queda……
Y en auto siguió
Cautiva la neña...
¡ Non pudo per menos !……
( ¡ Qué neña más güena !.. )
Golvió so carina
Com' un' azocena
Y al par de la miya,
Poniéndol ' apriesa,
Sin yo cuinta dame ..
Mió frenti, ¡ rediezla !
Sintió les caricies
De sos llabios fresa...
De sos llabios grana
'Mapola y cereza...
Y al besu sonoru
De Fillis la bella
Malvís canturreru
Soltó con fachenda
La cántiga rica
Pe la carbayera...
Y allá pel oriente
¡ Salió tres la peña
La lluna blanquina
Riyendo á la veiga !...