Rdzogs pa rang byung chen po'i rgyud

From Wikisource
Jump to navigation Jump to search

@1
236
bod skad du
sku thams cad kyi snang ba ston pa
dbang rdzogs pa rang byung chen po'i rgyud ces bya ba
bcom ldan 'das dbang thams cad kyi bdag nyid pad ma he ru ka la phyag 'tshal lo
'di skad bdag gis bstan pa'i dus gcig na
rig pa'i snang ba yongs su gsal ba'i gzhal yas na
rig pa'i rtsal gyi dbang gi mnga' bdag des
'di skad ces bstan to
snang ba'i rig pa khyad par can kun tu snang ba rnams nyon cig
rig pa'i gnas lugs 'gags pa med pa'i dbang bya ba rgyun du spyod pa'i dbang
237
'das pa rjes su bzung ba'i dbang
ma 'ongs gnad la 'gel ba'i dbang
da lta smin par byed pa'i dbang
ma rdzogs rdzogs par byed pa'i dbang
thams cad bzlog par byed pa'i dbang
gso byed yo byad nyid kyi dbang
'du byed ro langs gser bsgyur dbang
thal byed ro bsreg 'khor lo'i dbang
sgrub byed ral gri mtshon cha'i dbang
smin byed sdom pa rnam bzhi'i dbang
thams cad dbang gi 'khor lor bstan pa'o
'di skad bdag gis thos pa'i dus gcig na
rang rig bhan dha 'bar ba'i gzhal yas nas
238
bcom ldan 'das dbang thams cad kyi bdag nyid
pad ma ke ru ka zhes bya ba bzhugs te
de yang bcom ldan 'das de nyid dbu gsum pa phyag drug pa
zhags bzhi bgrad pa
sku la dur khrod kyi rgyan sna tshogs kyis brgyan pa
glang chen gyi pags pa dang
klu rigs bzhis dbu dang yan lag brgyan pa
zhing chen dang rin po che'i rgyan sna tshogs kyis brgyan pa
bskal pa'i me ri sna tshogs sku las 'phro ba
phyag na mtshon cha gar yang ma nges pa bsnams pa
zhabs re re la lcags kyi rta rmig gsum gsum byung ba
dbu re re la rta mgo ljang zhur re re rta skad phyogs bcur sgrogs pa
zhal nas pad ma ta tri ta kyi sgra sgrogs pa
dbang thams cad kyi de bzhin nyid 'gro ba yongs la bskur ba
sku mdog leb rgan dbang gi dkyil 'khor rdzogs pa
zhabs kyi 'og tu ta kri ta khro bo chen po brgyad po brdzis pa
lte ba na rta mgrin dmar po zhal gcig phyag gnyis pa
thugs ka na gsang ba'i bdag po phyag na rdo rje sku mdog sngon po
zhal gcig phyag gnyis pa
g.yas rdo rje tshangs pa'i 'jig rten du gsor zhing
g.yon sdigs mdzub dang zhags pa bsdams pa
239
dpung par hum kar dkar po zhal gcig phyag gnyis pa
g.yas na gsod pa'i sta re phyar ba
g.yon na phur pa 'dril ba'o
rta mgo'i steng na rdo rje sems dpa' dkar po
g.yas rdo rje rtse dgu thugs kar 'dzin pa
g.yon dril bu dku la brten pa'o
de lta bu'i bcom ldan 'das de la
'khor dpag tu med pa'i tshogs 'di lta ste
pad ma he ru ka la sogs rigs kyi khro bo lnga dang
yum kro dhi shwa ri ma dang
rdo rje sems dpa' dang
rnam par snang mdzad dang
rin chen 'byung ldan dang
snang ba mtha' yas dang
don yod grub pa dang
sangs rgyas spyan ma dang
ma ma ki dang
gos dkar mo dang
dam tshig sgrol ma dang
nam mkha' dbyings phyug ma dang
rdo rje'i rdo rje dang
rdo rje las dang
rdo rje chos dang
rdo rje rnon po dang
rdo rje ral gri dang
rdo rje be con dang
rdo rje thob dang
rdo rje me tri'o
'joms ma reg dang
'joms ma yid dang
'joms ma dri dang
'joms ma ro dang
'joms ma dus dang
'joms ma chen mo 'byung ba lnga dang
'joms ma chen mo snang ba ma'o
240
lha dbang dang
mi dbang dang
lha ma yin gyi dbang po dang
byol song gi dbang po dang
yi dwags kyi dbang po dang
dmyal ba'i dbang po chen po dang
'bras bu snang ba'i ston pa chen po'o
de bzhin gshegs pa'i rigs kyi mkha' 'gro ma dang
rdo rje'i rigs dang
rin po che'i rigs dang
pad ma'i rigs dang
las kyi rigs dang
dbyings kyi rigs dang
ye shes kyi rigs dang
las kyi rigs dang
sha za'i rigs dang
khrag 'thung gi rigs dang
rus pa mur ba'i rigs dang
mkha' 'gro dang
shugs 'gro dang
stobs 'gro dang
rdzu 'phrul gyis 'gro ba dang
thabs kyis 'gro ba dang
snang ba zhon nas 'gro ba dang
'byung ba la zhon nas 'gro ba dang
skad kyis 'gro ba dang
dus bzhi la 'gro ba'o
sa brgyad pa la gnas pa dang
dgu pa la gnas pa dang
bcu pa la gnas pa'i 'khor ro
klu'i rgyal po dga' bo dang
'jog po dang
mtha' yas dang
dung skyong la sogs pa'o
phyag na rdo rje dang
rta mgrin dang
gshin rje gshed dang
'jam dpal dang
phyag rdor zhi ba dang
241
spyan ras gzigs dang
rigs kyi khro bo bsam gyis mi khyab pa'o
grul bum gyi rgyal po dang
mi'am ci'i rgyal po dang
lto 'phye'i rgyal po dang
lha ma yin gyi rgyal po dang
dri za'i rgyal po dang
'byung po thams cad kyi rgyal po dang
sha za'i rgyal po dang
yi dwags kyi rgyal po dang
sa la gnas pa dang
chu la gnas pa dang
rlung la gnas pa dang
me la gnas pa dang
nam mkha' la gnas pa'i 'khor bsam gyis mi khyab pas bskor ba'o
de nas bcom ldan 'das dpal chen po de nyid dregs pa can thams cad dbang du sdud pa zhes bya ba'i ting nge 'dzin la snyoms par zhugs so
de nas 'khor dpag tu med pa'i rigs rnams dang
thabs cig tu bzhugs so
zhes rdzogs pa rang byung chen po'i rgyud las
gleng gzhi'i le'u ste dang po'o
@2
rgya gar skad du
sar ba sin dhu hu kar ya seng na ma
bod skad du
khrus thams cad kyi lung zhes bya ba
bcom ldan 'das dpal rdo rje sems dpa' la phyag 'tshal lo
de nas 'khor de rnams kyi nang nas
gsang ba'i bdag nyid rdo rje rnam 'joms kyis 'di skad ces gsol to
242
kye kye bcom ldan dbang gi bdag
khams gsum 'khor ba'i sems can la
rnam rtog dri ma bsam yas pas
sgrib pa rnam pa gnyis sbyangs pa'i
thabs chen mtshon pa'i yan lag dang
sems can dri ma can dag gi
rtogs pa sbyangs pa'i khrus chen dang
khrus kyi sgrub pa gsung du gsol
de nas pad ma he ru kas
rnam 'joms nyid la bka' stsal pa
kye ma rdo rje rnam 'joms nyon
ngas bstan legs par yid la zung
khrus kyis rnam rtog spyod byed na
shin tu dben pa'i gnas dag tu
phyi mtshams tshul bzhin bya ba dang
spyi bshags la sogs rab tu bya
de nas skyil 'khor 'dom gang la
ba yi rnam lngas sbyang bar bya
tsan dan la sogs dri zhim pos
chag chag rab tu btab nas ni
thig ni gzhung dang mthun pa ste
shin tu rgyas par gdab bya ste
de nas tshon sna lnga yang dgye
dbus ni zlum po'i pho brang du
pad ma mdzes pa 'dab brgyad bri
pad ma'i lte ba sngon pos bkang
'dab ma rnams ni mdzes tshon no
de yi phyi rol gru bzhi ste
sgo dang bcas pa dag tu bri
243
gru chad ljang gu mdzes pa ste
sgo rnams rigs dang 'dra ba'o
sgo yi mtha' ma zlum po ste
rdo rje'i ra bar bcas pa bri
zlum po'i kha dog dmar po bya
bar khyams nag po dag tu bya
de nas dkyil 'khor de nyid la
rdzas ni 'di ltar dgod par bya
pad ma'i lte ba'i dkyil dag tu
bum pa mdzes pa gcig bzhag ste
tshon skud lnga yi gzung thag gdags
pad ma'i 'dab ma re re la
lha bshos re re gzhag par bya
dkyil 'khor phyogs mtshams brgyad nyid du
phur pa bcu la khro bo'i sngags
phyogs bcu nyid du rab tu bkod
phyogs skyong bcu la gtor ma bcu
yi dwags 'byung po'i gtor ma dang
rigs drug rnams la gtor ma gcig
chos skyong 'khor dang bcas pa dang
ma mo rnams la gtor ma gcig
dbus su dpal gyi gtor ma bca'
sgo bzhir ral gri bzhi yang gzug
gru bzhir 'dab bzhir me long bzhi
dar sna dag kyang gdags par bya
khrus chu'i bum pa gcig ni gru chad de
bum pa de dag rnams la yang
sman gyi yo byad sna tshogs dang
ka ra bu ram la sogs dang
244
gser dang man shel nor bu dang
rin chen sna lnga ci snyed dang
rgya mtsho'i tshwa dang lan tshwa dang
tshwa sna ci snyed yod pa dang
spos dang tsan dan gla rtsi dang
dri zhim pa yi spos rnams dang
mar dang sha dang ro zhim dang
'bras dang nas dang 'bru rnams dang
shing thog la sogs 'bras bu rnams
bum pa dag gi snying por gsungs
ras dkar dri med gtsang ma yis
mgul chings dag ni bya bar gsungs
de nas dkyil 'khor de nyid la
ras dkar mdzes pas gdugs su bya
yungs kar sa lu ljang pa yis
bum pa'i kha rgyan bya bar gsungs
de nas bcom ldan dbang chen la
rnam 'joms nyid kyis yang zhus pa
kye kye bcom ldan dbang chen sku
dkyil 'khor rdzas nyid de ltar na
sgom thabs mchod pa'i rim pa gsungs
bcom ldan pad ma he ru kas
rdo rje khro bo de nyid la
stobs ldan nyid kyis bka' stsal pa
kye ma nyon cig rnam par 'joms
sgrub pa chen po de nyid la
'jug dus tshes chen bco lnga la
bsgrub pa'i zhag grangs rab ni bdun
'bring po zhag lnga tha ma gsum
de ltar bsgrub pa byed pa'i tshe
245
dang po dbang gi bro brdung zhing
de tshe rnal 'byor chen po rnams
bsgom pa'i rim pa 'di lta ste
pad ma dbang gi dkyil 'khor rnams
skad cig tsam la rab tu bskyed
dbus su pad ma he ru ka
dbu gsum phyag drug zhabs bzhi ste
g.yas kyi zhal ni ljang gu ste
g.yon ni sngo la dbus ni dmar
phyag drug g.yas kyi dang po na
dgra sdwa bsnams shing skye rtsa gcod
'og ma gnyis kyi phyag mtshan ni
mdung thung ral gri bsnams pa'o
g.yon pa gsum gyi phyag mtshan ni
bam dbyug thod pa sdigs mdzub ste
dbu yi steng na rtam go gsum
rta skad sgrogs shing dbang skad 'tsher
me ri sna tshogs 'phro ba'i me
de lta bu yi dbang chen nyid
bdag nyid thugs ka'i dkyil 'khor du
yi ge hri nyid dmar po bsam
de nyid 'od du zhu ba dang
bdag nyid pad ma dbang du bskyed
de nas hri hri zhes brjod pas
bdag nyid steng du chad par bsam
de nas rta mgo gsum du bsam
de nas ba dzra hri zhes brjod
de nyid 'od du zhu ba dang
bdag nyid dpal chen mdun dag tu
rdo rje rnam 'joms bsgom pa'o
246
de nyid sku mdog phyag mtshan ni
zhal gcig phyag gnyis sku mdog sngo
g.yas pas bum pa dkar po bsnams
rdo rje rgya gram bum pa'i kha nyid bcad pa'o
g.yon pas sdigs mdzub phur pa 'dril
klu dbang rigs bzhis sku la brgyan pa'o
de ltar gsal bar bsgom pa dang
bsnyen pa gtso bo'i sngags 'di brjod
om pad ma nat kri ta ba dzra kro dha ha ya gri ba hum hri
sngags de brgya rtsa brgyad brjod pas
rnam 'joms sku ni grangs med bsam
rdo rje rnam 'joms de dag gi
thugs ka'i yi ge sa bon las
khrus kyi lha mo grangs med bsam
stong gsum thams cad khengs par bsam
khrus kyi lha mo de dag ni
sku mdog dkar mo 'od zer can
g.yas pa rnams ni bum pa ste
g.yon pa rnams ni sdigs mdzub po
de nas bcom ldan bde chen des
rnam 'joms nyid la lung bstan pa
kye ma rdo rje rnam 'joms nyon
gsang sngags khrus kyi sgrib sbyang sngags
khyod kyis 'dus pa'i tshogs la smros
de nas rnam 'joms de nyid kyis
gsang sngags khrus kyi tshig 'di smras
247
na ma tsan da ba dzra kro dha ya hu lu hu lu hum phat
de skad sngags de lan nyer gcig
brjod cing bcom ldan dbang nyid bsam
de las 'od zer rab 'phros pas
khams gsum rgyud drug sems can gyi
rnam rtog sgrib pa sbyangs par bsam
de nas khrus kyi lha mo rnams
gsal ba 'od dang ldan gyur nas
bdud rtsi'i bum pa de dag gis
nang nas bdud rtsi'i chu rgyun babs
de nyid stong gsum khyab pa las
bdag dang mtha' yas sems can gyi
sdug bsngal thams cad med pa dang
sgrib pa thams cad bkrus par bsam
phyi dang nang gi nang rnams kyang
lha mo de dag thams cad kyis
bdud rtsi'i chu yis bkrus par bsam
rgyun du de ltar bsam bzhin du
spyi chog gzhung dang mthun par bya
rgyun du bgrangs pa'i sngags 'di'o
om ba dzra tsan da sar ba a shu dha ram ya
sar ba pa pam bi sho dha ram ram kham ram ram
ba dzra tsan da ram ram
de ni rgyun 'bul dag tu bzlas
de nas bsgrub pa'i tha ma la
rigs kyi slob ma de dag la
dbus kyi bum pas dbang bskur bya
khrus kyi bum pas khrus nyid bya
gtso bo'i bum pa de nyid du
248
dpal chen de nyid sku bstan pa
slob bu'i spyi gtsug dag tu bzhag
'og ma'i sngags 'di nyid lan bdun brjod
de nas rdo rje slob dpon des
che ba'i glu 'di rab tu blangs
hum bdud rtsi dag pa'i ye shes sku
chos nyid mkha' mnyam ye shes bum
rnam rtog kun sbyong ye shes chu
rig pa 'od gsal snying por bcas
mkha' gsang mnyam sbyor lan tshwa'i ro
rnam dag dri med bcud len sman
'dod yon las grub rin po che
rin chen 'od 'bar dir zhim spes
gso byed rdo rje 'o ma'i chu
'dod pa tshim byed 'bras bu dang
bsnyen 'dril thugs rje'i dar dpyad dang
'bras bu bcud kyis gtams pa yi
chos nyid mnyam pa'i bum pa yis
skal ldan 'di la dbang bskur bas
chos nyid rang stobs rnyed nas kyang
dbang chen sku dang ldan par shog
om ma ha ka la sha sin dha ba dzra hum
de nas khrus kyi bum pa yis
slob ma de la khrus byas te
spyi gtsug dag tu bzhag la yang
sngags ni 'og ma lan bdun brjod
de nas khrus kyi bum pa des
rnam 'joms nyid du gsal bar bsgom
249
de nas rdo rje slob dpon des
che ba'i glu 'di brjod par bya
rnam dag dri med ye shes chus
bkrus pas rnam rtog sdug bsngal bral
rnam rtog dri ma las sbyongs shing
sangs rgyas zhing khams rab 'byams kyi
ye shes chu rgyun babs nas ni
khyod kyi rnam rtog byang gyur nas
phyi dang nang gi sdug bsngal rnams
thams cad zhi bar gyur nas kyang
ye shes snang ba gsal bar ston
dag pa'i ye shes bdud rtsi 'dis
dri ma'i skyon rnams byang ba dang
mi gtsang la sogs nyams pa kun
shel sgong lta bur gyur nas ni
rnam 'joms nyid kyi sku gsung thugs
rigs kyi bu la rdzogs par shog
om tsan da ba dzra kro dha ka ya hum hum hri
de nas gtor mas dbang bskur bya
gtor ma gong zhing dkyil 'khor bsdu
zhes rdzogs pa rang byung chen po'i rgyud las
khrus kyi le'u ste gnyis pa'o
@3
rgya gar skad du
ma ha su ka sa pi ya dur na ma
bod skad du
gshin gyi gnas lung chen mo zhes bya ba
bcom ldan 'das dpal mnyam pa'i rgyal po la phyag 'tshal lo
250
de nas bcom ldan 'das dpal pad ma'i rgyal po de nyid kyis
sems can tshe 'das pa'i sems
rig pa ngo sprad pa'i cho ga dang
rigs drug nas drangs shing lam stong pa 'di gsungs so
phyogs bcu na gnas pa'i lha dang
klu dang
lha ma yin dang
mi dang
byang chub sems dpa'i 'khor rnams la rab tu bos te 'di gsungs so
kye 'dus pa'i tshogs phal cher nga la nyon cig
sems can thams cad sdug bsngal la chags shing
sdug bsngal la spyod pa'o
tshe 'das pa'i sdug bsngal dang
rnam rtog sbyong ba'i phyir
ngas tshe 'das pa bar do las 'das pa'i lam du lung bstan pa 'di bstan gyis
legs par nyon cig ces gsungs pas
de nas 'khor rnams rab tu dga' ste 'di skad brjod do
e ma ho
legs so bdag cag rnams kyi legs par bzung
dpa' bo chen pos bka' stsol cig
de nas dbang chen de nyid kyis
nye ba'i 'khor la bka' stsal pa
kye kye 'dus pa'i 'khor tshogs nyon
gnas kyi cho ga chen mo ni
nga yis legs par bshad par bya
sems can las kyis mnar ba yi
251
dbang po rab 'bring tha ma gsum
shin tu rgyas pa 'di lta ste
dbang po nyi shu rtsa gcig go
yang gsol pa
sems can las kyi mnar de yi
bar do'i gnas lugs ci ltar lags
rdo rje 'chang gis bka' stsal pa
sems can kun gyi lam chen ni
bar do'i snang ba chen po yin
rnam pa bzhi ru nga yis gsungs
rang bzhin gnas pa'i bar do dang
chos nyid rang snang bar do dang
rmi lam 'dzin pa'i bar do dang
srid pa 'khyams byed bar do'o
rang bzhin gnas pa'i bar do la
chos nyid gsang ba'i don rtogs nas
gang la ma chags shes rab pha rol phyin
de nas lus 'di bor ba dang
chos nyid rang snang bar do la
gnyis su med par gnas nas ni
zhag ni rnam bdun sdong par nges
de tshe sems can chen po de
chos nyid ma la rab gnas te
sems dang rig pa'i ye shes gnyis
zhag bdun bar du rab tu bral
chos nyid rang yul mthong ba'i phyir
de nas zhag bdun lon pa dang
sems kyi sa bon langs pa dang
lhun grub chen po rab 'das nas
252
rmi lam bar do chen por 'gro
de tshe sngon gyi bag chags dran
de tshe gnas kyi cho ga gsungs
gnas kyi cho ga chen po rnams
phyag rgya 'khor los mtshams gcad bya
de nas bu dha he ru kas
dbang chen nyid la don zhus pa
kye ma dpa' bo dbang gi bdag
gnas lung chen po bsgrub pa yi
dkyil 'khor cho ga gsung du gsol
de nas dbang chen de nyid kyis
zhus pa'i tshig 'di bka' stsal pa
gnas lung bsgrub pa 'di lta ste
tshe 'das lus brjes gnas de ru
dkyil 'khor 'dom gang gru bzhi ste
dri sna gsum gyis chag chag gdab
de nas tshon thig byin gyis brlab
bcu drug thig dang ldan byas la
de nas mtshon nyid rab tu dgye par bya
pho brang gru bzhir ldan pa la
tshon rtsi mthing ga ngag gis dgang
phyi rim zlum po dag tu gsungs
rdo rje'i ra bar bcas pa bri bya zhing
pho brang bsnol ma'i bar dag ni
dmar po dag gis rab tu bkang
de yi phyi rim gru bzhi ste
sgo dang bcas pa rab tu bshad
sgo ni rigs dang mthun pa la
bar khyams sngon po dag tu bya
253
gru chad ljang gu mdzes pa'o
de yi phyi rim zam por gsungs
zla gam bzhi ni dmar po'o
kye ma bcom ldan dbang gi bdag
gsang ba'i dkyil 'khor de nyid la
mngon pa'i rdzas ni ji ltar lags
dpal chen khyod kyis bka' stsol cig
gsang ba'i dkyil 'khor de nyid la
dbus kyi pho brang steng dag tu
bum pa mdzes pa gcig bzhag ste
ras dkar gtsang mas mgul chings bya
nang du chu gtsang dag gis dgang
kha rgyan ci 'byor dag gis bya
shar phyogs dag tu gtor ma gcig
rak ta bdud rtsis bran la bzhag
lha phyogs gtor ma phud kyis bran
num byi rak ta dag gis bran
byang du bdud rtsi'i dri chus bran
byang shar mtshams su lan chags gtor
sha sna chogs tshad dag dang ni
dkar gsum mngar gsum la sogs dang
nya sha dag dang sgong dang
khur ba la sogs bras sna rnams
ci 'byor pa yis gtor ma brgyan
'bras chang gro chang yos chang dang
bu ram chu dang kar chu dang
dar ba zho dang mar khu yis
gtor ma de nyid bran te bzhag
254
gsang ba'i dkyil 'khor de nyid la
sgo bzhir ral gri bzhi yang gzug
gru bzhir mda' bzhi me long bzhi
dar sna bzhi yang gdags par bya
de nas dkyil 'khor de nyid la
zhi khro'i sku yi dkyil 'khor ram
gang yod steng du dgram par bya
de yi steng du ras dkar gtsang ma yis
gdugs ni rab tu 'bubs par bya
ras dkar gtsang ma de nyid la
yi ge a nyid dkyil du bri
gsang ba'i dkyil 'khor de nyid la
mthing nag dal gyi yol ba bre
dkyil 'khor de yi shar sgo ru
dri ma dag ni dgod la bzhag
pho la gzhu dang dong ral dang
pho yi chas su ci yod bzhag
mo la 'phang dang skur ma dang
mo yi cha rkyen ci yod bzhag
de nas dri ma de dag la
gshin gyi ming byang bstan pa ni
shog gu dar la rab bris nas
mda' 'phang dgal btags la gzug
de nas gtor ma cha gsum gtang
phyi chog la sogs mchod pa lnga
gzhung dang mthun par rab byas nas
zhi ba'i phrin las rdzogs par bya
de nas khro bo'i gzhung bsrang la
gshed byed bskrad pa'i cho ga bya
255
de nas dri ma de nyid la
slob dpon ting 'dzin ldan pa des
pho mo gang yin rnam shes dgug
ram yam kham gis bsreg sbyang bkrus
de nas sngags 'chang de nyid kyis
i ma ram zhes rab brjod pas
snod bcud 'jig rten thams cad ni
mthing nag gru gsum e ru bsam
gshed byed thams cad brlag par bsam
da nas dri ma de nyid la
deb bi shu dha ram ni rab brjod pas
zhi khro'i lha tshogs de dag kun
dri ma tshe 'das lus la gzugs
de nas dri ma de nyid ni
lha tshogs rnams su gsal ba dang
tshe 'das de yi lus po la
mdzes pa'i rgyan cha dag gis brgyan
dar dpyangs dag dang gdugs kyis dgab
de nas rdo rje slob dpon des
dbang chen stabs su bzhugs nas ni
tshigs bcad 'di skad brjod par bya
e ma ho
de bzhin gshegs pa thams cad kyi
sku dang gsung dang thugs dang ni
yon tan phrin las zag pa zad
zad mi shes pa yi bden pa dang
gzhan yang bdag cag rdo rje slob dpon dang
gsang ba'i dkyil 'khor bsam gyis mi khyab pa'i bden pas
gshin po tshe la 'das pa 'di
256
rigs drug gang na gnas kyang rung ste
ngan song gsum gyi sgo chod cig
mtho ris su sgo 'byed pa'i gsang ba'i dkyil 'khor 'dir
skad cig la mchis par gyur cig
gzhan yang 'di la gnod par byed pa'i bdud dam
bgegs gang yang rung bas
'di la gnod par ma byed cig
gal te gnod par byas na
bcom ldan 'das pad ma dbang chen gyi byin rlabs kyis
thal ba rdul phran bzhin du gyur cig
de skad ces brjod cing sngags 'di gsum brjod do
om bi sha kro dah ha na ha na ha la ha la hum phat
ces brjod cing
nyung kar la bsngags la phyogs bcur gtor ro
de nas 'dzab tu bgrang ba'i sngags 'di bro brdung zhing bzlas so
om pad ma nat kri ta ba dzra kro dha ha ya gri ba hum hri
sngags de las ni 'od 'phros pas
rta mgrin dmar pho grangs med 'phros
'gro drug gnas nas drangs par bsam
de nas dri ma'i snying gnas
rta mgrin de dag thams cad kyis bzung nas gnyis med lha ru gsal
da nas bhu dha he ru kas
dbang bdag nyid la don zhus pa
kye ma bcom ldan dbang chen sku
tshe 'das
257
sems can de dag ni
ngan son gsum nas drangs pa'i phyir
cho ga'i sbyor ba gsung du gsol
de nas pad ma he ru kas
de dag rnams la bka' stsal pa
de nas zhi ba'i 'dzab dbyangs bgrangs
om a hum ba dzra dhi kra mum dha ti sha ri
la de sha ra ti
pam ra ga ra ti sta
mam mo ha ra ti
am a ro li ka
de skad brjod cing gzugs la bstim
yi ge de dag re re yi
'od zer rab tu 'phros pa yis
shes bya'i rnam rtog sgrib pa dang
blta ba gol ba'i sgrib byang bsam
de nas sngags kyi 'od zer des
tshe 'das lus la phog pa dang
lus ngag yid gsum sgrib byang nas
lus kyi dngos po med par bsam
de nas tshe 'das dngos po de
yi ge nri du gyur nas ni
de nas hum du gyur par bsam
de las 'od zer 'phro 'du las
ba dzra a hum rab brjod pas
rdo rjer gyur nas skye 'jig bral
de ltar skye ba med bsams nas
dkyil 'khor bzhengs su gsol pa yi
cho ga mnga' gsol byin brlab bskyed
ram yam kham gis bsregs sbyangs las
bskyed pa'i sngags 'di lan gsum brjod
bhrum bi shu dhe bha na dya jna na tsa kra bhrum
258
de nyid 'od du zhu pa las
gzhal yas khang ni rab tu bsam
'khor lo rin chen gzhal yas khang
bhan dha ye shes rnam par bsam
rgya khyon dpag tu med par bsam
de yi nang du bsam bya ba
sngags 'dis rab tu bskyed par bya
a tsan dra man ta la hum
ma sur ya man da la hum
pam pad ma man da la hum
hum hram ti ra bam la sogs pa'i
zla ba'i dal dang nyi ma'i dal
pad ma stong dang ldan pa yi
bdag nyid rab tu bsam par bya
ti ra bam la sogs pa yi
phyogs skyong gdan yang rab tu gsam
de yi steng du dbang chen bsam
phyogs mtshams kun tu khro bo bsam
de ltar dkyil 'khor bzhengs nas ni
dkyil 'khor bzhengs su gsel ba yi
cho ga 'di skad brjod par bya
dbang zhu rab tu gon nas ni
mgo la dar dpyangs rab bcings nas
rdo rje'i glu chen 'di skad blang
hum
rnam dag ye shes gzhal yas khang
stong pa ye shes bhan dha'i nang
gsal ba ye shes thig ldan pa
mkha' mnyam rgya khyon dpag tu med
'od zer lnga ldan mu khyud bcas
rang rig ye shes 'khor lo'i dbyibs
rnam dag ye shes klong yangs dkyil
dur khrod me ri sna tshogs 'phro
259
yam ye shes rlung gis rnam rtog thams cad gtor
skye med ye shes shes rab dbyings su sgrol
ram ye shes me yis rtog pa sbar sbur bsreg
shes rab ye shes bskal pa'i me ltar 'bar
kham ye shes chu yis nyon mongs rnam lnga bkrus
ye shes chu yi rgya mtsho rba rlabs 'khrugs
lam chos nyid sa yis snang srid 'khor 'das 'degs
chos nyid mi 'gyur theg pa'i sa rnams bgrod
kem ye shes kem gyis gti mug 'bras bu bting
chos nyid ma skyes stong pa'i 'bras bur ldan
bhrum ye shes rnam dag pho brang dkyil 'khor 'dir
rgyal ba rnams la bzhengs bzhugs mi mnga' yang
stong nyid thig ldan rgyal ba'i gshegs khang 'dir
thams cad gshegs nas brtan par bzhugs su gsol
hum
rig pa'i rang bzhin yi ge hum gi ngang
grub zhi ye shes bzhi dang ldan gyur nas
chos nyid gtor ma zhal zas bdud rtsi hum
rig pa'i ye shes yi ge om du gsal
rnam rtog rgyun gcod theg chen 'bras bus mdzes
bdud rtsi gtor ma bsreg sbyang bkrus
260
om ye shes lnga ldan rig pa'i ye shes om
ye shes rang snang sna tshogs lnga ldan pa
ye shes bcud ldan thams cad gtor mas tshim
pho brang ra ba mdzes rdo rje'i dkyil 'khor 'dir
sgrub rdzas byin gyis brlab cing bran par bzhugs
sgo bzhi rab mdzes ye shes phyogs bzhir gsal
ye shes rang snang 'khor lo lta bu'i dbyibs
'bar ba'i dkyil 'khor ye shes pho brang 'dir
khro rgyal thams cad brtan par bzhugs su gsol
om ba dzra man da la su ra ste stam
de ltar dkyil 'khor cho ga bstan
dkyil 'khor cho ga rab rdzogs nas
brda' sgo dbye ba'i rim pa bya
tshe 'das las kyi sems can de
dkyil 'khor de yi shar sgo nas
pho brang nang du tshud par bsam
de nas glu chen 'di skad brjod
hum
shar lho nub byang sgo bzhi nas
rig pa'i ye shes sgo 'byed kyis
shes rab chen po'i sgo phye zhig
rig pa'i ye shes sgo phye bas
sems kyi rnam rtog dri ma bral
tsit ta'i dkyil 'khor sgo phye bas
ye shes snang ba phyogs bcur gsal
sgron ma mig gi sgo phye bas
rig pa'i ye shes rtog med gsal
sems kyi yi ge nri gnas pa
261
gsal ba'i ye shes mig phye bas
rig pa'i ye shes hum du gyur
ye shes gsal ba'i sgo phye bas
dkyil 'khor pho brang mngon par snang
'dir ni dkyil 'khor gsal gyur pas
ye shes thams cad dbab tu gsol
sa man ta ba dzra sat va hum
kye ma bcom ldan dpal chen sku
tshe 'das rigs kyi bu de nyid
dkyil 'khor lha tshogs de dag gi
zhal ni gang gis blta bar 'gyur
dbang chen nyid kyis lung bstan pa
kye ma nyon cig he ru ka
rdo rje slob dpon gsang ba des
tshig bshad 'di dag brjod byas na
dkyil 'khor lha yi zhal mthong 'gyur
de nas dkyil 'khor shar sgo nas
dri ma 'dzin pa'i mi dag gis
dri ma dag dang bcas pa yis
dkon mchog gsum la phyag gsum 'tshal
de nas rdo rje slob dpon des
tshig ni 'di skad brjod par bya
ho mi gnas pa yi ye shes chen po'i bdag nyid zhi khro gsang ba'i dkyil 'khor bcas pa dang
bcom ldan pad ma dbang gi dkyil 'khor gyis
tshe 'das 'di la zhal bstan du gsol
byin gyis brlab tu gsol
dbang bskur du gsol
262
mthu bstan du gsol
sgrib pa sbyang du gsol
gnas spar bar mdzad du gsol
om ba dzra sar ba ka pa dza hum
de nas ting 'dzin rab brtan pas
sngags kyi 'od zer ldan 'phros pas
tshe 'das nyid la dbang bskur bas
de nas byin dbab bshags par bya
pad ma na ta krit bro brdung zhing
ru lu gar gyis mchod pa 'bul
de nas dbus bum byin gyis brlabs
bu ma pa'i nang du lha rnams bskyed
bum pa mdzes pa de nyid la
dkyil 'khor lha tshogs gsal ba dang
dang po'i gnas su gzhag par bya
mchod dang bshags pa byed tsam na
tshe 'das nyid gyis byed par bsam
de nas byin dbab byas pa dang
lha dang dkyil 'khor je gsal bsgom
phung dang gtor ma byin gyis brlabs
de nas rdo rje slob dpon des
ting 'dzin gsum la 'bad par bya
de ltar ting 'dzin rab gsal pas
dkyil 'khor sgo bzhir dbang phro brdung
de nas dbang gi zhwa gon la
mchod pa chen po 'di skad brjod
hum mchod pa'i phyag rgya chen po ni
sems kyi yid bzhin sprin tshogs kyis
mnyen 'jam reg na bde ba dang
sangs rgyas zhing khams rab 'byams su
263
sangs rgyas rol mo sna tshogs dang
dbyibs legs rdzing bu ro mchog bsil
ye shes rol mo'i rgyan ldan pa
chos kyi glu dang ye shes gar
snang ba'i bro dang sangs rgyas gsung
tshangs pa'i gsung dang ru lu'i sgra
dbang gi stabs dang pad ma'i gsung
dbang mchog byin rlabs chen po yis
hum bla bre rgyal mtshan lhab lhub dang
bdug spos mar me tsan dan dri
'dod yon la sogs rin chen gyis
rgyal ba rgya mtsho rnams la mchod
sil snyan zhal bras gzhal yas khang
mjos par bris shing spras pa dang
sems dang chos dang glu chen po
dbang chen dkyil 'khor nyid la 'bul
rin chen rgyan dang yo byad chu
zhi ba'i tshogs la mchod par 'bul
a la la ste mchod par bzhes
nang gi mchod pa'i phyag rgya ni
dri chen rdo rje che mchog dang
byang chub sems dang rak ta'i dbang
dri chu rdo rje sgrib sbyangs chu
bdud rtsi yon tan las grub gter
thogs pa med par mnyam sbyor nas
dbang chen sku la mchod par 'bul
tshe dang gal phye dza gad dang
drag po tshims byed kun tu rgyug
264
gtsang ma'i phud dang gtor ma yis
'bar ba'i dkyil 'khor kun la mchod
tshil chen snang gsal chen po dang
drag po'i rgyan cha sna tshogs dang
dbang chen bro dang ru lu'i sgra
khro rgyal rnams la mchod par 'bul
rnga chen dang ni dril bu'i sgra
cang til ghan de pi wang sgra
mchog chen dung dang gling bu dang
ting ting shag dang kar ko ta
cha lang la sogs sgra rnams dang
lha dang lku yi sgra skad rnams
mthun sbyar gnyis med mchod pa 'bul
gzugs dang sgra dang dri dang ro
reg bya la sogs 'dod yon lnga
bcom ldan dpal chen nyid la mchod
dkyil 'khor tshogs dang mchod rdzas kyis
gnyis med bsdus te mnyam sbyor nas
'bar ba'i dkyil 'khor kun la mchod
rgyal srid rdzas dang yo byad dang
sna tshogs mchod pa chen por 'bul
a la la ste bzhes su gsol
'byung po kun la la mchod pa ni
lan chags mchod pa'i phyag rgya ni
gtor ma ye shes rnam dag dang
zas kyi ro mchog sna tshogs pas
skyangs pa'i lan chags bral gyur cig
nya sha dang ni phag pa'i sha
sha ba'i sha dang dgo ba'i sha
265
bya rgod sha dang 'dab chags sha
stag sha dom sha spre'u'i sha
khyi sha sre mong bye la'i sha
ba sha bong sha rta sha dang
rkyang sha la sogs sha sna rnams
'bul lo lan chags rnams la 'bul
'dod chags lan chags bral gyur cig
ri dwags sha sna phul ba yis
yid kyi lan chags bral gyur cig
'dab chags sha sna phul ba yis
sems kyi lan chags bral gyur cig
sder chags sha sna phul ba yis
lus kyi lan chags bral gyur cig
sems can rkang med sha phul bas
lus ngag yid gsum dri ma lan chags bral gyur cig
sha yi rigs rnams phul ba yis
lan chags thams cad bral gyur cig
'bras chang gro chang yos kyi chang
rgun chang shing thog chang dang ni
bu ram chang dang lan tshwa'i chu
spos chu bsil chu gur gum chu
rgya mtsho lteng ka lu ma'i chu
kar dang ni sbrang rtsi'i chu
khrag dang zho dang dar ba yi
btung pa'i mchod pa 'di phul bas
lan chags thams cad bral gyur cig
mngar gsum dag gi chu phul bas
'dod pa'i lan chags bral gyur cig
266
chang gi rigs mchog 'di phul bas
zhe sdang lan chags bral gyur cig
dkar gsum dag gi chu phul bas
klu rigs lan chags bral gyur cig
lan tshwa'i chu rnams phul ba yis
gnyan gyi lan chags bral gyur cig
chu sna ji snyed phul ba yis
sa bdag lan chags bral gyur cig
hum sha dang mar dang khur ba dang
dza gad gtor ma phul ba yis
lha klu gnod sbyin dri za dang
lto 'phyes bdag rigs rnams dang
grul bum gnyan gyi rigs rnams dang
byol song klu yi rigs rnams dang
yi dwags sha za'i rigs can dang
stobs chen bdud kyi rigs rnams dang
btsan dang rgyal 'gong 'khor bcas dang
ma mo dang ni gshin rje dang
khyed rnams kun gyi lan chags ni
skad cig nyid la bral gyur cig
cho las 'das pa'i sems can 'di
sems kyi mdud pa myur du khrol
lan chags rkyen gyis zas nor longs
tshe 'das rigs kyi bu 'di dang
lus dang grib mar ma 'grogs par
ngan song gsum gyi lam ma bstan
sngags 'chang bdag gi ngag 'di nyon
dbang chen nyid kyi bka' ma bcag
267
hum nyon cig ltos shig 'byung po rnams
nga ni pad ma dbang chen te
thams cad nga yi dbang du sdud
dregs pa can rnams spa bkong byed
gnod byed snying la bro brdung ste
gshed byed thal bar brlag pa'i bro
sri chen dbang du sdud pa'i bro
dregs pa gnad la bor ba'i bro
nga yi bka' 'di ma bcags par
lan chags gtor ma 'di longs la
rang rang gnas su byer par gyis
rang rang gnas su byer nas kyang
tshe 'das gshed du ma byed par
ngan song lam gyi sgo chod cig
yon bdag rigs rgyud 'di rnams la
phyin chad sdang bar ma byed cig
om pad ma na ta kri ta ba dzra kro dha hu lu hu lu hum phat
sngags de bzlas shing yungs kar gtor
mchod pa'i gzhung rnams rdzogs pa dang
tshogs kyi mchod pa rab tu bya
tshogs chen mchod pa de dag kun
tshe 'das de yis drangs par bsam
de bzhin gzhung bzhin rdzogs par bya
de nas bdun tshig dang po la
dang po'i tsheg 'di dag brjod
sngags 'di brjod cing spro bar bya
de nas glu chen 'di skad brjod
tshe 'das mdun du bsam pa'o
hum nyon cig tshe 'das rigs kyi bu
268
khyod kyi rnam rtog ngas sbyang gis
nga la gus par phyag 'tshol cig
sems kyi the tshom nyid sol la
bde ba'i stan la rab 'dug la
sngags 'chang nga yi ngag 'di nyon
tshe 'das bya ba'i rigs kyi bu
'di nas 'jig rten 'og 'di na
dmyal ba bya ba 'jigs rung ba
sdug bsngal rnam pa sna tshogs pa
mi bzad khyod kyis myong bar 'gyur
zhe sdang rgyud las log pas na
sdug bsngal de las bsgral bya'i phyir
bzod pa'i chu bo 'di longs shig
om du si na na ra ka sa ma dza hum
de nas dri ma de nyid la
dbang gi dkyil 'khor lnga bsams la
spyi gtsug zla ba'i dkyil 'khor te
lce la pad ma 'dab brgyad bsam
snying gar nyi ma'i dkyil 'khor bsam
lte bar rin chen zur brgyad bsam
rkang mthil e nyid zur gsum bsam
de lta'i dkyil 'khor de dkyil du
dang po la ni a dkar po
gnyis par su nyid ser por bsam
gsum par nri nyid nag por bsam
bzhi par pre nyid ser po ste
lnga par du nyid dung kha'o
drug pa tri nyid nag po ste
de ltar gnas pa'i rang bzhin de
dbang nyid bskur ba'i rang bzhin gyis
269
dang po yi ge om gyur bsam
gnyis pa a la gsum pa hum
bzhi pa swa ser kun tu snang
lnga pa ha ru gyur par bsam
drug pa hri nyid bsam par bya
de ltar bsams par bum pa yi
chu yis dri ma bkru bar bya
bum pa dri ma'i steng du bzhag
dbang nyid bskur bar rab bya ste
dmyal ba'i gnas nas thon par bsam
de nas 'di skad dbyangs blang ngo
hum nyon cig dgongs shig rigs kyi bu
tshe 'das bya ba rigs kyi bu
'di nas 'jig rten 'og na ni
yi dwags 'jig rten bsam mi khyan
bkres dang skom gyi sdug bsngal ni
mi bzod khyod kyis myong bar 'gyur
de las bsgral bar bya ba'i phyir
nga ni bcom ldan dpal chen te
yi dwags sdug bsngal ngas bsgral gyis
sbyin pa'i chu bo 'di longs shig
a su nri pre du tri hum
a a bskyed rim bskur thabs gong dang mthun
yi dwags sdug bsngal bral bar bsam
de nas byol song sdug bsngal yang
de yi sbyong tshig 'di skad do
hum tshe 'das rigs kyi bu khyod nyon
ra yis bstan pa 'di la nyon
bstan pa 'di la ma zhugs na
'di nas mngon snang yul 'di na
270
byol song bya ba'i sdug bsngal ni
mi bzad khyod kyis myong bar 'gyur
de las bsgral bar bya ba'i phyir
nga ni pad ma he ru kas
snang ba'i dkyil 'khor bsam mi khyab
rang rig gsal ba'i sgo dbye bas
snang gsal ye shes me long ltos
sdug bsngal mtha' las ngas bsgral gyis
byol song rnams kyi sdug bsngal ni
nga yis phral bar bya ba'i phyir
shes rab chu bo 'di longs shig
om ka ya ba dzra tsa kra a su nri pre du tri hum a a
de ltar 'jig rten rab gsal bas
byol song sdug bsngal bral bar bsam
de nas rim gyis drang ba ni
lha yi yul nas drang ba dang
lha ma yin dang rgyud lnga nas
mi yi gnas su drang bar bshad
de nas mi yul rin chen nas
gnas spar pa yi cho ga dang
dbang bskur cho ga rgyas par bya
de nas slob dpon gsang ba des
ngan song gsum nas rab drangs nas
tshe 'das gnas lnga dag tu yang
'bru lnga'i dbang bskur 'di skad brjod
hum ngan song gsum gyi phung po lngar
dpa' bo 'bru lnga'i phra bkod de
rgyu lnga 'khor ba'i lam rgyun gcad
thams cad rgyal ba'i sras 'khor bya'o
271
dbang chen gsang ba'i ngang nyid nas
sangs rgyas sems can gnyis med pas
srid gsum zos kyang nga ma 'grangs
khams gsum 'thung kyang nga ma doms
stong gsum thams cad bsgral ba'i zhing
ma skyes pas na 'gags pa 'jig
rang bzhin med pas bsgral ba'i rgyu
sems nyid yangs pa'i mkha' klong du
stong gsum ma lus ston pas na
'bum gyi char yang mi phod de
nam mkhas gar khyab rig pas khyab
rig pa'i rang bzhin chos kyi sku
phyi nang gnyis ka sems su bsgral
rig pa'i rang bzhin mya ngan 'das
skye shi gnyis ka rgyud nas dag
yod med gnyis kyi mtha' las 'das
cir yang snang la gzung du med
med pa ma yin snying po'i ngang
mi zhes bya pa bcom ldan 'das
gcig pu nyid la ye shes gsal
blo ldan gang zhig skal che bas
'di ni bsgral ba'i lung zhes grags
tshe 'das bya ba rigs kyi bu
'di na ma chags gnas su gshegs
ha na ha na hum phat
bna dzra spa ra na hum phat
sa ma ya sat vam
de nas ru tra nag po'i ting nge 'dzin gsal la
nyon mongs lnga las bskyed pa yi
272
ru tra sdig chen 'di byung bas
'di nyid rab tu gnan par bya
de nas ltung ba bshags gyur nas
chags pa bral bas 'di skad brdod
hum lha zhes gzhan du bstan pa yang
tshig gi tha snyad tsam du zad
rig pa'i ngang la gnyis med pa'i
rtogs pa'i don la gcig tu bstan
cit ta'i dkyil du gnas bcas pas
stong gsum thams cad gzhal yas khang
yid kyis dkyil 'khor lha bkod de
skye 'gro ma lus rgyal ba'i sras
byang chub sems su dbyer med pas
ci ltar snang ba kun tu bzang
kun gzhi ye nas rtog med mnyam
phyi nang snod bcud chos kyi sku
'di las gzhan pa'i sangs rgyas ni
bu gcig gzhan du ma tshol cig
rdo rje'i dbang nyid 'di longs la
skye med byang chub dran par gyis
om a hum
ba dzra zhi ka ba dzra hum a
shin tu nye ba'i mi dag gis
pho la gzhu mo rgyud bzang gi
mchog ma dag la dar sna btags
de nas gzhu de rab tu bdung
de nas mda' yang rab btang la
rdo rje slob dpon gsang ba des
gsang ba'i thabs kyi glu 'di blang
mo nyid yin na 'phang nyid gsor
273
de nas 'di skad brjod par bya
hum stong pa nyid kyi klong dkyil du
pha rol phyin bcu'i shes rab dbyings
cang shes 'phrul gyi ting 'dzin gzhu
brgyan pa'i rin chen mchog ma gter
gsung ni ka la ping ka'i rgyud sprengs bzhin
mtha' gnyis bral ba'i ye shes gnyug ma las
yi dam nang du sgrol ma'i mkha' 'gro zhabs
tshul bzhin thugs las byung ba'i yar gsum ma
nga dang bdag tu ltos pa'i ngan song bcom
rgyud drug nyon mongs 'khor ba'i gnas bsgral te
byang chub snying bsgril yig drug byin rlabs te
sku la thim nas rgyal ba'i sras su gyur
ye shes mchog gis la gnas thob nas
rigs lnga gsang ba'i gral du gzung bar bya
e ma rigs kyi bu khyod nyon
khyod kyi rnam shes nrir bcas pa
bdag nyid bcom ldan dpal chen gyis
rnam shes hum du bsdus nas ni
phat kyis gsang ba'i dbyings su 'phangs
om a hum sa ha hri sar ba ta na shodha hum hum phat phat tish tha lhan
de nas phung po bstabs pa yi
cho ga'i sbyor ba rab tu gsungs
slob dpon ting 'dzin ldan pa des
274
rig pa'i ye shes hum ldan pas
chos nyid ma yi rtsa rgyud nas
spyi gtsug bde chen 'od du zhu
de las 'od 'phros sangs rgyas zhing
sras dang bcas pas phyogs bcur gang
zhing khams lus la brgyan par bsam
de nas rigs lngar skyed byed pa'i
sbyor pa'i glu chen 'di skad do
om bcom ldan rgyal ba rigs lnga la
'di yi phung po lnga bstabs pas
gnyis med sbyor ba'i mkha' dbyings su
sa bon hum las bskyed gyur cig
rigs kyi yab lngar bskyed gyur nas
thugs rje phyogs bcur 'gyed par shog
hum yum chen dbyings phyug lnga rnams la
'di yi 'byung ba lnga bstabs pas
gnyis med sbyor ba'i mkha' dbyings su
sa bon hum las bskyed gyur cig
dbyings phyug lnga ru bskyed nas kyang
thugs rje phyogs bcur 'gyed par shog
sems dpa' chen po brgyad rnams la
'di yi rnam shes brgyad bstabs pas
gnyis med sbyor ba'i mkha' dbyings su
sa bon hum las bskyed gyur cig
sems ma chen mo brgyad rnams la
'di yi yul brgyad bstabs pa yis
gnyis med sbyor ba'i mkha' dbyings su
275
sa bon hum las bskyed gyur cig
khro bo chen po bzhi rnams la
lus kyi skye mched bzhi bstabs pas
gnyis med sbyor ba'i mkha' dbyings su
sa bon hum las bskyed gyur cig
khro bo bzhi ru skyes nas kyang
rang gsal 'od dang ldan gyur cig
khro mo chen mo bzhi rnams la
phyin ci log rtog bzhi bstabs pas
gnyis med sbyor ba'i mkha' dbyings su
sa bon hum las bskyed gyur cig
khro mo bzhi ru skyes nas kyang
rang gsal 'od dang ldan gyur cig
hum bcom ldan kun bzang yab yum la
'di yi yid chos gnyis bstabs pas
gnyis med sbyor ba'i mkha' dbyings su
sa bon hum las bskyed gyur pa
kun bzang yab yum bskyed nas kyang
rang gsal 'od dang ldan gyur cig
bcom ldan thub pa drug rnams la
gnyis med rig pa'i thugs dkyil du
sa bon hum las bskyed gyur cig
om spha ra na phat hum spha ra na bhrum a spha ra na hum
nga ni sa lam gnas mchog bstan
de nas bcom ldan mngon rdzogs des
sems can lha ru bskul ba 'di
rab tu brjod cing bka' stsal to
lha rnams skul byed cho ga ni
276
thams cad gnyis su med par bskul
mnyam med mchod pa 'di skad do
om sngon gyi thugs dam chen po ni
sems can 'byams klas ma lus kun
sangs rgyas zhing du dag sbyangs pas
phyag rgya chen por bdag sbyor cig
gser zhun lta bur gnas pa la
sngags dang phyag rgyas byin gyis brlabs
gsum gyis byin brlabs 'od kyi 'bru
yab yum gnas su btegs nas kyang
sbyor ba'i lhums su phat kyis 'phangs
thugs kar thim nas sku yi dbyibs
rdo rje'i lam byung yum gyi mkha'
gnyis med dbyings su gnas spar nas
lha rnams snying po so so'i sgras
'di la byin gyis brlab tu gsol
om sar ba ba dzra ta kri ta ghri rna a yam spha ra na phat su tri dza
de nas chos kyi dbyings chen du
rigs lnga sbyor ba'i brdas bskul bsam
tshe 'das las kyi sems can de
tshon gang 'od 'bar sku ru bsam
de nas gnyis med rag gsal ba'i
glu chen 'di skad rab tu brjod
hum mu tig dkar po dri med dang
tsan pa na dmar po dri med gnyis
byang chub sems kyi thig le gsum
rtogs pa'i klong du 'dres pa la
277
mi zhes bya ba sangs rgyas yin
sangs rgyas gzhan du ma tshol cig
btsal kyang rang gi don mi rnyed
rtog med mnyam med rig pa'i ngang
dngos med stong gsal 'ja' tshon sku
gsang ba'i dkyil 'khor 'od lngar gsal
rdzogs pa chen po'i gnas lugs kyi
byang chub sems la ma yengs na
dkyil 'khor thams cad 'di la rdzogs
dper na mun la snang byung bzhin
chos nyid rang snang 'di bltas pas
rgyud drug sems can thams cad kun
sangs ma rgyas pa gcig kyang med
tshe 'das sgrib pa byang gyur nas
sangs rgyas sras su dbang bskur ro
om ba dzra tish tha sa ma ya mu dra hum
bo dhi cit ta sid dha ku ru a bhi shi nya tsa hum
sngags kyi 'phro 'du'i ting 'dzin brtan
de ltar ting 'dzin gsal gyur nas
rtogs pa'i glu chen 'di skad do
e ma byang chub sems kyi klong brdal bas
kun bzang rig pa'i rang bzhin las
sangs rgyas med cing sems can med
lha dang lha min 'dre yang med
'khor ba med cing myang 'das med
rig pa ye shes gcig pu nyid
'khor 'das gnyis su btags pa med
278
nga dang bdag med mngon sangs rgyas
de phyir sangs rgyas sras nyid do
cit ta ba dzra sa ma ya hum
de nas chos nyid bum pa des
dri ma dag la dbang bskur ro
sangs rgyas zhing las mi g.yo ba'i
dbang bskur cho ga 'di skad do
om gnyis med gsal ba'i om nyid de
gnyis med dbyings nas bha gar thim
yum gyi mkha' la gnas pa der
bo dhi cit tas dbang bskur nas
yi ge 'bru gsum byin gyis brlab
rigs nges rgyal ba'i sras su bya
phyin chad 'gro ba'i don bya'i phyir
bskul ba'i sa la gnas par bya'o
yongs la dbang bskur dbang gi mchog
gnag la ma chags 'dod dgur bsgyur
gnyis su med pa'i pho brang du
spang len med par dbang bskur ro
bum pa zlum po'i pho brang du
snod bcud ma lus dbang du bsdus
thig le chen po'i rgyas btab pas
sems can thams cad sangs rgyas yin
tshe 'das 'di ni rgyal ba'i sras
ngan song 'khor ba'i blta ba bsal
rnam par rtog pa'i 'dod pa bcom
rang gi ye shes lung gis gsal
sngar 'das sangs rgyas bzhugs pa bzhin
279
rnam 'byor rdo rje che ge khyod
rgyal ba kun gyis bsngags par mdzad
sngon gyi de bzhin dbang gnas shog
rgyal ba'i sa las mi g.yo zhing
rang gi sa la gtan du 'dug
rat na ma gus man tram tram
om lam hum mum swa mam am pam ha tam
ma ha shun ya dznya na
ba dzra swa bha wa at ma ko nya tam
de ltar dbang bskur ting 'dzin gsal
de ltar rgyal ba mnyes byed pa'i
sngags 'dis thams cad mchod par bya
de yang tshe 'das sangs rgyas des
bdag nyid slob dpon gsang ba la
mchod chen sngags 'dis mchod par bsam
om su ra to ba dzra na ma
ba bhu ba bhu hri
om su ra to ba dzra na ra hri
om su ra to na mo bud dha hri
om su ra to ba dzra na ha hri
om su ra to ba dzra ghan dhe hum
om su ra to du ga ma ru ka ra gum gum
om ba dzra su ra to ba dzra mo ke tam tam
om su ra to ba dzra bi shing du ti ra a a
om su ra to ba dzra shri hri hri
om e ma ha su ra to bi ni se ni twa tha
om he ma ha su ra to ba dzra gi ti ti
om he ma ha su ra to ba dzra ni tye se le
om su ra to ba dzra ru pa dza dza
om su ra to ba dzra shap ta su ke hum hum
om su ra to ba dzra ghan dhe su ki bam bam
om su ra to ma ha ra sa ho ho
de nas mchod chen rdzogs par bya
'di ni gnas dang bdun tshigs dang
280
gshed byed dpral ba'i cho ga'o
de nas dkyil 'khor sgo bzhi nas
rdo rje'i dbang bskur bya ba ni
rdo rje mched kyis 'bod par bya
gnas chog gzhung bzhin byed pa na
bsgrub pa rab 'bring gsum du bya
ro de yod na mchog tu gsungs
de la khrus bya dbang rdzogs bya
gnas kyi rim pa byed pa na
rab gnas brtan par bzhugs pa dang
gnas spar ba yi mchod pa bya
bdun tshigs dag tu byed pa na
zhag gcig dag gis thon par bya
mchod pa'i las rnams ci 'byor bya'o
tshogs dang zhal zas sna tshogs dbul
sangs rgyas rnams dang byang sems mchod
zhag bdun lon pa'i tshe na yang
bdun tshigs dang po 'di ltar bya'o
de nas dkyil 'khor bsdu bar bya'o
phyi chog nang chog gzhung bzhin bya'o
gnas dang bdun tshigs gnyis su med pa'o
zhes rdzogs pa rang byung gi rgyud las
gnas dang bdun tshigs bstan pa'i le'u ste gsum pa'o
@4
rgya gar skad du
pa ru pa ru pi pu ri na ma
bod skad du
rnal 'byor pa tshe 'das pa'i bdun tshigs bar ma'i cho ga zhes bya ba
bcom ldan 'das pad ma dbang gi lha la phyag 'tshal lo
281
de nas bcom ldan 'das de nyid la
rigs lnga'i lha tshogs rnams kyis 'di skad ces gsol to
kye kye bcom ldan dbang chen sku
bar do yi ni snang ba la
zhag ni ci tsam thogs par 'gyur
mos pa'i 'khor la gsung du gsol
stobs chen nyid kyis bka' stsal pa
kye ma nyon cig 'dus pa'i 'khor
sems can rnams kyi lam chen ni
chos nyid rang snang bar dol
zhag bdun bar du gnas par 'gyur
de ni rang rang snang ba'i yul
sems dang rig pa zhag bdun bral
de tshe rnam rtog 'gyu med gsal
de nas zhag bdun lon pa dang
sngon gyi bag chags da nas ni
sems la snang ba phra rags 'byung
de tshe bdun tshigs dang po yis
bag chags khad kyis 'bri bar gsungs
de ni rmi lam 'dzin pa'i bar do'o
de nyid zhag bdun gnas pa'o
de tshe sems kyi rnam rtog ldang
snang ba'i cho 'phrul de dag kun
ban bun yang yud lang long 'ong
de tshe shes pa gya gyur gnas
dper na mi dga' ba yi mi dag la
tshig ni 'jam por smra ba yis
mi dga' spangs nas bde spyod ltar
282
de tshe bdun tshigs gnyis pa 'dis
tshe 'das rigs kyi bu de yi
shes pa bzung nas bde la gnas
de nas srid pa bar do der
zhag bdun gnas shing sdug bsngal dran
tshe 'das shes pa rang dbang med
pha rol dag gis 'phrog pa dang
rang dbang med pa'i spyod pa 'byung
de nas zhag bdun lon pa dang
bdun tshigs tha ma'i dbang bskur bas
mtho ris go 'phang gsum thob 'gyur
de ltar bdun tshigs byas pa na
rang rang sdug bsngal gnas su 'grol
de ltar bdun tshigs byas pas na
dmyal bar 'gro ba'i mi dag kun
byol song gnas su 'dren pa'o
yi dwags gnas su skye ba rnams
lha ma yin gyi gnas su 'dren
byol song gnas su skye ba rnams
lha yi gnas su 'dren par byed
cha mnyam dag tu skye ba rnams
mi yi gnas su 'dren par byed
lha dang mi ru skye ba rnams
sa la gnas pa'i rigs su skye
byang sems rigs su skye ba dag
bla med go 'phang 'thob par gsungs
de phyir bdun tshigs cho ga bshad
bdun tshigs bar ma'i sbyor ba yi
cho ga mdor bsdus yan lag dang
283
dkyil 'khor rdzas dang yo byad rnams
nye ba'i 'khor la bshad du gsol
de nas rnam grol de nyid kyis
nye ba'i 'khor la bka' stsal pa
'dus pa'i 'khor tshogs legs par nyon
bdun tshigs mchod pa 'di nyid la
sgrib spyod las kyi dkyil 'khor bzhengs
dkyil 'khor bzhengs su gsol nas ni
dbus su dpal gyi gtor ma bca'
lan chags gtor ma gong dang mthun
dkyil 'khor de yi shar sgo ru
dri ma de nyid rtsa ru yang
lha bshos mdzes pa bcu gsum bzhag
shin tu gtsang ma'i gtor ma bzhag
mchod pa rnam lnga nyid kyang dbul
phyi chog nang chog gzhung bzhin bya
dge ba'i las rnams ci nus bya
tshe 'das nyid kyang byed par bsam
rigs drug gnas nas drang ba dang
skye ba med par lam bstan bya
sangs rgyas sras por dbang bskur zhing
zhing khams de las mi g.yo ba'i
rab tu gnas pa'i cho ga bya
de nas mchod chen 'di skad brjod
hum gsang ba ye shes mchod chen 'di
gar dang ye shes phyag rgyar gsal
mchod pa'i dkyil 'khor sprin tshogs ni
284
gnyis med 'khril dang yid bzhin gter
yid du 'ong dang mdzes pa yi
'od zer sna tshogs 'phro ba dang
ye shes sgo dang rab ldan pa'i
mnyam sa bkod legs dbyibs nyid dang
gsal 'tsher lhun sdug pho brang 'dir
'khor bcas rab 'bar gshegs su gsol
om e hye hi sa ma ya mu dra sat wam
om gdan bting lags so bcom ldan 'das
nyi zla rin chen sna lnga dang
pad ma rab mdzes stobs ldan pa'i
glang chen rta dang rma bya'i khri
nam mkha' lding dang seng ge dang
nyi zla gsal ba'i gdan bting ngo
sna tshogs yid 'ong gdan bting ngo
sa ma ya pra bhan tsa kra tish tha lhan
hum shin tu mdzes pa'i gdan dang ni
rang snang 'od gsal gzhal yas 'dir
bla ma sangs rgyas sras bcas dang
rigs lnga khro rgyal yab yum rnams
pad ma'i gdan la bzhugs su gsol
pad ma ka ma la ya sat wam
om dmigs med mkha' mnyam rdo rje snying po'i sku
a bcom ldan mgon po rdo rje ye shes sku
hum brjod med bsam bral rdo rje chos kyi sku
bya ba rdzogs pa'i 'gyur med sa la gnas
ye shes bcom ldan rtog med chos kyi sku
285
'dzin med chos kyi sku la phyag 'tshal bstod
om 'gag med rdo rje'i don nyid 'dzin pa ste
am thugs rje'i spyan ldan longs spyod rdzogs pa'i sku
hum mu khyud pho brang lnga ldan dkyil 'khor na
sku lnga rtog med so so'i mtshan 'dzin pa
'gyur med don ldan rigs lnga'i ye shes sku
tshom bu lnga ldan gtso bo'i dkyil 'khor ston
yab lnga yum lnga sku lnga mdun rgyab med
ye shes thugs rje'i spyan ldan longs spyod sku
stong gsal longs spyod sku la phyag 'tshal bstod
om thugs rje'i stobs kyis 'gro ba pha rol sgrol
a sku mdog khro bo'i cha lugs gad rgyangs can
hum dbu gsum thor tshugs gcig tu bcings pas 'khor rnams skag
phyag drug phyag mtshan tha dad bsnams pas dgra bgegs 'dul
sku la chas brgyad gsol zhing ma mo dbang du sdud
thugs rjes 'gro ba 'dam nas 'dren mdzad bcom ldan sman gyi bla
pha rol stobs kyis 'dul ba'i khro rgyal hum sgra can
ma rig 'joms pa'i thugs rje'i 'od po che
sna tshogs sprul pa'i sku la phyag 'tshag bstod
286
om sku gsum don ldan sangs rgyas kun gyi mes
a thugs rje'i stobs bdag gzhon nu nyid kyi sku
hum sku gsum ye shes rdzogs la phyag 'tshal bstod
om a hum bdag cag sdug bsngal chen pos zin pa la
thugs rje'i lcags kyus 'dzin pa sku drin che
bdag cag 'dod pa'i tshad pas gdung ba la
thugs rje'i chu rgyun 'bebs pa sku drin che
bdag cag 'khor ba'i gcong rong dog mor lhung ba la
thugs rje'i zhags pas 'gro ba 'dren mdzad pa
thabs ldan ye shes sku la phyag 'tshal bstod
bdag cag ma rig mun pa'i dbang du 'khyams pa la
rnam dag sgron me 'degs la phyag 'tshal bstod
bskal pa dpag tu med par lam stor bar
sa mkhan rdo rje'i sku la phyag 'tshal bstod
dang po'i nor bu ma rnyed rtag tu stor
gzhal yas ston mdzad khyod la phyag 'tshal bstod
las dang nyon mongs rgyud drug 'khor ba yi
chu bo sgrol mdzad gru la phyag 'tshal bstod
rdo rje sems dpar sprul nas 'gro don mdzad
ye shes mnyam nyid sku la phyag 'tshal bstod
'khor ba'i rgya mtsho dpag tu med pa nas
287
thugs rjes 'dren mdzad khyod la phyag 'tshal bstod
sku mchog 'bar ba'i ye shes rnam par dag
sangs rgyas thugs rje can la phyag 'tshal bstod
a ti sha ba dzra sa ma ya sat vam
ho mi gnas pa'i ye shes kyi mnga' bdag rnams dgongs su gsol
tshe las 'das pa che ge mo'i 'di byang chub kyi snying po la ma gnas pa'i bar du
de bzhin gshegs pa thams cad kyi sku bstan pa
gsung bstan pa
thugs bstan pa
yon tan bstan pa
phrin las bstan pa mi zad pa'i 'khor dang bcas pa dang
de bzhin gshegs pa thams cad kyi sku mngon par snang ba dang
mi snang ba dang
gsung grags pa dang bcas pa dang
grags pa med pa dang
mdo sde dang
'dul ba dang
mngon pa dang
thugs rtogs pa dang bcas pa dang
rtog pa med pa dang
rab tu byung ba dang
khyim pa'i byang chub sems dpa' dang
sems rab tu byung ba dang
tshul khrims rnam par dag pa dang ldan pa dang
chos kyi sku thams cad dang
sprul pa'i sku thams cad dang
longs sku thams cad dang
ngo bo nyid kyi sku thams cad dang
dkyil 'khor gyi lha tshogs thams cad la
288
bdag rdo rje slob dpon dang
tshe las 'das shing 'phos pa'i che ge mo zhes bya bas
gus pa'i tshul gsum gyis phyag 'tshal lo
skyabs su mchi'o
skye ba med pa rdo rje'i sku thob par mdzad du gsol
thabs kyis 'khor ba'i chu bo las bsgral du gsol
ye shes thogs pa med pa'i spyan lnga bstan du gsol
lha'i sku thams cad mngon par snang bar mdzad du gsol
de nas slob dpon gsang ba'i dbang thob pa des
ting 'dzin la gnas par byas nas
mchod pa rnam pa lnga la sogs ci 'byor pa'i mchod pa 'bul lo
tshigs bcad gong ma de bar bar la gtang bar bya'o
de nas slob dpon de nang gi phrin las gang yang rung ba gzhung bsrang ngo
dkyil 'khor thams cad gsal bar bsgom
de nas gong gi mchod pa rnams dang rigs drug gnas nas drang ba'i cho ga yang bya'o
len chags gtor ma'i cho ga yang bya'o
tshe 'das pa'i rigs kyi bu la dbang bskur ba dang
gnas spar ba'i cho ga yang bya'o
chos kyi sku'i gnas su brtan par bzhugs par bsam zhing
289
rigs drug gi gnas nas yang nas yang du drang ngo
mchod pa thams cad kyi sngags ni
om pra bha nya tsa kra tha ya sat va
ba dzra pu dza ho
ma ha ka ru ni ka ya sa ma ya mu dra ba dzra dhu pe dhu
ba dzra push pe pu
ba dzra gan dhe gan
ba dzra nir ta hum
ba dzra gi ti hri
ba dzra ti nga sa dza ho
ba dzra a lo ke hri
ba dzra ha ha he he hri hri
ba dzra ma ha sar ba kun la rag sha he
sar ba ta tha ga ta sa ma ya
ma ha mu dra a
de ltar sngags chen de brjod nas
mchod pa chen po 'di skad brjod
om bde bar gshegs so bcom ldan 'das
bde bar gshegs so khro rgyal tshogs
hum bde bar gshegs so a ra li
rgyal brgya mtsho'i ye shes kyis
srid pa rgya mtsho mtha' yas kun
kun bzang mchod sprin mchog tu rol
om a la la ho
rigs lnga khrag 'thung bcas pa la
snang zhing srid pa'i chos rnams kun
kun tu bzang po'i mchod par 'bul
'gro ba'i don du bzhes su gsol
tshe las 'das pa che ge mo 'di dang
bdag cag rdo rje slob dpon dang
mched dang lcam dral 'khor dang bcas pa rnams kyi sgrib pa gnyis sbyangs
tshogs rnam pa gnyis rdzogs nas
290
thugs dam rgya mtsho yongs su bskang bar gyur cig
nyams chag thams cad sor chud par gyur cig
rkyen dbang thams cad bzlog par gyur cig
bdud kyi spung rnams choms shig
tshe las 'das pa gshed dang bral bar gyur cig
tshig de rnams ni mchod pa kun gyi bar bar du shes par bya'o
da ni rgyal srid sna bdun gyis mchod pa ni
hum mchod pa'i phyag rgya chen po ni
sems kyi yid bzhin sprin tshogs gtib
phyogs bcu'i sangs rgyas thams cad zhing
mnyen 'jam reg na bde ba yis
tram
sna tshogs rin po che yi gzhi
mdzes par bris shing spras pa dang
kun 'byung rin chen phung po 'bar
dbyibs legs rdzing bu ro mchog bsil
bhrum
rin chen rnam pa sna tshogs dang
rgyan dang dpag bsam ljon pa'i tshal
hri
glu dbyangs tshigs su bcad pa'i sgra
tram
bla bre rgyal mtshan na bza' gdugs
do shal dpung rgyan se mo do
bza' dang btung ba'i tshogs rnams kyis
rang la mdzes par brgyan pa dang
lha dang lha mo rdul snyed pas
bro gar la sogs bsam yas kyis
phyogs bcu nam mkha'i khams bkang nas
291
bla ma dkyil 'khor tshogs la 'bul
'gro ba'i don du bzhes su gsol
tram
zhing 'dir rin chen sna bdun gyis
phyogs bcu nam mkha'i khams bkang nas
dngos grub 'bras bu 'dod pa'i phyir
nyin re shes rab can gyis mchod
phyi yi sbas pa gsang la sogs
nang gi mchod pa mchog 'di rnams
phyag rgya sbyor ba'i tshul bzhes la
tshul bzhin rgyas par dbul bar bya'o
tshe 'das don du bzhes su gsol
tram rat na pu dza ba dzra sva bha wa ata ma ko nya tam
da ni dug lnga ye shes lnga'i mchod pa 'bul te
hum stong gsum stong gi 'jig rten na
srid gsum sems can thams cad kun
zhe sdang spyod pa'i las gang rnams
rdo rje rigs kyi las spyod de
dmigs pa sgrol ba'i mchod par bzhes
stong sum stong gi 'jig rten na
srid gsum sems can thams cad kun
ldod chags spyod pa'i las gang rnams
pad ma rigs kyi las spyod de
thams cad yab yum gnyis med sbyor
tshe 'das don du bzhes su gsol
292
stong gsum stong gi 'jig rten na
srid gsum sems can thams cad kun
gti mug spyod pa'i las gang rnams
bde gshegs rigs kyi mdzad spyod de
tshe 'das don du bzhes su gsol
stong gsum stong gi 'jig rten na
srid gsum sems can thams cad kun
nga rgyal spyod pa'i las rnams kun
rin chen rigs kyi las spyod de
dmigs pa'i dam tshig mchod par bzhes
tshe 'das don du bzhes su gsol
stong gsum stong gi 'jig rten na
srid gsum sems can thams cad kun
phrag dog spyod pa'i las rnams gang
las kyi rigs kyi las spyod de
dmigs pa'i dam tshig mchod par bzhes
tshe 'das don du bzhes su gsol
'dod chags zhe sdang gti mug che
nga rgyal phrag dog spyod pa rnams
rdo rje'i theg par rab rtogs te
mchog gi mchod par bzhes su gsol
tshe 'das don phyir bzhes su gsol
al la la ho
dug lnga ye shes lnga yi mchod pa 'di phul bas
tshe las 'das pa che ge mo dang
bdag cag rdo rje slob dpon dang
mched dang lcam dral 'khor dang bcas pa rnams kyi sgrib pa rnam pa gnyis byang
293
tshogs rnam pa gnyis rdzogs nas
thugs dam yongs su bskang bar gyur cig
nyams chag sor chud par gyur cig
rkyen rnams bzlog par gyur cig
bdud dpung choms shig
tshe 'das gshed dang bral bar gyur cig
da ni phyag rgya bzhi'i mchod pa dbul te
hum nam mkha'i mtha' klas 'jig rten nas
srid gsum sems can ma lus kun
gzugs su snang ba ji snyed pa
sna tshogs phyag rgya'i dkyil 'khor te
sku mchog phyag rgya'i mchod par bzhes
sgra ru grags pa ci snyed pa
thams cad ma lus sngags kyi tshig
gsung mchog phyag rgya'i mchod par bzhes
sems kyi rtog pa ci snyed pa
ting 'dzin 'bum phrag bsam yas pa
thugs mchog phyag rgya'i mchod par bzhes
dge dang mi dge'i las gang rnams
thams cad sangs rgyas mdzad spyod de
las kyi phyag rgya'i mchod par bzhes
kun nas kun tu thams cad kun
dngos po la sogs brtan g.yo kun
thams cad rgyal ba'i dkyil 'khor te
bde gshegs phyag rgya'i mchod pa bzhes
294
da ni bdud rtsi'i mchod pa dbul te
hum bde gshegs rigs kyi thugs dam bskang ba ni
dri chen ngad ldan spos kyi bsung mchog 'di
gti mug shes rab 'bar bar byin brlab mdzad slad du
bud dha rigs kyi thugs dam bskang gyur cig
hum rdo rje rigs kyi thugs dam bskang ba ni
mu tig dkar po dri med byang chub sems
thams cad bskyed pa'i rgyu ste 'khor ba 'dzin
zhe sdang bdud kyi rigs rnams zhi bar mdzad slad du
rdo rje rigs kyi thugs dam bskang gyur cig
hum pad ma rigs kyi thugs dam bskang ba ni
rak ta zlag ma dri med byang chub sems
thams cad bskyed pa'i rgyu ste 'khor ba 'dzin
'dod chags len pa med pa'i rigs pa ste
sbyor ba rnam par dag pa mdzad slad du
pad ma rigs kyi thugs dam bskang yur cig
hum rin chen rigs kyi thugs dam bskang ba ni
sha chen shes rab 'bar ba'i byin rlabs kyis
khams gsum ma lus dbang du bsdus nas kyang
nga rgyal bdud kyi rigs rnams zhi bar mdzad slad du
rin chen rigs kyi thugs dam bskang gyur cig
295
hum las kyi rigs kyi thugs dam bskang ba ni
rdo rje las kyi chu ste panya tsa am ri ta
phrag dog chen po'i las kyi rgyu sbyang ste
las kyi rigs kyi thugs dam bskang gyur cig
de nas byang chub sems kyi mchod pa 'bul te
om dri med rnam dag nam mkha'i rang bzhin la
al log rtog mtshan ma mang po'i sprin phung rnams
hum ye shes nyi zer 'od kyis rab bsal te
dag pa'i don du rtogs te mchod par 'bul
om dam rdzas bdud rtsis lnga dang ye shes lnga
a sku lnga chos lnga'i rang bzhin dbyer med cing
hum de bzhin dag pa nyid kyi dag pa nyid mchod nas
chos nyid la yang chos nyid thim par 'bul
shes rab sems ma yum gyi gzhal yas su
rgyal ba'i dkyil 'khor ma lus mchod bkod de
thabs dang shes rab gnyis med sbyor mchod kyis
rgyal ba'i dkyil 'khor tshogs la mchod par 'bul
om ldan dkar la 'chor ba'i yon tan las
a ldan dmar la dangs pa'i byin rlabs kyis
hum ldan bde chen gar mdzad gar gyi dbang phyug che
bde chen sku la dbang gi mchod pa 'bul
om dag cing gsal ba shel gyi dkyil 'khor du
296
a phra zhing mnyen pa gser gyis lug rgyud bzhin
hum dbyer med dbyings su gcig pas na
byang chub sems su rtogs nas rig pa nyid la mchod par 'bul
om bkra shis mtshan ldan rdo rje ka pa la
a 'phrul zhal yid 'ong ri mos brgyan pa 'di
hum 'od dang du ba sgra dang dri la sogs
dbyings nas bton nas dbyings su mchod par 'bul
tshe 'das don du mchod pa bzhes su gsol
thabs dang shes rab gsang ba byang chub sems kyi mchod par phul ba la sogs pa'o
da ni rmad du byung ba gtor ma'i mchod pa 'bul te 'di skad do
hum rnam dag sgrib spangs srid gsum skyon bral ba'i
ston ka'i zla gsal dri med zhal mnga' zhing
bcom ldan bde gshegs dkyil 'khor can
zhi khro 'khor bcas ma lus thams cad dang
dus gsum rgyal ba thams cad bskyed pa'i yum
shes rab lha mo rigs kyi yum la sogs
rnal 'byor sgrub dang rig 'dzin thams cad la
cho 'das don phyir mchod cing phyag 'tshal lo
mi mnyam mnyam pas nam mkha' khyab pa dang
bsod nams ye shes tshogs kyis rab brgyan pas
297
yid bzhin sku mchog yon tan mtha' yas gter
shes rab dkyil 'khor ma lus thams cad dang
phyag brnyan 'du 'phro rdam ba'i tshogs la sogs
rnal 'byor chen pos mchod pa mang po 'tshal
dgyes pa rol mo'i mchod pa 'di bzhes la
om gzhong pa rnam dag chos kyi dbyings
gtor ma ye shes phyag rgya'i tshogs
tshe dang gal gnyis mthun bsdebs nas
rak ta dmar gyis thig bkye zhing
mi bzung gtor ba'i gtor ma 'di
'bul ni bla ma lha la 'bul
mchod ni gsang ba'i dkyil 'khor mchod
sbyor ldan tshogs su bkram ste 'bul lags na
tshe 'das don du bzhes su gsol
om a hum ma ha ar gha pra tist tsha ho
bha li dha kha kha kha hi
a la la ho
rmad du byung ba'i mchod pa'o
da ni gar gyi mchod pa dbul bar bya ste
om pad ma na ta kri ta ha ya gri ba hum
ru lu ru lu hum phat
des ni ting 'dzin gsal ba dang
'di skad do
hum bcom ldan pad ma he ru dang
pad ma kro dhi shwa ri la
'bar ba'i gar gyis bskor ba ni
srid gsum 'joms mdzad dbyings phyug go ri ma
298
dam tshig dbyings mchog skul byed tso ri ma
stong gsum rgyal mdzad rgyas byed pra mo ta
ma lus za byed rdor phyar be ta li
bde chen zhing du 'dren mdzad puk ka si
bsgral nas zhal du stob mdzad ghas ma ri
thugs rje'i 'jig rten sgrol mdzad sma sha ni
'bar ma stong gsum stongs mdzad tsan da li
gar dang dbyangs kyi mchod pa 'dis
tshe 'das sgrib pa byang gyur nas
dpal gyi thugs dam bskang gyur cig
bdag cag g.yar dam bskang gyur cig
hum bcom ldan pad ma he ru dang
pad ma kro dhi shwa ri la
pra men gar gyis bskor ba ni
'gro ba'i sdug bsngal gcod byed sing ha ma
'chi bdag bdud kyi sde bcom bya ghri ma
dur khrod bgegs kyi tshogs bcom sri ga la
rdo rje bdud 'dul za byed shwa na ma
mgyogs ma khrag 'thung snyog byed gri dha ma
'khor ba'i sdug bsngal tshe 'phrogs kam ka ma
yon tan yid bzhin bdag nyid ka ka ma
'gro ba'i don mdzad khrag 'thung u lu ma
gar dang dbyangs kyi mchod pa 'dis
tshe 'das sgrib pa byang gyur nas
dpal gyi thugs dam bskangs gyur nas
299
bdag cag dbyar dam bskang gyur cig
phra men thugs dam bskang gyur cig
hum bcom ldan pad ma he ru dang
yum chen kro dhi shwa ri ma
sgo ma gar gyis bskor ba ni
rta gdong dkar mo lcags kyu 'dren
phag gdong nag mo mche zhags 'phen
nyi zla dmar mo lcags sgrog sdom
thal byed ljang nag dril 'khrol dgyes
gar dang dbyangs kyi mchod pa 'dis
tshe 'das sgrib pa byang gyur nas
dpal gyi thugs dam bskang gyur cig
sgo ma'i thugs dam bskang gyur cig
bdag cag dbyar dam bskangs gyur cig
a la la ho
gar dang ye shes mchod pa 'di phul bas
tshe las 'das pa'i che ge mo 'di dang
bdag cag rdo rje slob dpon dang
mched dang lcam dral 'khor dang bcas pa rnams kyi
sgrib pa rnam pa gnyis byang
tshogs rnam pa gnyis rdzogs nas
thugs dam rgya mtsho yongs su bskang bar gyur cig
chag nyams thams cad sor chud par gyur cig
rkyen dbang thams cad bzlog par gyur cig
bdud dpung choms shig
tshe 'das gshed ma dang bral bar gyur cig
300
de nas bstod pa'i rgyal po glu ye shes kyi mchod pa byung ste
'di skad do
hum gtum chen dus mtha'i me ltar 'bar
'od zer nyi ma 'bum gyis brjid
khro gnyer glog stong 'gyu ba bzhin
mche ba zang yag za byed che ho
hum phat rnga ma ba'i nga ro 'brug stong sgrogs
thugs choms ri rab 'bum snyil skad
a la la yi gad rgyangs can
bshug pa'i 'thor rlung g.yeng ba che ho
hum khro bo shes rab 'od po che
ye shes dkyil 'khor kun tu gsal
'bar ba'i ye shes kun tu 'joms
sna tshogs ye shes thig le che ho
hum khro bo'i rgyal po sprin chen po
khro bo'i dkyil 'khor char chen 'bebs
dkyil 'khor yid bzhin 'byung ba'i gter
sna tshogs 'od kyi thig le che ho
hum bdud kun gyi ni bdud chen po
bdud kyi bdud ste bdud rnams 'joms
'jigs pa'i tshogs kyang 'jigs byed pa
'jigs byed chen po thig le che ho
hum rdo rje'i brag ste sra chen po
rdo rje'i chu bo sdud chen po
rdo rje'i me ste kun 'bar che
rdo rje'i rlung ste 'thor rlung che
ho
de yan chad mchod pa chen po'i rim pa'o
301
'di man chad tshogs dang bstab pa bya'o
ho he ru ka yi gnas chen po
dur khrod chen po'i gnas brgyad nas
dpal chen khrag 'thung 'khor dang bcas
dur khrod mchog gi gnas 'di ru
zhing chen gsar rnying ti rar bcas
dmar gyi ar gha rgya mtshor bskyil
mkha' 'gro 'bar ba'i tshogs bcas kun
ma lus gshegs nas bsnam du gsol
om dza hum bam ho
shri he ru ka i dam
push ba
dhu pa
a lo ka
ghan dha kha kha kha hi kha hi
dza hum bam ho
shri he ru ka ma ha ba dzra pra be sha ya
a be sha ya pra tits tsha ho
shri ban kha kha kha hi kha hi
shri ban tsan kha hi kha hi
da ni tshogs bsgral bar bya ste
mche ba'i phyag rgya bcas la 'di skad do
hum da ni za byed chen po ste
khams gsum ma lus bsgral ba dang
gdug pa ma lus 'dul ba dang
sha rus la sogs bza' bar bya
da ni khrag 'thung chen po ste
'khor ba'i dra bar chags pa yi
dmar chen bskyil pa'i rgya mtsho la
'khor gyi phra men tshogs dang rol
ma rungs 'dod la ma chags shing
dam tshig dag dang dgra chen po
302
thugs rje byams dang ldan pa pos
ngo mthon stobs kyis bsgral bar bya
dza hum bam ho
shri he ru ka ma ha sar ba du sha na na
sa ma ya
mu dra ma ra ya kha kha kha hi kha hi
hri da ya
pi pa hum phat
dza hum bam ho
shri he ru ka
ma ha ba dzra sa ma ya mu dra
ma ha mam sa
ma ha rak ta
ma ha ba su ta
ma ha pany tsa am ri ta
kha le ka le
kha hi
hum bhyo hum bhyo hum bhyo hum bhyo hum bhyo
de ltar mchod pa'i gzhung rdzogs nas
sdig pa bshags dang gsol ba gdab
rigs drug gnas nas drang bar bya
dkyil 'khor bsdu zhing mchod rdzogs bya
gsang sngags tshig dang dgongs pas bsdu
phyag rgya dang ni sngags tshig go
zhes rdzogs pa rang byung chen po dbang bskur gsang ba'i rgyud las
rnal 'byor pa tshe 'das pa'i bdun tshigs gnyis pa'i le'u ste bzhi pa'o
@5
rgya gar skad du
ba dzra du ril ma ha su ka na ma
bod skad du
tshe las 'das pa rnams kyi bdun tshigs tha ma la rang rang gi zas gtad shid kyi lung chen po zhes bya ba
bcom ldan 'das sangs rgyas 'od srung la phyag 'tshal lo
de nas bcom ldan 'das dpal pad ma dbang chen nyid dang
'dus pa'i tshogs kyi bcom ldan 'das de rnams kyis
303
rnal 'byor pa tshe 'das pa rnams kyi bdun tshigs tha ma la
rang rang gi zas gtad pa'i cho ga 'di gsungs so
kye ma 'dus pa'i tshogs rnams nyon
ngas ni snang ba'i dkyil 'khor chen po 'di bstan gyis
legs par nyon cig
de nas nye ba'i 'khor rnams stan las langs nas 'di skad brjod do
e ma ho
legs so legs so legs par gsungs
bdag cag rnams kyis nges bzung nas
phyi rabs rnams la nges par bstan
de nas rnam rol de nyid kyis
nye ba'i 'khor la bka' stsal pa
kye kye 'dus pa chen po'i tshogs
bdun tshigs tha ma'i cho ga ni
mchod pa gong nas byung ba bzhin
'gyur med gnas pa'i dkyil 'khor bzhengs
dkyil 'khor de yi shar phyogs su
gro drug drang ba'i dkyil 'khor bya
man da la nar mo lho byang du
thig ni ling rtse drug tu bya
dang po mu khyud 'bur lnga bri
dbus ni nag po dag tu bya
tha ma gru bzhi lam pa ste
de yi steng na rin po che
dmig ni dmar po dag tu bya
tha ma gru bzhi lam pa'o
304
de yi steng du zlum po yi
kha dog dud kha dag tu bya
phyi rim gru bzhi dag tu bya
de yi steng du thod ris te
kha dog ljang gu dag tu bya
tha ma gru bzhi lam pa ste
de yi steng du 'dab ma brgyad
kha dog ser po dag tu bya
phyi rim gru bzhi lam pa'o
de yi steng du 'khor lo'i dbyibs
rtsibs bzhi dag ni mdzes pa'i tshon
phyi rim gru bzhi dag tu bya
dang po'i dkyil du yi ge hri nyid nag po'o
gnyis pa la ni yi ge pre nyid dmar
gsum par du nyid dud kha bri
bzhi par yi ge su nyid ljang gu'o
lnga par a nyid dkar po bri
drug par yi ge nri ser bri
man dal de dag re re la
gtor ma sna tshogs re re bzhag
dang por me chu bsil g.yab bzhag
gnyis par rin chen sgrom bu'i gzugs
gsum par shes rab po ti'i gzugs
bzhi par mdud thung go cha'o
lnga bar pi wang dung nyid gzugs
drug par gseg shang par bu'o
man dal re re dag la yang
rang rang dren sgo'i lam yang dgod
drug pa dag la pho brang lam
thub pa chen po'i gzugs kyang bkod
mchod pa gong bzhin rdzogs par bya
305
rigs drug drangs shing dbang rdzogs bya
de nas dpa' bo de nyid la
nye ba'i 'khor gyis don zhus pa
kye kye bcom ldan dbang chen sku
man dal rim pa de ltar na
lan chags zan gtor cho ga gsungs
de nas dpa' bos bka' stsal pa
kye ma nye ba'i 'khor rnams nyon
de ltar bya rim rdzogs nas ni
sngags pa ting 'dzin ldan pa des
gtsang ma'i gnas su bder 'dug nas
dang po'i gnas nas rab bkug la
'gugs pa'i sngags dang phyag rgya ni
rab tu bstan pa 'di lta ste
sngags 'dis thams cad bkug par bsam
om ba dzra ang ku sha dza dza
om ba dzra kro ta hum phat
dza hum sphar na hum
phyag rgya lcags kyu lta bus ni
ting 'dzin rab tu gsal ba yis
tshe 'das rab tu khugs nas ni
dri ma dag la thim par bsam
de nas sngags 'di rab brjod la
phyag rgya rnam pa bzhi nyid kyis
'gugs dang 'ching dang 'dzin pa dang
rab tu sdom pa'i sngags 'di'o
dza hum bam ho
sa ma ya
ang ku sha dza dza
sa ma ya ho
sa ma ya sat vam
sa ma ya lhan
sngags de lan bdun bzlas pa dang
306
ting 'dzin rab tu gsal ba dang
phyag rgya rab tu bsgyur ba yis
bsdams nas 'chugs dbang med par bsam
de nas tshe 'das de nyid la
bu dang bnu mo yod pa na
sha sna la sogs sgo nga dang
khur ba mar dang zas sna rnams
ci 'byor pa yis snod bkang la
gdung ba'i mchi ma rab 'byin cing
gdung ba'i smre sngags 'o dod 'bod
lag tu zas dang skom thogs la
sbyor ba du 'bod las byed cing
zas gtad cho ga 'di skad do
hum zas longs tshe 'das rigs kyi bu
nga ni dbang chen dpal gyi sku
sangs rgyas sku dang mnyam sbyor ba'i
ye shes 'od zer rab 'phro bas
thams cad 'dod pa tshims byed pa
bcud chen ro mchog stong ldan par
stong pa rang snang 'od kyis brgyan
stong gsum bcud du mnyam sbyar nas
sku gsum ye nas bdud rtsi ste
dag pa dri med mchog chen 'di
rang byung nyid kyi dbyings nyid nas
stong pa nyid la mchod pa 'bul
rig pa skye med dkyil yangs nas
ye shes lnga las 'od 'phros hing
chos sku nam mkha lta bu la
longs sku sprin phung lta bu ste
307
sprul sku nyi ma'i 'od bzhin snang
sku gsum rgyal ba'i zhing khams nas
mchod chen rnam par dag pa yis
rig pa nyid la rig pa'i cho 'phrul mchod
dkon mchog gsum dang sku gsung thugs
mchod pa'i rten du gyur pa la
mchod pa'i phyag rgya chen pos mchod
rgyal ba rnams dang bdag sbyor phyir
dam tshig lha tshogs thams cad dang
phyogs skyong rigs kyi lha rnams dang
dam tshig skyong ba'i srung ma dang
dam can srung ma 'khor bcas la
bza' bca' longs spyod rdzas kyis mchod
lha dang klu dang gnod sbyin dang
'byung po 'khor dang bcas pa la
rdo rje'i longs spyod rnam lnga 'bul
sa dang bar snang khams la gnas
gzugs med rigs rnams ci snyed par
sna tshogs phyag rgya'i mchod pa 'bul
mngon par snang dang mngon par grags
mngon par rgyu ba'i gzugs can la
mchod pa'i lan chags zas 'di longs
snang srid 'gro ba rigs drug dang
tshe 'das rigs kyi bu khyod kyis
rang gi tshe rabs yun gyi brgyags
longs spyod tshe yi brgyags 'di longs
308
'di ni sngon gyi dam tshig ste
de phyir khyod kyis zas 'di longs
hum ye shes dag pa'i ngang gis sbyangs
stong pa nyid kyi gzhong pa ru
tshe 'dzin zas dang ro mchog sha
mar dang khur ba zas sna dang
'bru bcud chang dang btung ba'i tshogs
sna tshogs yid 'ong thams cad ni
tshe 'das khyod la gter du 'bul
lan chags phyir na zas 'di longs
mnyam pa'i dkyil 'khor 'di nyid la
chags pa'i sa med gnas su bzhud
dri med rnam dag rdzas 'di longs
chos nyid thabs la mkhas pa yis
stong pa nyid du mnyam sbyor la
tshe 'das khyed la zas gtad kyis
khong khro'i sems su ma byed par
zas 'di longs la rang sems ltos
stong pa nyid kyi klong dkyil nas
ye shes dag pa'i 'od 'phros pas
chos nyid lam du gnyis med bsgral
rgyu rkyen gnyis po stong pa'i phyir
tshe 'das rigs kyi bu khyod kyang
phyi nas rgyu 'di ma len par
skye med byang chub dran par gyis
chos nyid rang snang dbang thob shog
yang dag nges pa'i lung 'di nyon
309
rin chen rten dang phung po'i dkyil
rang rig gsal ba'i sgo phye bas
'di ni sangs rgyas zhing khams te
'di las bu gcig ma g.yo zhig
rdo rje'i tshig 'di rab tu longs
stong nyid gsal ba'i sgo phye bas
rang rig ye shes rtogs pa mnyam
zas 'di longs la rang snang ltos
'di ni khyod kyi gtan srid yin
bu dang bu mo gnyis kyis kyang
gdung ba'i shugs phyung zas 'di longs
gdong nas mchi ma bton nas ni
bu yis zas gtad zas 'di longs
brtse ba'i smre sngags 'di bton pas
ngang 'di nyon la gnas su dengs
'khor ba 'di ni sdug bsngal che
byas pas mi zin las yod pas
'khor ba 'di ru ma gnas par
rang gi chos nyid 'od re gsal
bde ba can gyi zhing khams na
stong pa chen po yul re yangs
'khor ba 'di na gcong re che
yangs pa can gyi zhing khams na
chos nyid 'od gsal lhun re 'thug
zas 'di longs la dbyings su dengs
om lam spha ra na
hum lam spha ra na
sva lam spha ra na
ha lam spha ra na
hri lam spha ra na
tam lam spha ra na
bhrum lam spha ra na
310
dusha ta na ba dzra a hum spha ra na phat sva ha
a a a
de nas slob dpon gsang ba des
gdung ba'i tshig bshad 'di skad brjod
ho spros pa med pa'i dbyings rang bzhin gyis rnam par dag pa na
sku snang la rang bzhin med pa
rgyal ba zhi khro'i lha tshogs thams cad
bdag rdo rje slob dpon 'khor dang bcas pa rnams la dgongs su gsol lo
'phags pa dkon mchog gsum po dang
nyan thos dang
'phags pa rang rgyal dang
dgra bcom pa dang
rgyun du zhugs pa dang
sa la gnas pa rnams dang
byang chub sems dpa' rdzu 'phrul dang ldan pa rnams dang
rgyal ba sras dang bcas pa rnams dgongs su gsol lo
ho 'byung po'i tshogs stong phrag brgyad cu dang
mkha' la rgyu ba'i yi dwags rnams dgongs su gsol
gzhan yang tshe las 'das pa'i rnal 'byor che ge mo khyod dang
rdo rje mched dang lcam dral rnams dgongs su gsol lo
gzhan yang gsang sngags la gnas pa'i rnal 'byor gyi dbang phyug chen po rnams dgongs su gsol lo
do nub tshe las 'das pa'i che ge mo 'di la yun gyi zas gtad cing
skye ba med pa'i lam ston pas
311
bcom ldan 'das rig pa'i rgyal po dbang gi lha tshogs kyis dbang dam pa bskur du gsol
bsgrub pa'i rdzas 'di dag la byin gyis rlobs shig
e ma ho
tshe las 'das shing lus brjes pa'i che ge mo khyod nyon cig
sngon byung ba'i dus na ston pa mar me mdzad chen po bya ba zhal bzhugs pa'i dus na
yab rgyal po snang 'od tshe 'das pa las
sras rgyal bu 'khor lo stong ldan gyis gdung pa'i mchi ma phyung
brtse ba'i ngag bton
gus pa'i shugs phyung
'dzangs pa'i 'o dod bos nas
bu'i zas gtad pas yun gyi srid dang dge ba'i phul du gyur pa de bzhin du
de nub tshe 'das pa rdo rje che ge mo khyod la
bu che ge mo 'dis
bu'i zas 'di gtad pas yun gyi sris su gyur nas
dge ba'i phul du gyur cig
sngon byung ba'i dus na
yul mag dha'i grong khyer du
rgyal po gzugs can snying po zhes bya ba tshe 'das pa'i tshe
bu mo snang ba'i sgron mas
gdung ba'i mchi ma phyung zhing brtse ba'i ngag bton nas
bu mo'i zas gtad pas yun gyi sris su gyur nas
dge ba'i phul du gyur pa de bzhin du
312
do nub bu mo che ge mo zhes bya ba 'dis
tshe 'das pa che ge mo khyod la
bu mos gdung ba'i mchi ma phyung
brtse ba'i ngag gi sme sngags bton nas zas 'di gtad pas
yun gyi sris su gyur nas
dge ba'i phul du gyur cig
sngon byung gi dus na
bya rgod phung po'i ri'i lho phyogs su
yab rgyal po ma skyes dgra tshe 'das pa'i tshe
dge slong sha ri'i bus zhang zas 'di gtad pas
chags pa'i mdung pa grol ba de bzhin du
do nub tshe 'das pa'i che ge mo khyod la
zhang po che ge mos zas 'di gtad pas
'jig rten 'di la chags pa'i 'tshe ba dang bral nas
khyod bde ba la gnas par gyur cig
sngon byung gi dus na
ston pa rdo rje sems dpa' bya rgod phung po'i ri'i lho phyogs na bzhugs pa'i tshe
yab rgyal po kar ma 'od bzang tshe 'das pa'i tshe na
dge slong ma pa ma'i spyan gyis gdung ba'i mchi ma phyung nas
bden pa'i chos bshad
ro mchog brgya dang ldan pa'i zas phul nas
'jam pa'i gtam gyis bkrol nas
sru mo'i sru zas gtad pas
'khor ba'i sgo chod pa de bzhin du
do nub tshe las 'das pa khyod la
313
sru mo che ge mos sru zas 'di gtad cing gdung ba'i mchi ma phyung nas
byams pa'i gtam gyis bkrol nas
brtse ba'i smre sngags bton nas zas 'di gtad pas 'khor ba'i sko 'gags nas
bde ba'i lam dang 'phrad par gyur cig
sngon byung gi dus na
ston pa 'od srungs chen po bzhungs pa'i dus
rgyal po snang mdzad 'od ces bya ba
tshe 'das pa'i dus na
'khor chen po brgyad kyis gdung ba'i mchi ma phyung nas
brtse ba'i ngag bton cing
bden pa'i chos bshad cing
dkon pa'i zas bstabs nas
zas gtad pa de bzhin du
do nub tshe 'das pa khyod la 'khor che ge mo rnams kyis gdung ba'i mchi ma phung nas
brtse ba'i ngang bton
gus pa'i shugs phyung dkon pa'i zas btsal nas
sdug bsngal cher spyad nas
tshe 'das che ge mo khyod la yun gyi zas gtad pas
'di longs la snang ba 'di 'das pa'i pha rol na
bde ba can gyi zhing khams yod kyis der song zhig
sngon byung gi dus na
ston pa sha kya thub pa rdo rje'i gdan la bzhugs tsa na
bram ze'i rigs kyi sras 'od ldan chen po zhes bya ba de tshe 'das pa'i tshe
314
yum blo gros rgyan bzang ma'i
sras tshe 'das nas zhag nyi shu rtsa gcig na
ston pa nyid kyis bden pa'i chos bshad
ma yis gdung ba'i mchi ma phyung nas
brtse ba'i ngag bton
gus pa'i shugs phyung
dkon ba'i zas btsal nas
tshe 'das pa la ma yi zas gtad pas
yun gyi sris su gyur nas
dge ba'i phul du gyur pa de bzhin du
do nub sras tshe 'das che ge mo la
yum che ge mo zhes bya bas gdung ba'i mchi ma phung nas
brtse ba'i ngag bton zhing
gus pa'i shugs phyung nas
dkon pa'i zas ro mchog brgya dar ldan pa sna tshogs gtad pas
tshe 'das pa'i yun gyi sris dang
dge ba'i phul du gyur cig
do nub tshe 'das pa'i che ge mo khyod zas 'di longs la
mi snang ba'i chos kyi dbyings kyi pho brang du song zhig
gnas 'di dang khyod gnyis 'brel pa med pas 'di ru ma 'dug par gzhan du dengs shig
do nub tshe 'das khyod kyi don du
dkon pa'i ro mchog dang zas sna tshogs tshad dang
sha dang
mar dang
khur ba dang
sha ba'i sha la sogs te ro mchog gi sha sna dgu dang
sgong dang
315
gang bu dang
shing tog la sogs te
kha ma bye ba bcu gsum dang
kar dang
bu ram dang
sbrang rtsi la sogs te
'dod pa tshims byed kyi ro mchog drug dang
zho dang
'o ma dang
dar ba dang
mar la sogs rtsi thog sna dgu dang
gro thug dang
'o thug dang
'bras thug la sogs te
bro ba'i ro mchog bzhi dang
de la sogs te ro mchog gi rnam pa kha ba dang
mngar ba dang
bska ba dang
sreg pa dang
skyur ba la sogs ro mchog sna tshogs pa dang
zas sna tshogs 'byor tshad kyi zas 'di gtad kyis longs shig
'dod pa'i yon tan lnga la sogs te
dag cing 'byor ba'i dge ba'i rtsa bar bsngo yis longs shig
om a hum sva ha
lam pa sta bha du la ya
a li u li ta li ta pa li ar gham pra tish tsha ho
zhes brjed cing drangs
de nas rigs drug gnas nas drangs shing dbang bskur
zas sna dang skom nyid 'byor tshad dbul
bden pa bdar chos bshad
dge ba'i las ci nus bya
spang skong bklag
nye'u 'don bya'o
mchod sbyin gyi gtor ma gtang
mchod pa ci nus bya
bshags pa bya
gsol ba gdab
sku gdung ring bsrel mchod pa bya
316
sangs rgyas dang byang chub sems dpa' thams cad dang
bcom ldan 'das
pad ma dbang gi lha tshogs la phyag 'tshal zhing
gsol ba gdab
de nas dkyil 'khor gyi phyogs kun nas
dam sri mnan
tshe 'das pa la lam bstan
gtor ma gtong
dkyil 'khor bsdu
phyis ldang mi nus pa'i dbang gis gzir mnan bya
dkyil 'khor gyi zhal bsro
de nas dkyil 'khor gyi sa rlog la
gseg ma'i sa bon btab la
'di ma skyes kyi bar du ma ldang sa shig
ces gzir mnan bya'o
zhes rdzogs pa rang byung chen po'i rgyud las
rnal 'byor pa'i bdun tshig tha ma bstan pa'i le'u ste lnga pa'o
rdzogs so
@6
rgya gar skad du
ma la sa hu su ka na ma
bod skad du
lam ston bsgom pa'i lung zhes bya ba
bcom ldan 'das dpal gnyis med kyi rgyal po rdo rje sems dpa' la phyag 'tshal lo
de nas bcom ldan 'das pad ma dbang gis bdag nyid la
nye ba'i 'khor rnams kyis 'di skad ces gsol to
kye kye bcom ldan pad ma dbang gi bdag nyid chen po
sems can 'khor ba las bsgral nas bde ba can gyi zhing khams su lam ston pa'i cho ga bshad du gsol
317
de nas dpal chen nyid kyis bka' stsal pa
kye ma nyon cig rdo rje 'dzin
slob dpon gsang ba'i dbang thob des
man dal drug pa'i gzhung rdzogs nas
lam bstan lung ni bstan par bya
mchod pa'i tshogs ni rab rdzogs nas
gsang ba'i slob dpon de nyid kyis
rigs drug gnas nas drangs pa yi
cho ga 'di ni brtsam par bya
man dal zlum po'i steng dag nas
thub pa'i phyag mtshan blangs nas ni
tshig 'dis sdug bsngal gnas nas drangs
hum ma rig 'khor ba'i rtsa ba ste
tshe 'das bya ba rigs kyi bu
'di la chags par ma byed par
bde ba can gyi zhing du bzhud
zhe sdang 'di yis khyod re bslus
zhe sdang khyod kyis bdud yin pas
dang po srid par 'khyams pa yang
zhe sdang rang dgar spyod pas 'khor
da lta sdug bsngal spyod pa yang
zhe sdang bdag tu bzung bas nongs
nyon cig tshe 'das rigs kyi bu
zhe sdang bdag tu ma 'dzin zhig
zhe sdang bdag tu 'dzin pa na
zhe sdang chen po'i rgyu bsags nas
318
du 'bod chen po'i gnas su 'gro
sdug bsngal sna tshogs khyod kyis myong
btso bsreg gnas nas thar thabs med
mtshon cha'i char dang me chen 'obs
'ching dang 'tshod pa'i las rnams dang
'gugs 'ching bsngam ba'i las rnams kyis
yun ring thar ba'i gnas med pas
nyam thag sdug bsngal myong bar 'gyur
de las grol bar bya ba'i phyir
bzod pa'i chu bo 'di longs shig
om na ra ka tri a u pre nri spha ra na phat
e ma ho
rigs kyi bu
tshe 'das pa'i che ge mo khyod nyon cig
'di nas 'jig rten 'di'i 'og na
dpag tshad lnga brgya'i 'og rol na
na rag dmyal ba'i 'jig rten bya ba shin tu sdug bsngal dang ldan pa tsha ba dang
grang ba'i sdug bsngal 'ba' zhig cher spyod pa
sems can nyon mongs pa zhe sdang cher spyad pa ltung ba'i gnas yod de
de ru ci srid lhung srid na
bskal pa lnga brgya'i bar du thar ba'i thabs med pas
der tshe 'das pa khyod kyis nyon mongs pa zhe sdang la spyad pa'i dbang gis
dmyal ba'i gnas der lhung srid na
zhing khams de 'dul ba'i thub pa gshin rje chos kyi rgyal po zhes bya ba yod kyis
319
de'i tshe khyod kyis sangs rgyas yid la dran pa dang
chos yid la dran pa dang
dge 'dun yid la dran pa dang
yi dam yid la dran pa dang
ting 'dzin yid la dran pa dang
rdo rje'i slob dpon yid la dran par gyis la
sangs rgyas la phyag 'tshal lo
chos la phyag 'tshal lo
dge 'dun la phyag 'tshal lo
dmyal ba 'dul ba'i thub pa chen po la phyag 'tshal lo
skyabs su mchi'o
zhes brjod cing skyabs su song zhig
de nas yi dwags kyi thub pa blangs nas 'di skad do
hum 'khor ba'i rgyu ni ma rig pa
ma rig sems kyi rtsad bcad na
'khor bar 'dzin pa yod ma yin
kwa
nyon cig tshe 'das rigs kyi bu
'jig rten 'di 'dra sdug bsngal che
bde ba can gyi zhing du bzhud
'dod chags 'di yis khyod re bslus
'dod cing chags pa'i las rnams ni
byang chub snying po sgrib pa'i rgyu
dang po 'khor bar lhung pa yang
yid dang chos med snang ba la
med pa yod par spyad pas bslus
'dod chags rang dgar spyad pas nongs
320
da lta'i chags pa chen po yang
'dod chags yul du bzung bas nongs
nyon cig tshe 'das rigs kyi bu
'dod cing chags par ma byed cig
'dod cing chags par byas pa na
'dod chags yul snang dgra ra langs nas
bkres skom sdug bsngal gnas su skye
sgrib pa gsum la rtag tu gnas
ser sna'i 'ching ba ma khrol bas
zas kyis gdungs shing skom mi myong
yid ni gzhan 'gyur 'dug dbang med
yun ring thar bar dka' ba'i gnas
de ru khyod kyi shes pa sdang
sdug bsngal nyam thag myong bar 'gyur
de las grol bar bya ba'i phyir
sbyin pa'i zas nor 'di longs shig
om sar ba du a u pre nri spha ra na phad
e ma ho
tshe 'das shing lus brjes pa'i che ge mo khyod nyon cig
'di nas 'jig rten 'di'i 'og dpag tshad sum brgya'i 'og na
bkres ldan chen po zhes bya ba'i
yi dwags kyi 'jig rten yod pas
de ni 'dod chags shas cher spyad pa las chags pa yin pas rigs kyi bu khyod ji srid der lhung srid pas
nyon mongs pa 'khor ba la mngon par chags pas ma zhen cig
321
der ci srid lhung srid na
bskal pa sum brgya'i bar du thar ba'i gnas med do
tshe 'das pa khyod kyis nyon mongs pa 'dod chags la spyod pa'i dbang gis
'jig rten khams der lhung srid na
zhing khams de 'dul ba'i thub pa kha 'bar ma zhes bya ba
kha nas me 'bar pa
phyag na rin po che'i sgrom bu bsnams pa
shin tu bkres pa'i ngang tshul can cig yod kyis
de la skyabs su 'dong pa'i phyir
de'i tshe sangs rgyas yid la dran par gyis shig
chos yid la dran par gyis shig
'phags pa'i dge 'dun yid la dran par gyis shig
yi dam gyi lha yid la dran par gyis shig
ting 'dzin yid la dran par gyis shig
slob dpon yid la dran par gyis la
sangs rgyas la phyag 'tshal lo
dam pa'i chos la phyag 'tshal lo
'phags pa'i dge 'dun la phyag 'tshal lo
yi dags 'dul ba'i thub pa la phyag 'tshal lo
skyabs su mchi'o zhes brjod la skyabs su song zhig
de nas byol song gi thub pa blangs la 'di skad do
e ma gson cig dgongs shig rigs kyi bu
322
tshe 'das bya ba'i rigs kyi bu
ma rig 'khor ba'i rtsa ba ste
'khor ba 'di ni gti mug che
'di na 'dug par ma byed cig
bde ba can gyi zhing der bzhud
gti mug 'di yis khyod re bslus
gti mug rmugs pa'i rgyu 'di ni
shes rab sgrib pa'i rgyu yin pas
gti mug 'di la ma spyod cig
dang po 'khor bar ltung ba yang
gti mug myos pa'i dbang gis nongs
da lta rang snang dngos med la
gti mug rang dgar spyod pas nongs
nyon cig tshe 'das rigs kyi bu
gti mug rmugs par ma byed cig
rmugs shing thos pa med pa na
thos bsam shes rab ma shes pas
byol song rmugs pa'i gnas su 'gro
rmugs shing dran pa med par 'gyur
gcig la gcig za'i sdug bsngal ni
gcig la gcig za khyod kyis myong
shin tu rmugs par byed pa yis
lus 'di yang yang 'pho bar 'gyur
de ru khyod nyid skyes gyur na
sdug bsngal nyam thag myong bar 'gyur
de las grol bar bya ba'i phyir
shes rab sgrom bu 'di longs shig
om sar ba pre a u nri spha ra na phat
e ma ho
tshe las 'das pa che ge mo khyod nyon cig
323
'di nas ri bo chen po'i mtshams bzhi na gling chen po bzhi'i bar bar na mun pa'i 'jig rten dpag tu med pa yod pas
de tshor byol song gi rigs stong phrag tu ma yod pa
de rnams gcig gi sha gcig gis za ba'i skal ba las bde ba skad cig kyang med par gnas pas
de ni sems can nyon mongs pa gti mug shas cher spyad pa 'ba' zhig skyes pa'o
de na ltung ba'i gnas yod pas
zhing khams der ma chags par
de na byol song 'dul ba'i thub pa
ru ru rmugs pa zhes bya ba seng ge'i ngang tshul can
phyag na shes rab kyi po ti bsnams pa gcig yod kyis
de la skyabs su 'dong ba'i phyir
sangs rgyas yid la dran par gyis shig
dam pa'i chos yid la dran par gyis shig
'phags pa'i dge 'dun yid la dran par gyis shig
yi dam gyi lha yid la dran par gyis shig
ting 'dzin yid la dran par gyis shig
rdo rje slob dpon yid la dran par gyis shig
snying po yid la dran par gyis la
sangs rgyas la phyag 'tshal lo
dam pa'i chos la phyag 'tshal lo
324
'phags pa'i dge 'dun la phyag 'tshal lo
byol song 'dul ba'i dbang po la phyag 'tshal zhing skyabs su mchi'o
zhes brjod cing skyabs su song zhing
de nas lha ma yin gyi thub pa blangs la 'di skad do
hum tshe 'das bya ba rigs kyi bu
byol song yul na gti mug che
'di nas steng na dpag tshad nyis brgya na
lha ma yin zhes bya ba yi
'jig rten nyams dga' dang re spro
byol song yul du ma 'dug par
lha ma yin gyi gnas su byon
ma rig 'khor ba'i rtsa ba ste
rang rig ye shes rtog med pas
lha ma yin gyi yul de na
gnas pa'i sa med sdug bsngal ldan
de ru chags pa ma skye bar
bde ba can gyi zhing du bzhud
phrag dog 'di yis khyed re bslus
dang po 'khor bar ltung ba yang
phrag dog rlung ltar 'tshubs nas nongs
da lta mnyam la phrag dog pas
rtag tu rtsod pa rgyun mi chad
kwa
nyon cig tshe 'das rigs kyi bu
phrag dog 'tshub par ma byed cig
'tshub ma thag tu 'dzin pa na
rtsod ldan 'di la rab chags nas
yun ring sdug bsngal khyod kyis myong
sdug bsngal nyam thag myong bar 'gyur
325
de las grol bar bya ba'i phyir
bsam gtan go mtshon 'di longs shig
om sar ba su a nri spha ra na phad hum a
kye tshe 'das pa'i che ge mo khyod nyon cig
gnas la chags pa chen pos
sdug bsngal khyod kyis myong bar gyur te
lha ma yin gyi gnas na
rtsod pa'i sdug bsngal bsam gyis mi khyab ste
de ni sems can nyon mongs pa phrag dog shas cher spyod pa 'ba' zhig las byung ste
rigs kyi bu khyod der chags par ma byed cig
de na chags pa cher skyes pa na
de na lha ma yin 'dul ba'i dbang po thags bzang ris bya ba sku la bsam gtan gyi go gyon pa
phyag na bsam gtan gyi mdung thogs pa
lha ma yin gyi ngang tshul can yod kyis
de la skyabs su 'dong pa'i phyir
sangs rgyas yid la dran par gyis shig
dam pa'i chos yid la dran par gyis shig
'phags pa'i dge 'dun yid la dran par gyis shig
yi dam gyi lha yid la dran par gyis shig
rdo rje slob dpon yid la dran par gyis shig
sangs rgyas la phyag 'tshal lo
dam pa'i chos la phyag 'tshal lo
'phags pa'i dge 'dun la phyag 'tshal lo
326
lha ma yin 'dul ba'i thub pa thags bzang ris la phyag 'tshal zhing skyabs su mchi'o
zhes brjod cing skyabs su song zhig
de nas lha'i thub pa blangs la 'di skad do
hum gson cig dgongs shig rigs kyi bu
tshe 'das bya ba'i rigs kyi bu
lha min yul na phrag dog che
de na sdug bsngal bsam mi khyab
de yi steng na lha yi yul
nyams dga' dang spro yid 'ong dang
longs spyod sna tshogs 'di na yod
rgyan dang rol mo bsam mi khyab
lha min yul du ma 'dug par
lha yi yul du bde bar byon
hum ma rig 'khor ba'i rtsa ba ste
rang rig ye shes rtog med pas
lha yi gnas na 'dug sa med
longs spyod nyid la chags chags nas
ngan song gsum gyi gnas su ltung
de ru chags par ma byed par
bde ba can gyi zhing du bzhud
nga rgyal 'di yis khyod re bslus
lha yi yul na nga rgyal che
dang po 'khor bar ltung ba yang
nga rgyal ri bo brtsegs pas 'khor
da lta nga rgyal spyad pas na
dga' ldan lha yi yul du skyes
longs spyod 'khor la chags chags nas
327
ngan song 'khor ba'i gnas su ltung
kwa
nyon cig tshe 'das rigs kyi bu
nga rgyal rtog par ma 'dzin cig
nga rgyal rtog par bzung ba na
longs spyod 'di la rab tu chags
longs spyod 'id la chags pa'i mthus
'khor ba nyid kyi gnas su ltung
yun ring thar pa'i gnas mi thob
sdub bsngal nyam thag myong bar 'gyur
de las grol bar bya ba'i phyir
brtson 'grus pi wang 'di longs shig
om sar ba a u nri spha ra na phat hum a
e ma ho
tshe 'das shing lus brjes pa'i che ge mo khyod nyon cig
lha'i gnas 'di na longs spyod 'khor ba'i rgyu la chags pas
tha ma ngan song gsum du ltung bar 'gyur bas
rigs kyi bu der chags par ma byed par
zhing khams de na lha 'dul ba'i thub pa
lha'i dbang po brgya byin zhes bya ba lha'i cha byad 'dzin pa
phyag na pi wang dang rol mo bsnams pa gcig yod kyis
de la skyabs su 'gro ba'i phyir
sangs rgyas yid la dran pa dang
dam pa'i chos dang
'phags pa'i dge 'dun dang
rdo rje slob dpon yid la dran par gyis la
sangs rgyas la phyag 'tshal lo
328
dam pa'i chos la phyag 'tshal lo
'phags pa'i dge 'dun la phyag 'tshal lo
lha'i dbang po brgya byin la phyag 'tshal zhing skyabs su mchi'o
zhes brjod cing skyabs su song zhig
de nas mi yi thub pa blangs la 'di skad do
hum gson cig dgongs shig rigs kyi bu
tshe 'das bya ba'i rigs kyi bu
lha yi yul nang rgyal che
nga rgyal rang dgar spyod pa'i phyir
'di na cha mnyam byang chub nye
lha yi yul du ma chags par
cha mnyam mi yi gnas 'dir byon
hum ma rig 'khor ba'i rgyu yin te
'di la chags par ma byed par
bde ba can gyi zhing du bzhud
khong khro 'di yis khyod re bslus
khong khro bdag tu ma 'dzin cig
khong khro bdag tu 'dzin pa na
dang po 'khor bar ltung ba yang
khong khro rang dgar spyad pas nongs
da lta khong khro nyid spyad na
mi yi sdug bsngal chen por 'gyur
yun ring sdug bsngal myong bar 'gyur
de las grol bar bya ba'i phyir
tshul khrims phung po 'di longs shig
om sar ba nri tri du pre su a spha ra na hum phag a
e ma ho
tshe 'das shing lus brjes pa'i che ge mo nyon cig
329
mi yi gnas 'di ni bde sdug gi rab chen po ste
'di la ma chags par bde ba can gyi zhing du bzhud cig
mi yi gnas 'di 'dul ba'i sha kya thub pa zhes bya ba
bcom ldan 'das dpal rdo rje sems dpa'i zhags kyi pad ma las sprul pa'i mi yi cha byad can phyag na gseg shang dang par bu thogs pa de yid la dran par gyis la
de la skyabs su 'gro ba'i phyir
sangs rgyas dang
chos dang
'phags pa'i dge 'dun dang
yi dam gyi lha dang
rdo rje slob dpon yid la dran par gyis la
sangs rgyas la phyag 'tshal lo
chos la phyag 'tshal lo
dge 'dun la phyag 'tshal lo
mi yi thub pa sha kya thub pa la phyag 'tshal zhing skyabs su mchi'o
zhes brjod cing skyabs su song zhig
de nas mi'i gnas nas dri ma dkyil 'khor gyi phyi khyams mu khyud kyi steng du bzhag la
rigs drug gi dkyil 'khor dbye bar bya'o
de nas slob dpon gyis lam bstan pa 'di skad do
ho rigs kyi rgyal po pad ma dbang gi sku la phyag 'tshal lo
tshe 'das pa 'di la gshed du byed pa dang
sgrib pa thams cad byang bar mdzad du gsol
330
ho tshe 'das pa che ge mo khyod nyon cig
shar phyogs kyi 'jig rten gyi khams na
mngon par dga' ba'i zhing khams na
ston pa rdo rje sems dpa' zhes bya ba
skus 'dul ba'i chos ston to
rigs kyi bu khyod de ru skus 'dul ba'i chos nyon la
phyi nang gi sgro 'dogs chod la
bde ba can gyi zhing khams su bzhud cig
lho phyogs na dpal dang ldan pa zhes bya ba'i zhing khams yod de
de na sprul pa'i sku de bzhin gshegs pa
yang dag par rdzogs pa'i sangs rgyas rin chen 'byung ldan zhes bya ba yon tan gyis 'dul ba'i sgo nas chos bstan pa gcig yod kyis der rigs kyi bu khyod ma 'jigs par yon tan gyis 'dul ba'i chos nyon cig
phyi nang gi sgro 'dogs chod la
chos nyid ka dag gi zhing khams su bzhud cig
nub phyogs na pad ma brtsegs pa zhes bya ba'i zhing khams yod de
de na sprul pa'i sku snang ba mtha' yas zhes bya ba yod kyis
des gsung gis 'dul ba'i chos ston to
der rigs kyi bu khyod ma 'jigs par gsung gis 'dul ba'i chos nyon la
phyi nang gi sgro 'dogs chod la der ma gnas par chos nyid ka dag gi zhing du bzhud cig
331
byang phyogs na las rab yongs su rdzogs pa'i zhing khams yod de
de na de bzhin gshegs pa yang dag par rdzogs pa'i sangs rgyas sprul pa'i sku don yod grub pa zhes bya ba yod kyis
des phrin las kyis 'dul ba'i chos ston gyis
de la rigs kyi bu khyod ma 'jigs par phrin las kyis 'dul ba'i chos nyon la
phyi nang gi sgro 'dogs chod la
chos nyid ka dag gi sar bzhud cig
byang shar mtshams na stobs rnam par bkod pa zhes bya ba'i zhing khams shin tu yangs pa zhes bya ba yod kyis
zhing khams de na bcom ldan 'das phyag na rdo rje bya ba yod kyis
de la rigs kyi bu mthu stobs kyi dbang zhus la
bdud dang nyon mongs pa bril gyis non la
chos nyid ka dag gi sar bzhud cig
shar lho mtshams kyi 'jig rten gyi khams na
zhing khams thugs rjes brgyan pa zhes bya ba na
bcom ldan 'das thugs rje thams cad kyi bdag po
spyan ras gzigs dbang phyug zhes bya ba yod kyis
de la rigs kyi bu khyod 'jigs par ma byed par
bcom ldan 'das de la rdzu 'phrul gyi dbang zhus la
332
thugs rje phyogs bcur mdzad cing chos nyid ka dag gi sar bzhud cig
332
lho nub kyi 'jig rten gyi khams na
zhing khams 'jam pa'i mgon ces bya ba yod de na bcom ldan 'das 'jam dpal gzhon nur gyur pa zhes bya ba yod de
de la rigs kyi bu khyod ma 'jigs par chos thams cad kyi spyan khong du chud pa zhes bya ba'i dbang zhus la
snang srid kyi chos thams cad bshad cing ka dag gi sar bzhud cig
nub byang gi 'jig rten gyi khams na
zhing khams yid 'khrugs pa thams cad zhi bar byed pa zhes bya ba yod de
de na bcom ldan 'das mi 'khrugs pa zhes bya ba yod kyis
de la rigs kyi bu khyod ma 'jigs par chos thams cad kyi de bzhin nyid bstan pa'i dbang nos la chos nyid ka dag gi sar bzhud cig
steng gi phyogs na nam mkha' rnam par dag pa zhes bya ba'i 'jig rten yod de
de na bcom ldan 'das nam mkha' rgyal po zhes bya ba yod kyis
de la rigs kyi bu khyod ma 'jigs par de la lta ba'i gnas lugs rdzogs pa chen po gzhi'i dbang zhes bya ba yod kyis
dbang de nos la
chos nyid kyi gzhi snang la bzhud cig
333
'og gi phyogs na zhing khams ma g.yos pa zhes bya ba yod de
de na bcom ldan 'das 'od srungs chen po zhes bya ba yod kyis
de la rigs kyi bu khyod ma 'jigs par
de la rang rig mngon par snang ba zhes bya ba'i dbang yod kyis
de las dbang de nos la chos nyid rang snang gi nam mkha' la bzhud cig
phyogs bcu'i 'jig rten gyi dbus na
dur khrod chen po me ri 'bar ba zhes bya ba yod de
de yang shin tu yangs pa 'jigs shing skye bung ba
skrag cing rngams pa cig yod de
de nas bcom ldan 'das pad ma dbang gi rgyal po zhes bya ba yod kyis
rigs kyi bu khyod de la ma 'jigs par bcom ldan de la rig pa rang gnas kyi dbang zhes bya ba yod kyis
dbang de nos la
chos nyid rang snang gi nam mkha' la ma 'jigs ma sngangs ma skrag par song zhig
kye ma tshe 'das pa'i byang chub sems dpa' khyod nyon cig
num phyogs kyi 'jig rten gyi khams na bcom ldan 'das snang ba mtha' yas kyi zhing khams bsam gyis mi khyab pa yod kyis
rigs kyi bu der seng ge'i 'gros kyis song la
glang po che'i lta stangs kyis ltos shig
334
mngon par dga' ba zhes bya ba'i tshal na
byang chub mtha' yas kyi phugs
seng ge'i sgra bsgrags pa zhes bya ba na
'phags pa nam mkha' mdzod ces bya ba
shin tu skyi bung ba gcig yod kyis
de la ma 'jigs par song zhig
de 'das pa'i phyi rol na sangs rgyas mar me mdzad bzang po zhes bya ba rgyan 'od kyi phung po dang ldan pa yod de
de khyod la snang bar 'gyur ro
rigs kyi bu de mthong ba'i dus su skus 'dul ba'i chos ston te
longs spyod rdzogs pa'i sku mtshan dang dpe byad du ma dang ldan pas
sku dang gnyis su med par yongs su mya ngan las 'da' bar 'gyur ro
kye ma tshe 'das pa'i
byang chub sems dpa' khyod nyon cig
rigs kyi bu chos chen po snang ba'i thugs rje 'das pa'i pha rol na
rang rig pa'i snang ba bsam gyis mi khyab pa yod kyis
rigs kyi bu der seng ge'i 'gros stangs kyis song la
glang po che'i lta stangs kyis ltos shig
rig pa 'dus ma byas pa'i snang bzhes bya ba na
chos nyid stong pa gsal pa chen po'i gnas seng ge'i sgra sgrogs bzhes bya ba shin tu skyi bung ba gcig yod gyis
de la ma 'jigs par bya khyud nam mkhar lding pa'i 'gros kyis song zhig
335
de 'das pa'i pha rol na
thog ma'i sangs rgyas 'od mi 'gyur ba zhes bya ba yod kyis
de khyod la snang bar 'gyur gyis
de snang ba'i dus su sku gsum dbyer mi phyed pa'i chos ston par 'gyur ro
chos kyi sku skye 'gag thams cad dang bral bar bstan pas
sku gsung thugs gnyis su med par yongs su mya ngan las 'da' bar 'gyur ro
de'i tshe rigs kyi bu khyod kyis sku brtan par gyis shig
gsung brtan par gyis shig
thugs brtan par gyis shig
rig pa brten par gyis shig
des ni skye ba med par thal lo
de skad ces lam bstan par bya'o
gzhan dag gi phung po sbyang yang
rigs drug gnas nas drangs pa dang
lam bstan 'di ltar shes par bya'o
zhes rdzogs pa rang byung chen po'i rgyud las
lam bstan pa'i le'u ste drug pa'o
rdzogs so
@7
rgya gar skad du
ma ha sa ma ya tra ru pu ka na ma
bod skad du
tshe 'das kyi gdung sreg pa'i cho ga ro sreg thal pa'i lung zhes bya ba
bcom ldan 'das pad ma dbang gi sku la phyag 'tshal lo
336
de nas pad ma dbang gi skul
nye ba'i 'khor rnams kyis 'di skad ces gsol to
kye kye bcom ldan dbang gi sku
sems can bag chags sbyang ba'i phyir
rnam rtog sbyang ba'i thabs chen gsung
zhes nus so
de nas bka' stsal pa
kye ma rdo rje 'dzin pa nyon
ngas bstan legs par yid la zung
ro sreg cho ga byed pa na
ro yi khang pa legs byas la
ro ni spos chu 'o mas bkru
de nas ro de khang par gzhug
khang pa de yi mdun nyid du
dkyil 'khor 'dom gang ba gcig bya
chag chag gdab cing thig skud brlab
chag chag gdab pa'i sngags 'di'o
om sho dha ya ba dzra a hum
thig skud byin brlab sngags 'di'o
om ba dzra ka sa ra hum tram
sa tshon byin gyis brlab pa'i sngags 'di'o
om a hum sva ha
de nas dkyil 'khor de nyid la
thig gdab byin rlabs rdzogs pa dang
tshon ni rab tu dgye bar bya
dbus kyi pho brang zlum po bya
gru gsum mthing nga e ru bya
zla gam rnam gsum dbang chen dmar
zlum po mu khyud bar dag tu
yi ge hum nyid bri bar bya
zlum po de yi phyi ri mdu
pad ma'i glo 'bur 'dab brgyad bya
337
kha dog dmar po dag tu sungs
glo 'bur bar ni ljang gus dgang
de yi phyi rim mu khyud zlum
me ri dag ni bya bar gsungs
de yi phyi rim gru bzhi ste
sgo dang bcas pa rab tu bri
gru chad dkar po'i steng dag tu
byed shar mtshams kyi gru chad la
rdo rje rgya gram bri bar bya
shar lho'i gru chad steng nyid du
rin po che yi snye ma bri
lho nub gru chad steng du yang
pad ma mdzes pa 'dab brgyad bri
num byang gru chad steng du yang
ral gri ljang gu bri bar bya
sgo ni rigs dang 'dra ba ste
sgo yi kha khyer zla gam la
bum pa rigs dang 'dra ba bri
de yi phyi rim zlum po ste
zla gam bzhi ni dmar por bya
zlum po de yi phyi rim du
'khor lo rtsibs ni bco lnga bri
'khor lo'i rtsibs mchan dag tu ni
yi ge phad ni re re bri
phyi rim zlum po dag tu bya
rdo rje'i ra ba bcas pa bri
phyi rim me ri dag tu'o
de ltar dkyil 'khor rab bris nas
dkyil 'khor de yi steng du yang
sgrub pa'i rdzas ni tshogs tshad bzhag
pho brang gru gsum steng dag tu
dpal gyi gtor ma gzhag par bya
338
mu khyud phyi ma'i steng du yang
gtor ma cha gsum gzhung mthun bsam
dkyil 'khor de yi shar phyogs su
rigs drug dkyil 'khor steng du yang
sha sna dag gi gtor ma dang
dkar gsum dag gis brgyan pa dang
mngar gsum dag gis brgyan pa dang
chu gtsang dag gis bran pa dang
khrag sna dag gis bran pa dang
bag zan khur bas brgyan pa'o
'gro drug drang ba gong dang 'dra
phyi tshog nang tshog gzhung bzhin bya
de nas slob dpon gsang ba des
me yi lha dang mnyam sbyar nas
bcom ldan snang ba mtha' yas bsgom
me yi lha tshogs spyan drangs pa'i
sngags 'di rab tu brjod pa dang
me yi lha dang gnyis med bsam
de nas me lha bzhugs gsol dang
me yi dkyil 'khor gsal gdab dang
me yi lha nyid bsdu ba dang
me yi lha tshogs bstim pa dang
me lha nyid dang dam tshig bsre
me lha sbar ba'i cho ga dang
de nyid byin rlabs sngags su bshad
de dag thams cad bskyed pa yi
sngags 'di rab tu bya bar gsungs
om ram ma ha sa ma ya hum dza
om ma ha shu ram trag ram
e ag ne dza la ram
su ram sar ba du ti tisha sa ma ya lhan
e ram dza la ram
phat ram
trag ram
yam ram
kham ram
ma ma rag sha dza la ram
su ma ram
ke ma rma
bhrum ram
spha ra na ram
sam ha ra na ram sur ya ram
tsan dra ram
bam ram
e ag ne man da la sat vam hum sva ha
om ma ha sa ma ya mu dra ram
sar ba ya du ling ting
sang ha ra na hum
e ag ni rde ba su tri ram
ha ha sat vam bhe ba dzra ba dzra hum hum hum
om ar ya dhar ma mu dra sa ma ya dhu dhu ram
yam ram hum phat sva ha
e ram
dza la ram
phat ram
trag ram
hri ram
pad ma kro dha ram
dham dham
spha ra na phat ram
gri ha na gri ha na ram
ha na ha na ram
da ha da ha ram
pa tsa pa tsa ram
hum ram spha ra na
a ram spha ra na
sva ram spha ra na
ha ri spha ra na
om ram spha ra na phat
om a hum ram ram ram
hri da ya ram ram ram
om pad man ta kri ta ram ram ram
hu lu hu lu ram ram ram
ma ha dhar ma a
sho dha ya
agni ram ram
hum a a a
de ltar sngags rnams rdzogs nas kyang
bdag nyid pad ma dbang du bsgom
bdag gi mdun du snang mtha' yas
sku mdog dmar po 'od chags bsgom
pad man ta kri ta sgra brjod pas
bdag nyid dbang chen shugs ka nas
340
rta mgrin dmar po gcig byung ste
rta skad thengs gsum brjod pa yis
srid gsum me ru 'bar bar bsgom
tshe 'das sgrib nyis byang bar bsam
de nas dbang chen bdag nyid la
rang bzhin bstod pa 'di skad do
hri
ye shes rig pa nyid las skyes pa'i lha
rang byung thugs rje'i dpal la phyag 'tshal bstod
chos dbyings mkha' la skar tshogs spras pa'i sku
pad ma he ru ka la phyag 'tshal bstod
zhal gsum phyag drug g.yas na mo
dkar ba'i mdog la bzhad pa che
zhal gsum phyag drug g.yon na mo
dmar ba'i mdog la thig le che
zhal gsum phyag drug dbus na mo
dmar nag mdog la khro gnyer che
dbus na rna mgo ljang zhur la
rta mgrin rgyal po rta skad 'tsher
lhang lhang tser tser phyogs bcur sgrogs
khams gsum ma lus dbang du sdud
spyan nas me yi tsha tsha 'phro
shangs nas 'thor ba'i rlung chen ldang
g.yas kyi rta skad thengs gcig gis
mya ngan 'das pa'i chos kyang ston
g.yon gyi rta skad theng gcig gis
g.yar dam can la dngos grub ster
dbus kyi rta skad theng gsum gyis
341
srid gsum ma lus dbang du sdud
sku mdog dmar nag dur khrod me chen 'bar
pags chen rlon pa'i g.yang gzhi'i sham thabs can
sbrul nag stong gis brgyan pa'i gdengs ka can
tshangs pa chen po la sogs lha chen gyi
mgo bcad sbrel bas dbu yi rgyan du byas
thal chen khrag dang zhag gi tshom bus spras
'jigs tshogs chen po dur khrod rgyan gyi gnas
dpa' bo chen po sgeg chen 'jigs
kha ti rje'u chung ral gri dgra sat va dang
mda' gzhu mdung thung gser gyi zhags brkyang zhing
thod phreng brgyan du byas shing btsun mo'i tshogs la 'khril
dpa' bo chen po 'bar chen po
lha chen brgyad ni zhabs kyis mnan
klu chen brgyad ni gdan du bting
g.yas kyi phyag brgyad byung ba yis
lha chen brgyad kyi mgo bcad nas
bhan dha brgyad ni rak tas bkang
ru tra brgyad kyis dkrugs shing gsol
g.yon gyi phyag brgyad byung bas ni
lha chen brgyad kyi snying phyung nas
tsit ta brgyad ni thabs kyis rol
dgra bo'i zhing chen khra la la
342
thod rus rkang rus nyi li li
rak ta'i rgya mtsho sngo dmar kyi li li
dbang phyug chen po bskyod tsam na
'khor gyi ma tshogs las la bhyo
kang kang chum chum las la 'dus
om pad man ta kri ta hum hu lu hu lu hum hri dza
de ltar bstod cing las rnams rdzogs
de nas ma yi cho ga bya
me nyid sbyangs pa'i ting 'dzin ldan
tshe 'das bag chags bsreg par bya
phyi nang nyon mongs zad par bsam
chos nyid dbang dang ldan bya zhing
dkyil 'khor lha tshogs gsal bar bsgom
me lha bdag dang dbyer med bskyed
rig pa'i stobs dang ting 'dzin bskyed
rang rig mnyam la ma 'dres bsgom
me yi lha ni spyan drangs nas
me yi sgrib sbyong las 'di bya
sngags 'di brjod cing dbang bro brdung
om ba dzra sat va hri da ya
ba dzra pa ni hum phat
de skad brjod cing lha gsum bskyed
zhi rgyas dbang dang mngon spyod pa'i
me yi mchod pa rdzogs par bya
zhi ba'i mchod pa 'di skad do
hum snang srid nam mkha' stong pa'i hom khung du
'byung ba sna tshogs snang ba'i me sbar bas
mtshan ma sna tshogs snang ba'i me byung ste
rnam shes phung po'i tshogs rnams bsregs sbyangs thim
343
hum dbus phyogs zlum po'i hom khung du
bcom ldan rnam par snang mdzad las
chos kyi dbyings kyi me byung bas
gti mug rnam rtog bsregs sbyangs thim
shar phyogs zlum po'i hom khung nas
bcom ldan rdo rje sems dpa' las
me long lta bu'i me byung bas
zhe sdang rnam rtog bsregs sbyangs thim
lho phyogs zlum po'i hom khung du
bcom ldan rin chen 'byung ldan las
mnyam pa nyid kyi me byung bas
nga rgyal rnam rtog bsregs sbyangs thim
nub phyogs zlum po'i hom khung nas
bcom ldan snang ba mtha' yas las
so sor rtogs pa'i me byung bas
'dod chags rnam rtog bsregs sbyangs thim
byang phyogs zlum po'i hom khung nas
bcom ldan don yod grub pa las
bya ba grub pa'i me byung bas
phrag dog rnam rtog bsregs sbyangs thim
hum zhi ba'i me ni dkar la 'tsher
rnam shes dag pa'i zhing du sgrol
tshe 'das bya ba'i rigs kyi bu
khyod kyi ma rig ngas bsgral bas
chos nyid zhi ba'i don rtogs shog
344
om ba dzra shan tam ku ru sva ha
de nas ting 'dzin rab ldan pas
mar la sogs pa ro bsreg khang bu'i nang du blugs la
rgyas pa'i me chog rdzogs par bya
hum srid gsum yum gyi bha ga'i hom khung du
lhag pa byang chub sems kyi me sbar bas
sprul pa ye shes gsal ba'i me byung nas
skye rga na 'chi'i sdug bsngal bsregs sbyangs thim
hum dbus phyogs gru bzhi'i hom khung du
yum chen nam mkha'i dbyings phyug las
de bzhin rigs kyi me byung bas
ma rig rtog pa bsregs sbyangs thim
shar phyogs gru bzhi'i hom khung du
yum chen sangs rgyas spyan nyid las
rdo rje rigs kyi me byung bas
yid kyi rnam rtog bsregs sbyangs thim
lho phyogs gru bzhi'i hom khung du
yum chen ma ma ki nyid las
rin chen rigs kyi me byung bas
sems kyi rnam rtog bsregs sbyangs thim
num phyogs gru bzhi'i hom khung du
yum chen gos dkar mo nyid las
pad ma rigs kyi me byung bas
'dzin pa'i rnam rtog bsregs sbyangs thim
byang phyogs gru bzhi'i hom khung du
yum chen dam tshig sgrol ma las
345
las kyi rigs kyi me byung bas
zhen pa'i rnam rtog bsregs sbyangs thim
hum rgyas pa'i me ni ser la 'tsher
tshe 'das las la gnas pa 'di
skye med dbyings su sgrol ba'i phyir
rgyas pa'i me yis rtog sbyangs nas
skye med byang chub gnas su bzhud
tshe 'das rnam shes tshogs brgyad rnams
ye shes chen po'i me brgyad kyis
bsregs nas thal ba rdul du brlag
sbyin sreg dkyil 'khor dam pa 'dis
chos nyid rgyas pa'i don rtogs shog
om rat na e la ram
de nas ting 'dzin rab ldan pas
zas pud gtor ma'i phung bsags nas
dbang gi me yi mchod rdzogs bya
dbang gi me chog 'di skad do
hum snang srid rdo rje 'bar ba'i hom khung du
rtog med ye shes ram gyis me sbar bas
skye med rtog pa'i klong nas me byung nas
rnam rtog mtshan ma'i bdud rnams bsregs sbyangs thim
steng phyogs zla gam hom khung du
bcom ldan gzi brjid 'od 'phro las
ye shes chen po'i me byung nas
ngar rtog mtshan ma bsregs sbyangs thim
shar phyogs zla gam hom khung nas
bcom ldan pad ma gsang ba las
346
kha dog lnga yi me byung bas
chags sdang drag po bsregs sbyangs thim
lho phyogs zla gam hom khung nas
bcom ldan pad ma che mchog las
'bar ma brgyad kyi me byung bas
bdud dang mu stegs bsregs sbyangs thim
nub phyogs zla gam hom khung nas
bcom ldan pad ma las sku las
stong pa nyid kyi me byung bas
dngos po'i rnam rtog bsregs sbyangs thim
byang phyogs zla gam hom khung nas
rnal 'byor bdag las me byung bas
mtshan ma'i rnam rtog bsregs sbyangs thim
dbang gi me ni dmar la dangs
rnam shes brgyad la dzwa la ram
phung po lnga la dzwa la ram
tshe 'das las ngan sdig can khyod
dang po 'khor bar ci phyir 'khor
da lta gnas pa ci la gnas
tha ma chags pa ci la chags
khyod ni de las ma grol na
'khor ba'i gnas las mi thar te
nga yis rnam shes bsregs nas ni
chos nyid dbang gi pho brang du
phat kyis 'phangs la bstim par bya
tshe 'das rtog pas bcings pa khyod
chos nyid dbang gi don rtogs shog
om phat ma ed ngu phat ram
de nas ting 'dzin rab ldan pas
dmar gtor phud dang bcas pa blug
347
drag po'i me chog rdzogs par bya
mchod pa rgyas pa 'di skad do
hum 'byung ba lnga yi hom khung du
gsang ba sngags kyi me sbar bas
stong pa sna tshogs bsdus pa'i me byung bas
'di yi phung po rnam lnga dzwa la ram
hum ye shes klong yangs 'khyil pa'i hom khung du
dag pa ye shes chen po'i yam shing la
skye med chos sku chen po'i me sbar bas
stong pa chen po'i me byung nas
'di yi yul lnga dzwa la ram
dpal chen he ru'i zhal gyi hom khung du
'dzab dang snying po 'phro 'du'i me sbar bas
dag pa ye shes chen po'i me byung nas
'di yi yul brgyad dzwa la ram
snang srid yum gyi bha ga'i hom khung du
gsang ba ye shes yam shing la
lhag pa byang chub sems kyi me sbar bas
gsang ba ye shes thig le'i me byung nas
'di yi 'dod chags dzwa la ram
chos nyid 'gyur ba med pa'i hom khung du
rig pa rtog pa med pa'i yam shing la
ye shes sgron me gsal ba'i me sbar bas
snang srid chos sku'i me byung nas
'di yi gti mug bsregs sbyangs thim
hum rtog med nam mkha' stong pa'i hom khung du
348
skye 'gro rtsi shing nags tshal yam shing la
sna tshogs ye shes chen po'i me sbar bas
'di yi zhe sdang dzwa la ram
chos nyid brdal ba chen po'i hom khung du
sna tshogs mtshan mar 'dzin pa'i yam shing la
'dzin med rtog med rang byung me sbar bas
ye shes stong gsal chen po'i me byung nas
'di yi phrag dog dzwa la ram
snang stong gsal ba yum gyi bha ga'i hom khung du
dag pa kha dog lnga yi yam shing la
ye shes chen po lnga yi me sbar bas
chos nyid yul lnga shes pa'i me byung nas
'di yi nga rgyal dzwa la ram
hum shar phyogs gru gsum hom khung nas
bcom ldan ba dzra he ru las
sengha brgyad kyi me byung nas
ma rig log rtog chen po 'di'i
glo snying nang khrol dzwa la ram
lha phyogs gru gsum hom khung du
khro rgyal ra ta hi ru las
phra men brgyad kyi me byung nas
mgo dang yan lag dzwa la ram
nub phyogs zur gsum hom khung nas
khro rgyal pad ma he ru las
yum chen lnga yi me byung nas
mig dang dbang po dzwa la ram
byang phyogs zur gsum hom khung nas
khro rgyal kar ma he ru las
rin chen 'dus pa'i me byung nas
349
bar du gcod pa'i 'byung po 'di'i
sha dang khrag la dzwa la ram
dbus phyogs zur gsum hom khung nas
khro rgyal bud dha he ru las
ma mo 'dus pa'i me byung nas
ming dang rus la dzwa la ram
hum khro rgyal rta mchog rgyal po yis
me yi lha dang mnyam sbyar nas
'di yi mgo lus dzwa la ram
e la ram
dzwa la ram
phat ram
'byung po dzwa la ram
bar du gcod pa'i 'byung po dzwa la ram
de nas ting 'dzin rab ldan pas
zas dang gtor ma phud blugs la
me yi cho ga rgyas par bya
'di skad rab tu brjod par bya
hum nga ni ye shes bskyed pa'i lha
me yi lha tshogs spyan 'dren gyis
gnas 'dir rab tu gshegs su gsol
hum me yi ma ni gos dkar mo
me yi lha ni snang mtha' yas
me yi gtso bo dbang chen sku
me yi mtshan nyid sreg par byed
me yi yab ni tsha ba che
me yi snang ba mar la dangs
me yi lha tshogs spyan 'dren gyis
gnas 'dir gshegs la dngos grub stsol
hum gti mug nam mkha'i me ni smug nag 'bar
zhe sdang me yi me ni dkar nag 'bar
350
nga rgyal sa yi me ni ser nag 'bar
'dod chags chu yi me ni dmar nag 'bar
phrag dog rlung gi me ni ljang nag 'bar
me yi phung po nam mkha'i mtha' dang mnyam
'di yi nyon mongs lnga la dzwa la ram
zhe sdang rus pa'i me ni phyogs bcur 'phro
'dod chags sha yi me ni bskal par 'bar
phrag dog nang khrol me ni kun tu 'bar
nga rgyal chu rgyus me ni nam mkhar 'bar
gti mug khrag gi me ni sa gzhi khengs
me yi phung po bskal pa'i mtha' dang mnyam
ye shes med pud phyogs bcur rab tu 'phro
'di yi rnam shes tshogs la dzwa la ram
hum ye shes chen po'i dkyil 'khor nas
ye shes 'od lnga'i me byung nas
'di yi phung po lnga la dzwa la ram
stong pa nyid kyi klong dkyil nas
ye shes rnam lnga'i me byung bas
'di yi dbang po lnga la dzwa la ram
chos nyid zhi ba'i dkyil 'khor nas
tshom bu rnam lnga byung ba yis
'di yi yul lnga dzwa la ram
snang ba chen po'i dkyil 'khor nas
rigs kyi sku lnga byung ba yis
'di yi chags sdang lnga po dzwa la ram
dpal chen he ru ka yi thugs ka nas
351
ko'u rim brgyad byung ba yis
'di yi rnam shes brgyad la dzwa la ram
dpal chen he ru ka yi yan lag las
sgo skyong ma bzhi byung ba yis
'jigs pa bzhi la dzwa la ram
dpal chen snang ba chen po las
rigs kyi yum lnga byung ba yis
'byung ba lnga la dzwa la ram
dzwa la ram ste mchod par rol
dpal chen gnas su mchod par rol
om kar ma tisha ya ni ra ma phat
dzwa la ram phat ram
e la ram
de nas ting 'dzin nges par bsgom
de nas zan dang phud gtor de
nges pa'i glu chen 'di skad do
hum chos ku mkha' khyab dag pa'i bying rlabs las
rig pa'i rgyal po khro rgyal dbang gi sku
sku mdog dmar dangs me yi 'od ldan 'phro
de yi sku las 'od zer rab 'phros pas
ma rig 'joms pa'i me ni sna tshogs 'bar
zhe sdang 'joms pa'i me ni dkar nag 'bar
gti mug 'joms pa'i me ni smug nag 'bar
'dod chags 'joms pa'i me ni dmar nag 'bar
phrog do 'joms pa'i me ni ljang nag 'bar
nga rgyal 'joms pa'i me ni ser nag 'bar
352
me yi bskal pa mun nag glog ltar 'khyug
dur khrod me ri sna tshogs kun tu 'bar
nyon cig tshe 'das rigs kyi bu
sna tshogs me yis khyod kyi sdug bsngal sbyong
shes rab chen po yum gyi me byung bas
'khor ba'i sdug bsngal ye shes chen por bslang
sgrib dang nyon mongs nad rnams zhi bar mdzod
e ag ni spha ra na hum hum phat phat
a a ram ram sva ha
de ltar mchod pa'i rim rdzogs nas
bskang gso'i cho ga rgyas par bya
bshags pa bya zhing dbang rdzogs bya
gnas bsrung ba dang lam nyid bstan
gtor ma btang zhing lha tshogs bstim
me lha bstim dang sngags nyid bzlas
rig pa bskul zhing stong nyid bsgom
chos sku ngos bstan gnyis med bsam
sku gsum gzhi rdzogs rang 'od sku
rang bzhin gsal snang rig pa'i ngang
chos nyid yul dang gsang mtshan 'bod
ming nas 'don zhing las grub bya
dkyil 'khor bsdu zhing sa rnams rlog
phyis ni ldang med 'dre mnan gdab
dkyil 'khor gso zhing gsang sngags bzlas
353
rgyu rnams sbyangs shing skye rgyun gcod
gnas nas sbar zhing phad ces bzlas
shes pa bsdu zhing hum gis bskyed
gshed byed bskrad cing gnas lugs bstan
sku gsum brjod cing thig ler gzhug
zhing khams bstan zhing sku bstan bya
lha yi ngo bstan ye shes dbab
rgyu rkyen dpral zhing rig pa gcun
rang bzhin nyid dang ngo bo bstan
snang ba gsal zhing sgrib pa sbyang
gnyis med lha dang dbyer med bsam
dus dang gnas dang ye shes bstan
sa lam spar ba rab tu bshad pa'o
zhes rdzogs pa rang byung chen po'i rgyud las
ro bsreg thal ba'i lung bstan pa'i le'u ste bdun pa'o
rdzogs so
@8
rgya gar skad du
bha ra bhi bhi na ma
bod skad du
dur gdab tsha tsha'i lung zhes bya ba
bcom ldan 'das rig pa dbang gi lha la phyag 'tshal lo
de nas gsang ba'i bdag pos 'di skad ces gsol to
kye kye bcom ldan dbang gi sku
de bzhin gshegs pa thams cad kyi
sku gdung rten ni gang la bgyi
nye ba'i 'khor la gsung du gsol
zhes zhus so
de nas dbang chen de nyid kyis
354
gos sngon can la bka' stsal pa
kye ma gsang ba'i bdag po nyon
rnal 'byor ting 'dzin ldan pa yis
dben pa'i gnas su bder 'dug la
sku gdung rten dang mchod rten gdab
bdag dang gzhan gyi don yang rung
mthar phyin nges pa'i thabs 'di brtsams
dbang chen sku dang gnyis med cing
spyan ras gzigs kyi ting 'dzin bsgom
sku mdog dkar po 'o chags pa
g.yas pas ut pal phyag mtshan te
g.yon pas skyabs sbyin phyag rgya'o
'od zer rab ldan bsgoms nas ni
sa rnams byin rlabs ldan par bya
spyan ras gzigs dbang bskyed pa'i snying po ni
'di yis sku mdog gsal bar 'gyur
om e pad ma dha tu nir ta shwa ra ya
a wa lo ki te hum
des ni sku rnams gsal bar bsgom
sngags de lan brgyad brjod pa dang
spyan ras gzigs dbang gsal pa'o
de ltar lha dang ldan gyur nas
mchod rten gdab pa'i las 'di brtsam
shin tu gtsang ma'i sa phyogs nas
sa blang mchod rten rgyu nyid btsal
sa nyid rko ba'i sngags 'di'o
om be ro tsa na hum
sngags de de brgya rtsa brjod pa dang
355
om las 'od zer rab 'phros pas
sa yi skyon rnams ci yod pa
om las 'od byung zhu bar bsam
de nas 'dag pa brdzi ba'i sngags
'di ni lan grangs brgya rtsa brjod
om ba dzra bi ra hum phat
sngags de lan brgya brjod pa dang
hum las 'od du 'phros par bsam
de nyid 'od du zhu ba las
'dag pa'i dngos po hum du bsam
bsam gyis mi khyab hum de yis
'dag pa'i rtog pa sbyangs nas ni
rtog med 'od du rnam par bsam
de nas 'bi 'bi bya ba'i sngags
'di yi ting 'dzin ldan par gsungs
om a hum
ye ge de dag 'od 'bar bsam
de bzhin gshegs pa thams cad kyi
sku yi yi ge om du 'dod
gsung gi yi ge a ru gsal
thugs kyi yi ge hum yin pas
sku gsung thugs su gsal bar bsgom
de nas tsha tsha gdab pa'i sngags
'di nyid rab tu brjod par bya
om a hum
ba ro sva ha ya hum phat
de ltar tsha tsha btab nas ni
rab tu gnas pa'i gsang sngags bzlas
sngags 'dis rab tu gnas pa'o
om e dhar ma sha ta tha ga ta
yo ni e vam tisha ta lhan
356
si ti hum hum
des ni rab tu gnas pa dang
lha tshogs brtan par bzhugs par bsam
dbang bskur phyag rgya 'di lta ste
khyung gshog lta bu'i phyag rgya yis
dbang bskur brtan par bzhugs su gsol
de ltar byin brlab rdzogs nas ni
chu bo dag la tsha tsha bskyal
zhes rdzogs pa rang byung chen po'i rgyud las
dur gdab tsha tsha'i lung bstan pa'i le'u ste brgyad pa'o
rdzogs so
@9
rgya gar skad du
e du pa ma bu ri kha ma ha ni su kha na ma
bod skad du
ro langs gser du sgrub pa'i lung zhes bya ba
bcom ldan 'das dbang chen rang gnas kyi sku la phyag 'tshal lo
de nas bcom ldan 'das dbang chen gyi sku'i spyan sngar
bud dha he ru ka sa
ro langs gser du bsgrub pa 'di smras so
e ma ho
phyogs bcu'i lha dang klu rnams nyon
rnal 'byor gang zhig stobs ldan pas
dben pa'i gnas su rab song la
ro langs gser gyi sgrub pa brtsam
shin tu dben pa'i gnas der yang
dkyil 'khor 'dom gang gru bzhi bya
de nas chag chag rab btab la
phyi nang gsang ba'i mtshams nyid bcad
phyi mtshams gcad par bya ba ni
357
gnas kyi phyogs bzhi dag tu yang
rgyal chen dag la mtho bzhi ste
gtor ma cha re mtho rtsar btang
shog bu sor bzhi pa re la
rgyal chen bzhi yi sngags bris la
rang rang phyogs phyogs dag tu dgod
de ni phyi yi mtshams su bstan
nang mtshams bcad pa 'di lta ste
khro bo bcu yi sngags kyis bcad
gsang pa 'khor lo mtshon chas bcad
gtor ma cha gsum rab tu btang
gtor ma cha gsum med pa na
gser skyems dag ni rgyas par btang
chab gtor nus tshad dag tu btang
de ltar mtshams bcad rdzogs pa dang
'bru lnga'i cho ga rdzogs par bya
mchod rten brgyad ni gdab bya zhing
bshags pa chen po rdzogs par bya
de ltar sngon 'gro rab rdzogs nas
de nas nang du 'ong ba dang
dkyil 'khor chen po de nyid la
thig ni rab tu gdab par bya
rnal 'byor chen po gsum gyis bsgrub
rdo rje slob dpon gsang ba des
rdo rje rgyal pos bu mchog la
thig skud sna ni legs sbyin la
bar snang dag tu 'then nas ni
sring sring lan gsum rdo rjes bya
358
nub nas shar du khab ltas las
thig gcig dkyil du gdab par bya
de la sogs te thig rnams gdab
de nas tshon nyid rab tu dgye
zhi ba'i dkyil 'khor rab tu bzhengs
de yi steng du rdzas rnams bsag
sgo la gri dang gra bzhir mda'
dar dkar yol ba dag kyang bya
dpal gyi gtor ma byang phyogs su
lho ru ma mo'i gtor ma gzhag
shar du 'byung po'i gtor ma gzhag
nub tu phud dang rak ta'o
de ni dkyil 'khor bstan pa'o
de yang ro de len pa'i tshe
ro langs la sogs gdul bya'i phyir
'chi bdag gshin rje gnas pa'i sar
sngags dang ldan pa'i mtshon cha brdeg
de nas ro khur mi de la
myos pa'i chu yis rab myos bya
de nas ro de bsgrub par bya
dkyil 'khor pho brang dbus dag tu
brgyang shing dag dang ldan pa ste
skra bcings thor tshugs rnam gdag go
rang rang rgyan cha dag gis brgyan
dang po spos chu 'o mas bkru
de ltar dkyil 'khor steng bzhag la
bsgral ba'i thabs ni rnam gsum ste
tshe 'das don phyir bsgral ba dang
mthu rtsal dbyung phyir bsgral ba dang
nyams chag skong phyir bsgral ba'o
359
de ltar bsgral bar bya ba'i phyir
bsgrub pa rab 'bring gsum du bya
tshe 'das don phyir bsgral ba na
dbang bskur byin brlab bya ba dang
rigs drug drangs dang lam bstan bya
len changs gtor ma rgyun du btang
tshogs dang mchod pa rgyun mi gcad
dus bzhi'i tshogs ni sna tshogs btang
mthu rtsal dbyung phyir bsgral ba na
bsgrub pa zhag gsum byed pa na
zhag gnyis kho bo'i phrin las bya
de nas dkyil 'khor steng nyid du
slob dpon gsang ba'i rgya bkrol la
thun dang ral gri mtshon cha bsnams
rdo rje'i lus po nyid la yang
g.yang gzhi dur khrod rgyan gyis brgyan
lag tu mtshon cha'i dbang bskur la
ske la ral gri rab btab la
gang la dmigs pa'i ming bris la
dmigs pa rab tu bsam par bya
ma nyes rabs rnams rab tu brjod
de nas mgo nyid chod pa dang
ha ha zhes bya'i sgra brjod cing
bstan pa 'jig pa bsad pa yi
legs so zhes byar rab tu brjod
de nyid 'breg pa'i sngags 'di'o
om pad man ta kri ta kro ta hu lu hu lu hum phat
hum ha ha kha hi kha hi
sngags de lan grangs brgya rtsa brjod
360
sngags rnams brjod cing dbang chen bsgom
dbang chen sku nyid gsal ba dang
rdo rje'i ging po mtshan ldan des
mtshon cha'i tshogs rnams rdzogs pa dang
khro bo 'gying byi stabs kyis ni
dkyil 'khor rab tu bskor bya zhing
bsgral ba'i las rnams rdzogs par bya
legs par brjod pa gong bzhin no
rgyun du bgrang ba'i sngags 'di brjod
om pad man ta kri ta ba dzra kro ta ha ya gri ba hum hri
gsang ba'i sngags 'di mang du brjod
dbang chen yum dang bcas pa ste
de nas rdo rje ging po des
slob dpon dag la mgo nyid dbul
slob dpon gsang ba de nyid kyis
bde gshegs mkha' 'gro'i thugs dam bskang
de nas tsit ta dbyung ba'i sdugs
'di skad drag tu brjod bya zhing
slob dpon tsit ta phyung zhes bsgo
de nas rdo rje bshan pa des
sngags 'di brjod cing tsit ta phyung
sa ma ya ta hi
tsit ta hum 'dus kha dur ma ra ya hum
sngags des tsit ta drang bar bya
ging pa brtul zhugs ldan pa na
bra zhing slob dpon de la dbul
de nas tshe 'das spar ba dang
dngos grub blang ba'i sngags kyang bzlas
dngos grub len pa'i dus nyid du
361
ro de longs na dngos grub 'thob
de tshe langs pa de nyid la
bdag nyid dbang chen rab ldan pas
mtshon cha phur pa dag gis kyang
gnas dag tu ni gdab bya zhing
sngags 'di brgya dang rtsa brgyad brjod
om hri tha sar ba sid dhi ba dzra hum
sngags des dngos grub 'thob pa'o
tshe 'das de nyid spar bya ba'i
sngags 'dis sbyor ba'i lhums su 'phang
om dhram ka dza e spha ra na phat phat
rigs lnga'i sras su dbang bskur ro
sngags 'dis dbang bskur bstan pa'o
om sva lam du hring hri ha ya sat vam
sku gsum rdo rje'i skur gyur nas
'od lnga'i mu khyud bar du'o
'od zer sku lnga 'bar bar bsam
de nas slob dpon gsang ba des
dbang bskur byin rlabs rdzogs pa dang
sha rnams legs par bsha' bya zhing
'khor na gnas pa'i bu rnams dang
bdag nyid longs spyod spel bya'i phyir
mam sa za zhing sngags 'di'o
om a hum hri da ya si ti hum phag
de ni longs spyod sngags su bstan
mthu rtsal dbyung phyir bsgral ba'o
tshe 'das don phyir bsgral ba na
bsgrub pa tha ma'i nub nyid du
ro yi rgyan blang rgyang phog la
362
zhi ba'i dkyil 'khor steng dag tu
kha sbub dag tu bsnyal byas la
rgyab tu thig rnams legs btab la
khro bo'i dkyil 'khor rab bris la
mchod pa'i tshogs rnams rab rdzogs bya
slob dpon nyid kyis sna drangs la
dkyil 'khor ro yi tha ma bskor
pad man ta kri ta dbyangs blangs shing
dbang mchog bro ni rab tu brdung
rgyab kyi tshangs thig steng nas bya
rab tu bsha' zhing dbang rdzogs bya
sngags 'di'i 'od zer rab 'phros bsam
ru lu gar gyi mchod pa'i sngags
sna tshogs mchod phyir sngags 'di'o
om ru lu ru lu hum bhyo hum
sngags de'i 'od zer rab 'phros pas
sku dang gsung dang thugs nyid las
'od 'phros sgrib pa sbyang bar bya
de nas bya byed zin pa dang
nang khrol rnam lnga mchod pa'i rgyu
mig dang rnam lnga mchod par 'bul
de ni she 'das don phyir ro
nyams chag bskang phyir bsgral ba ni
bsha' lugs gong dang mthun pa la
bsgrub pa nub ni gnyis 'das nas
khro bo'i dkyil 'khor bzhengs nas ni
mchod pa'i yo byad ci 'byor bsag
dkyil 'khor tha ma rab tu bskor
363
rang gi yi dam gang yin bsgom
bskang gso'i rdzas rnams gang yod sbyar
bshags pa bskang gso rgyas par bya
longs spyod sngags dang bya thabs rnams
gong du smos pa kho na'o
tshogs dang gtor ma rgyun mi gcad
bar chad bgegs rnams tshar gcod bya
gshed byed dpral zhing lam bstan bya
bskang ba'i rgyu dang sbyar te bskang
tshogs dang mchod pa'i yo byad la
'bru dang ting 'dzin ldan pas brlab
ma mo'i thugs dam rtag tu bskang
de ni nyams chag bskang lugs so
de ltar ro bsgrub rab tu brtsam
sngags 'dis thams cad 'grub pa'o
om sar ba ka ru na
pad ma ba dzra pa ni
ba dzra sat va sa ma ya a am ri ta ti ra hum phat sva ha
sngags de bzla zhing dngos grub blang
srin lag mthe bong bar dag tu
dal gnyis mnyam zhing tsit ta bzung
dus bzhi'i tshogs kyi tshe na yang
dngos grub blangs shing gser du bsam
de ltar ting 'dzin ldan pa yis
lo gnyis bsgrub pa byas pa na
lce nyid gser du 'gyur bar nges
lce nyid gser du gyur pa na
srin lag ting 'dzin ldan pas blang
364
blangs la sbrang rtsi'i chu dang sbyar
zhib par btags shing gsang sngags bzlas
de nas kun gyis bogs la bza'
zos na skye med byang chub thob
thun mong dngos grub thams cad thob
zas ni yid la dran pas tshem
lus la gos med gcer bur tshugs
gnyer ma med cing gzhon nur 'gyur
lo ni lnga brgya gzhon nur gnas
de nas tshe 'phos phyir mi ldog
yon tan de ltar 'byung ba'o
zhes rdzogs pa rang byung chen po'i rgyud las
thal byed ro langs gser du bsgrub pa'i le'u ste dgu pa'i
rdzogs so
@10
rgya gar skad du
om sar ba pan re kang ka dhar ma su ka na ma
bod skad du
chos nyid chab gtor gyi lung rnam par bsdus pa zhes bya ba
bcom ldan 'das dpal rta mchog la phyag 'tshal lo
de nas bcom ldan 'das dbang chen de la
'phags pa 'jam dpal gyis bskor ba lan gsum byas te
rgyu bsod nams kyi tshogs pa brten nas
'bras bu ye shes kyi tshogs bsags pa 'di skad gsungs so
kye kye 'khor gyi lha klu nyon
gang zhig bsod nams 'phel 'dod pas
365
nga yi bstan pa'i lung 'di nyon
stong nyid rig pa'i stobs ldan pas
dben pa'i gnas su bder 'dug la
rig pa'i ye shes rang snang kyang
tshogs 'di bsags pas byang chub nye
nga dang bdag tu mi 'dzin cing
stong nyid gsal bar rab bsgoms te
nges don chos spyod 'di bstan bya
rdzogs chen man ngag lung ldan pas
snod bstan pa dang bcud nyid bstan
mgron dang yon tan rgyas par bstan
sngags dang phyag rgya ting 'dzin bstan
rnam pa bdun ldan rnal 'byor pas
'jam dpal snying po bsdus pa 'di
nyams dga' ba yi phyogs dag tu
rin po che yi snod dag gam
rab tu gtsang ba'i snod dag tu
chu gtsang 'o ma sbyar la blug
rin po che dang tsan dan brdar
me tog 'bru dang sman gyis brgyan
gtsang ma'i sman dang phye la sogs
ka ti dang ni pu tsa na
dbang dang na ga sman gyi tshogs
ci 'byor pa yis snod dgang ngo
de ltar snod nyid rab gtams la
'phags pa spyan drangs mchod pa 'bul
byang chub sems bskyed byams pa bsgom
'gro la phan gdags snying rje bsgom
366
blta ba gsal gdab dga' ba bskyed
phyogs med rang gsal btang snyoms te
'bras bu rang grol dmigs med do
de ltar sngon 'gro rdzogs nas ni
bdag nyid rnal 'byor thugs ka nas
yi ge a gcig chad pa las
bdag la sogs pa'i snod bcud ni
stong zhing bdag med chen por bsgom
de nas a de spar gyur pas
rin chen snod du phog par bsam
de rnams 'od du zhu ba las
snod kyi 'jig rten thams cad dang
gtor snod dri ma sbyang bar bya
de nas a de slar 'dus nas
gtor ma'i snod la thim gyur pa
stong gsum stong gi 'jig rten khams
bdud rtsi dag gi rang bzhin du
mer gyis zhu nas gang bar bsam
de nas ting 'dzin rab ldan pas
a yi rang bzhin de nyid las
rang rang yi dam lha nyid kyi
sa bon gang yin gyur par bsam
de nas yi dam med pa na
wa gi shwa rar gyur par bsam
de nyid 'od du zhu ba las
'jam dpal sku mdog gsal bar bsgom
bdag dang gnyis med gnas pa la
367
sangs rgyas zhing khams rab 'byams su
'jam dpal sku ni grengs med bsam
yi dam snying po gang yin pa
bdag gi thugs kar thim gyur nas
bdag nyid yi dam lha ru bskyed
bdag nyid ting 'dzin gsal ba dang
yi dam snying po gang yin pa
yi ge dza ru gyur par bsam
de nyid 'od du zhu ba las
dza yis stong gsum gang bar bsgom
de dag rab tu 'phros pa las
'phags pa spyan drangs 'gro drug bkug
mgron rnams rab tu bkug pa dang
'phags pa dkon mchog gsum po dang
de bzhin gshegs dang rgyal pa rnams
nam mkha' dag la lhags par bsam
ma mo mkha' 'gro chos skyong rnams
bar snang khams su khengs par bsam
'gro ba rigs drug sems can rnams
sa gzhi rab tu khengs par bsam
de ltar mgron rnams spyan drangs la
sngags 'dis mgron rnams tshim par bsam
rigs kyi bu de ni 'di lta ste
ta tya tha ma ha a be sha ya a
sar ba ta tha ga ta
bha sa li
dzwa la ya
sar ba am ri ta kun dha li ha na ha na hum
sar ba pre ta mud ta sim hum
368
sngags de lan bdun brjod par bya
rdzogs chen phyag rgya gcig par 'bul
yongs su dag dang ma dag pa'i
thams cad 'dod pa bskang bar bsam
dang po 'phags pa dkon mchog mchod
gnyis pa dpal dang ma mo dang
chos skyong srung ma la sogs mchod
gsum pa 'jig rten 'og lha mchod
bzhi pa rgyal chen bzhi rnams dang
tshangs pa brgya byin lha rnams dang
gza' dang rgyu skar thams cad mchod
lnga pa len chags mgron la'o
drug pa yi dwags mgron rnams mchod
bdun pas thams cad tshim par byed pa'o
de ltar bsngo ba rnams rdzogs nas
bsngo dang chos kyi sbyin pa btang
ye shes lnga yi 'od zer ni
dbang po lnga yi 'phro 'du las
'dod pa'i yon tan lnga ldan pas
lha yi longs spyod lngar ldan zhing
thams cad tshims byed bdud rtsi 'dis
dkon mchog yon tan thams cad dang
rigs lnga sras dang yum du bcas
dbang chen lha tshogs thams cad dang
yi dam lha dang slob dpon dang
dpal dang ma mo mkha' 'gro dang
369
chos skyong srung ma 'khor bcas dang
dkyil 'khor lha tshogs bun la bsngo
srid pa'i mgron du gyur pa yi
rgyal chen bzhi dang gtsang rigs lha
tshangs pa brgya byin 'khor dang bcas
nye ba'i lha dang gza' rnams dang
sred med bu dang rgyu skar dang
phyogs skyong 'khor dang bcas la 'bul
len chags mgron la bsngo ba ni
mkha' la rgyu dang bar snang rgyu
ri rab gnas dang ngos la gnas
rgya mtshor gnas dang gling la gnas
sa dang chu la gnas pa dang
yid kyis 'gro dang gzugs kyis 'gro
lha klu gnod spyin dri za dang
'byung po'i tshogs dang sha za dang
gzugs can dang ni gzugs med dang
lto 'gro dang ni rkang 'gro dang
mi'am ci dang yi dwags dang
byol song rigs dang na rag dang
yi dwags rnams la zas dang skom
thogs pa med par 'byung 'gyur shog
de dag rnams la ci rigs pa
rang rang 'dod pa tshim gyur cig
kun kyang gnod pa ma byed par
longs spyod lnga dang ldan gyur cig
ces rdzogs pa rang byung chen po'i rgyud las
370
chab gtor gyi man ngag mchod pa longs spyod kyi le'u ste bcu pa'o
rdzogs so
@11
rgya gar skad du
sar ba ma na ya su ka na ma
bod skad du
thams cad zlog byed mtshon cha'i lung zhes bya ba
bcom ldan 'das stobs kyis rnam par 'joms pa'i sku la phyag 'tshal lo
de nas bcom ldan 'das dpal rta mchog gis
bar chad thams cad zlog pa 'di gsungs so
kye kye gsang sngags 'chang ba'i rigs
legs par nyon cig rdo rje 'dzin
bar chad thams cad bzlog 'dod na
nga yi gsang sngags 'di la zhugs
gsang sngags bzlas pa brtson 'dod na
dben pa'i gnas su rab phyin la
rang nyid yi dam lhar bskyed la
dpal ldan rdo rje sems dpa' bsgom
nyi zla gsal ba'i dal bskyed cing
rdo rje sems dpa'i thugs ka'i dal
om ba dzra sat va hum
sngags de rab tu gsal bar bskyed
thugs ka'i dal gyi steng dag tu
yi ge hri 'bar bzhi bskyed de
de ltar rab tu gsal bar bskyed
de nas bskyed pa'i sngags 'di bzlas
om pad man ta kri ta ba dzra ma ha kro ta ha ya gri ba hum
371
gsang sngags de nyid bzlas pa yis
hri bzhi 'od du rab zhu nas
yi ge gsum ni zhal gsum ste
bcom ldan dbang chen de nyid ni
g.yas dkar g.yon sngo dbus ljang zhal
hri gsum steng du chags pa las
rta mgo ljang gu gsum du bsam
rta skad drag tu 'tsher bar bsam
g.yas g.yon dang po lcags sgrog 'dzin
g.yas kyi bar ma ral gri la
dgra sta dag ni tha ma'o
g.yon gyi bar mas gshol lam gtan
tha ma sa thob rab tu bsnams
zhabs bzhis sa bdag klu dbang gnon
sbrul dang thod pa'i rgyan cha ldan
dur khrod rgyan chas rnam pa'o
de ltar gsal bar bsgom pa'o
shin tu gsang ba'i sngags 'di'o
om pad man ta kri ta kya gri ba hu lu hu lu hum phat
gsang sngags de nyid bzlas pa yis
rta mgrin bsam gyis mi khyab pas
sa gzhi bar snang gang bar bsam
stong gsum 'jig rten khengs pa'o
de ltar rab tu bsam rdzogs nas
dbang chen gsang ba'i thugs ka ru
phyag na rdo rje gsal bar bsgom
sku mdog sngon po zhal gcig pa'o
de ltar lha gsum bsgom byas la
372
klu la sogs pa'i gdon rnams bskrad
mchod pa'i las rnams ci nus bya
shin tu dben zhing nyams dga' bar
rnal 'byor dge sbyor don la brtson
gang dag mi yi rigs rnams la
sa bdag la sogs gdon zhugs na
de dag bcos shing bskrad pa'i thabs
brtag pa dag dang bcas 'di'o
kha dang sna dang mig dag dang
dbang po lnga nas zhugs pa dang
mgo dang rkang pa lag pa dang
yan lag lnga la 'jug pa'i sa
gsang ba'i gnas dang snying ga dang
pho kha smin phrag pus mo ni
klu rnams 'jug pa'i gnas su bshad
dbang po lnga la zhugs pa dang
'bras bu sna rtser 'byung bar nges
rang ngam gzhan dag gang zhugs kyang
de nyid rab tu bcos pa'i thabs
sngags kyis bcos dang rdzas kyis bcos
sngags kyis gso ba 'di lta ste
gsang sngags gong ma'i rjes dag tu
drag sngags 'di nyid btags la bzlas
om ba dzra tan da ma ha ro sha na hum phat
sngags de rab tu bzla bya zhing
dang po zhi bas thar bya zhing
de yis thar par ma gyur na
bgegs rnams bskrad pa'i sbyor ba bya
373
bag zan bzang po dag la yang
rmi lam dag tu gang byung ba'i
gsugs brnyan rgyas par bya ba'o
phyi dang nang gi nad rnams kyang
tsha grang gnyis las ma 'das phyir
bdag gam gzhan dag bsrung ba yi
gang yang rung ba'i mi de la
grang ba'i nad dang ldan pa la
gzugs de sngo skya dag gis byug
bal nag skra tshugs thur du'o
tsha ba'i nad nyid shas che na
gzugs kyi kha dog dmar ser te
ral pa skra tshugs gyen la bsgreng
bdag nyid bsrung ba byed pa na
bdag gi mal gyi 'og tu yang
gru gsum dag ni gting du brko
khru gang gting la thur du bya
tshur la khru gang tshad du bya
khru yi ngos la khru byed tshad
dur khrod sol bas nag por byug
dong gi nang du gzugs brnyan gzhag
dur khrod thal bas byugs la shing gis kha yang bcad
shing la ri rab 'khor yug bri
de yi steng du mal bcas la
rnal 'byor lha dang ldan pa yis
gsang sngags bzlas shing gnan par bya
gzhan gyi lus bsrung byed pa na
dkyil 'khor steng du gzugs de bzhag
phyag na rdo rje'i gzi brjid kyis
374
nad pa'i lus kyi gdon bsdus nas
rma bya mdongs dang ldan pa'i sgros
nad pa'i lus la byab bya zhing
gzugs brnyan de la bstim par bya
bal nag skud pa su ma bsgril gyis
nad pa'i lus la bskor bya zhing
gzugs brnyan dag gi lus la bcings
de nas lha yi dkyil 'khor sogs
zhag dgu bsgrub pa byas nas ni
lho'am nub tu sbyin sreg bya
gsang sngags bzlas pa nus tshad bya'o
phur pa dag dang rdo rje yis
gzugs de dum bur gtub bya zhing
bcom ldan me lha'i tshogs la 'bul
de nyid la ni brgya rtsa bya
des ni gdon las thar bar 'gyur
rdzos ni gu gul mu zi dang
gla rtsi chu dag gnyis su sbyar
rang gi dri chus chu byas la
lus la byugs pas 'byung po 'bros
des ni 'byung po'i gdon las thar
yan lag dag la zhugs pa la
'bras bu rtsi log sha ro 'byung
gdon de nyid las thar ba'i thabs
gsang sngags gong dang 'dra ba las
mu zi tshil chen sha chen dang
gla rtsi ba bla ti tsha dang
yungs kar dur khrod thal ba sbyar
de la gsang sngags gdab bya zhing
375
dus bzhir lus la byugs bya zhing
chu gtsang sngags btab ltor btang zhing
mu zi gu gul dud pa yis
sna bug dag nas bdug par bya
sprul dang sbal pa lcong mo dag
kha dang sna nas thon par bsam
de ltar sbyor ba rab byas na
zla ba gsum gyis gdon las thar
gnas lnga dag tu zhugs pa na
'bras bu sman ma byi bar nges
de las thar bar bya ba'i thabs
gsang sngags dgi na sbyor ba brtsam
gdon rnams thams cad 'joms byed pa'i
drag sngags gsang ba 'di nyid bstan
om ba dzra kro ta ha ya gri wa ni lam
ba dzra pa ni ma ra ya myogs myogs
ma ra ya sod sod
ma ra ya gtogs shig
zung zheg
rab tu sod
ma ra ya sod ma ra ya dza dza
drag sngags de ni rgyun du bgrang
lha gsum yid la gsal ba yis
sngags de rgyun du bzlas na ni
'byung po thams cad skrag par nges
bdun 'bum dag gis rab tu 'grub
dgra bgegs gang yang rung ba rnams
zla ba gsum gyis tshar gcod 'gyur
rma ni gang du byung ba der
sngags gdab mchil ma byungs par bya
de ltar rtag tu byas pa na
376
gnas lnga'i gdon las thar par 'gyur
de ni gdon gyi gnas srung ste
gdon rnams 'jug pa'i gnas rnams ni
rnam pa bco lnga dag gis bshad
de dag gong du smos pa bzhin
'jug sgo'i gdon las thar ba'o
yi dwags gdon 'di bsam yas kyang
rigs ni rnam pa gsum du 'dus
klu la sogs pa'i sa gdon dang
sha khrag mchod par 'dod pa'i rigs
'byung po dur khrod gnas pa'i rigs
rnam pa gsum du nga yis bshad
'jug pa'i gnas ni rnam pa gsum
rtsa dang khrag la 'jug pa dang
pags pa rus la 'jug pa dang
snying dang mgo la 'jug pa ste
de rnams gdon ni zhugs pa'i rtags
bdag gam gzhan bsrung skyes bu de
snga ma'i bzhin dang mdog dag las
bzhin mdangs med cing bsam pa chung
spyod pa gzhan du 'gyur pa ni
gang dag mdzes par spyod kyang dung
mi mdzes pa yi spyod kyang rung
dge dang mi dge'i spyod yul ni
'phral kyis rkyen dbang ma yin na
gdon gyis zin pa'i mtshan mar bstan
de ltar gyur pa'i mi de la
zhi ba'i gtor mas mchod par bya
de nas bgegs de ma bskrang na
377
nad de 'phel nas ma rungs byed
de yang rang rang brtags pa ni
klu yi rigs kyis zin pa na
nad rnams grang bar 'byung bar nges
lus dang yan lag sprid cing rengs
nad rnams lji zhing lus sems g.yengs
de ltar zhugs pa'i rtags rnams ni
klu yi gdon gyis zin par nges
ma mo'i gdon gyis zin pa na
tsha ba'i nad du 'byung bar nges
sems dang lus ni lji bas zin
dran pa nyams shing shed kyang rmugs
de ltar nad kyis zin pa na
ma mo'i gdon gyis zin par nges
'byung po ro langs gdon rnams dang
rgyal po la sogs gdon rnams ni
sna tshogs gdon gyis zin gyur na
glo bur nad ni sna tshogs 'byung
de ltar nad kyis zin gyur na
'byung po'i gdon rnams yin par nges
de ltar rnam gsum gdon dag ni
rang rang gnas su zhi ba'i thabs
klu yi gdon gyis zin pa la
chab gtor gtsang ma'i gtor mas mchod
ma mo'i nad kyis zin pa na
zhi ba'i sbyin sreg sha khrag mchod
khrag dang bcas pas mchod par bya
'byung po'i nad kyis zin pa la
378
kha zas sna tshogs gtor mas mchod
de yis thar bar ma gyur na
drag po'i sbyor ba brtson par bya
zhi rgyas dbang drag mngon spyod pa'i
las ni ci rigs sbyor ba brtsam
des ni gdon las thar bar 'gyur
klu yi gdon la rigs lnga ste
rgyal rigs dang ni pram ze'i rigs
rje'u rigs dmangs rigs gdol po'i rigs
klu rigs lnga yi gdon dag ni
'jug pa'i sgo ni rnam pa lnga
gnas ni rnam pa lnga ru gnas pa'o
gab pa'i yul ni rnam pa lnga
de ltar gnas pa'i rgyu ba rtags dang
rnam smin rigs dang gsor rung brtag
rgyal rigs klu yi 'jug sa ni
spyi bo'i gtsug nas 'jug par nges
de nyid brtag pa rab tu gces
mi yi rigs dang klu yi rigs
sbyar nas brtags pa 'di ltar bya
zhugs ni zin pa'i brtag pa dang
phyis ni 'jug tu 'gro ba brtag
spyi gtsug thebs pa'i rtags rnams ni
gsang ba'i gnas su 'byung bar nges
gnas pa'i sa ni mgrin pa'o
gab pa'i sa ni snying ga'o
rgyal rigs klu yis zin pa de
snying ni mi dga' 'gro snying 'dod
ri bos mnan snyam byed pa'o
379
dmangs rigs dag gi mi dag la
rgyal rigs klu yi rtags rnams byung ba na
mi de mi thar stong nyid bsgom
rgyal rigs rje'u rigs mi dag la
gong gi rtags de byung ba na
sngags dang rdzas kyi bsrung ba 'bad
des ni gdon las thar bar 'gyur
bram ze'i rigs dang gdol ba las
rgyal rigs klu yi thebs gyur na
drag po'i las byas thar bar 'gyur
de dag rgyal rigs gdon gyi brtags pa'o
rje rigs klu yi brtags pa ni
'jug pa'i sgo ni smin phrag go
smin pa'i 'bras bu mig la'o
glo bar gnas zhing za bar byed
gab pa'i yul ni rus pa khol
rje'u rigs klu yis zin pa'i mi
smin ma za zhing 'phrug par byed
lus la rma dang skrangs pa 'byung
rus pa khol zhing na tsha che
de ltar byung ba'i mi de yang
rje'u rigs klu yis zin par nges
cho ga'i sbyor ba 'bad par bya
rgyal rigs mi la zin gyur na
yun ring bar du mi thar bas
dbang dang bsgrub pa chen po dang
rigs sngags rgyun du bzlas pas thar
dmangs rigs mi la zhugs pa na
zhi ba'i las rnams brtsams pas 'grub
380
rje'u rigs mi la zhugs pa na
drag po'i sngags dang sbyin sreg gis
myur du bgegs las thar bar 'gyur
bram ze'i mi la zhugs pa na
gsang sngags bzlas zhing lha bsgom pas
myur du gdon las thar bar 'gyur
gdol pa'i rigs la zhugs pa na
chu yi hom dang gtor mas 'grub
des ni rje'u rigs gdon las thar
bram ze'i rigs kyi klu rnams ni
zhugs pa'i brtag pa 'di ltar ro
'jug pa'i sgo ni gsang ba'i gnas
'bras bu smin pa'i sa nyid ni
lus la sha bkra shu ba 'byung
mchin par gnas shing khrag la za
gab pa'i sa ni sha mthong bas
bram ze'i rigs kyi rtags rnams ni
kha sna skam zhing chu dad che
sna nas khrag ni rgyun du 'byung
gzhogs ni g.yas pa na ba dang
phyis ni rkang lag zha bar nges
mig gi bkrag dang sha bkrag shor
shes pa nyams pa'i rtags rnams ni
bram ze'i rigs kyis zin par nges
rgyal rigs mi la zin gyur na
rab tu thar bar dka' bar nges
dmangs rigs mi la zin gyur na
spos dang tsan dan dri zhim dang
381
chu gtsang chu yis sbyar byas la
nad pa'i lus rnams bkrus byas pas
zla ba drug nas thar bar nges
rje'u rigs mi la zin gyur na
drag po'i las rnams brtsam pas 'grub
bram ze'i rigs rnams zin gyur na
sngags dang phyag rgya bstan pas 'grub
gdol pa'i rigs rnams zin gyur na
mnan dang sbyin sreg byas pas 'grub
de ltar sbyor ba rab byas na
bram ze'i rigs las thar bar 'gyur
dmangs rigs gdon gyi brtag thabs ni
'jugs mig la 'jug par nges
mkhal mar gnas zhing rtsa la za
gab pa'i sa ni tshigs pa'o
mig rtsa dmar zhing gsus pa che
smin pa'i sa ni rkang mthil lo
tshigs pa na zhing dran pa nyams
tshig pa za zhing nyams mi dga'
phyis ni kyog por 'gro bar nges
ngo bkrag 'chor yang so yang dkar
phyis ni mdze ru 'gro bar nges
de rnams rtags dang ldan pa la
dmangs rigs gdon du rig par bya
rgyal rigs mi la zin pa na
sna tshogs sbyor ba byas pa yis
myur du gdon las thar bar 'gyur
rje'u rigs mi la zin pa na
382
bdag nyid dbang chen 'bar bar bsgom
shin tu khros pa'i ngang du gsal
dbu gsum phyag brgyad zhabs bzhi 'jigs
rta mgo gsum ni drag tu 'tsher
sku mdog sngo nag rab tu 'jugs
dur khrod rgyan gyis sku la brgyan pa'o
g.yas kyi dang po khat vam ga
bar ma rnge'u chung rab tu 'dzin
de yi 'og mas ral gri phyar
tha ma gnyis ni mngal gzhu 'geng
g.yon gyi dang po mdung thung ngo
'og mas gser gyi zhags pa brkyang
de yi 'og ma be con bsnams
g.yas kyi zhabs brgyad lha chen mnan
g.yon gyi zhabs brgyad klu brgyad brjis
de ltar gsal bar bsgoms nas ni
rigs gsum khro bo mdun du bsam
gsang sngags bzlas pa rdzogs pa yis
dmangs rigs gdon las thar bar 'gyur
gdol pa'i rigs kyi rtags rnams ni
'jug pa'i sgo ni rkang mthil nas
gnas ni mtsher bar gnas pa la
rtsa rnams la yang za bar byed
gab pa'i sa ni chu rgyus na
'bras bu smin ma mtshul khung ste
na tsha rab tu che ba dang
lus la khu 'phrigs mang po 'ong
sog phrag dag ni 'khyug pa dang
383
skabs su glo 'khyug tshig pa za
shes pa 'thib cing nyal la dga'
kha zas dag ni skyugs par byed
phyis ni tshigs su chad par nges
rtags ni de dang ldan pa na
gdol rigs klu yis zin par nges
nad kyang glo bur thug gis 'ong
de la bcos zhing bskrad pa'i thabs
'di ltar rab tru brtsam par bya
rgyal rigs la sogs mi rnams la
gnod par byed pa'i bgegs bskrad la
zhi rgyas dbang drag rdzogs par bya
de ltar sbyor ba rab byas na
gdol rigs klu las thar bar 'gyur
klu rigs lnga yi gdon rnams ni
rgyal rigs dag gis zin gyur na
thar bar dka' zhing nad kyang 'ong
drag po'i sbyor bas bskrad par bya
drag po'i las kyis ma thar na
zhi rgyas spyod pa'i las kyis bskrad
rje'u rigs klu yis zin gyur na
nad kyi dpyad ni gsum 'ong ste
de dag dang po bcos pa'i thabs
dang po bden bdar zas kyis mchod
des kyang phan par ma gyur na
drag po'i las la nan cher bya
bram ze'i rigs kyis zin gyur na
dang po khrus dang gtsang sbras mchod
384
des kyang phan par ma gyur na
zhi ba'i las la phal cher 'bad
dmangs rigs gdon gyis zin pa na
zas dang gtor mas mchod par bya
des kyang phan par ma gyur na
rgyas pa nyid la 'bad par bya
gdol pa'i rigs kyis zin gyur na
dang po chu yi hom khung bya
de yis phan par ma gyur na
dbang gi sbyin sreg rdzogs par bya
rigs lnga klu yis zin gyur na
dang po zhi ba'i sbyor ba bya
chab gtor dang ni 'o mas mchod
chab gtor rgyas par bya ba ni
mtsho yi chu dang ldeng ka'i chu
lu ma'i chu dang rdzing bu'i chu
khron pa'i chu dang 'bab pa'i chu
chu sna tshogs tshad blangs la yang
shin tu gtsang ba'i snod du blug
ba dmar dag gi 'o ma dang
me tog mdzes pas brgyan par bya
sa bzang dang ni gu gul dkar
klu sman sna tshogs dag dang ni
bag zan nag dang sbyar bya zhing
klu yi gzugs ni sna tshogs bya
chu de'i nang du gzhug par bya
pad ma 'dab brgyad dkar po ste
ge sar chu yi snod der gzhag
'bras chen la sogs zas bzang dang
'o ma sman du sbyar ba yi
gtor ma gcig ni gzhag par bya
385
mchod pa'i yo byad tshogs pa dang
bdag nyid khrus ni rab byas la
gos ni gtsang mgon par bya
spos dang dri sna tshogs kyis byugs
chu de'i nang du blug pa'i rdzas
me tog spos dang tsan dan dang
rin po chen rngams brdar la blug
rtsa ba'i gsang sngags rjes nyid du
sngags 'dis klu rnams mchod par bya
sar ba pan tsa na ga shin tam ku ru sva ha
gsang sngags de yis mchod pa'o
gtor ma gsang sngags 'di yis 'bul
sar ba pan tsa na ga i dam ba khim gri ha na gri ha pa ya sva ha
lan bdun dag gis klu rnams mchod
ut pal lta bu'i phyag rgya yis
gtsang ma'i klu rnams mchod par bsam
chu dang bcas pa'i gtor ma ni
klu rnams gnas pa'i sa ru bskyal
des ni klu yi gdon rnams thug
des kyang gdon dang ma bral na
drag po'i las rnams brtsam par bya
dbang chen ting 'dzin rab ldan pas
bdag gi thugs ka'i hum nyid las
phyag na rdo rje gtum por bsam
bdag nyid dpung pa g.yas pa na
yi ge hri gcig chad pa las
khro bo rtam grin dmar por bsam
386
rta mgrin de las 'od 'phros pas
gshin rje'i gshed dang mi g.yo mgon
shin tu gtum pa'i khro bor bsam
de ltar lha rnams bskyed pa dang
thog ma'i gsang sngags rjes dag tu
gsang sngags 'di yis klu rnams bsad
om ba dzra tsan da ma ha ro sha na na ga ma ra ya myogs myogs
na ga ma ra ya thum
na ga ma ra ya shig
ro la rmugs
shag ma ra ya
snying khrag tshal pa bam ril gtub gtub
gsang sngags des ni klu rnams gsod
'byung po thams cad tshar gcod byed
dregs pa thams cad 'dul ba yis
de ltar gsang sngags dag la bskyar
klu yi rigs rnams gsad pa yi
sbyor ba de nyid brtson par bya
rgyal rigs klu yi rtags byung na
ras sam grog shing shun la
rgyal rigs klu yi gzugs bris la
ling ga de yi snying ga ru
na ga ma ra ya zhes bri
ling ga de yi g.yas phyogs su
rgyal rigs ma ra ya zhes bri
g.yon du na ga gtubs dang myogs zhes bri
de ltar ling ga byas pa yi
mgrin par ling ga re re bri
de ltar ling ga byas zin nas
brub khung gru gsum sdon por bya
de yi tha ma zlum por brtsigs
387
zlum po'i kha dog sngo nag la
me ri yis ni mdzes par bri
zlum por brtsegs pa'i steng dag tu
rdo rje be con gzugs nyid bri
gru gsum brtsegs pa'i steng dag tu
kha tam rdo rje rgya gram bri
de yi nang du ling ga gzhug
ske tshe nyung dkar nyung nag dang
btsan dug la sogs dug rnams dang
dur khrod thal ba'i rdzas rnams ni
dung phor dag gi nang du blug
de la gsang sngags rab btab cing
ling ga de la brab par bya
bal po se'u'i lcug ma'am
snyag shad dag gi lcug ma yis
nad pa'i snying ga dag nas ded
lus kun khyab par brdol bya zhing
bdag nyid glad la lan gsum bskor
sa la lan ni gsum brdab cing
ling ga de la bstim par bya
gsang sngags bzlas pa rab tu bya
bdag nyid dbang chen ldan pa yis
gsang sngags bzla zhing lcug mas brdegs
glad skor sa la brdab pa dang
ling ga dag la yang yang bstim
bcom ldan pad ma rta mchog dang
phyag rdor la sogs 'khor rnams la
gtor ma rgyan ldan dag gis kyang
dus gsum dag tu mchod par bya
388
mtshams ni ma thon bar du yang
dpal gyi gtor ma gta' ru bzung
zhag bdun bar du bsgrub pa dang
de nas ling ga de nyid ni
yugs sa mo yi zhags mas gtum
bra ma'i shing gi me yis sbar
dug dang gong gi thun gyis brab
drag sngags de nyid rab tu bzlas
bdag nyid khro bo'i ting 'dzin brten
thun dang lcug mas rab tu brab
thun dang lcug mas brab tshe na
nad pa'i lus kyi nad rnams kun
phyag na rdo rje'i mthu rtsal dang
gshin rje gshed kyi brtul shug dang
rta mgrin rgyal po'i drag shul dang
mi g.yo ba yi drag sngags dang
rten 'brel rdzas kyi bden pa yis
nad pa'i lus kyi nad rnams kun
thon nas 'byung po'i ling gar bstim
de nas me sbar drag sngags bzlas
de nas sbyin sreg zin pa dang
bag zan dag gis gzugs byas la
bsreg pa'i thal ba dag dang bcas
kham sa'i blug ma'i nang du gzhug
thun gyis brabs la lcug mas brab
chu mig shar du bltas pa yi
'gram du 'od ma gsum tshad du sba
de ltar sbyor ba chen po ni
389
nyi shu rtsa brgyad byas gyur na
rgyal rigs gdon las thar bar 'gyur
gang dag mi yi rigs rnams la
rje rigs klu yis grin gyur na
drag po'i las kyis gso byed pa'i
sbyor ba 'di la brtson par bya
de gnyis sbyor ba chen po ni
bcom ldan phyag na rdo rje yi
bdag nyid ting 'dzin ldan pa yis
'brub khung gong dang 'dra ba las
drag po'i thun dang sbyor ba ni
ra phag tshil dang bong tshil dang
ba tshil khyi tshil la sogs pa
sbyin sreg rdzas su rgyas par gsungs
ling ga rnam pa gsum bya ste
ming byang gong dang 'dra ba'o
rma bya mdzes pas lus la byab
ling ga nyid la bstim zhing bzlas
seng lding phur pa sor brgyad la
dbang chen gsang sngags sbris pa yang
bdag nyid thong ga g.yas pa la
le brgan dar gyis dril la gdags
lcags kyi phur bu sor bzhi la
rdo rje gtum po'i sngags bris la
bdag gi thong ga g.yon pa la
dar sngon dag gis dril la gdags
de nas ting 'dzin ldan pa des
rma byas byab cing ling gar bstim
ling ga gcig la thun gyis brab
390
gcig la nad pa'i nad rnams bstim
gcig la tshil bu'i dud pas bdug
de ltar gsang ba rab ldan pas
bsgrub pa'i tshad ni gong dang mthun
ling ga ro ras dag gis btum
skyer ba'i shing gi me sbar zhing
ling ga gnyis ni bsreg par bya
des ni sbyor ba zin pa dang
chu mig nub du blta ba'i sar
ling ga gcig dang bcas pa ni
gong dang 'dra bar sba bar bya
de ltar sbyor ba nyid byas na
rje'u rigs gdon las thar bar 'gyur
bram ze'i rigs kyi rtags byung na
bdag nyid rnal 'byor chen po nyid
gshin rje gshed kyi ting 'dzin gyis
skyer pa'i phur pa sor bzhi la
gshin rje gshed kyi sngags bris la
bdag nyid thong ga g.yon pa na
dar ser dag gis dril la btag
dbang chen phur pa gong dang mtshungs
bong dug btsan dug la sogs te
dug gi rnam pa ci snyed dang
khrag sna ci snyed yod pa dang
khyi lud dri chen mang la khrag dang
yugs sa mo yi zhabs ma ni
thun dang brab pa'i rdzas su bstan
phag pa dag gi sna rtse la
gsang sngags bzla' zhing lus la byab
391
ling ga nyid la bstim par bya
de nas bsgrub pa tha ma la
dug shing skyer ba'i me sbar zhing
rdzas rnams thab tu bsreg par bya
khrag gis gtor zhing ling ga bsreg
de la sbyor ba zin pa dang
thal ba ling gar bcas pa ni
chu mig lho ngos blta ba ru
gong dang 'dra bar sba bar bya
bram ze'i rigs las thar bar 'gyur
dmangs rigs rtags ni byung ba na
bcom ldan rta mgrin dmar po bsgom
dbang chen phur pa gong dang 'dra
ra gan phur pa sor bzhi la
rta mgrin dag gi sngags bris la
bdag nyid thong ga g.yon pa la
dar sna tshogs kyis dril la gdags
shog bu'i ling ga brgya rtsa bsreg
bca' lug gong dang 'dra ba la
dbus kyi chu mig dag tu yang
gong dang 'dra bar sba bar bya
des ni dmangs rigs gdon las thar
gdol pa'i rigs kyi rtags byung na
'phags pa'i rgyal po mi g.yo bsgom
rdzas dang bya thabs gong dang 'dra
dbang chen phur pa gong dang 'dra
dngul gyi phur pa sor bzhi la
mi g.yo ba yi sngags bris la
bdag nyid thong ga g.yon pa la
392
dar dkar dag gis dril la gdags
de nas sbyor ba zin pa dang
zla gam mdzo mo'i me sgar zhing
ling ga bsreg cing gsang sngags bzlas
chu mig byung du blta bar yang
gong dang 'dra bar snga bar bya
des ni gdol pa'i gdon las thar
rigs lnga klu yi zin gyur na
res 'ga' na zhing res 'ga' grang
shes pa rmugs shing nyal la dga'
skyur dang dmar la mi dga' zhing
dkar dang mngar la dga' ba na
klu rigs lnga yi zin par nges
rmi lam dag la byol song dang
khyi dang phag dang nya sbrul dang
sems can gzugs ni sna tshogs 'byung
de rnams bcos par bya ba'i thabs
sna tshogs sbyor ba rab tu bya
de ltar gsad par bya ba'i thabs
drag sngags 'di yis bya bar gsungs
om shri ba dzra tsan da na ga'i ro snying sha ku ru ma ra ya dza dza
na ga dut ta na phat
na ga snying thig ma ra ya phat
na ga'i srog kha long
ldar ya phat
gsang sngags de skad bzlas pa yis
klu rnams thams cad dbang med par
srog rtsa drangs nas brgyal ste 'chi
yang na 'dar zhing skrag pa yis
mig rtsa rig rig gzhan du bros
393
skrag cing sdangs pas bka' nyan byed
sbyor ba yang dang yang bya zhing
gsang sngags lan 'bum bzlas pa na
rigs lnga'i klu rnams bskrad par byed
drags na rang ngam 'khor la ldog
phyir mi ldog pa'i bya thabs la
bdag nyid dbang du bsgom pa yis
skra ni spyi bo'i gtsug tu bcings
rma bya'i sgro ni spyi bor btsugs
g.yas pas ral gri rab tu thogs
g.yon pa dag ni phur pa'o
phag pa'i sna ni dpung pa g.yas
sing ldeng phur pa thong ga g.yas
lcags phur thong ga g.yon du'o
gla rtsi btsan dug ske la'o
yungs kar rdo rje rtse dgu'o
des ni phyir la ldog mi 'gyur
de nas sbyor ba ci byas kyang
rang la ldog pa'i ming med do
des ni klu rnams gdon las thar
sa bdag rigs kyis zin pa na
rtags dang 'jug pa'i mtshan nyid bstan
'jug pa'i sa la nges pa med
lus po'i bkrag ni ser por 'gyur
mkhris pa dag la gnas bcas nas
chu ser dag la za bar byed
lus kyi stobs rnams shor ba dang
zas ni mngar skyur ci zos pa
khong par dros na skyugs par byed
rkang pa kyog dang lag pa kyog
394
me mi thub la 'gro mi nus
sa la nyal zhing 'dod chags che
dang po skya rbab dag tu 'gyur
lus po'i sha skam 'gram sha med
dri chu'i mdog de chu rtsa'i khu
pho stod mi bde skad kyang 'gags
gtam ni smra snying mi 'dod cing
so yi rtsi 'chor rkang mthil ser
mtheb dang mdzub mo'i bar sha shor
sen mo nyid kyang ser po la
mchin pa na zhing yan lag na
phyis ni skam por 'gro bar nges
de lta bu yi rtags rnams ni
sa bdag gdon du shes par bya
de dag dang po bcos pa'i thabs
sa sna mi mthun sna tshogs dang
rin chen gtor mas mchod par bya
klu yi skabs nas 'byung ba bzhin
'dir yang sbyor ba de ltar brtsam
klu yi gzugs brnyan ma gtogs pa
bum pa'i sbyor ba'i dkyil 'khor ni
klu yi skabs dang mthun pa'o
rin chen gtor ma sna tshogs dang
klu yi skabs nas byung ba yi
mchod pa'i sngags dang gtor sngags so
phyag rgya bum pa lta bus mchod
sa bdag gnas pa'i sa ru bskyal
des ni sa bdag gdon las thar
de yis thar bar ma gyur na
drag po'i sbyor ba brtsam par bya
395
shin tu dben pa'i gnas nyid du
'brub khung gru gsum rtse sprad gsum
sa bzang dag gi 'dag pas brtsig
gcig ni dkar po bsku bar bya
gnyis ni nag dang dmar po bya
de yi phyi rim gru bzhi ste
gru bzhi'i ngos la mer ri bri
kha la rdo rjes bskor bar bya
gru gsum kha ni thod pas bskor
bag zan grog mkhar sa dag la
rnga mong gzugs ni nag po bya
de yi steng du bskyon byas la
rtsangs pa'i gzugs dang dmig pas bskyon
rtsangs pa de yi snying ga ru
yi ge dag ni sngon por bri
grog shing shun dag la yang
sa bdag ma ra ya zhes bri
gzugs kyi khong par gzhug par bya
de ni lho phyogs kha bstan la
brub khung nang du gzhug par bya
shog shog ling ga re re la
snying gar sa bdag ma ra ya
sngags de bris la brub khung nang
dpal gyi gtor ma dag kyang bya
bdag nyid dbang chen rab gsal bas
brub khung steng du gtor ma bzhag
gtor ma'i nang du gzugs de gzhug
bdag nyid dpal ba'i hum nyid las
'phags pa mi g.yo zhes bya ba'i
khro rgyal ral gri thogs par bsam
396
bdag gi mdun du yod pa yi
mi der mi g.yo'i dbang bskur bya
bdag nyid dpal chen ldan pa yis
slob ma mtshan ldan de la yang
shin tu rno ba'i ral gri bskur
nad pa de la bskor bya zhing
ral gri glang la bskor bar bya
nad pa lus la thug par bya
gzugs de la yang bstim par bya
slob dpon gsang ba'i dbang thob des
gsang sngags 'di ni drag tu bzlas
hri ba dzra pa ni na ga du
snying khrag tshal pa snying khrag la hab hab hub hub
ma ra ya snying la dza du ya dza dza
de nas slob dpon mtshan ldan des
rtsa ba'i sngags kyi rjes su yang
sngags 'di bzlas shing ral gri phyar
ma ha na ga pa ti spha ra na phat phat
ral gri dag la bzla bya zhing
nad pa de yi gzugs la bstim
de nas gang yang rung ba'i mis
gzugs de lha phyogs dag tu bskyal
de nas log nas 'ong ba dang
slob dpon de yis sbyin sreg bya
tsher ma can gyi shing dag la
ram dang ldan pas me nyid sbar
des ni sa bdag gnod las thar
phyis ni ldang bar mi nus so
gang dag gnyan gyis zin gyur na
rtags ni 'di rnams 'byung bar nges
'jug ba'i sgo ni gsum pa'o
397
snying gar gnas shing chu ser 'bud
skad ni 'dzer zhing sha mdog nag
sha yi rgyu yang chung bar 'gyur
yang na rdzis pa dag tu 'gyur
lag pa'i mkhrig ma phra bar nges
don med rma rnams 'byung ba dang
dbang po'i chags pa mi skye dang
gsus pa na zhing skam par byed
tshigs pa na zhing chu ser 'byung
skabs su khol bur na ba dang
smin ma'i bkrag ni nyams bar 'gyur
mdze yi rtags rnams 'byung ba dang
rkang pa'i mthil nas 'phrig pa rnams
gnyan gyi nad du shes par bya
'gro bar byed pa'i tshe na yang
rkang pa 'khor zhing lus po 'khyom
kha dang sna dang mig rnams nas
chu ni dus min 'byung ba dang
phyis kyang gnyan gyi mdze ru 'gro
de la sogs pa'i mdze rigs ni
rnam pa brgyad nyid ldan pa na
gnyan gyi gdon gyis zin par nges
de dag bcos pa'i thabs 'di'o
dang po zhi bas mchod par bya
chab gtor mchod rten gdab par bya
des kyang phan par ma gyur na
dbang chen ting 'dzin ldan pa yis
gru gsum thab khung brtsig par bya
brub khung nag por brtsigs pa'i steng
398
khat vam rdo rje'i gzugs su bri
dur khrod shing dang tsher ma'i shing
dug shing tshogs kyis gru gsum brtsigs
gdon gyi gzugs ni sngo skyar bya
bal nag skra ni thur la bsnyil
snying gar yi ge pre nyid bri
skud pa nag po sum bsgril gyis
ling ga de yi ske la gdags
phur pa bzhi la phyogs bzhir brtod
gri dang gdug pa'i mtshon cha bsnams
bdag nyid kha yang lho ru bstan
de nas ting 'dzin ldan pa yis
bgegs rnams bkug cing gzugs la bstim
skud pa nag po gzung bya zhing
gsang sngags 'di yis ling ga bcing
om hri ba dzra bhan dha hum
dusha ta ghri hna bhan dha hum
gsang sngags bzla zhing ling ga bcing
de ltar yang nas yang byas shing
rmi lam khugs par mthong ba dang
gdab pa'i gnas lnga phur bu gdab
de nas gri yis gtub par bya
rdo rjes brdung zhing sngags 'di bzlas
shri ba dra pa la ni
sa na ga du ling snying la gtub
snying khrag tshal pa ma ra ya rbad
de nas brdungs shing hom du bsreg
de nas brub khung de nyid du
gru gsum bzhin du gting du brkom
sol ba la sogs thor la rnams
399
gting du grub cing sa yis brdzis
de yi steng du bzhag pa'i rdzas
g.yam pa sngon po leb mo la
rdo rje rgya gram bris pas bcas
dbang chen ting 'dzin ldan pa yis
khro bo brjid pa'i stobs kyis 'gro
dbang gi rta bro brdung bar bya
ha ha zhes bya gad rgyangs sgrogs
pad man ta kri ta glu chen blangs
de nas gri yis btsab par bya
de yi gsang sngags 'di dag go
tshed tshed ma ra ya
ba be na hum phat
lan ni nyi shu rtsa gcig brjod
phyis ni mi ldang ba yi sngags 'di yin
dush ta kra ha na
sat vam bha na ku ru lam
de nyid bco pa rgyad dag gis 'grub
de ltar bco brgyad byas gyur na
gnyan gyi gdon las thar bar 'gyur
sbyor ba 'di nyid byas pa na
sa bdag gdon las thar bar 'gyur
de ltar las rnams rdzogs byas na
klu dang gnyan dang sa bdag dang
sa gdon las ni rab tu thar
mdze yi nad rnams zhi bar 'gyur
des ni las rnams myur ba'o
gang dag mi yi rigs rnams la
mdze la sogs pa'i nad rnams ni
rims dang smyo 'bogs nad la sogs
ma mo'i gdon las gyur pas na
400
ma mo'i rigs la bsam yas kyang
gdon ni rnam pa lnga ru 'dus
sa la dbang ba'i ma mo dang
'byung ba chu la dbang ba dan
me la dbang ba'i ma mo dang
de bzhin rlung la dbang ba dang
nam mkha' dag la dbang ba'o
de dag srung ba'i thabs la yang
rnam pa gnyis su nga yis bshad
gzhan dag mngags pa'i pho nya dang
'phral gyi gdon rnams las kyi 'phro
rnam pa gnyis su nga yis bshad
bsrung ba'i thabs ni re re'o
brtag pa'i thabs ni 'di lta ste
gzhan gyis mngags pa'i gdon rnams ni
gdon gyis zin pa'i mi de yang
gdong ni nag la skam pa'o
lus po lji zhing tshig pa za
mig rtsa dmar zhing khro la dga'
shes pa bying zhing pho mchin na
rmi lam chu po chen po rmi
de ltar byung ba'i mi de yang
sngags pa'i mthu yis zin par nges
de dag bcos pa'i thabs nyid ni
dang po mdos dang zhi bas bzlog
des kyang thar bar ma gyur na
dbang chen ting 'dzin ldan pa yis
bdag nyid mal gyi 'og tu yang
gru gsum dag ni nag por bya
nang du sngags pa'i gzugs brnyan rnams
401
ma mo'i gzugs brnyan gzhug par bya
steng du dur khrod rngo leb la
gling bzhi ri rab bris pas mnan
dbang chen ting 'dzin ldan pa yis
de yi steng du nyal bya zhing
'khor lo nyid kyang bskor bar bya
gsang sngags 'di ni mtshan brgya bzlas
hri hri ma tri ma ra ya bzlog
ma tri ma tri rang la ma ra ya zlog zlog
rbad rbad
rtsa ba'i gsang sngags lan bdun brjod
de nas sngags de nus tshad bgrang
des ni byad kha thams cad bzlog
ma mo'i phyir bzlog gsang ba'o
rnam smin yin na thar bar dka'
dge sbyor rdzogs na bzlog pa srid
'phral gyi gdon du gyur pa na
sa la dbang ba'i rtags rnams ni
'di lta nyid du 'byung par nges
lus po lji zhing nyal la dga'
dran pa nyams shing shi 'bras 'don
shes pa bying nas mgo bo 'khor
mig kyang mi mthong khrag lta bu
rna ba 'on nas sgra mi thos
rkang lag 'dar zhing glo snying rmugs
de lta bu yi rtags rnams ni
tha ma mdze ru 'gro bar nges
de ni sa la dbang ba'o
de la bzlog pa bya ba'i thabs
dang po zhi ba'i las kyis mchod
402
des kyang thar bar ma gyur na
ri gsum rtse mor phyin la yang
brub khung zur gsum gting du brko
ma mo'i gzugs dang ming bris la
rlung dang 'tshub ma'i tshe na bsreg
thal ba rlung la phyogs bzhir gtor
gsang sngags dus der 'di nyid bzlas
tri tri zhung zhung
ya su trag rag sha trag ni hed hed
snying khrag gzhi ba gzhi ba
ma tar ni'i snying khrag la ma ra ya rbad
sngags brgya rtsa brgyad brjod pa yis
klu mo sa gdon gsod par byed
sngags de rgyun du bzlas pa na
sa la dbang ba'i gdon las thar
chu la dbang ba ma mo'i gdon
skyes bu gang la zhugs pa yi
rtags ni 'di ltar 'ong bar nges
gdon de zhugs pa'i mi de yang
lus po tsha zhing kha sna gsher
snying yang 'phar zhing chu mi thub
khong pa tsha zhing lus po 'dar
mig kyang gyen la zlog par byed
mgo dang yan lag na bar byed
shes pa gsal zhing ldang mi nus
mig rtsa nag cing so nag pa
chu la dbang ba yin par nges
gdon de nyid las thar ba'i thabs
sbyor ba'i thabs 'di sngags pas brtsam
403
sna tshogs chu rnams blangs pa yang
rdzas nag dag gis brub khung bya
de yi nang du chu rnams blug
ma mo'i gzugs dang ling ga bya
chu yi nang du nub par gzhug
dur khrod skud pa sum sgril gyis
ling ga'i snying gar brtod la drang
dur khrod thal ba la sogs pa'i
sa sna tshogs tshad dag dang ni
mkhar gong brtags pa'i phye ma dang
so dog zangs phye lcags phye dang
sna tshogs rdo yi phye ma dang
yungs kar nyung nag ske tshe dang
ra dug bong dug btsan dug dang
dug sna ci snyed yod pa dang
ra khrag khyi khrag mi khrag dang
rta khrag la sogs khrag sna rnams
mu zi khyi lud gu gul dang
shu dag ba bla mi gtsang rdzas
dri ma can gyi rdzas sna tshogs
rang rang dag gi mi mthun pa'i
dang po rdo yi thun gyis brab
de nas 'bru yi rigs kyis brab
de nas dug sna'i tshogs kyis brdeg
de nas khrag la bsngags shing blug
de nas sa yis brab par bya
de nas de yi 'dag pa rnams
bsdus la ma mo'i gzugs brnyan bya
khong du ma mo'i ming byang gzhug
thun gyis brab cing gsang sngags bzlas
404
sngags 'dis ma mo'i srog gcod pa'o
hum hri ma mo'i snying khas
rag mo'i sha rus la rgyug sring
ma ra ya dza dza
dbang chen ting 'dzin ldan pa yis
gsang sngags de ni brgya rtsa bzlas
thun la bzlas shing brab par bya
de nas gzugs brnyan de nyid ni
dur khrod grog po sum mdor mnan
gru gsum dong du spyi tshug mnan
bsgrub pa zhag lnga dag tu bya
lan ni sum cu byas pa yi
chu yi gdon las thar par 'gyur
ma mo'i gdon ni chu la dbang
chu la dbang ba'i gdon de yang
sa yi sbyor bas bskrad par byed
sbyor ba de ltar byas pa na
chu la dbang ba'i ma mo yi
gdon las rab tu thar ba'o
gang dag me la dbang ba'i gdon dag ni
skyes bu gang la zhugs pa'i rtags
'di ltar rab tu shes par bya
me la dbang ba'i ma mo'i gdon
zhugs pa'i rtags ni 'di lta ste
gdon de zhugs pa'i mi de ni
kha sna skam zhing lus po tsha
lus kyi sha yi rtags rnams ni
dmar po'i thig le skabs skabs yod
res 'ga' skrangs shing res 'ga' zhi
lus po skam pa gnag par byed
405
lag pa sprid la rkang pa 'khor
dmar la dga' zhing za la rngam
skad kyang phra zhing mgrin pa phra
mgo bo phyed mar nab dang
'khor la khro zhing mig rtsa dmar
nyi ma phyed nas mtshan mo 'thib
shes pa mi gsal bying bar byed
mgo dang yan lag na ba na
me la dbang ba'i gdon yin no
de dag bzlog cing bcos pa'i thabs
dang po me yi hom gyis mchod
des kyang phan par ma gyur na
drag po'i sbyor ba brtsam par bya
'brub khung gong dang 'dra ba las
shing gi rnam pa 'di lta'o
pha dgu ma dgu bu dgu'i shing
de la sogs pa'i shing sna tshogs
sna tshogs shing gi hom byas la
ma mo'i gzugs dang ming byang bri
ling ga brgya ni rtsa brgyad bya
hom gyi rtse mor btags nas kyang
sna tshogs thun gyis brab par bya
rgya mtsho'i chu dang lteng ka'i chu
lu mdang ni 'bab chu dang
nags kyi chu dang gangs chu dang
sna tshogs pa yi chu blangs la
khrag sna'i tshogs dang bsre bar bya
drag sngags 'di yis ma mo bskrad
dbang chen ting 'dzin ldan byas la
drag sngags 'di yis chu la dbab
hri ma mnan
tri'u tri'u
sha tri'u sha tri'u
rag mo ma ra ya nan
dum bu dum bu rbad rbad
drag sngags 'di ni bzla bya zhing
shing la me spar chu yis brab
de nas chu dang thal ba bcas ba bsdus
ma mo de yi gzugs su bya
skung pa sngo dmar lus la bcings
thun gyis brab cing phur pas brdeg
de nas gzugs de yang bsdus la
dur khrod ro bsreg 'og tu mnan
des ni ma mo'i srog rtsa 'joms
me la dbang ba'i ma mo'i rigs
sbyor ba de yis brlag par byed
des ni gdon las thar ba'o
gang dag mi yi rigs rnams la
rlung la dbang ba'i ma mo yi
gdon gyis zin pa'i rtags rnams ni
'di ltar byung na rigs par bya
dbang du gyur pa'i mi de ni
shes pa yang zhing 'gro la dga'
snying rtsa 'dar zhing spyod pa rtsing
dran pa nyams shing 'o dod 'bod
dben pa'i phyogs su song nas ni
glu yang len snying 'dod pa 'byung
dgong mo nyi ma nub kha ru
snying yang mi dga' glu len cing
lab lob mang po'i gtam la dga'
mi dang dus gsum 'grogs par byed
snying dang glo ba nang rol grang
gzhogs ni g.yon pa nab na
407
snying yang sing sing byed par nges
lus la nag po'i thig le 'byung
rtags de rnams dang ldan pa na
rlung la dbang ba'i gdon yin no
de dag bcos shing bskrad pa'i thabs
dang po zhi ba'i gtor mas mchod
des kyang phan par ma gyur na
drag po'i sbyor pa 'di dag brtsam
'brub khung gong dang 'dra ba las
bdag nyid dpal chen thugs ka nas
yi ge yam zhes chad pa las
brub khung nang du 'od du bsam
de nyid 'od du zhu ba las
rlung gi dkyil 'khor zla gam bsam
rlung gi dkyil 'khor de nyid du
ma mo'i gzugs nyid bsam par bya
brub khung nang du ling ga gzhug
thun gyis brab cing gzugs der bsam
tsher ma can gyi me sbar la
drag sngags 'di ni rab tu brjod
hri ta sa ma ma tri
ya rbad hum
snying rtsa dur ling dza dza
drag sngags lan ni nyi shu gcig
bzlas pas ma mo bskrad par nges
me sbar thun dang sngags kyis gzir
sbyor ba lan ni nyi shu gcig
byas shing gzugs la bstim byas na
rlung la dbang ba'i nad las thar
gang dag mi yi rigs rnams la
408
nam mkha'i ma mos zin pa yi
rtags ni 'di ltar 'byung bar nges
lus sems lji zhing mig kyang ser
mgo bo zing long byed pa dang
mig kyang zing long sna rtsa dmar
shes pa 'thib cing nyal la dga'
smad tshigs na zhing mjing pa reng
shes pa 'khyam nas na ba ni
nam mkha'i mo gdon yin par nges
de dag bcos shing bskrad pa'i thabs
dang po zhi ba'i gtor mas mchod
des kyang phan par ma gyur na
drag po'i sbyor ba brtsam par bya
bdag nyid dpal chen thugs ka nas
yi ge e nyid chad pa las
brub khung de yi nang du yang
e gnas nam mkha' gru gsum bsam
de yi dkyil du ma mo bsam
gzugs dang ling ga nyid kyang ngo
thun gyis brab cing drag sngags bzlas
thog ma'i gsang sngags rjes nyid du
drag sngags 'di nyid btags pas 'grub
ma tri na ga pra sha ma na ya sva ha
gsang sngags de nyid bzla bya zhing
gang du dgos pa'i sbyor ba rnams
skabs 'dir thams cad rdzogs par byed
lan ni brgya rtsa byas pa na
nam mkha'i ma mo'i gdon las thar
gdon de brtags pas ma shes na
409
sna tshogs sbyor ba rdzogs par bya
des ni ma mo'i gdon las thar
'byung po'i gdon gyi nad rnams ni
glo bur dag tu 'byung bar nges
de dag rnams las thar ba'i thabs
bdag nyid dbang chen brjid par bsgom
sku ni ri rab brjid pa tsam
stong gsum 'jig rten khyab par bsgom
phyag na rdo rje thugs kar bsgom
de yis bgegs rnams 'joms par bsam
dpral bar 'phags pa mi g.yo bsam
mgrin par rta mgrin rgyal po bsam
lte bar gshin rje gshed po bsam
de ltar bskyed rim rdzogs nas ni
bgegs rnams gang yin mdun na bsam
bdag nyid lha yi thugs ka na
phyag na rdo rje gtum po bsam
de yis bgegs ni brdungs par bsam
thams cad 'joms par byed pa yi
gsang sngags dam pa 'di rnams so
om pad man ta kri ta ha ya gri ba hu lu hu lu
ba dzra tsan da ma ha ro sha na hum phat
ya man ta ka hring hring
ba dzra tsan da me ri ling hum phat
gsang sngags bzla zhing lha tshogs bsgom
sngags de bzlas shing ling ga grab
410
de ltar rgyun du bzla khya zhing
lha tshogs mnyes pa'i gtor ma dang
thugs dam bskul zhing bstod pa bya
dngos grub myur du 'byung bar nges
des ni sna tshogs gdon 'joms pa'o
gang dag mi yi rigs rnams la
rgyal po'i gdon gyis 'tshe byed na
de dag bskrad pa'i sbyor ba brtsam
rgyal pos zin pa'i mi de la
rtags ni 'di ltar 'byung bar nges
snying mi dga' zhing glu chung len
don med 'gro snying 'dod pa ste
mgo dang mjing pa stod mi bde
glo snying 'dar zhing mig rtsa rig
snying ga mi bde mchin pa 'phyangs
yang na gsus pa sgal la 'byar bar byed
rmi lam stag dang seng ge dang
'bag dang rol mo rgya rta'i tshogs
btsun pa mi chen rmi ba rnams
lha khang gsung rab mchod rten rnams
mchod par rgyas par rmi ba dang
snying dang srog rtsa 'dar zhing na
so 'thab dbugs kyang rgod par byed
yang na kha yang 'dzum pa ste
mjing pa yo zhing rgod kha snyi
de lta bu yi rtags rnams ni
rgyal po'i gdon gyis zin par nges
de dag bcos shing bskrad thabs ni
bdag nyid sngags pa'i mdun nyid du
411
brub khung gru gsum gru gang ste
nang du rgyal po'i ling gzud de
gzugs kyi rgyu ni 'di lta ste
shel la sogs te rin chen lnga
sa bzang dag dang sbyar ba ni
gru gang dag gi tshad du bya
de nas brub khung nang du gzhug
khyi lud bong tshil ra tshil dang
khyi tshil mi tshil ba tshil dang
rta bon dang ni mu zi dang
lcags phye zangs phye yungs kar dang
pha wang long bu dug sna tshogs
mi khrag dang ni rta khyi'i khrag
khrag sna dag ni sna tshogs dang
thun dang zor gyi rdzas rnams bsag
lcags kyi phur pa sor brgyad pa
sngags 'di bzlas shing gzugs pa'o
om pad ma hri ba dzra pa ni sar
ra tsa'i snying khrag la tshal pa ma ra ya dza
sngags de lan ni brgya rtsa brgyad
phur pa dag la bzlas bya zhing
thun gyis brab cing phur pas brdeg
tsher ma'i shing gis me spar zhing
dar dang za 'og stag gzig ras
lpags ras spyang ras g.yi ras rnams
mer bsreg gzugs la me yang sbar
de ltar lan bdun byas pa na
rgyal po'i gdon rnams skrod par nges
gang zhig dam sri'i gdon rnams ni
mi yi lus la zhugs gyur na
412
rtags ni 'di ltar 'byung bar nges
kha sha srab cing mig kyang 'tshag
rgyu zhabs na zhing so yang na
mkhal ma 'phrig cing na bar byed
skad kyang 'gags la snying mi dga'
rmi lam na yang bud med 'byung
chas bzang byung na zhen pa'i rtags
gos ngan byung na 'jug pa'i rtags
rtags de rnams dang ldan gyur na
dam sri gdon phran gnod par nges
de dag bsad cing bskrad pa'i thabs
sbyor ba 'di nyid brtsam par bya
rnal 'byor ting 'dzin ldan pa des
gru gsum dong ni gting du brkos
nang du dam sri'i ming byang bcug
bong bu ga pa'i 'bras bu la
sngags 'di bzlas shing nyal khar brdung
dbang chen ting 'dzin ldan par bsgom
klu 'dul dbang chen sku la bstod
sngags 'di brgya rtsa brjod cing brdung
shan tri bu sham
dam sri ma ra ya tri nan
ma ra ya rbad du ma dza dza dza
sngags de bzlas shing mtshan mo brdung
phyag na rdo rjes bkug par bsam
rta mgrin dmar pos bzung bar bsam
gshin rje gshed kyis bsdam par bsam
mi g.yo pas ni gtub par bsam
413
des ni dam sri'i gdon las thar
gang dag mi yi rigs rnams la
gdon rnams gnod pa'i rmi lam ni
bye brag bshad pa 'di lta ste
gdon phran gdon dang srid pa'i 'dre
srid pa'i 'dre rnams rmi ltas ni
rang gi sha yang za ba dang
rgya gram dag tu nyal ba dang
dud 'gro'i tshogs ni mang po dang
lus la srog chags zhugs pa dang
'dam rdzab nyal dang mtsho la bying
gos rnams med dang brtson du bzung
rgyal btsud dang skra bkru lus la rma byung dang
bya rnams sha la za zhing lding
de lta bu yi rtags rnams ni
srid pa'i 'dre ru shes par bya
'phral gyi gdon du gyur pa'i rtags
rmi lam rtags ni 'di ltar 'byung
slob dpon phyogs kyi 'dre gdon na
slob dpon lta bur sprul nas 'ong
zhang po'i phyogs kyi 'dre gdon na
zhang po lta bur brdzu nas 'ong
sru mo'i phyogs kyi 'dre gdon na
sru mo lta bur sprul nas 'ong
pha tshan phyogs nas 'dre gdon na
pha khu rga nar bdag tu 'ong
pa mes dag tu zhugs pa na
414
pha mes dag tu bcas nas 'ong
rang gi tshe la zhugs pa na
na mnyam dag tu sprul nas 'ong
ma yi rigs su zhugs pa na
ma yi phyogs kyi cho 'phrul 'ong
zhang po'i drin la 'dre gdon na
bdag nyid ma ltar sprul nas 'ong
de ltar gdon gyi rnam pa ni
lan gsum gtud nas byung ba na
nges par de yi phyogs nas gdon
de dag las ni thar ba'i thabs
gong gi gsang sngags bzlas pa'o
des ni gnod pa rnams las thar
rtags de rnams ni byung ba na
gsang sngags bzlas pa brtson par bya'o
de ltar gsang sngags rab bzlas na
'byung po'i gdon las thar bar nges
gang dag mi yi rigs rnams la
rmi lam sum cu rtsa gnyis rmi ba na
sngags 'di lan bdun brjod pa yis
rmi lam ngan pa bzlog par nges
om sar ba pra bhan tsa kra dush ta ya bzlog
de ltar sngags de bzlas pa ni
rmi lam nges par bzlog pa'o
gang dag mi yi rigs rnams la
'gong po khyim du zhugs gyur na
bsam pa 'grub par mi byed cing
'khor dang longs spyod nyams pa ni
415
'gong po yi dwags gnod par byed
'gong po thams cad kha 'ching ba
drag sngags 'di yis kha 'ching ba'o
'gong po hab sha trig nan
tha tri myags thum ril rbad
de ltar gnod pa'i mi de yis
bong bu gwa pa'i rna mchog tu
'gong po'i gzugs dang ming bcug la
zangs kyi sho dang rdo sho dang
rus pa'i sho yang nang du brub
yungs kar dag la sngags bzlas shing
ra yi sgang stog dag gis 'bud
de ltar drag sngags bzlas byas na
'gong po thams cad kha 'ching bya
gang dag mi yi rigs rnams la
lhog 'bras phol dang skrangs pa'i nad rnams dang
sbrul gyis zin dang gag pa'i nad rnams dang
rma rnams 'tsho med skrangs par gyur pa la
gsang sngags bzlas shing sbyor ba 'di lta ste
dur khrod sa dang tsha tsha sa sna dang
mi yi dri chen sbyang ki dang
wa dang khyi dang phag pa dang
lcags dang zangs dang dug sna dang
dri chu dang ni dri chen sbyar
'dag pa sbyar cing byug par bya
drag sngags 'di yis gdab par bya
lus la byugs na nad rnams 'joms
416
gsang sngags gong ma'i rjes dag tu
drag sngags 'di ni rab tu bshad
a hri nga hri nga sing sing sva ha
de nyid gdab cing 'dag pa byugs
de ltar rgyun du byas pa na
gong gi nang rnams zhi bar gsungs
gang dag mi yi rigs rnams la
dug la sogs pa'i nad kyi rigs
sha dug sbyar dug rtsi dug ni
de dag zhi bar bya ba'i thabs
bdag nyid dbang chen mgrin pa ru
rma bya mdangs ldan bsgom par bya
chu gtsang 'khar phor nang du'o
rang la tsha ba 'dus gyur pas
mchil ma chu yi nang du bor
sha dug lo dug zla dug dang
sbyar ba'i dug rnams thub par gsungs
gzhan dag bsrung bar byed pa na
thugs kar sngags bzlas mchil ma'o
de dag rgyun du byas shing gdab
dug gi ro rnams 'drong bar bsam
sngags 'di 'bum gyis 'grub par nges
om sang ha ka li ha sa hum
ka pa tsa re
ma ha de ba'i gling srung
om tsan 'bis
he bhis
ma ha bhis
ko ro tsa bhis dza
zhes pa'i sngags de bzlas shing sbur bar bya
des ni dug rnams 'joms pa'o
417
mdze dug la sogs rtsi dug la
ga bur bzang po zho gcig dang
chu gtsang ngag tu sbyar byas nas
sngags 'di brgya rtsa gdab par bya
des ni lus kun khrus byas nas
ba spu'i bu gar skam du gzhug
des ni rtsi dug thams cad thub
de yi sngags ni 'di skad do
om khrag nyal ram sva ha
sngags de brgya rtsa brgyad bzlas zhing
ga bur sbyor ba dag byas na
rtsi yi dug las thar bar gsungs
lnga brgya dus kyi tha ma ru
sangs rgyas bstan pa nub kha ru
dug ni sbyor ba rgya cher 'byung
de dag sngags kyis bsrung ba ni
sbyor dug sha dug rtsi dug ni
gong du gsang sngags bstan pa'o
btsan dug dag gi sngags 'di'o
om kring kring sod
khrug le hri
sngags 'di brgya rtsa bzlas byas nas
srin lag gnyis kyi bar ngag tu
btsan dug blangs te zos gyur kyang
sngags kyi nus pas thub par nges
dus ni snyigs ma'i dus de ru
sangs rgyas bstan pa nub pa'i rtags
dug gi sbyor ba 'byung bar nges
mdze nad la sogs nad rnams ni
nad ni bzhi brgya rtsa bzhi 'byung
418
de dag 'byung ba'i dus nyid du
rdzogs pa rang byung rgyud 'di gsungs
le'u 'di dag 'byung ba yis
sems can kun gyi mgon du gyur
'di ltar spyod pa rdzogs byas nas
nad rnams zhi bar ngas bshad do
gang dag mi yi rigs rnams la
mtshan mo'i 'dre dang gdon gyis gnod byed na
tshon sna lnga yi skud pa la
rtsa ba'i mdud pa lnga bor te
rtsa ba'i gsang sngags brgya rtsa bzlas
lus sam mgul du btags gyur na
gdon de nyid las thar bar 'gyur
lnga brgya dus kyi tha ma la
phyugs nad sna tshogs 'byung bar nges
de dag zhi bar byed pa'i thabs
srung ba mtshams kyi 'khor lo las
sde brgyad drag sngags tha mar bri
dar ram ras ni ser pos gril
skyer pa'i phur pa sor bzhi la
gsang sngags nus tshad bzlas pa ni
mgul du btags pas phyugs nad chad
gang dag mi yi rigs rnams la
rims nad dag gis btab gyur na
de dag rnams la thar ba'i thabs
sbyor ba 'di nyid byas pas thub
khrus ni sna tshogs byas nas ni
419
nam langs pa yi dri chu yis
dang po tha ma pho nas bar mas khrus byas shing
ltor yang bag tsam gtong bar bya
sna bug nang du bag tsam blugs
rtsa ba'i sngags ni bzlas bya zhing
de ltar rgyun du byas pa na
'gos nad rims las thar bar nges
de ltar sbyor ba byas pa yis
nad kyi sdug bsngal zhi bar 'gyur
lnga brgya dus kyi tha ma la
nad kyi sdug bsngal bsam mi khyab
de rnams zhi bar bya ba'i phyir
dbang chen gsang ba'i rgyud 'di gsungs
de nas gsang sngags bstan pa gnas
de nas gdon rnams 'joms byed pa'i
gsang sngags 'di ni rgyas par 'gyur
lo ni lnga brgya bar du gnas
de nas gsang sngags bstan pa ni
yun ring gnas par ngas ma bshad
gsang sngags 'di ni shin tu gsang
de phyir bgegs rnams 'joms pa'o
de nas dbang chen 'khor bcas la
bstod pa'i glu chen 'di skad do
hri
rig pa'i ye shes nyid las bskyed pa'i lha
dbang chen kun 'dus dbang gi rgyal po khyod
dbang gi mdog dmar bskal pa'i me ltar 'bar
420
zhal gsum phyag drug khro rgyal rta skad mtsher
shin tu brjid dang dur khrod chas kyis brgyan
zhabs bzhi bgrad cing rgya mtsho'i klu rnams brdzis
zhal nas tshems brdar klu yi gshed mar mdzad
spyan rtsa rig cing ma mo pho nyar 'gyed
dbu dgu phyag ni bco brgyad ste
zhabs brgyad khro rgyal klu brgyad brdzis
dmar nag sku ni sna tshogs ston
dregs pa can rnams zhal du rdub
dbang gi sku mdog dmar 'phro ba
srid pa gsum nyid dbang du sdud
rta skad phyogs bcur sgrog pa yis
dus gsum khro bo dam la sdud
rta bro thang gsum brjid pa yis
srid gsum 'byung po'i snying la brdung
phyag mtshan mang po bsnams pa yis
klu rnams thams cad thal bar rlogs
kun la byams pa'i khro rgyal klu 'dul khyod
dbang chen sku la gnyis med yid phyag bstod
hum
khro bo'i rgyal po rta mgrin dbang gi sku
hri dang phat kyis klu rnams za bar byed
mi gnas me 'bar re gya mtsho'i klu rnams bsreg
shangs nas rlung 'tshubs 'jig rten khams kun 'khrugs
lcags kyi rmig pas klu yi snying nas 'dren
421
klu yi snying 'byin klu rnams bsreg par byed
gsod byed khro rgyal chen po yis
dgra bgegs snying khrag rngam pa'i zhal gyis gsol
dbang chen byed kyi thugs ka nas
gsang ba'i bdag po gos ston can
zhal gcig phyag gnyis sku mdog sngo
g.yas pa'i phyag na bsnams pa ni
klu 'dul gser gyis rdo rje bsnams
zung zhig gtogs shig rnam par chings
g.yon pa'i phyag na bsnams pa ni
sbrul zhags phur bu phyogs bcur 'debs
drongs shig khug cig snying la ya
bcom ldan phyag na rdo rje ni
sna tshogs mchog gi sku 'bar zhing
sku ni ri rab lta bur brjid
gsung sgras stong gsum zil gyis gnon
thugs ni chos nyid byams par ldan
ral pa kham nag gyen du brjes
gsus pa che la sbrul yang za
klu rnams za ba'i mche ba gtsigs
ral pa gyen du brdzes pa yis
klu yi 'jig rten dbang du bsdu
ag tshom me ltar 'bar ba yis
mi yi 'jig rten skyob par byed
zhabs gnyis brkyang bskum tshul bstan pas
422
klu rnams skrod par byed pa'o
bcom ldan phyag na rdo rje ni
lha chen brgyad ni phyag gis sgrol
klu chen brgyad ni zhabs kyis mnan
bdud dang ma mo'i srog rtsa 'phrog
rgyal 'gong kun gyi don snying 'byin
ma bdud thams cad gsod par byed
phyag na rdo rje stobs po che
ri rab gling bzhir bcas pa ni
khyod kyi lag pa g.yas pa yis
'phangs pas 'jig rten 'khrug par byed
rgya mtsho'i gting na gnas pa yi
klu rnams khyod kyis zas su za
ri rab ngos kyi klu rnams ni
dpag tshad brgyad khri 'phen par byed
klu 'dul khyod la phyag 'tshal bstod
khro bo'i rgyal po rta skad 'tsher
dbang chen khyed kyi thugs ka nas
phyag na rdo rje pho nyar 'gyed
dbang chen khyod kyi dpral ba na
hum
khro rgyal 'phags pa mi g.yo ba
sku mdog nag po 'jigs pa'i sku
zhal gcig phyag gnyis brjid pa che
g.yas pas ral gri bsnams pa yis
khams gsum sems can skyes rtsad gcod
g.yon pas sdigs mdzub zhags pa bsnams
thams cad chings shig rnam par sdoms
'phags pa'i rgyal po mi g.yo ba
423
rdungs shig khro bo'i rgyal po khyod
dgra dang bgegs rnams rdul du rlogs
khro bo'i rgyal po mi g.yo mgon
klu 'dul 'jigs pa'i sku la bstod
hum
bcom ldan dbang chen mgrin pa nas
sprul pa'i rta mgrin dmar po byung
zhal gcig phyag gnyis sku mdog dmar
g.yas pas be con bsnams pa yis
srid pa'i 'byung po rdul du brlag
g.yon pas sdigs mdzub bsgrengs pa yis
thams cad ma lus sgrol bar byed
rta mgrin rta skad 'tsher ba yis
klu la sogs pa'i bgegs rnams 'joms
sku ni mi yi tsha tsha 'phro
gdon bgegs thams cad thal bar brlag
sprul cig rol cig rta mgrin rgyal
'byung po 'joms la phyag 'tshal bstod
bcom ldan dpal chen lte ba nas
khro bo'i rgyal po gshin rje gshed
zhal gcig phyag gnyis sku mdog mthing
kam kam tshig tshig ral pa me ltar 'bar
g.yas na 'khor lo rtsibs stong bskor
srid gsum ma mo gsod par byed
dbang du sdus shig gshin rje gshed
g.yon pas sprul zhags sdigs mdzub bsgrengs
424
dam tshig nyams pa'i gshed ma mdzad
ma mo'i sku 'dul khro rgyal gshin rje gshed
mthing nag 'jigs byed khro rgyal dgra bo'i gshed
thams cad 'ching byed zhags pa klad la bskor
ma mo'i gshed byed khro rgyal gshin rje'i gshed
sku mdog gsal 'gyur ma mo gcer bur 'gyur
'jigs byed rngam pa'i khro rgyal tshogs dang bcas
glo snying zhal du gsol zhing snying khrag dron mo 'jibs
mi mgo glad khrag nyid kyi zhal du gsol
khro rgyal 'jig byed ha la ha la'i sku
ljags 'dril tsam gyis rdo rje'i thog chen 'bebs
kun gyi gshed byed ma mo 'dul
ma mo dbang du bsdu la phyag 'tshal bstod
pad ma dbang gi sku ni brjid pa che
bcom ldan phyag na rdo rje klu 'dul brdzid
mi g.yo mgon pos bdud dang srin po 'dul
gshin rje gshed kyis dgra bo ma rungs 'joms
rta mgrin nyid kyis thams cad 'gugs par byed
khro rgyal bgegs rnams 'joms la phyag 'tshal bstod
hri ha ya pad ma kro ta hum hum ma ra ya dza dza
gsang sngags dbang pos bskul byas la
bgegs rnams 'dul ba'i ting 'dzin ldan
425
de ltar las rnams rdzogs par bya'o
dkyil 'khor sbyor ba rdzogs par bya'o
sngags dang phyag rgya'i dbang rdzogs bya
bcom ldan dbang chen sku nyid la
'khor gyi lha dang klus bstod nas
rang rang stan la mdon par 'dug
yi dwags rnams ni bred cing sdangs
'byung po sha za'i gdon las thar
las rnams thams cad 'grub par 'gyur
chen po las ni shin tu che
dbang chen gsang ba'i rgyud 'di ni
rab tu 'byung bar dka' ba ste
lnga brgya dus kyi tha ma la
rgyud 'di 'byung zhing las rnams 'grub
rdzogs sangs rgyas dang mnyam par sbyor
dkyil 'khor thams cad 'grub par 'gyur
rgyud rgyal gsang ba 'di nyid ni
thams cad 'dul byed gnyen po ste
thams cad rang rang bde la 'god pa 'o
e ma ho
dkyil 'khor gsang ba'i bkod pa 'di
'di ltar rab tu bya bar gsang
dbus su dmar nag gru gsum mdzes
zla gam gsum ni sngon ga bri
de yi phyi rim dag tu yang
gru bzhi sgo dang bcas pa bri
phyi rim zlum po mu khyud bri
de ltar dkyil 'khor bris byas la
426
dbus su dpal gyi gtor ma dang
dbang chen bsgrub pa'i rdzas ni bzhag
zla gam gsum gyi steng dag tu
lcags kyi phur pa re re la
dar dmar gdugs ni phub pa'o
sgo bzhir dgram pa'i rdzas rnams ni
shar du shel gyi phur pa la
dar dkar gdugs dang bcas pa'o
lho ru skyer pa'i phur pa la
dar ser gtsang ma'i gdugs kyis phub
nub tu sing lding phur pa la
dar dmar dag gi gdugs kyis phub
byang du lcags kyi phur pa la
dar ljang dag gi gdugs kyis phub
byang shar mtshams kyi gru chad steng
lcags kyi phur pa dag btsugs la
dar tshon dag gi cod pan btags
shar lho mtshams kyi gru chad steng
dug rnams byugs pa'i phur pa ste
dar nag dag gi cod pan btags pa'o
lho nub mtshams su bzhag pa ni
seng ldeng phur pa khrag gis byugs
dar nag cod pan btags pa'o
nub byang mtshams su mchog phur ni
mthing nag dar gyi cod pan btags
gru chad phyi ma bzhi po la
gtor ma re re bzhag par bya
de ltar rdzas rnams bshams pa'o
bsgrub pa'i skabs su shes par bya
427
bsnyen pa'i skabs su dpal gtor dag gis so
las la sbyor ba'i dus tsam nas
khrag dang dug thun thun rdzas bsag
rang rang thun dang 'dra bar bshad
des ni las rnams 'grub par gsungs
gang zhig longs spyod nyams pa yis
'di ltar spyad na dngos grub 'byung
tshe dang bsod nams rgyas par 'phel
skye dang mi skye'i sdug bsngal bral
'dis ni bsam pa nye bar 'grub pa'o
zhes rdzogs pa rang byung chen po'i rgyud las
thams cad zlog byed mtshon cha'i le'u ste bcu gcig pa'o
rdzogs so
@12
rgya gar skad du
sar ba ma kha su ra as ma tha ka su na ma
bod skad du
bdud rtsi thal ba'i nang du thams cad sbyor pa'i lung zhes bya ba bcom ldan che mchog he ru ka la phyag 'tshal lo
de nas bcom ldan 'das de nyid che mchog he ru ka zhes bya bar gyur nas
bdud rtsi thal ba'i sbyor ba'i le'u 'di gsungs so
kye ma ko'u ri 'khor rnams nyon
khams gsum rnam rgyal yum nyid kyis
bha ga'i dbyings nas bka' stsal pa
bdud rtsi'i sbyor ba 'di nyid las
sbyor ba dam pa 'di lta ste
428
sku yi sbyor ba bdud rtsi 'di
thang las byung ba'i bdud rtsi dang
nam mkha' dag las byung ba dang
de bzhin rang las byung ba dang
san tshogs dag ni rdzas bsags la
sman ni rnam pa ci snyed dang
de bzhin dug kyang rab tu gsungs
dug lnga bdud rtsis sel ba'i phyir
rtsa ba lnga yi sbyor ba las
yan lag bsam gyis mi khyab bstan
sbyor ba'i rdzas kyi them las ni
om dang a dang hum dag gis
sbyor ba byin gyis brlabs nas ni
'dud rtsi chen po bsgrub pa 'di
shin tu dben zhing nyams dga' ba'i
gnas ni rab tu btsal nas kyang
gnas kyi mtshan nyid brtags pa nas
'jug pa'i dus nyid bstan pa'o
gnas kyi mtshan nyid brtag pa ni
nags tshal rab tu mang ba'o
bya skad sna tshogs sgrogs pa dang
brag ri mtho bar 'dug pa dang
me tog sna tshogs 'khrungs ba dang
gtsang ma'i chu 'bab nyi ma rtag
bcud dang 'bras bu smin pa ru
gnas ni zla gam dbyibs dag tu
bsgrub pa'i dkyil 'khor zhal phye ste
dkyil 'khor mda' gang tshad du bya
yug gis ma phogs dpangs mtho ba
429
shin tu byugs pas legs pa la
dri chus chag chag legs btab la
de nas chag de bskam pa dang
phyi rol dag tu song la na
cha gsum btang dang phyi bshags rnams
gzhung dang mthun par rab byas la
phyi mtshams la sogs de bzhin bya
de nas nang du 'ongs nas ni
nang mtshams gsang pa'i mtshams yang bcad
de nas nang bshags tshul bzhin bya
de nas dkyil 'khor de nyid la
chang phud gtsang ma mnyams pas
chag chag legs par gdab par bya
de nas dkyil 'khor de nyid la
tshangs thig la sogs thig rnams ni
gnam thig sa thig tshul bzhin bya
de nas tshon rtsi sna tshogs kyis
dkyil 'khor de la dgod par bya
dbus kyi pho brang zlum po la
dkyil du mthing nag gru gsum ste
zla gam dbus kyi kha dog ni
ser dang dmar dang dkar ba'o
de yi tha ma dag tu ni
'khor lo rtsibs brgyad dag tu bya
'khor lo'i rtsibs kyi rtse mo la
nor bu 'od 'bar re re bya
'khor lo'i mdog ni ser por btang
de yi phyi rim gru bzhi'i steng
430
ljang gu'i mdog ni rab tu gsungs
de yi phyi rim dag tu yang
zlum po sgo dang bcas pa bri
dkyil 'khor chen po de nyid kyi
gru chad bzhi yi zur dag tu
bsgrub pa'i yum bzhi gzhag par bya
de nas bsgrub pa'i mtshan nyid bstan
de nas rdo rje khams gsum gnam zhal mas
bdud rtsi chen po'i sbyor ba dang
bdud rtsi'i snod dang dam rdzas gzhag
gtso bo yab la rab tu zhus
kye ma khro bdag chen po'i sku
dkyil 'khor chen po de nyid la
bsgrub pa'i rdzas ni ji ltar dgod
nye ba'i 'khor la bka' stsol cig
de nas mngon rdzogs rgyal po yis
yum gyi bha ga dam pa las
sbyor ba brda' yis rab bskul nas
nye ba'i 'khor la bka' stsal pa
nyon cig nye ba'i 'khor rnams nyon
bsgrub pa'i dkyil 'khor de nyid kyis
steng du rdzas rnams bsags pa ni
mthing nag dbus kyi steng nyid du
rigs bzang bhan dha mtshan ldan dang
dmangs rigs mo yi bhan dha gnyis
kha dog rigs dang ri mo gnyis
pho la 'khor lo dpag bsam shing
431
yi ge lta bu'i ri mo rnams
pho la byung na bzang bar bshad
pad ma dag dang me yi ris
mtshan ma lta bur byung ba ni
mo yi rigs la bzang bar bshad
dbyibs dang kha dog rab brtags la
dbus su rab tu gzhag par bya
'khor lo'i rtsibs ma re re la
bum pa mdzes pa re re gzhug
bum pa de dag re re yi
rtsa ru phur pa re re la
khro bo bcu yi sngags rnams kun
re re dag la bris la bkod
phur pa bcu po dag la gdags
dar dmar cod pan re re btags
de yi phyi rim gru chad la
mda' dang me long dar sna dang
ral gri gtor ma re re bzhag
dkyil 'khor de la sgo bzhi la
bum pa rigs dang mthun pa re
ras dkar mgul chings dag dang bcas
shar du mdzes pa'i spyan phye la
lho yi bum pa de nyid las
mdzes pa'i zhal nyid bri bar bya
nub byang gnyis la ma dang hum
legs par bris la dgod par bya
de nas nye ba'i 'khor rnams kyis
gtso bo yab la don zhus pas
kye kye bcom ldan he ru ka
dam rdzas mtshan nyid de ltar na
sman gyi rigs rnams gsung du gsol
432
de nas rnam grol he ru kas
nye ba'i 'khor la bka' stsal pa
kye ma nyon cig yum gyi tshogs
sman gyi rigs rnams 'di lta ste
rigs ni lnga ru nga yis bshad
rtsa ba 'bras bu lnga ru bshad
bsgrub pa'i dkyil 'khor de nyid kyi
dbus kyi thod pa dag tu yang
dri chen skam po srang gcig bzhag
shar gyi bum pa'i nang dag tu
byang chub sems ni srang phyed bzhag
lho ru bsgral ba'i mam sa nyid
mig dang sna la gzhi blangs la
de bzhin snying dang mkhal ma dang
mchin pa la sogs srang gsum bzhag
nub tu sna tshogs rak ta nyid
bsgral ba'i rak ta sna tshogs ni
srang gsum tshad dang mnyam par bzhag
byang gi bum pa'i nang dag tu
dri chu sna tshogs bsres pa ni
phul thag gang gi tshad du bya
de nas shar du phor snod dag tu ni
ra sa ya na la sogs te
nyung kar gu gul dag dang ni
rdo rje phur pa da dang ni
go ro tsa na chen po dang
rak ta la sogs gzhag par bya
de nas dkyil 'khor lho phyogs su
bsgrub pa'i yum nyid bzhag nas ni
433
rgyan cha sna tshogs rab tu brgyan
dpral bar thal chen mtshan ma btab
dkyil 'khor dbus kyi phyogs dag tu
sgrub po yab yum 'dug nas ni
dkyil 'khor byang gyi phyogs dag tu
dgra bgegs zlog pa'i mtshon cha bzhag
dbus kyi pho thod dag la yang
gong gi ri mo med pa na
rdo rje nyid dang hri dang tha
dmangs rigs mo yi bhan dha la
gong gi ri mo med pa na
pad ma dang ni om zhes bris
de yi nang du blug pa'i sman
sha chen dang ni khrag chen dang
de bzhin dri chen byang chub sems
dri chu la sogs gtso bo lnga
de yi 'bras bu chen po ni
mig dang sna dang rna ba lce
tsit ta la sogs cha mnyam ste
srang ni phyed dang gsum dag bzhag
de yi 'phrod du bstan pa ni
gur gum dang ni tsan dan dang
spang sbos dang ni rgya sbos dang
de bzhin sbrul ma rnam lnga yang
cha mnyam srang phyed tshad du bzhag
de yi 'bras bu sbyar ba ni
mi dang rta dang khyi dang ni
de bzhin glang dang lug la sogs
mkhris pa lnga dang klad pa lnga
rgyungs pa lnga dang dri chen lnga
cha mnyam srang gi byed dang gnyis
434
de yi 'phrod nyid sman bstan pa
ga pur dang ni mu tig dang
lan tshwa dang ni rgya skag dang
shing tsha dag dang cha mnyam la
zho gcig dag gi tshad du bya
de rnams tshad du bstan pa yin
dmangs rigs dri chen dag dang ni
rta dkar dang ni glang po che
khyi dkar dag dang shang shang gi
dri chen dag na cha mnyam la
zho phyed dag gi tshad du bya
de yi 'phrod du bstan pa ni
khyi sha dang ni kham bu dang
snying ni zho sha dag dang a ru ra
sug sme nyid dang cha mnyam la
zho gcig dag gi tshad du byas
'bras dang til dang gur gum dang
dri chu cha mnyam sbyar bar bya
tshad ni gsum mam gcig tu btang
shing thog a 'bras skyu ru ra
ba ru ra dang li ga dur
thal dkar rdo rje dag dang ni
cha mnyam sbyar de zho phyed tsam
na ga ge sar glu sman dang
gla rtsi dang ni tsan dan dang
kha ru tsha dang rgya spos dang
rdza ti pha la shu mo za
cha snyoms sbrang rtsi dag tu sbyar
gser dang dngul dang zangs dang lcags
g.yu dang dung dang ra gan dang
zhib tu brdar la cha snyoms la
drod la phab nas zho gcig btang
435
des ni 'od rnams 'byung bar 'gyur
dkar po'i rus dang byi la'i snying
dwa ba'i khub dag dang sbyar
sran ma gsum gyi tshad du btang
zhag bdun bsgrub pa byas pa na
dri ni sna tshogs 'byung bar 'gyur
gla rtsi dang ni tsan dan dang
seng ge'i lci ba go shir sha
gur gum chu dang sbyar byas nas
nam gnyis dag ni btang gyur nas
zhag lnga lon pa dag dang ni
dri zhim pa dang du ba 'byung
de ltar rang rang snod dag tu
dkyil 'khor mtha' mar bshams nas ni
tshes ni brgyad la zhugs pa dang
zhag gcig dbang gi bro brdung zhing
dkyil 'khor de la byin brlab bya
de nas sman gyi rigs rnams kun
kha dog rigs rnams mig gis dbye
kha dog dkar ba thams cad kun
rdo rje rigs kyi sman du bshad
de bzhin ser dang dmar ba dang
ljang dang mthing ga la sogs rnams
rigs ni so sor phye ba rnams
dkyil 'khor shar gyi phyogs nyid du
lcags kyi gtun bus rab tu btags
yum dang rdo rje rgyal pos btags
436
shin tu zhib par btags bya zhing
sngags 'dis rab tu btag par bya
om am ri ta ba dzra ha na ha na hum
de skad brjod cing sman rnams btags
de nas sman rnams thogs pa dang
gsang ba rdo rje slob dpon gyis
byin brlab bya zhing sman rnams bsre
bsrung ba'i sngags 'di kun gyis bzlas
om am ri ta mu sa le sva ha
de skad brjod cing zhib tu bsnyams
de dag sman gyi rigs rnams kun
glang po che las byung ba lnga
'o ma snyug sgong dag gis dgang
dri chu 'o kon tsam du sbyar
dmangs rigs mo yi bhan dha ru
shong tshad blugs la pho yis dgab
'phel nas gnyis ka khengs pa dang
dngos grub chen po thob par gsungs
gang yang rung ba'i thod pa lngar
lhag ma blugs la gru bzhir bzhag
sna tshogs dar gyis kha bcad de
dbus kyi bhan dha kha sbyar la
dar dmar dag gis thum bur g.yogs
mched lcam du yod gzungs thag btag
de nas ras dkar gtsang ma yis
yol ba dag ni rab tu bya
'dzab tu bgrang ba'i sngags 'di'o
om a hum
sar ba pan tsa am ri ta hum hri tha
437
dbyangs dang bcas pas rab tu bgrang
phrin las gang yang rung ba bsrang
de nas rtags rnams byung ba dang
dngos grub blang ba'i cho ga bya
de nas bdag nyid ting 'dzin gyis
dpal chen che mchog he ru kar
rab tu gsal bar bsgom pa ni
dbu mang phyag kyang mang po ste
smug nag sku ni rab tu 'bar
dbu ni nyi shu rtsa gcig ste
phyag kyang bzhi bcu rtsa gnyis te
dkyil 'khor dus gcig bsgom pa'o
bdag nyid gtso bo bskyed pa'i sngags
om ba dzra ma ha shri he ru ka ram dzwa la hum
bdag nyid gtso bor gsal bar bsgom
gsang ba'i yum kyang yab dang 'dra
sngags 'dis yum nyid gsal bar bskyed
om ma ha kro dhi shwa ri sar ba ta tha ga ta mu dra a bhi shin tsa hum
de ltar bskyed rim rdzogs nas ni
sgrub po yab yum nyid du sbyar
yab yum spos chu 'o mas bkru
gur gum sran ma'i ril bu tsam
pad ma'i nang du dril te gzhug
de nas sbyor ba rab byas nas
byang chub sems dang rak ta sbyar
de nyid dbus su bzhag par bya
de nas nub ni gnyis pa nas
gu hye'i sngags 'di rab tu bgrang
438
om ba dzra tsit ta sa ma ya hum
rab 'bring tha ma gsum du bgrang
de nas dkyil 'khor de nyid phyogs
dbus su byang sems rnam snang ste
shar gyi 'khor lo'i rtsibs steng du
rdo rje dri chu sna chogs te
lho ru byang g.yag sha chen dang
sha ba'i sha rnams dgod pa'o
nub kyi 'khor lo de nyid la
'byung ba lnga yi rak ta dang
mang sa dang ni rak ta la sogs pa'i
sna tshogs rak ta gzhag par bya
byang du bsgral ba'i dri chu gzhag
sman gyi rigs rnams gsal ba dang
sngags 'dis thams cad byin gyis brlob
om sva hum hri ha
rtsa ba'i snying por shes par bya
zho sha snying dang mkhal zho sha
ko ro zho sha dag dang ni
shu dang ku re rta dang shu dag sre me dang
nab se shu dang dag dang a ru ra
ramo shag dang skyer ba'i khan ta dag dang ni
skyes pa'i chu dang sbyar ba ni
srad phyed dag gi tshad du bya
sman gyi sbyor ba de dag kun
dkyil 'khor byang du kha dog dbye
shar du sman nyid btag par bya
lho ru 'khar gzhong nang du ni
sman sna tshogs tshad bsag par bya
sna tshogs sbyar ba nus pa che
439
sman gyi rigs ni sna tshogs kun
bsre ba'i sngags ni 'di dag brjod
am ri ta bi sho dha ya
bsre dang btsag pa'i sngags su brjod
de nas rab 'bring rtags byung nas
dngos grub dbab pa'i sngags 'di'o
om ma ha sar ba pan tsa am ri ta su kha hri phem phem
g.yab dor la sogs sna tshogs bya
sman gyi rang bzhin de dag kun
mchog chen lag pa g.yon gyis dkrugs
mchog chen gling bu 'bud pas g.yab
dung dang rnga dang drel bu dang
cang te'u pi wang la sogs sgra
sgra ni sna tshogs dkrol zhing 'bud
de nas dkyil 'khor ngos bzhi nas
mched lcam rnams kyis dbyangs 'di blang
rang byung gdod nas dag pa yi
rtsa brgyad stong la sbyar ba'i sman
ra sa ya na la sogs rdzas
rtsa ba 'bum phrag yongs kyi bcud
gnyis med bde chen las byung ba'i
byang chub sems ni rdo rje ste
sha chen mchod pa rin po che
zas mchog cho yi rin po che
pad ma me tog yang dag ldan
rdo rje chu ste dri chu mchog
ga pur shel gyi sbos phor gsum
rin chen me ltar 'bar ba'i mchog
440
rin chen 'bum phrag yangs pa'i bcud
rigs lnga dam tshig lnga yi dngos
ye shes lnga rdzogs grub pa'i rdzas
rgyud lnga'i sems can kun sgrol ba
dug lnga sel ba'i thabs mchog ste
thams cad bdud rtsi'i rnal 'byor che
ma lus 'dus pa'i bdud rtsi che
sangs rgyas kun dang mnyam sbyor phyir
gcig tu dpa' bo'i ro rnams dang
gnyis su med par rab sbyar nas
dus gsum bun dha thams cad dang
rgyal ba rgya mtsho rnams la mchod
dbyangs de blangs shing dngos grub blang
de nas yum gyis sman blangs la
gzhung bzhin dag gi cho ga brjod
de nas nub ni lnga pa na
bdud rtsi byin brlabs sngags 'di brjod
ba dzra am ri ta
om a hum hri tha
de ltar byin brlabs rdzogs nas ni
dngos grub blang ba'i sngags 'di brjod
a ho su kha dhar ma ka ya ni
om am ri ta sid dhi hri
sngags kyi yi ge de dag kun
'od du zhu nas dngos grub blang
yi ge de dag re re las
lha yi sku ni re re ste
yi ge mthu nus dngos grub blang
de nas dngos grub rdzogs nas ni
slob ma de la dngos grub dbang nyid bskur
441
dbang gi gnas lnga bstan pa ni
spyi gtsug bde ba'i dkyil 'khor der
zla ba'i dkyil 'khor rgya long kha sbub tsam
de yi steng du om nyid bsam
lce nyid pad mar gyur steng du
yi ge a nyid 'od 'bar bsam
thugs kar nyi ma'i dkyil 'khor bsam
de yi steng du hum nyid bsam
let bar rat na zur brgyad steng dag tu
rin chen 'od 'bar steng du yang
yi ge sva nyid rab tu bsam
gsang ba'i gnas su ha nyid bsam
yi ge 'bru ni lnga po las
rigs lnga'i sku ni 'od 'bar te
'od zer lnga lnga rab tu 'bar
phyag rgya 'khor lo rtsibs brgyad 'bar
de nas dngos grub dbang rdzogs nas
'od zer gtso bo'i dbang nyid bskur
om dkar spyi bor bsam par bya
lce la a dmar 'od 'bar bsam
snying gar hum nyid mthing ga'o
lte bar yi ge sva ser bsam
gsang ba'i yi ge ha nyid ljang gu'o
dkar dmar 'od ni mdangs dang ldan
rang nyid bsam zhing bu la spro
de nas bu la 'dus gyur pas
phyag mtshan yi ge dag tu gyur
om las 'khor lo rtsibs brgyad 'bar
442
'bar nas dri chen bdud rtsir zhu
hum las rdo rje rtse lnga 'bar
'bar nas byang chub sems su zhu
sva las rin chen 'od 'bar te
'bar nas mang sa bdud rtsir zhu
hri las 'od zer sna tshogs 'phros
'phros nas rak ta'i thig le zhu
ha las sku ni 'od 'bar bsam
'bar nas dri chu bdud rtsir zhu
bu yi dbang nyid rdzogs nas ni
slob dpon gsang ba'i yum ldan des
dbang bskur tshig ni 'di skad brjod
ho gdod nas rnam dag ma skyes chos kyi dbyings
dag dang ma dag rnam rtog mtha' las 'das
dus gsum gcig la sku bstan spyi shol med
dngos grub brlan can sna tshogs 'bar ba can
su 'dod sbyin gyis 'di la da tshur longs
skam par 'brengs pa'i gti mug mun pa la
sprin mthongs khud par nyi shar dro ba ltar
bdud rtsi'i rgyal po dbang chen 'di sbyin pas
rig 'dzin rgyal po gtso bo'i go 'phang 'thob
tshe dang skad dang ying du 'ong ba dang
bgegs rnams zhi la sogs pa ste
nad dang bral nas ci 'dod pa
yon tan brgya rtsa 'di yis 'thob
443
de skad rab tu brjod par bya
de nas slob ma'i dbang bskur rnams
thams cad rim par rdzogs par bya
bdud rtsi gtso bo'i dbang bskur te
gtso bo gsang gnas spyi bor bskur
kha ni mi dbye gtso bor bskur
sngags 'dis thams cad kun la bskur
om a hum
ra sa ya ta dza na ghu na si ti hum hri dza
zhes pas kun la dbang du bskur
bum pa la sogs sman sna rnams
rim re bskur zhing rim re bsgom
spyi gtsug dbang rten ral pa la
dar gyi cong pan re re la
sngags 'di lan brgyad brjod cing gdags
om shri pa ta a bhi shin tsa hum
de skad brjod cing dbang de bskur
nas ni 'bras bu bdun nyid la
gong ma'i sngags ni bdun brjod la
kun la zhag grangs tsam re gdags
gsang ba'i mtshan yang gdags par bya
dbang gi dngos grub de dag kun
gzhan gyis mi 'phrog zil gnon phyir
sbyin sreg cho ga rgyas par bya
dbang dang sman gyi sbyor ba rnams
shin tu rgyas pa nyid du bya
sangs rgyas rnams kyi rdzu 'phrul dang
sman gyi byin brlabs nus mthus ni
444
nad dang 'byung po thams cad sel
skye med byang chub 'bras bu thob
rig 'dzin gsum gyi 'bras bu thob
de yang bsgrub pa chen po'i tshe
lha yi sku ni bsgom par bstan
de bzhin snying po dag kyang bstan
gsang sngags gsung gi dngos grub ni
thams cad 'grub par gdon mi za
bdud rtsi chen po thal ba'i lung
lung 'di bdag gis rab bshad pas
bsgrub pa chen po thams cad kyi
mig dang dbang po lta bur 'gyur
kye ma nyon cig ye shes 'khor chen nyid
bdud rtsi chen po'i nges tshig 'di
thams cad nges par lung 'di bstan
rnam grol he ru ka yis kyang
bdud rtsi'i nges tshig 'di dag gsungs
bdud kyis 'khor ba'i gcong rong 'don
rtsi yis ye shes thabs la slon
bdud ni 'khor ba chen po la
rtsi yis chos nyid don la skyel
bdud rtsi'i don dag gad rgyangs che
bdud ni bar chod bgegs chen la
rtsi yis che mchog lta bur 'gyur
bdud ni khu rlangs sprin lta bur
nyi ma lta bu'i rtsi btab nas
ye shes don la thogs pa med
bdud ni mun khung lta bu la
445
mar me lta bu'i rtsi btab nas
snang ba thams cad thogs med 'gyur
kye ma che mchog he ru ka
nam mkha' lta bu'i rtsi chen la
sprin phung lta bu'i bdud kyis bsgribs
shel sgob lta bu'i rtsi 'di la
dri ma lta bu'i bdud kyis bsgribs
bdud rtsi chen po mchog gi lung
'di ni snang ba go 'byed pa'o
ma rig bdud la rig pa rtsi'i
rgya yis btab cing 'gyur ba med
de bzhin bdud rtsi'i sbyor ba 'di
he ru ka yis rab tu gsungs
zhes rdzogs pa rang byung chen po'i rgyud las
dbang thams cad kyi de bzhin nyid bstan pa'i rgyud
bdud rtsi thal sbyor gyi lung bstan pa'i le'u ste bcu gnyis pa'o
rdzogs so
@13
rgya gar skad du
du pa sar ba gha na su ka na ma
bod skad du
thams cad sgrol byed tshogs kyi lung zhes bya ba
bcom ldan 'das rigs lnga 'khor dang bcas pa la phyag 'tshal lo
de nas bcom ldan 'das pad ma dbang gi spyan sngar rigs lnga'i de bzhin gshegs pa rnams kyis
btud de thal mo sbyar nas
rang rang gi 'khor la bos te
chogs chen po'i mchod pa 'di smras so
446
kye sems dpa' chen po nyon
gang dag mi yi rigs rnams kun
'khor dang longs spyod nyams pa dang
longs spyod chung bar gyur pa dang
rgyu yi tshogs la rten 'dod na
bsod nams skye bar 'dod pa yis
tshogs kyi mchod pa bsham par bya
phyi mtshams spyi bshags rdzogs byas la
zhi ba'i dkyil 'khor bzhengs su gsol
rdzas dang yo byad ci 'byor bshams
kha zas 'byor bshams sna tshogs pa'o
dkyil 'khor de yi dbus dag tu
zangs chen nang du tshogs kyis bkang
ka ra bu ram la sogs pa'i
dkar dang gtsang ma'i gtor ma dang
bshos zan brgya dang rtsa brgyad dang
zhi ba'i lha tshogs mnyes pa yi
rdzas ni sna tshogs gzhag par bya'o
de ltar sngon 'gro rdzogs nas ni
zhi ba'i phrin las rdzogs bya zhing
mchod pa sna tshogs dbul bar bya
bsgrub pa'i rdzas de thams cad la
yi ge 'bru gsum byin gyis brlabs
bdag nyid ting 'dzin ldan byas la
zhag gsum tshogs kyi 'khor lo bskor
dus bzhir tshogs kyi rgyun mi gcad
de ltar ting 'dzin byin brlabs nas
447
tshogs rnams spyan drang 'di skad do
lcags kyu'i phyag rgya thugs kar bca'
lcags kyu'i bar nas dza 'phros pas
zhi ba'i lha tshogs spyan drangs bsam
de nas spyan drangs 'di skad do
hum
bde bar gshegs so rigs lnga'i tshogs
rgyal ba rgya mtsho 'khor dang bcas
sems dpa' dang ni sems ma dang
thub drug kun bzang yab yum dang
sgo ba yab yum 'khor bcas dang
zhi ba'i pho brang 'khor bcas rnams
tshogs kyi gnas 'dir gshegs su gsol
tshogs mchog dkyil 'khor spyan 'dren gyes
rin chen gar dang gzi mdangs 'phro ba'i tshul
tshogs kyi mchod pa rab 'byams ma lus kun
longs spyod tshogs kyi gnas 'dir gshegs su gsol
gnyis med 'khril sbyor yum bcas gshegs su gsol
de nas tshogs bsgral ba ni
ral gri'i phyag rgya bca' la
tshogs ni dum bur gtub byed la
bsgral ba'i mchod pa 'di skad do
hum
tshogs rje tshogs bdag dbang dang ldan
slob dpon 'khor bcas dgongs su gsol
448
gnyis med dbyings las bskyed ba yi
zhi ba'i lha tshogs dgongs su gsol
bdag nyid dpa' bo'i stobs dag gis
thabs mkhas thugs rje'i byin rlabs las
bza' btung rgyu 'di bsgral bar bya
tshogs kyi rgyu ni byang chub sems
byang chub rgyu ni stong bdag med
rig pa med pas rig las 'das
mtshan ma'i yul med mngon sangs rgyas
bsgral ba'i rgyu med dbyings su bsgral
sar ba pra ban hum kha hi kha hi
de nas mchod pa ni 'di skad do
hum
rnam par snang mdzad bkra shis 'byung ba'i gter
yid bzhin 'dzum pa'i sems kyis tshogs 'di bsngo
bza' bca' dang ni longs spyod thams cad bsngo
ye shes klong yangs 'khyil pa'i dkyil 'khor nas
rgyal ba'i sku la bzhengs bzhugs mi mnga' yang
'gro ba'i don la dgongs pas tshogs 'di bzhes
shar phyogs 'khor lo'i rtsibs steng na
bcom ldan mi bskyod rdo rje la
byang chub sems dang gnyis med phyir
dag pa'i 'od zer phyogs bcur 'phro
yab yum gnyis med tshul gyis bzhes su gsol
449
lho phyogs 'khor lo'i rtsibs steng na
rin chen 'byung ldan sna tshogs cir yang sprul
'khor dang longs spyod bcas te 'bul lags na
yab yum gnyis med tshul gyis bzhes su gsol
nub phyogs 'khor lo'i rtsibs steng na
snang ba mtha' yas sprul sku byang chub sems
sems can don la dgongs pa'i thugs rje can
rig pa gnyis med tshul gyis khyab mdzad pa
mang sa dang ni ro mchog tshogs 'di ni
yab yum gnyis med tshul gyis bzhes su gsol
byang phyogs 'khor lo'i rtsibs steng na
don yod grub pa gnyis med gar bsgyur zhing
'du 'bral med pa'i tshul du yab yum sbyor
longs spyod ma lus 'dus pa'i rdzas chen 'di
bdag nyid mnyam par bzhag pa'i tshul 'dis 'bul lags na
yab yum gnyis med tshul gyis bzhes su gsol
byang shar 'khor lo'i rtsibs steng na
rdo rje sems dpa' gnyis med gyur ba'i tshul
phyag na rdo rje dpa' bo'o tshul gyis bstan
spyan ras gzigs dbang 'gro ba stobs kyis 'dul
sku mdog 'od zer lnga yi phreng ba can
450
dgyes te 'dzum pa'i tshul gyis glu blangs pas
sems dpa'i tshogs la gnyis med mchod par 'bul
phi wang sgra dang gling bu'i sgra 'byin pa
sna tshogs sgra yi mchod pa dam pa 'bul
rdzas dang longs spyod thams cad mchod pa'i mthus
sems dpa' sems ma rnams la mchod par 'bul
rin chen sems dpa' pad ma'i sems dpa' dang
chos kyi sems dpa' las kyi sems dpa' la
gnyis med mthun sbyor tshogs mchod dam pa 'bul
phyogs skyong yab yum dang ni thub pa drug
zhi ba'i lha tshogs kun la mchod par 'bul
gzugs dang sgra dang dri dang ro
'dod yon lnga ldan mchod par 'bul
a li u li ta li ta pa li
zhes rdzogs pa rang byung chen po'i rgyud las
zhi ba'i cho gas bsgral ba'i le'u ste bcu gsum pa'o
rdzogs so
@14
rgya gar skad du
bud dha ling kro ha su ka na ma
bod skad du
khro bo'i rang bzhin du tshogs bsgral ba'i lung zhes bya ba
bcom ldan 'das pad ma dbang gi lha la phyag 'tshal lo
de nas yang khro bo'i lha tshogs 'khor dang bcas pa rnams kyis 'di skad ces smras so
451
kye kye rang rang 'dus pa'i tshogs rnams nyon
gang zhig longs spyod 'phel 'dod pas
sbyor sgrol tshogs kyi mchod pa bsham
khro bo'i dkyil 'khor bzhengs su gsol
khro bo'i rdzas dang longs spyod bsags
khro bo'i phrin las rdzogs par bya'o
gsang sngags byin brlab ldan par bya
bsgral ba'i mchod pa 'di skad do
hum
bdag nyid pad ma gar ldan pas
thabs mkhas pad ma dbang chen gyis
'gyings pa'i stabs kyis gar byas pas
bsgral ba'i rgyu rnams dbyings su bsgral
bsgral ba'i rgyu la bsam yas kyang
srog can dang ni srog med rgyu
'di ni srog med rgyu yin pas
ging chen shes rab thabs ldan pas
gzung 'dzin rkang pa bsnol nas ni
gnyis med byang chub sems su bsgral
pra be sha ya hum am be sha ya a be sha phat phat
de ltar tshogs de bsgral byas la
cha gsum dag tu gcad par bya
rdo rje rgyal pos las kyi dri chabs kyis
tshogs de bsangs shing mchod par bya
dang po dpa' bo sgegs pas mchod
452
gnyis pa dri med 'khor los mchod
gsum pa gnyis med bshags pas mchod
de ltar khro bo'i mchod rdzogs bya'o
zhes rdzogs pa rang byung chen po'i rgyud las
khro bo rang bzhin gyi tshogs kyi le'u ste bcu bzhi pa'o
rdzogs so
@15
rgya gar skad du
tis ta sar ba ka ya na ma
bod skad du
spyi tshogs bsgral ba'i lung zhes bya ba
bcom ldan dbang chen 'dus pa'i sku la phyag 'tshal lo
de nas yang 'khor nye ba'i sras mchog rnams kyis 'di skad ces gsol to
kye kye bcom ldan dbang gi lha
'das pa'i 'khor rnams khro gnyer la
spyi tshogs bsgral ba bstan du gsol
de skad zhu ba phul gyur nas
rang rang stan la nye bar 'dug
de nas nyid kyis rab tu bshad
kye ma 'dus pa chen po nyon
tshogs kyi lung 'dir bsgral 'dod pas
bsgral dang spyan 'dren mchod rdzogs bya
dpa' bo sgeg dang bshags pa dang
bstab pa gsum gyis mchod pa bya
de nas ging chen rgyan ldan des
sngags dang phyag rgyas byin brlabs pas
ting 'dzin rta mchog skur ldan pas
153
mchod pa'i phyag rgyas nyer mchod de
lha mo bzhi yis nyer mchod de
'di skad brjod cing glu chen blang
hum
mchod pa'i glu tshig dbyangs ldan pa
zhi khro'i tshogs dang sems dpa' la
gnyis med gar gyis mchod pa 'bul
chos dang sems dang yid kyis mchod
e ma sangs rgyas kun sbyor ba'i
mnyam pa'i mchod pa chen pos mchod
spyan las mchod pa'i lha 'phros pas
gzugs kyi mchod pa sna tshogs 'byung
lag gnyis gar bsgyur 'dzin mas
rgyal ba mnyes nas spyan la thim
sgra las mchod pa'i lhar gyur pas
sgra yi mchod pa sna tshogs 'byung
lag gnyis gar bsgyur rol mo mas
rgyal ba mchod byas snyan la thim
shangs las mchod pa'i lhar gyur nas
dri yi mchod pa sna tshogs 'byung
spros pas rgyal ba'i sku mchod nas
lag gnyis gar bsgyur dhu pe mas
rgyal ba mnyes byas shangs la thim
ljags las mchod pa'i lhar gyur pas
ro yi mchod pa sna tshogs byung
spros pas rgyal ba'i sku mchod nas
lag gnyis gar bsgyur ri wi tes
454
rgyal ba'i sku mchod ljags la thim
mchod pa'i lha mo de dag kyang
lag pas gar bsgyur rkang bas stabs
gnyis med mchod pa rol mo dang
pi wang 'dzin dang spos por 'dzin
zhal zas sna tshogs 'dzin byed cing
mchod pa'i glu dang stabs dang ni
gar gyis thams cad tshim par mchod
yang dag sku dang chos kyi sku
sangs rgyas zhing khams rab 'byams su
lha mo bzhi yis khengs gyur te
thams cad mchod pas mnyes byas la
khro rgyal khrag 'thung thams cad dang
zhi ba rnams la yang mchod par 'khul
a la la ste mchod bar bzhes
om ba dzra ghan dhe gha na
ba dzra dhu pe dhu
push pe pu
om ba dzra ne wi te dza
om ba dzra a ya te dza ti nga hum da
hum
rgyal ba zhi khro kun la mchod pa ni
rang bzhin ma bskyed rdzogs pa yi
ye shes lha tshogs rol cig dgongs su gsol
rnga dang gling bu dang ni dung mchog gis
rgyal ba zhi khro'i tshogs la mchod pa 'bul
cha la nga dang ni pi wang sgra mchog dang
mchog chen la sogs sgra yi rol mo yis
rgyal ba zhi khro'i tshogs la mchod pa 'bul
455
hum
bu ram dang ni ka ra sbrang rtsi yis
rgyal bzhi khro'i tshogs la mchod pa 'bul
chang dang mam sa ke'u 'bras la sogs
ro ldan bro mchog ye shes mchod pa yis
rgyal ba zhi khro'i tshogs la mchod pa 'bul
rak ta dang ni bdud rtsi chen po dang
dri chu dri chen byang sems dkar dmar gyis
rgyal ba zhi khro'i tshogs la mchod pa 'bul
dza gad la sogs ro mchog brgya rnams ni
rgyal ba zhi khro'i tshogs la mchod pa 'bul
hum
spos dang rgya spos dang ni tsan dan dang
dri mchog la sogs dri sna tshogs rnams kyis
rgyal ba zhi khro'i tshogs la mchod pa 'bul
hum
ras mchog dang ni dar mchog dam pa dang
'jam zhing dro ba'i reg bya sna tshogs kyis
rgyal ba zhi khro'i tshogs la mchod pa 'bul
sems mchog dang ni yid kyi mchod pa yis
rgyal bzhi khro'i tshogs la mchod pa 'bul
rnam shes la sogs tshogs kyi mchod pa yis
rgyal ba zhi khro'i tshogs la mchod pa 'bul
rta dang glang chen la sogs gser dang dngul
bai dur ya dang man shel bye ru yis
456
rgyal ba zhi khro'i tshogs la mchod pa 'bul
dung dang rdo yi dbyig dang zangs lcags dang
g.yu drang nor dang 'bru dang bang mdzod kyis
rgyal ba zhi khro'i tshogs la mchod pa 'bul
gos dang stan dang mal cha la sogs te
sna tshogs gzugs kyi mchod pa dam pa bzhes
hum
bcom ldan rgyal ba zhi khro'i lha tshogs la
rnal 'byor tshogs mchod 'bul lo bzhes su gsol
yo byad sna tshogs pa yi mchod pa 'dis
rgyal ba zhi khro'i thugs dam bskang gyur cig
om tshogs kyi 'khor lo bskor ba'i yon tan gyis
tshe rabs snga phyi med pa'i sgrib pa rnams
zhi khro'i spyan sngar skad cig tsam gyis byang
tshe rabs phyi ma gnas ni gar skyes kyang
yo byad chung ba dag tu mi 'gro zhing
rtag tu chos kyi 'khor lo bskor bar 'gyur
rin po che dang 'bru la longs spyod cing
rdzas dang longs spyod ldan pa'i skyes bur 'gyur
de bas lhag pa'i yon tan 'di ltar 'thob
ye shes bar dor rang snang dag pa mthong
de la goms nas mi 'gyur sa la gnas
sprul pa stong gsum gang bar 'gyed par 'gyur
457
de ltar bu yi yon tan thob par 'gyur
yon tan tshogs kyi mchod pa dam pa 'dis
rgyal ba zhi khro'i tshogs la mchod par 'bul
a la la ste mchod par bzhes
a la la ho thugs rjes dgongs su gsol
a la la ste thugs rjes dgyes pas bzhes
rnal 'byor bdag la dngos grub stsal du gsol
bdag la dbang bskur tshogs mchod dgyes par rol
al li u li ta pa li
kha hi kha hi
mam sa
rak ta
tsit ta
ma ha ba su ta
go ro tsa na ba ling ta kha hi
des ni tshogs kyi las thams cad shes par bya'o
zhes rdzogs pa rang byung chen po'i rgyud las
spyi tshogs bsgral ba'i lung bstan pa'i le'u ste bco lnga pa'o
rdzogs so
@16
rgya gar skad du
sar ba shan ting bo dhi sa ta a bhi shin tsa na ma
bod skad du
zhi ba byang chub sems dpa' thams cad kyi dbang bskur ba'i le'u zhes bya ba ste
bcom ldan 'das dpal kun tu bzang po'i sku la phyag 'tshal lo
de nas dbang thams cad kyi bdag nyid dbang gis sku des
phyi nang snod bcud thams cad dbang gis rang bzhin du byin gyis brlabs nas
458
zhi ba byang chub sems kyi ngang du dbang bskur ba zhes bya ba 'di rnam par bshad do
gsal bar bya'o
mngon par bstan no
rgyas par bkral lo
rig par yongs su snang ngo
de nas bcom ldan 'das des
'khor gyi sras mchog rnams la bos te
'di skad gsungs so
kye ma kye ma 'khor nyon cig
ma rtogs pa rnams rtogs byed pa'i
dbang gi rgyal po 'di bstan pas
ma smin pa rnams smin par 'gyur
dbang gi ngo bo 'di bstan pas
chos kyi dbyings dang mnyam pa ste
byang chub nyid du nye bar bstan
rig pa'i ye shes mi gsal ba
dbang 'di bskur bas gsal bar 'gyur
de rnams gsal bar 'dod pa na
dbang bskur dam pa 'di nyid bstan
grong rdal chen po'i dbus dag tu
rnal 'byor pa yis don mi 'grub
grong dang grong khyer zad mtha' dang
nags sam ri brag lung stong du
rnal 'byor bdag gi don la 'jug
bsgrub pa la brtson rigs snang brtag
rdzogs pa chen po'i don bstan pa'o
theg pa phyi nang thams cad kyi
dbang rnams 'di yis rdzogs par bshad
459
de la dbang bskur byed tsam na
phyi mtshams la sogs rdzogs par bya
sta gon cho ga'i gzhung rdzogs bya
khrus dang rdo rje'i chu yang blud
dam tshig mna' chu dam mna' bskyal
dkyil 'khor bre ba gru bzhi'am
'dom gang gru bzhi gnas dang sbyar
thig dang tshon rnams byin gyis brlab
mu khyud zlum po pho brang mdzes
'khor lo rtsibs bzhi rigs dang sbyar
mu khyud dmar po rdo rje'i ra
phyi rim gru bzhi gru chad ljang
gru bzhi dag gi phyi rim du
mu khyud ljang gu zlum por bshad
zla gam bzhi ni kha dog ser
phyi rim gru bzhi sgo dang bcas
gru chad rigs dang 'dra bar bshad
phyi rim bar du zar tshag
sgo ni rigs dang 'dra ba la
mu khyud zlum po sgo khyud bcas
de ltar dkyil 'khor gsal bris la
rdzas dang yo byad tshogs par dgram
dbang bskur yo byad sna tshogs gzhag
rtags kyi phyag rgya sna tshogs snang
mtha' yas sems kyi dbang du'o
bya phyir dkyil 'khor rdzas tshogs bya
rten pa dang ni brten pa can
460
las rnams rdzogs phyir gzhag par bya
gsang ba'i rtags nyid bstan pa yi
rdzas kyi rnam pa 'di lta ste
dbus su man dzil la steng dag tu
zangs kyi nang du gtor ma'o
gtor ma'i kha ni dang dkar mdzes
'khor lo'i rtsibs dang lte ba la
rma bya'i mdangs ni re re gzug
rtsibs mchan gtor ma'i kha ru yang
me long skyon med re re bzhag
gru chad ljang gu'i steng dag tu
snying po dang bcas ral gri bzhag
zla gam ser po'i steng dag tu
nas kyi gdan ni 'dab ma brgyad
steng du bum pa re re bzhag
dar dkar mdzes pa'i mgul chings dang
nang du chu gtsang 'o ma ste
tsan dan chu dang spos chu dang
phyed phyogs dag tu gur gum chu
kha rgyan dag dang bcas pa'o
sgo bzhir mda' ni mdzes pa la
me long dar sna bcas pa'o
kha tshar mnyams ras dag gis
dkyil 'khor dag gi phyi yol bya
steng na sna tshogs dar gyi gdugs
de ltar dkyil 'khor rgyan bkram zhing
bu rnams spos kyi chu yis bkru
rdo rje'i gral phyag byas nas ni
rdo rje'i gral la 'khod par bya
461
de nas slob dpon dbang ldan ges
sta gon cho ga rdzogs par bya
dkyil 'khor gnas pas bya ba dang
bum pa sta gon gnas par bya
slob ma sta gon gnas bya dang
sta gon cho ga'i ting 'dzin gsal
de nas rigs kyi slob ma rnams
gral du snang bas go bar bya
gral du bkod pa'i skal ldan la
dbang rdzogs byas la man ngag byin
phyi nang gsang ba yongs rdzogs kyi
dbang bskur rdzogs par byed pa na
dang po zhi ba'i dbang rdzogs bya
rten 'brel rdzas kyi don mtshon nas
sku gsum 'bras bu thob pa'o
de rnams mtshon byed gsang dbang ni
phrin las rdzogs par 'dod pas na
slob dpon dbang dang ldan pa des
dbang bskur rgyan rnams gon pas ni
phrin las 'di rnams rdzogs par bya
stobs ldan pad ma dbang gi sku
gsang ba'i dkyil 'khor ye shes lnga ldan 'di
bu yi dbang rnams rdzogs par bgyi 'tshal na
bdag la dbang stsol bu la gnang bar mdzod
dkyil 'khor zhal blta man ngag thob bya'i phyir
'dir mchis zhal ston dpa'o bos gnang bar mdzod
462
'dod chags spangs nas dag pa'i lam du 'jug
zhe sdang spangs nas dal gyi sku dang sbyor
gti mug spangs nas shes rab yul la 'jug
'khor ba spangs nas ye shes blta ba'i phyir
'dir rig dkyil 'khor bu la snang ba'i phyir
rdo rje che ge mo 'khor dang bcas pa rig pa'i yul blta bas
slob ma dkyil 'khor 'dir chug las rnams sgrub par gyis
ho rdo rje slob dpon gnyen gyi dbu bzung nas
yi dam lha dang mkha' 'gro dam tshig can
thams cad bdag la dgongs su gsol
dam tshig nod kyis bdag la gnang bar mdzod
dkyil 'khor 'dir chug bdag la dbang bskur gsol
rdo rje slob dpon gsang ba bdag la bskur
hum rdo rje dam tshig khro chu khol ma 'di
khyod la gtad kyis thub par gyis
nyams na dmyal ba'i rgyu yin te
thub na yon tan brgya rtsa 'thob
de bas khyed kyis gus pas longs
sa ma ya sat vam
bag sha ni ho
rdo rje'i dam tshig bdag gis blang bar bya
bskal pa zhig kyang mi gtang gzung bar bgyid
463
dngos grub chu bos bdag gi dri ma 'khru
myur du dam tshig chu ba bdag la stsol
rdo rje dri chu bdag gis gzung bar bgyi
om ba dra tish tha lhan
chos nyid rang rtags srog gi 'khor lo yi
rdo rje dril bu khyod kyis yang dag zung
chos nyid gsung sgras thams cad bril mnan phyir
dril bu dkrol zhing rdo rje yang dang gsor
chos nyid stong pa ye shes dag pa yi
rnam dag don lnga ye shes bum pa 'dis
skal ldan 'di la dbang bskur bas
stong rig gsal ba'i don ldan shog
om ba dzra tsit ta ya tish tha ba dzra ya mi sat vam
hum
stong nyid ye shes las byung ba'i
chos sku dag pa'i rang bzhin las
ye shes dag pa'i pho brang 'dir
bkra shis dag pa'i bum pa 'dis
skal ldan 'di la dbang bskur gsol
om rat na e wam ti dza hum
hum
rtog pa'i dri ma sel ba'i bum pa 'di
dag pa'i ye shes gnyis dang sbyor
ye shes ston pa'i bum pa rab mdzes pas
skal ldan 'di la dbang bskur gsol
om mang ma du ti shri ham bag tam
hum
byang chub las byung bdud rtsi'i snod
464
nyon mongs sel ba'i bum pa 'dis
skal ldan skyes bu 'di la dbang bskur gsol
om kar ma jna na tam bag sha hum
ye shes gsal ba'i sgo bzhir ldan
shes rab bskyed pa'i mda' bzhi yis
skal ldan 'di la dbang bskur bas
snang ba bzhi dang 'phrad par shog
om dza hum bam ho
ba gad ha dza ya
shes rab don ston ral gri bzhis
skal ldan 'di la dbang bskur bas
mnyam pa nyid kyi don rtogs shog
om ba dzra prad dznya ma ha tam bag sha hum
chos nyid rnam dag stong pa'i rgyu
yi ge hum las 'od zer 'phros
thams cad de yid don la gnas
chos dbyings ye shes mtshon pa'i dpe
me long 'di la brten pa yis
skal ldan 'di la dbang bskur ro
chos dbyings ye shes don rtogs shog
om dhar ma dha tu dznya na ba dzra sva bha wa at ma ko nya ham
nyon mongs dag pa ye shes rgyu
gsal 'grib med pa'i don bstan pa
rdzas kyi me long dam pa 'dis
skal ldan 'di la dbang bskur ro
me long ye shes don rtogs shog
om a dar sha dznya na ba dzra sva bha wam at ma ko nya ham
yab yum gnyis med dkyil 'khor ldan
465
ye shes stong gsal mnyam pa'i me long 'di
skal ldan 'di la dbang bskur ro
mnyam nyid ye shes don rtogs shog
om rat na dznya na ba dzra sva bha wa at ma ko nya ham
thams cad 'byung ba ye shes dag pa'i rdzas
skal ldan 'di la dbang bskur ro
sor rtogs ye shes dbang thob shog
om pad ma a ti ba dzra sva bha wa at ma ko nya ham
thams cad gnyis med gcig tu 'dus pa'i ye shes te
chos rnams bya bar rdzogs par mdzad pa yi
skal ldan 'di la dbang bskur ro
bya grub ye shes don rtogs shog
om kar ma dznya na ba dzra sva bha wa at ma ko nya ham
kha dog thams cad ston mdzad pa'i
lhun grub dkyil 'khor thams cad kyis
mu khyud nga ba ston mdzad pa'i
'od chen rnam lnga'i me tog 'dis
skal ldan 'di la dbang bskur ro
rin chen sbubs su sangs rgyas shog
om pra be sha ya du sha hum
sna tshogs pa yi rdzas chen 'dis
'di dang phyi ma gnyis ka ru
longs spyod chen po 'phel bar 'gyur
byin brlabs drag po'i gtor ma 'dis
skal ldan 'di la dbang bskur ro
466
bar chad thams cad bsal ba dang
sangs rgyas byin rlabs snang bar shog
om ba ling ta du sha ni hum
rnam dag dri med chos kyi spyan
do nub khyod la gsal 'gyur shog
spyi dang rang gi don shes pa
gang yang ma 'gags shes rab spyan
do nub khyod la gsal bar gyis
phyi dang nang med kun gsal ba
rang bzhin ma g.yos rig pa'i spyan
do nub khyod la gsal gyur nas
rigs pa'i dkyil 'khor gsal bar ltos
dngos dang dngos med snang ba dang
bdag gzhan thams cad don gsal ba'o
thams cad mkhyen nyid gzhi yi spyan
do nub khyod la gsal gyur nas
rang rig rdzogs pa'i dkyil 'khor ltos
thogs pa med pa'i spyan lnga yis
dkyil 'khor phyogs mtshams kun la ltos
shar gyi sgo ni rigs pa gsal
rig pa'i ye shes mtshon pa'i phyir
ye shes dag pa'i snang ba 'char
de phyir shar gyi sgo zhes bya
de yang khyod la bstan par bya
ma bred ma sngags myur du ltos
chags med spyan gyis bltas byas na
'gyur med ye shes dag pa mthong
467
lho sgo ye shes bskyed pa'i sgo
snang ba lhug par 'char ba'i rtags
ye shes nyi shu rtsa gcig rdzogs
de phyir lho yi sgo zhes bya
snang ba bstan gyis legs par ltos
dus 'dir khyod kyis ma bltas na
phyis nas rnyed par ga la 'gyur
ye shes mig gis ma chags ltos
nub sgo bag chags nub pa'i sgo
dug lnga ye shes lnga ldan 'od
'od lnga ma 'dres rdzogs pa'i sa
shes rab mig gis bltas byas nas
khyod kyis dkyil 'khor lha tshogs mthong
byang sgos lam byang ba'i sgo
sku lnga lhun gyis grub pa'i sgo
las rab rdzogs pa'i sgo chen 'di
mkhyen gsal mig gis myur du ltos
rdo rje rang rtags chen po ni
sems can kun gyi lam rgyud la
dkyil 'khor de bzhin gnas pa yin
rdul tshon dkyil 'khor 'di bzhin du
rang gi lus la yod pa yin
de bzhin pho brang dkyil 'khor ltos
rang lus gzhal yas khang gi tshul
lha rnams ma bskyed lhun gyis rdzogs
de phyir dbang gi dkyil 'khor ltos
myur du bltas na dngos grub 'thob
om sar ba ta tha ga ta man da la sat va hum
568
de ltar rim pa rdzogs par bya
dbang gi mdzad spyod ting 'dzin brtan
las rnams rdzogs par byed pa'o
bu rnams dngos grub 'dod pa la
sta gon lnga brdol ting 'dzin te
mig dang rna ba sna dang lce
yid la sogs pa thams cad la
mnga' gsol byin brlabs mthu brtan las
dbang po lnga yi dbang thob nas
dngos grub sna tshogs 'thob par nges
de ltar phyi yi dbang rdzogs nas
longs spyod thams cad 'phel bar 'gyur
chos nyid sku yang bag gis mthong
phung po lnga las dbang bskur bas
ye shes lnga nyid rang rdzogs pa'o
zhes rdzogs pa rang byung chen po'i rgyud las
zhi ba byang chub sems su dbang bskur ba'i le'u ste bcu drug pa'o
rdzogs so
@17
rgya gar skad du
sar ba a bo kro ta su na ma
bod skad du
khro bo thams cad rang bzhin du dbang bskur ba'i lung zhes bya ba
bcom ldan 'das pad ma dbang gi sku la phyag 'tshal lo
de nas bcom ldan 'das pad ma'i rgyal pos 'di skad ces gsungs so
kye kye 'dus pa'i tshogs bcas nyon
khro bo'i dbang bskur rdzogs byed na
469
mchod pa'i gzhung rnams rdzogs byas la
dkyil 'khor nyid dang rgyun ldan phyir
shin tu dben pa'i nyams dag 'bar
gnas kyi mtshan nyid brtag par bya
grong rnal zang pa'i mtha' dag dang
rtsi shing nags tshal smin pa'i sar
me tog sna tshogs 'khrungs pa dang
nub phyogs mtho la shar nyid gder
byang nyid skyor ba 'dra ba dang
lho phyogs brdal ba 'dra ba'i gnas
bdag nyid mngon pa'i phyogs dag tu
grogs po sal sul med pa dang
nub na gzugs po med pa dang
sems can lta bu'i gzugs med dang
rgyab ni brag la gtad pa dang
logs na shing tog sna tshogs 'bar
mdun na ne'u sing chu bo 'bab
yang na tshe zan lta bu'i gnas
ri rgyud rnams ni ma chad par
bya skad sna tshogs sgrogs pa'o
de lta bu yi gnas dag tu
dkyil 'khor 'dom gang gru bzhi la
dza gad phud kyis chag chag gdab
de lta bu yi dkyil 'khor la
thig ni rab tu gdab par gsungs
nub nas shar du kha blta la
tshangs pa'i thig ni 'gyur med gdab
de nas lho nas byang du'o
470
shar lho nas ni nub byang du
lho nub nas ni byang shar du
lho yi tshangs thig steng dag nas
nub kyi tshangs thig steng du'o
shar nyid nas ni lho yi steng
byang shar du ni slob mas gdab
nub nas byang du de bzhin no
nub nas phyed mar gnyis po la
shar phyogs dag tu zings kyi gdab
lho nas byang du de bzhin shes
de dag la ni grub la gtub
de nas phyed phyed nas ni'o
de ltar yid ni spras la 'dri
de ltar thig nyid rab rdzogs bya'o
de nas sa tshon byin gyis brlab
dkyil 'khor dag la tshon gyis dgye
dbus kyi thig ni cha gsum la
zlum po mu khyud ljang gu'o
nang du gru gsum mthing nag mdzes
zlag ma rnam gsum dbang gi tshul
tshangs thig nas btsal bzhi pa la
mu khyud zlum po dag tu bri
de yi nang du 'khor lo brgyad
kha dog ser po dag tu bya
rtsibs mchan dag ni mdzes tshon no
tshangs thig dag nas lnga ba la
gru bzhi sgo dang bcas pa bri
gru chad ljang gu mdzes par bya
de nas thig gcig sgo la'o
de ltar grub la sgo yi phyi
sgo ni rigs dang 'dra bar bshad
de nas thig ni bcu pa la
471
phyi rim zlum po dag tu bri
zlum po'i par ni nag pos dgang
rdo rje'i ra bar bcas pa'o
phyogs bzhi zla gam rigs dang 'dra
sgo dang sgo rgyan rab tu mdzes pa'o
de ltar dkyil 'khor rab bris la
mngon pa'i rdzas ni 'di ltar dgram
rdzas rnams byin gyis brlabs nas ni
dkyil 'khor steng du rdzas dgram ste
dbus kyi gru gsum steng dag tu
skyes pa bud med bhan dha gnyis
yang na rabs chad nag po'am
snel gri mo yi thod pa ste
nal bu yod na mchog tu gsungs
yang na longs spyod ldan pa yi
pho thod dag la yi ge bhrum
mo thod dag la ma zhes bri
gang yang rung ba'i thod pa gcig
yi ge yam dang ldan pa'o
mo thod nang du blug pa'i rdzas
bud med bum skyes pa'i tshil
pho thod nang du blug pa'i rdzas
byang chub sems ni dkar dang dmar
thod pa gcig gi nang du yang
sha khrag sna tshogs gtor ma'o
pho thod dar dkar dag gis gtum
mo thod dar dmar dag gis dgab
zla gam gsum gyi steng du yang
rin chen bum pa gsum bzhag ste
rin po che yi snying po gsal
472
sman ni sna tshogs nang du'o
kha dog dmar po dag gis byugs
dar dmar dag gis ma gul chings so
'khor lo'i steng du sku brgyad do
gru chad steng du rdzas brgyad do
gru chad dag ni re re la
me long re dang rma bya'o
phyi rim zla gam steng dag tu
shar phyogs zla gam steng du ni
bhan dha bzhi gling mtshan ldan du
gtor mar bdud rtsi bran pa'o
mthing nag dar gyis kha bcad do
lho phyogs tshil gyi mar me ste
dar ser dag ti yol ba ste
nub tu sing lding phur bu la
le brgan dar gyi gdugs kyis dgab
byang du mar me lnga nyid bltam
dar ljang dag gis yol ba bya
de ltar rdzas rnams tshogs pa dang
de nas dkyil 'khor de nyid la
dar dkar dag gis zhal nyid dgab
ras ser kha tshar ma nyams pas
dkyil 'khor de nyid phyi yol bya
de nas rdzas rnams bkod pa dang
dbang dang rim pa rdzogs par bya
de nas slob dpon dbang ldan des
dbang bskur man ngag lung bstan pas
tshig 'di rnams kyis dbang rdzogs bya'o
dbang gi chas kyis rab brgyan pa'i
las kyi rdo rje rgyal po la
473
dpral bar thal chen mtshon pa bri
lce la rak ta'i thig le'o
snying gar zhag gis zo ris te
mgo la dbang zhu legs par brgyan
lag na rdo rje dril bu'am
khat vam rje'u chung gis mtshan pa'o
de nas bu la dbang rdzogs bya'o
de nas dbang rnams rdzogs bya yi
mtshan ma rtags kyi thig le bya
de ltar mtshan ma bstan nas ni
'di ltar tshig dbang bstan pa'o
khro rgyal yab dang yum du bcas
thams cad gnas 'dir gshegs su gsol
bgegs dang log 'dren thams cad kun
khro bo'i mtshan thos tsam gyis kyang
thams cad brgyal zhing 'o dod 'bod
sdug bsngal chen pos zin pas na
gnas 'der ma 'dug gzhan du dengs
ho dgongs shig rol cing khro rgyal rnams
slob ma chug cig gnas par mdzad du gsol
dug gsum rtsad gcod 'khor ba dbyings nas thon
nga ni khro rgyal pad ma ste
nga ni dkyil 'khor rdzas ston gyis
'byung po'i tshongs rnams rab tu dengs
khyed la dbang gi skal ba med
dbang mchog thob par mi 'gyur gyis
phyi ma dus kyi tha ma la
474
ston pa rdo rje mi bskyod pas
khyed la dbang gis brda ston gyis
'di la skal med der dengs shig
ho dbang gi skal ba dang mi ldan pa rnams ni
dbang gi dkyil 'khor 'di yang
sa tshon gyi dkyil 'khor 'jigs pa dang bcas par mthong ba yin no
rdzas rnams kyang dpa' brtul dang mi ldan pa yin no
gsang ba'i dbang gi dkyil 'khor 'di la yid mi ches pa dang
de lta bu yi 'du shes dang ldan pa rnams la
rin po che 'di yi skal ba med pas
dbang bskur yang dbang gi nus pa mi 'byung bas
rigs kyi bu rnams de ltar ma byed cig
thugs rje'i 'od dang mnyam par gyur pa yis
snang srid thams cad ye shes lnga yi 'od
'byung ba lnga la ye shes lnga yis khyab
ye shes lnga las byung ba'i 'od lnga 'dis
gnyis med sbyor ba gzhal yas khang
yab lnga'i dngos grub blang ba'i phyir
'byung ba dag pa'i mar me dam pa 'dis
sems can 'di la dbang bskur bas
rnam par dag pa'i zhing khams su
rgyal ba yab dang mnyam par shog
om pu ti sha stom sha ni
ye shes lnga dang 'od lnga dang
yab lnga dang ni yum lnga yi
475
dbang bskur dam pa nod pa'i phyir
ye shes rang lus dkyil 'khor ldan
rdo rje'i don dang gnyis med brjod pa'i 'od
dbang gi ye shes 'od mchog dam pa dang
rang gi tsit ta'i dkyil na gnas pa'i 'od
ngas bstan khyed kyis nye bar yongs
'di bstan pa yi yon tan gyis
rang snang dag pa mthong par shog
om ma ha su gad sha sat vam bhag sha hum
'byung chen rnam lnga ye shes lnga las byung
rig pa nyid mtshon ye shes rdzas
kun dang mi mnyam ye shes lnga 'od kyis
'gyur med pho brang bstan gyis nye bar longs
'byung ba ye shes dag pa'i rdzas chen 'dis
sems can khyod la dbang bskur bas
ye shes gcig chod 'char bar shog
om 'du ka sha ti tam bag sha hum
'byung ba thams cad dbang gi dkyil 'khor te
dri med dbang gi ye shes rol pa yi
dbang bskur sangs rgyas kun dang mnyam pa'i 'od
'od lnga nyid la rig pa'i sku lnga gsal
ye shes dus dang ldan pa'i rdzas chen 'dis
sems can 'di la dbang bskur bas
ngo bo'i snang ba mthong bar shog
om jna na sat vam bag sha hum
476
rdo rje'i rigs dang bud dha'i rigs
rin chen rigs dang pad ma'i rigs
las kyi rigs la sogs pa yi
sangs rgyas kun gyi byin brlabs kyis
bdag cag yang dag mthong grol shog
om da bu sha sat vam bag sha hum
bhan dha ye shes rnam par dag
lcang lo dbyings dang 'du 'bral med
rnam dag ye shes gzhal yas khang
sems can 'di la dbang bskur bya
'di la bskur ba'i yon tan gyis
'di yi bar chad bsal ba dang
phyi nang gzhal yas khang ldan shog
om bhan da sid dhi hum
dgra dang bgegs bzlog phur pa 'dis
gang la btab pa rlag par byed
thal ba bzhin du brlags nas kyang
bgegs zhes bya ba'i ming yang med
rig pa 'di dang dbyer med tshul
rang la yod pa'i ye shes de
bar chad bsal nas mthong bar 'gyur
des na phur pa'i dbang bskur longs
om ba dzra ta ki li ki la ya ka sa ya ni hum
rgyal ba kun gyi dbang bskur mdzad pa yi
thod pa mar me tshil chen rnam gsum gyis
sku gsung thugs kyi byin rlabs kyis
dbang bskur bdag la rdzogs par mdzod
om ag ni bhrum
477
rig pa dang ni ye shes kyi
snang ba dam pa 'di yin pas
rigs kyi bu khyod myur du ltos
phyi yi dbyings dang rig pa gnyis
'du 'bral med pa de bzhin no
rdzas kyi dbyings dang rig pa 'dis
do nub khyod la dbang bskur bas
rnam dag dbyings dang ye shes kyi
dbang bskur dam pa 'thob par shog
om
ye shes rig pa'i klong dkyil nas
thugs rje'i stobs ni khyod la snang
dri med 'du 'phral med pa 'dis
do nub khyod la dbang bskur bya'o
om
gsang ba dag pas shes rab thabs ltar snang
dbyings dang rig pa gnyis med shes rab thabs
rdo rje'i don nyid rnam sbyar rig par ldan
rtogs pa'i don ldan shes rab dbyings dang ldan
do nub khyod la dbang bskur bar bya'o
i
thabs 'di kun la dkon pa'i thabs
shes rab kun la khyab pa'i rtags
nga yis thabs bstan khyed kyis longs
gsang sngags rgyal po'i thabs 'di dag
do nub khyod la dbang bskur bar bya'o
a
dbyings dang rig pa gcig gyur nas
rigs lnga rgyal ba yab yum bcur
dbang bskur rdo rje'i dkyil 'khor rdzogs
478
dbang ni rang rang tsit ta'i dkyil
rdo rje'i dkyil 'khor bstan gyis gus phyag 'tshol
a
yang dag bde ba'i sa la mi 'gyur 'khor lo bskor
'di yang khyod kyi rang rtags te
do nub nga yis bstan par bya
om tsa kra si ti hum
theg pa dgu dang ye shes dgu
sa dgu lam dgu ston pa'i rgyu
ma rig pa las thar pa'i ye shes te
'gro ba 'dul byed sprul pa'i sku thob ste
kun gyi mtshon byed mchod rten dam pa 'dis
do nub khyod la dbang bskur bas
sprul pa sku yi sa thob shog
om pra ti sha dza
sprul pa'i sku las thugs rje 'byung ba'i phyir
sprul skur gyur nas 'gro ba 'dren pa dang
ye shes thabs kyi pha rol sgrol gyur cig
om ba dzra tsan da ni sha ya na hum
ye shes bskyed pa'i shes rab me chen 'dis
'gro ba ma rig sgron mar gsal
skye med dbyings su sgrol byed me chen 'dis
do nub khyod la dbang bskur bas
skye med ye shes don rtogs shog
om ag ni ka la sha a
rig pa'i ye shes dgos 'dod skong mdzad pa'i
ye shes 'gag med shes rab don ldan zhing
sna tshogs cir yang ston pa rig pa'i dbang
479
dgos 'dod skongs mdzad rin chen dbang bskur bas
rig pa ngo bo nyid dang ldan gyur cig
om rat na e bam hum
dri med skyon bral ye shes dag pa'i rdzas
rig pa chags med sems las grol ba ste
rnam rtog med pa'i rig pa chos kyi sku
dri med skyon bral pad ma'i sdong po 'dis
skal ldan khyod la dbang bskur ro
om pad ma kro ti ni hum
shes rab dang ni gnyis med sbyor ba mdzas
dkyil 'khor nyid dang ye shes rgyu la rol
gnyis med mtshon pa'i shes rab ral gri 'dis
skal ldan khyod la dbang bskur bas
shes rab chen pos rang rgyud grol bar gyis
om prajna kaya siddhi hum
dkyil 'khor dang ni dbyings kyi ye shes dang
dbyings dang ye shes don sbyar bas
phyi dbyings dang ni nang ye shes
gsang ba'i ye shes chos nyid dbang du 'dus
dbyer med tshul gyis de bzhin gnas pa rnams
nga yis bstan gyis nga la legs par nyon
ye shes dag pa'i rdzas kyi sprin chen 'dis
do nub khyod la dbang bskur bas
dbyings dang ye shes rtogs nas kyan
480
thugs rje phyogs bcur mdzad par shog
om dhatu jnana hri tra
stong pa nyid dang ye shes sku
sna tshogs 'byung ba rol pa'i sku
chos sku mtshan ma'i skra mchog 'dis
sems can khyod la dbang bskur bas
mthar phyin 'bras bu thob par shog
om badzra kaya hum
skye dang 'chi med rdo rje'i sku
stong nyid rdo rje'i snying po can
dag pa'i ye shes mtshon pa'i phyir
dri ma dwang ba'i gzugs skur ldan
chos dbyings dag pa'i ye shes mtshon
skye med mtshon pa'i sku mchog 'dis
do nub khyod la dbang bskur ro
om a ka sha ya ni hum
rdo rje 'gyur med rig pa'i dus
rang rtags mtshan pa dbang gi sku
'gyur med kun rdzogs sangs rgyas kyi
sa lam mthar phyin grol bar shog
om badrza kra sa ma hum
snying po'i don nyid rnam spyad phyir
ye shes dag pa'i lam chen dang
snying po rang chas rdo rje'i don
sangs rgyas bzhi yi snying por bcas
de bzhin kun la gnas pa yin
snying po'i don nyid 'di bstan pas
rtogs pa rgyud la skye 'gyur shog
om badzra citta kaya hum
sangs rgyas kun gyi dbang bskur ni
481
bum pa 'di la mdzad pa yin
dbang bskur 'di la byin gyis brlab
cho 'phrul rgyas par ston pa yi
bum pa 'di la phrin las rdzogs
ye shes dag pa'i dbang bskur 'dis
ma rig 'khor ba'i rgyun gcad phyir
do nub khyod la dbang bskur ro
om badzra do sha hum
thabs dang shes rab gnyis med pas
rgyal ba yab lnga yum lngar gsal
thabs dang shes rab don ldan pa
longs spyod rdzogs sku snang bar gsal
rnam dag sangs rgyas mdzas spyod de
de gnas brtan la thob bya ste
sangs rgyas kun dang mnyam pa yi
ye shes dag pa'i tshom bu 'dis
do nub khyod la dbang bskur bas
rang snang bar dor brtan par shog
om badzra si ta ka hum
ye shes rang rtags rdo rje'i don nyid ldan
skye 'jig bral ba'i sku yang 'od gsal bzhugs
'chi dang bral ba'i gsung gi zer la rol
skye dang 'chi med rdo rje dus mtshon sku
skye ba med pa'i yi ge a dkar 'di
sems can rnams la rtag par yod pa ste
de yi don ni mtshon pa'i 'od lngags la
yang dag pa dang dbyer med mnyam pa yin
482
don mtshon ye shes rang rtags mnyam sbyar pas
sangs rgyas kun dang dgongs pa mnyam pa yin
rdo rje skye med rang rtags mnyam pa 'dis
sems can khyod la dbang bskur bas
skye med ye shes rtogs nas sangs rgyas shog
om badzra tan ma ka ra hum
chos nyid stong pa ye shes dag pa'i rgyu
gsang sngags lam la sbyor ba ste
stong nyid bum pa sman gyis gtams
bdud rtsir dbang rdzogs dkyil 'khor rdzogs pa ste
'jig rten 'di na nad med 'tsho ba dang
phyi ma ye shes rtogs nas grol gyur cig
bdud rtsi dag pa'i bkra shis bum pa 'dis
skal ldan 'di la dbang bskur bas
rnam dag bdud rtsi ye shes don ldan shog
om jnana atma ko nya ham
stong pa nyid dang ye shes kyi
dbang bskur bdag gis blang ba'i phyir
rdzas mchog dam pa bdud rtsi'i bum pa 'di
skye med dbyings nas ye shes mtshon pa'i phyir
sangs rgyas lam dang ye shes dag pa'i lam
lam mchog sbyangs nas ye shes lnga dang sbyar
'du 'bral med pa'i rig pa rtog med par
dbang bskur 'khor ba'i sa las mthar phyin nas
483
ye shes rtogs pa'i don chen de thob nas
rin chen lhun gyis grub pa'i sa chen der
sprul pa 'gags med phyogs bcur gsal bar mdzod
de la gnas nas sems can don la sbyor
de ltar yon tan kun ldan bum pa 'dis
do nub khyod la dbang bskur bas
stong nyid snying po mthar phyin shog
om badzra bhi a hum
ye shes rgyu mtshon dag pa'i rig pa dang
gsang sngags kun gyi ye shes mtshon pa'i phyir
rdzas kyi bum pa stong nyid dag pa 'dis
gzhon nu bum pa'i sku la mthar phyin pa'i
rang bzhin ma 'gags nye ba'i 'od bzhin gsal
thugs rje kun nas 'gro ba yongs la khyab
stong gsum ldan pas chos nyid dag pa'i don
rang gi de bzhin nyid kyi bum pa 'di
dag pa'i lam mtshon bkra shis bum pa dang
dag pa'i don nyid ye shes rnam lngar sbyar
rgyu mtshan dag pa'i bkra shis bum pa 'dis
kun gyi don nyid ye shes mtshon pa'i phyir
dag pa'i lam dang ye shes gsang lam dang
lam chen 'bras bu'i dus 'dis mtshon pa'i phyir
484
do nub khyod la dbang bskur ro
om a hum hri rnam dag ye shes thod pa'i gzhal yas khang
rigs lnga lhun grub ye shes thod pa 'di
gang zag dag pa'i zhing du yam gis spyod
yi ge yam ldan rdo rje thod pa ste
yam gyis de bzhin mkha' la rab bskyod nas
'gro ba dbyings su 'dren mdzad dbyings kyi ye shes thod pa 'di
dag pa'i don ldan gzhal yas khang gi tshul
rnam dag don spyod rin chen thod pa 'di
dgos 'dod re ba thams cad skod mdzad pa'i
rin chen brur brgyad bkra shis thod pa 'dis
sems dang ye shes so sor 'byed
rab tu gsang byed bkra shis thod pa 'dis
skal ldan khyod la dbang bskur bas
gzhal yas khang du yam gis bskyod gyur shog
om badzra bhan da hum yam
bskyed pa'i ye shes ma yin te
rdzogs pa kun la khyab pa'i don
sangs rgyas kun dang mnyam sbyar bas
yi ge 'bru bstan dbyings su 'khyil
bhrum gyis ma bskyod chos nyid mkha'
ye shes dag pa'i thod pa 'dis
skal ldan khyod la dbang bskur bas
dbyings las phyir mi ldog par shog
485
om bhanda jnana du yam ni hum
shes rab dang ni sku gsung thugs
ngo bo 'gyur med chos kyi don
rang bzhin 'gag med longs sku'i don
thugs rje'i sprul pa phyogs bcur 'phro
sku gsum don ldan yi ge e
sna tshogs e yis gzhal yas khang
e dang ldan pa'i thod pa 'dis
skal ldan 'di la dbang bskur bas
sku gsum 'bras bu mthar phyin shog
om am tram hum bhrum phat
shes rab don byed ye shes don
rang rig sgron me 'od chen ldan
shes rab bskyed pa'i po ni 'dis
skal ldan khyod la dbang bskur bas
shes rab rtogs pa'i don ldan shog
om prajna sha ya hum
hum snang zhing srid pa'i chos rnams la
ma rmongs ci bzhin shes gyur pa'i
phyi nang snang ba'i chos rnams la
gang la thogs med shes gyur nas
bsam gtan ldan zhing sku 'bar dang
'gro ba pha rol sgrol bar shog
om badzra gad ma hum
shar nyid rdo rje dbyings kyi sgo
tshom bu blta na 'di ltos shig
lho sgo longs spyod rdzogs pa'i sgo
ye shes blta na 'dir ltos shig
nub sgo sku lnga mthar phyin sgo
rigs nyid blta na 'dir ltos shig
486
byang sgo rdo rje snying po'i sgo
rigs lnga blta na 'dir ltos shig
pho brang pad ma rnam dag sku
rang lus blta na 'dir ltos shig
om man da la a hum
rang rtags rdo rje'i don nyid de
dar dang 'bru yi rang rtags kyis
'jig rten 'di yi bar chad bsal ba'i phyir
dbang rtags rdo rje nyid dang 'du 'bral med
'jig rten lha dang mkha' 'gro rnams
'di la bsrung zhing bskyab pa dang
dbang rtags 'di ni mthong ba tsam gyis kyang
bgegs rnams brgyal zhing gzhan du 'bros
yams dang rims nad kun las thar ba dang
dbang rtags 'di yis rab tu bskyab pa'i phyir
gnod sbyin rnams dang gsang ba'i rigs rnams dang
de bzhin mkha' 'gro'i rigs dang ni
pad ma dang ni de bzhin las kyi rigs
sa dang bar snang gnas pa dang
ri rab dang ni mtsho la gnas
mkha' 'gro dang ni bcas pa yis
'di la sku yi bsrung bar gyis
nad dang yams las thar bar mdzod
dbang rtags 'di nyid btags pa yis
lam chen lnga po bstan par gyis
rdo rje don dang 'bral ba med pa dang
yang dag sa la de bzhin gnas pa dang
487
gsang sngags kun gyi dgongs pa lon par shog
om badzra du sha tnas rba sva ha na hum
las kyi rigs kyi gsang mtshan gang yin pas
sems dpa' las kyi rigs rnams kyis
skal ldan 'di la dbang bskur ro
rin chen rigs kyi gsang mtshan gang yin pas
skal ldan 'di la dbang bskur ro
pad ma rigs kyi gsang mtshan gang yin pas
skal ldan 'di la dbang bskur ro
rdo rje rigs kyi gsang mtshan gang yin pas
skal ldan 'di la dbang bskur ro
de bzhin rigs kyi gsang mtshan gang yin pas
skal ldan 'di la dbang bskur ro
de la sogs pa'i bde gshegs thams cad kyi
gsang mtshan dam pa gang yin pas
skal ldan 'di la dbang bskur ro
om badzra ratna padma karma buddha satvam
de ltar dbang rnams rdzogs par bya
de ni phyi dbang rdzas kyis bskur
legs par bshad cing bkrol pa'o
rdzogs pa chen po'i lung bstan pas
ting nge 'dzin las ma yengs par
ting 'dzin brtan na dngos grub 'thob
ces rdzogs pa rang byung chen po'i rgyud las
khro bo'i rigs kyi dbang bskur ba'i le'u ste bcu bdun pa'o
488
rdzogs so
@18
rgya gar skad du
ratna a yu rdza na pri ti na ma
bod skad du
tshe dbang rin po che ye shes kyi lung zhes bya ba bcom ldan 'das tshe dpag med kyi lha la phyag 'tshal lo
de nas pad ma'i sku la tshe dpag med kyis bskor te
'di skad ces gsol pa
kye kye bcom ldan dbang phyug che
klu 'dul dbang gi rgyal po nyid
tshe dang ye shes lhun rdzogs pas
tshe dbang dbang chen bdag gis smra
dpa' bo nyid kyis gnang bar mdzod
de nas dbang gi rgyal po yis
tshe mchog nyid la lung bstan te
kye kye tshe mchog rin chen phred
khyod kyis legs par tshe mchog smros
de nas nyid kyis rab tu smras
tshe dbang rin chen skur byed na
'di ltar las rnams rdzogs par bya
sin tu dben pa'i gnas dag tu
dkyil 'khor mda' gang gru bzhi ste
thig rnams gzhung dang mthun pa ste
tshon rnams byin gyis brlab bya ste
tshon rnams rab tu dgye bar bya
dbus su gru bzhi lam pa ste
phyi rim dag ni zlum por bya
de yi phyi rim gru bzhi ste
sgo dang bcas par rab tu bshad
phyi rim zlum po rdor bcas
de ltar dkyil 'khor gsal bris la
489
dgod pa'i rdzas ni 'di lta ste
bum pa mdzes par dkar gsum ste
dar dmar dag gis mgul chings te
sna tshogs 'bru yig dan la bzhag
'bras chang dag ni nang du'o
shar dang mar dang bu ram dang
kha zas ro zhim sna tshogs gzhag
de yi steng du bzhag pa'i rdzas
tshe yi 'brang rgyas mdzes pa la
kha zas ro zhim rnams kyis brgyan
bya rgod sgro yang gzug pa ste
dar sna me long mda' la btag
mda' de nyid la btag pa'i rdzas
skud pa dmar po sum bsgril la
sna tshogs dar gyi 'thur lce gdags
srin lag bzur la gsang sngags bzlas
gru bzhi phyogs dang mtshams nyid du
tshe yi 'brang rgyas mdzes pa re
mda' dang bcas pa gdags par bya
sgo bzhir mda' dang me long ste
gru bzhir ral gri re re'o
de ltar dkyil 'khor rdzas bkod la
ras dkar gtsang ma'i yol ba bya
steng na gdugs kyang rab tu bshar
mchod pa'i rdzas ni rdzogs par bya
bdag nyid dbang chen ting 'dzin brtan
yi ge nri ni 'od 'bar bas
slob ma tshe dpag med par bsam
490
bdag nyid dbang chen byin brlabs las
sangs rgyas sku ni grangs med bsam
sku de 'od du gsal ba dang
bdag dang slob ma'i bar nyid du
yi ge a dkar dgu yang bsam
rgyun chad med pa'i 'od dkar bsam
de ltar a nyid gnas pa las
a a zhes ni dgu brjod pas
'od zer dmar pho 'od 'bar te
slob ma'i lus la thim par bsam
des ni tshe dbang thob par bsam
gsang sngags tshe yi dbang thob phyir
yi ge a dmar 'od 'phros bsam
yi ge de dag re re las
tshe dpag med pa re re bsam
tshe dpag med pa'i sku mdog ni
dmar skya mdzes pa rgyan ldan te
dper na mtshal nyid bzang po la
kha ba dag ni bab pa ltar
dmar skya 'od zer 'bar bar bsgom
g.yas na tshe yi bum pa ste
g.yon na rin chen 'od 'bar ro
yang na sku mdog 'di lta ste
sku stong ser la 'od zer 'bar
lte ba man chad ljang gu ste
phyag mtshan gong dang mthun pa'o
de ltar gsal bar rnam par bsgom
tshe la sogs pa'i rdzas rnams kyang
'od dang kha dog dkar la dmar
sngags pa dbang chen dag gis kyang
491
dkyil 'khor de yi shar nyid du
gos ni dmar po gyon byas te
kha ni nub phyogs dag tu blta
mched rnams kun gyi sngags 'di'o
om a hum
a pa ri mi ta a yu rdza na badzra hri ka dza hum sva ha
sngags de kun gyis brjod par bya
sngags kyi 'od zer dmar por bsam
chos kyi sku dang dbyer med phyir
lha dang dbyer med ting 'dzin te
a dang dbyer med gnas par bsgom
chos nyid 'od dang sku ltar 'phro
skye ba med la 'chi med ste
'chi med rdo rje thob bya'i phyir
tshe dbang rin chen rgyas par bstan
tshe dbang rin chen rab rdzogs te
tshe yi rang bzhin yi ge yu
sku yi rang bzhin yi ge a
a drang yu yi mngon gsal bas
tshe dbang chen po rdzogs par bshad
de ltar ting 'dzin ma yengs na
tshe dbang dngos grub thob pa ste
tshe dang ye shes rab gsal ba
tshe dbang dkyil 'khor nyid kyang 'thob
de ltar tshe yi las rdzogs nas
tshe nyid 'gugs pa'i phrin las bya
hum
shar gyi phyogs nas tshe 'gugs ma
rdo rje yid mgyogs chen mo ste
tshe dbang dkyil 'khor stong mdzad ma
492
shar gyi phyogs nas tshe khug la
rnal 'byor bdag la tshe dbang stsol
hum
lho yi phyogs nas tshe 'gugs ma
rdo rje yid 'phrog chen mo ste
tshe la dbang ba'i rig 'dzin gyi
tshe khug gnas 'dir gshegs su gsol
lho yi phyogs nas tshe khug la
rnal 'byor bdag la tshe dbang stsol
hum
nub kyi phyogs nas tsher gugs ma
rdo rje yid 'phrog chen mo ste
tshe dang bkrag la dbang bsgyur ma
nub kyi phyogs nas tshe khug la
rnal 'byor bdag la tshe dbang stsol
hum
byang gi phyogs nas tshe 'gugs ma
rdo rje yid bskyod chen mo ste
tshe dang rdzas la dbang bsgyur ma
byang gi phyogs nas tshe khug la
rnal 'byor bdag la tshe dbang stsol
hum
dbus kyi phyogs nas tshe 'gugs ma
rdo rje sna tshogs 'byung ma ste
phyogs skyong bcu yi lag pa nas
tshe khug rnal 'byor bdag la stsol
de ltar brjod cing ting 'dzin gsal
tshe rnams 'phel bar byed pa yi
cho ga 'di ni rab tu brjod
hum
shar phyogs tshe yi mnga' bdag mo
sku mdog dkar ser 'od zer 'phro
chibs su 'byung ba sa la bcibs
493
phyag na rdo rje tshe bum 'dzin
shar phyogs tshe yi dkyil 'khor sgo phyes la
tshe yi dkyil 'khor dar zhing rgyas par mdzod
rdo rje'i dngos grub bdag la stsol
hum
lho phyogs tshe yi mnga' bdag mo
sku mdog dmar ser 'od zer 'bar
chibs su 'byung ba chu la bcibs
phyag na rin chen tshe yi bum pa bsnams
lho phyogs tshe yi dkyil 'khor sgo phyes la
tshe yi dkyil 'khor dar zhing rgyas par mdzod
rin chen tshe yi dngos grub bdag la stsol
nub phyogs tshe yi mnga' bdag mo
sku mdog dmar po dbang gi sku
chibs su 'byung ba me la bcibs
phyag na pad ma tshe bum bsnams
nub phyogs tshe yi dkyil 'khor sgo phyes la
pad ma tshe yi dkyil 'khor rgyas par mdzod
pad ma tshe yi dngos grub bdag la stsol
byang phyogs tshe yi mnga' bdag mo
sku mdog ljang nag 'bar ba'i sku
chibs su 'byung ba rlung la bcibs
phyag na las grub tshe yi bum pa bsnams
byang phyogs tshe yi dkyil 'khor sgo phyes la
las grub tshe yi dngos grub bdag la stsol
dbus kyi phyogs nas bcom ldan tshe yi mnga' bdag mo
494
sku mdog mthing nag 'gyur ba med
chibs su nam mkha'i 'ja' tshon bcibs
phyag na bdud rtsi tshe yi bum pa bsnams
dbus phyogs tshe yi dkyil 'khor sgo phyes la
bdud rtsi tshe yi dngos grub bdag la stsol
tshe mchog dkyil 'khor dbab tu gsol
tshe yi dbang nyid bskur par bya
dbang bskur gnas su yang dag ste
ting 'dzin rab tu rdzogs byas te
rab tu gsang ba'i las gang yang
gsum dang rgyu yi yang dag ste
bsdu dang dmigs pa gsal bar bya
sku gsung thugs la gzung bar bya
gnas su bzhag pa 'di skad do
bcom ldan rigs bzhi'i sangs rgyas dang
rigs bzhi'i lha mo 'khor dang bcas
sems dpa' dang ni sems ma dang
bde gshegs yab yum 'khor dang bcas
dbang bskur gnas 'dir gshegs su gsol
dbang bskur gnas 'dir gshegs nas kyang
sems can 'di la dbang zhig bskur
longs spyod rdzogs sku rdo rje'i sku
tshe dbang 'di la bskur du gsol
dkyil 'khor 'khor lo'i lte ba nas
495
bcom ldan tshe dpag med pa ni
sku la rin chen tshe yi ber chen gsol
phyag nas rin chen tshe yi dngos grub stsol
zhal nas rin chen tshe yi 'od zer 'phro
tshe dang longs spyod rgyas par mdzod
sems can 'di la dbang bskur cig
dbang gi dkyil 'khor brtan par mdzad du gsol
bcom ldan 'khor dang bcas pa yis
sems can las ni sad ma la
rin chen tshe yi dkyil 'khor spel ba'i phyir
lo brgya 'tsho dang ston brgya mthong
tshe la dbang ba'i rig 'dzin gyi
dngos grub chen po thob par shog
om buddha a yur jnana hum
badzra ayur jnana bhrum gram
ratna ayur jnana e
padma ayur jnana a
karma ayur jnana hum hri
de ltar sngags dang ting 'dzin gsal
tshe dang ye shes gsal snang bas
lhun rdzogs byang chub sems su snang
tshe dang ye shes rgyas pa'i sku
mi 'gyur tshe yi dngos grub ste
rdo rje tshe yi las rnams 'grub
'gyur med tshe dbang thob pa'o
zhes rdzogs pa rang byung chen po'i rgyud las
tshe dbang bskur ba'i le'u ste bco brgyad pa'o
rdzogs so
496
@19
rgya gar skad du
ad ma a su ka a bhi shin tsa na ma
bod skad du
ral lus zhing khams kyi dbang gsang ba zhes bya ba
bcom ldan 'das lung las grol ba nyid la phyag 'tshal lo
de nas dus de'i tshe 'khor bsam gyis mi khyab pa'i dbus nas
rdo rje sems dpa' nyid seng ge rnam par 'gying ba'i ting nge 'dzin la snyoms par zhugs bzhin du
phyag na rdo rje la dbang bskur te
'di skad ces bsgo'o
e ma gsang bdag rdo rje 'dzin
khams gsum sems can thams cad ni
ma smin ma grol thar bar dka'
gzung 'dzin dri mas bcings pa'i phyir
kun kyang thar par dka' bas na
rang lus dkyil 'khor rdzogs byed pa'i
dbang gi lung bstan khyod kyis zung
de nas rdo rje 'dzin pa yis
bde ba'i stan las langs nas ni
dga' mgu yi rang thal mo sbyar
gdung ba'i shugs phyung rtsol bskyed nas
dga' ba'i mdangs bskyed 'dod sgo gsal
shes rab mchog chen thob nas kyang
rdo rje 'chang la don zhus pa
kye kye bcom ldan rdo rje 'chang
sems can ma smin smin byed pa'i
dbang gi thabs chen gsung du gsol
497
de nas rdo rje 'chang gis bka' stsal pa
kye ma nyon cig rdo rje 'dzin
gsang sngags thabs la rab brten nas
dbang dang rims rdzogs par bya
rang lus dbang du ngo sprad na
shin tu dben pa'i gnas dag tu
dkyil 'khor 'dom gang gru bzhi la
chag chag la sogs gdab bya zhing
tshon rnams rab tu dgye bar bya
dbus su mu khyud zlum po ste
'khor lo'i rtsibs brgyad rab tu mdzes
kha phye ba dang ma phye dang
pad ma dag dang spel ba'o
sna tshogs pad ma 'dra bar 'dod
phyi rim zlum po de bzhin no
phyi rim gru bzhi sgo dang bcas
phyi rim zlum po 'um pa'i dbyibs
kha mig skra dang bcas pa'i
de ltar dkyil 'khor nyid bris la
rdzas ni rab tu dgod bya ste
tshogs dang gtor ma gong dang mthun
dkyil 'khor lte ba'i dbus dag tu
pho thod mo thod dag dag ni
rma bya me long byang sems dkar
phyi rol pad ma'i steng dag tu
byang sems dmar dang khro sku'o
de ltar rdzas rnams bsags nas ni
dbang bskur las rnams rdzogs par bya
498
'di ltar ye shes 'od sku ste
dag pas dag pa'i rgyu mtshon te
gang bas gsal ba'i 'od ldan pa'o
chos sku lhun rdzogs bde ba che
stong nyid rang gsal dbang bskur ro
ma ha a nu sra tra ya
abhi shintsa om om
chos nyid gsal 'tsher g.yo ba med
rdo rje skyon bral byang chub sems
bdud rtsi dag pa chos nyid rgyu
'khor 'das ma rtog dbang bskur ro
bodhi citta badzra abhi shintsa a a
'khor ba'i skyon spangs ye shes dmar
'dod chags ma spangs chos nyid stong
chags med ye shes pad mar gsal
e ldan bha ga stong nyid de
bdag nyid snying po'i dbang bskur ro
sa man tsarya su ra ga abhi shintsa hum hum
dpa' brtul rdo rje'i rang bzhin la
tha dad gnyis su mi 'dzin cing
rgyan dang cha lugs 'od zer 'bar
rang gsal chos nyid me long sku
gzung dang 'dzin pa gnyis las 'das
'gyur med dbyings su dbang bskur ro
om a hum
kro ta sa ya nu ya ta dharma
499
zhes rdzogs pa rang byung chen po'i rgyud las
rig pa rang gi dbang bstan pa'i le'u ste bcu dgu pa'o
rdzogs so
@20
rgya gar skad du
sa ka ra abhi mu tra na ma
bod skad du
bka' rtags phyag rgya'i dbang zhes bya ba
bcom ldan 'das rang byung gi sgron ma 'bar ba la phyag 'tshal lo
de nas 'dus pa'i tshogs rnams kyi nang nas
gsang ba'i bdag po nyid langs nas
'di skad ces gsol to
kye kye bcom ldan rdo rje 'chang
khams gsum sems can thams cad ni
grol zhing thar pa'i skabs med na
'di nas tshig chad
bcom ldan mgon pos bka' stsol cig
de nas rdo rje 'chang chen des
'khor de nyid la bka' stsal pa
e ma gsang bdag gos sngon can
sems can rtog pa sbyong slad du
chos sku thob par bya ba'i phyir
bka' rtags phyag rgya'i dbang bskur bya
bka' rtags phyag rgya'i dbang bskur ni
shin tu dben zhing nyams dga' bar
dkyil 'khor 'dom gang gru bzhi ste
chag chag la sogs thig gdab bya
tshon tshogs rgyas par dgye par bya
pho brang mthing nga gru gsum ste
500
phyi rim 'khor lo rtsibs bzhir ldan
zlum po rdo rje'i ra bar bcas
de yi phyi rim dag tu yang
gru bzhi sgo dang bcas pa bri
mtshams kyi gru la bum pa bri
phyi rim zlum po dag tu bshad
de ltar dkyil 'khor bris byas par
rdzas ni rab tu dgram par bya
dbus su dbang gi rdzas bzhi bzhag
bum pa'i steng du bum pa re
rgyan dang bcas te bzhag par bya
tshogs dang gtor ma gong dang 'dra
de ltar dkyil 'khor rab rdzogs nas
bkra shis nyi ma phyed dag la
slob ma shes rab ldan pa des
dbang gi don la 'jug par bya
dri zhim chu yis lus bkrus te
dbang nod tshig kyang brjod par bya
de ltar gus pa'i tshul byas te
dbang nyid 'di ltar bskur bar bya
chags med ye shes dri ma med
rnam dag 'od gsal shes rab thabs
sku gsum shes rab 'byung ba'i gter
byang chub sems las sprul sku bskyed
chos nyid rtog med rdzas bzhi ste
gnyis 'das chos sku'i dbang bskur ro
su kha ba dzra pra ti sta ha ha om a
byang chub snying po stong pa'i sku
sku gsum ngo bo nyid la ni
ye nas ma skyes rang rdzogs pas
501
gzhan la btsal bar mi bya zhing
rang nyid lha yi lha ltar mchod
rdzogs chen 'du 'bral med pa yi
stong pa'i ye shes dbang bskur ro
sva bha wa a ta ri sha e ba hum a
chos sku rtog las 'das pas na
bsam 'das brjod med ngo bo stod
rang bzhin rdzogs chen lhun grub pas
thig le gcig par dbang bskur ro
a be sta bha ya a hum
e ma ngo mtshar rmad byung ba'i
stong nyid snying po 'od gsal dang
ma chags gos med byang chub sems
dri med dag pa'i rig snang ste
rdzogs chen mtha' dang dbus med pas
snang ba gcig rdzogs dbang bskur ro
om sva ma ma rat na lam hum
chos sku stong pa nyid kyi ngang
rang byung ye shes rtog med dbyings
stong gsal rig pa snying por ldan
stong zhing bdag med ye shes ngang
chos rnams lhun grub rdzogs pa che
yang dag ye shes 'od gsal ba
stong pa nyid du dbang bskur ro
a a i i om hum
zhes rdzogs pa rang byung chen po'i rgyud las
bka' rtags phyag rgya'i dbang gi le'u ste nyi shu pa'o
rdzogs so
@21
rgya gar skad du
ghu ya jnana abhi ka laksha ta na ma
bod skad du
gsang ba ye shes thig le'i dbang
502
mkha' dbyings bum pa ltar bskur ba zhes bya ba
bcom ldan 'das mngon rdzogs thig le'i sku la phyag 'tshal lo
der nas 'dus pa'i 'khor rnams kyi nang nas
gsang ba'i bdag po nyid langs te
'di skad ces gsol to
kye kye bcom ldan dbang chen sku
sems kyis bcings pa'i 'khor ba las
gsang ba dbang gi bdag nyid kyis
thabs ni gang gis grol bar 'gyur
'dir 'dus 'khor la bka' stsol cig
de nas gsang dbang don gsungs pa
kye ma nyon cig rdo rje 'dzin
gsang sngags gsang ba'i dbang rtags ni
ci ltar rdzogs par byed pa ste
slob ma dam ldan gsang ba thub
dam tshig ldan pa'i slob ma la
gsang ba'i dbang ni rdzogs byed na
gsang ba dbang gi rdzas bsags te
slob ma rigs ldan gsum mam lnga
bdun las 'das na gsang sngags 'chal
de ltar gsang thub bu rnams la
gsang ba'i dbang nyid byed 'dod na
gzung mchog yid dang 'thad pa btsal
de yang mtshan nyid brtag pa gces
de yi mtshan nyid brtag pa ni
rigs ni rnam pa bzhir bshad de
'bras bu sku bzhi nges pa thob
503
rigs ni re re dag la yang
kha dog mang zhing brtag par dka'
rigs ni 'di ltar shes par bya
pad ma'i rigs dang dung can te
ri mo can dang ha sti yi
rigs ni de ltar brtag par gces
kha dog 'gros dang skad kyis brtag
kha dog brtag pa 'di lta ste
pad ma'i rigs su gang 'dod pa
kha dog 'gros dang skad kyis brtag
byad ni zlum zhing kha dog smug
skad phra yid du 'ong smra zhing
gzugs dang bongs ni thung zhing spom
yid du 'ong zhing chags pa skye
skra ni mdog ser li la 'jam
sen mo'i mdog kyang dmar la dangs
smin mtshams bar yang ma chad dang
lo ni bco lnga nyid lon pa
pad ma'i mtshan nyid yin par 'dod
dung chen dag gi mtshan nyid ni
byad nyid che chung snyoms pa ste
kha dog dkar zhing so yang dkar
lus po rags shing dpa' brtul che
gzugs bzang yid du 'ong ba ste
mig rtsa yid tsam dmar ba la
skra yang nag cing 'dzum kha snyi
sor mo phra zhing mnyen lcug legs
seng ge lta bu'i 'gros dang ldan
skad ni tshangs pa'i dbyangs dang mtshungs
504
bcu drug lo dang ldan pa na
dung chen yin par rab tu bshad
ri mo can gyi mtshan nyid ni
kha nyid chung zhing sha yang ser
byad kyi dkyus kyang ring ba ste
gzugs nyid phra zhing smra ba nyung
mig gi 'bras bu dkar nag 'byed
skad ni nga ro chung ba ste
sha srab mtshon spu gsal ba ste
yid du 'ong zhing glang chen 'gros
dba' brtul che zhing zhum pa ltar
bcu bzhi lo dang ldan pa ste
ri mo can du yang dag 'dod
ha sti ma yi mtshan nyid ni
byad dkyus dag ni ring ba ste
sha yi mdog ni yid tsam sngo
so dkar mig gi 'bras bu nag
gzugs che sked skabs phyed pa ste
sna rgyud bzang zhing smin ma bzang
skabs skabs skad kyang 'dzer bar byed
spyod pa dal la tshig 'jam smra
ba glang 'gros 'dra brtul shugs ldan
sum cu man chad lo rnams so
de ltar mtshan dang ldan pa ni
ha sti'i rigs su yang dag 'dod
gsang ba'i yum de re re yi
'bras bu re re thob pa ste
ri mo can dang ha sti mchog
yang na bu mang longs spyod ldan
lo tshad nges pa med par bstan
yang na yid 'ong gzhon nu ma
skyes pas ma gtses brtul shugs can
505
bcu bzhi'i lo dang ldan pa'o
de ltar bsten pa'i yum la yang
sbyor bas 'grub dang brten pas 'grub
bsam pas 'grub dang mthong ba'o
ri mo can la sbyor bas te
dung chen bsten pa'i stobs kyis 'grub
pad ma dag ni bsam par bya
ha sti mthong zhing reg pas so
dbang nyid rgyas par byed pa na
rigs ni bzhi ka tshang bar bya
de med na yang so sor bshad
sbyor ba byas na dngos grub rab
bsten pas dngos grub 'bring du'o
bsam pas dngos grub tha ma'o
mthong bas gsum ka'i grogs su bstan
de ltar gzungs dang ldan par bya
de ltar yum dang ldan pas ni
dbang bskur don la 'jug par bya
shin tu dben pa'i gnas dag tu
dkyil 'khor 'dom gang gru bzhi brtsig
chag chag thig gdab tshon 'gyed de
mchod rdzas gong dang 'dra ba la
dkyil 'khor dag ni bya ba ste
pho brang zlum po 'od zer can
pad ma 'dab ma brgyad ldan bya
bum pa'i gzugs dang ri mor bcas
mu khyud phyi rim rtsibs 'khor brgyad
phyogs kyi rtsibs mchan bar dag tu
sgo ni rigs dag ldan pa bkod
506
mu khyud phyi rim gru bzhi 'bar
de yi phyi rim zlum por bkod
bar khyams dag ni bum bsnol te
de ltar dkyil 'khor bris byas te
de la rdzas ni dgram par bya
dbus kyi lte ba'i dkyil dag tu
rnam snang mngon byang sku nyid bzhag
de yi steng du snang mtha' yas
snang ba mtha' yas spyi gtsug tu
bcom ldan dbang chen de nyid do
de yi steng du rma bya'i gdugs
sna tshogs dar gyis brgyan pa bzhag
rdzas de rnams dang ldan pa ni
dbang ni chu bo bzhi nyid thob
sku yi rnam pa de rnams kyang
shar nas nub tu kha yang bstan
gsang ba dbang byed slob dpon yang
num nas shar du kha bltas so
dbus kyi lha tshogs mdun du yang
bkra shis mdzes pa'i bum pa bzhag
kha rgyan snying por bcas pa'o
dar dmar mgul chings rab tu bshad
lha de nyid kyi mdun du yang
me long gsal mdzes dgram par bya
shar phyogs nyid kyi cha la yang
rabs chad thod pa mtshan ldan du
byang chub sems ni dmar pos gtams
dkyil 'khor byang gi cha la yang
me long yu ba can du yang
byang chub sems ni dkar po ste
dkyil 'khor lho yi cha la yang
507
bum skyes pa'i bud med tshil
sha dang mar me dag dang ni
rdzas ni bzhi yang de ltar dgod
de ltar rdzas ni tshogs nas ni
sgrub pos yum rnams chas su gzhug
pad ma'i rigs la dar dmar gos
byi ru'i rgyan dang ldan pa'o
spos chus legs par bkrus nas ni
dbu rgyan dar gyi cod pan gdags
'gying ba'i bag ldan gar stabs bya
rdo rje dril bu lag bzung ste
dkyil 'khor nub tu g.yon phyogs bzhag
dud chen ma ni ras dkar gos
gur gum chu yis lus bkrus te
rung dang bso'i rgyan rnams gdags
dbu rgyan dar sngon cod pan can
rdo rje dril bu lag bzung ste
'gying ba'i stobs ldan byang du'o
ri mo can la dar ser gos
'bras bu gsum gyi chus bkrus te
me tog gser gyi rgyan ldan bya'o
dbu rgyan dar ser cod pan bcing
rdo rje dril bu lag bzung ste
'gying bag ldan pa lho ru dgod
de nas ting 'dzin rab ldan pas
sbyor da sgrol ba'i las brtsams te
508
dbang bskur rgyas par byed 'dod na
dbang gi dus dang bskur thabs dang
'jug pa'i dus dang bskur dus so
phyi nang dbang nyid rdzogs byas nas
gsang ba'i dbang la 'jug par bya
dbang gi dus ni 'di ltar te
'bras bu smin pa'i dus yin no
'jug pa'i dus ni chos lnga ste
bskur ba'i dus ni nam phyed do
gtor ma nam langs dag la'o
de ltar bya ba sngon song nas
gsang ba'i don la 'jug par bya
de nas slob bu dang ldan des
rang gi yum dang bcas pa yang
spos chu 'o mas bkrus byas la
rgyan dang cha lugs ldan byas te
dkyil 'khor bskor zhing dbang bro brdung
zhu skyems drang zhing dbang bskur gsol
mkhang gsang gnyis sbyor dbang bskur gsol
shes rab thabs ldan sbyor sgrol dbang
dpa' bo chen pos bka' stsol cig
gsang bdag rdo rje 'dzin rgyal sku
ma rig rmongs pa'i yid ldan pas
shes rab mig gi dbang bskur gsol
rmugs shing myos pas sgra mi thos
gnyis med snyan gyi dbang bskur gsol
rnam rtog bdag tu 'dzin pa yis
rnam dag 'od gsal dri ma tshong
ye shes shangs kyi dbang bskur gsol
509
'khor 'das gnyis 'dzin spyod pa yis
chos nyid dag pa'i ro ma myong
rang rig bcung ldan dbang bskur gsal
phyi nang yul la chags gyur pas
dbyings dang rig pa'i yul ma mthong
'od gsal lus kyi dbang bskur gsol
dran pas kun du mtshon byed pa'i
rang snang snying po'i don ma rtogs
lta ba rig pa'i dbang bskur gsol
de ltar slob bu dang ldan des
de skad brjod cing gsang dbang zhu
de nas rdo rje slob dpon des
gsang ba'i dbang nyid bskur ba yi
bu rnams gral du 'khong nas kyang
sbyor ba brda yis bskul bar bya
bsgrub pa'i yum gcig g.yon bzhag la
bdag nyid chas dang rgyan bgos la
dang po rdzas kyi dbang bskur bya
ye shes rnam dag 'od gsal chos sku'i dbyings
skye med rang gsal thugs rje'i dbyings las byang chub sems
dri med skyon bral rig pa zhi ba'i yab
stong pa nyid mtshon rgyu la byang chub sems
'khor bar mi gnas ye shes rang snang sku la sna tshogs 'phros
dag pa'i rgyu mtshan bde ba'i thig le ste
chags la chags med dga' bde'i dbang bskur ro
sar ba dharma ratna tsan tra a
510
stong nyid dmar dang shes rab dbang gi sku
chos nyid mkha' mnyam snang srid shes rab yum
gsang sngags las byung thig le 'dren mdzad ma
rak ta'i rang bzhin thig le 'dren mdzad ma
shes rab dril nas sku yi snang ba 'char
bha ga'i dbyings nas sprul pa dus gsum byung
chags med cha mnyam bde ba skyed par byed
yi ge mum ldan gsang ba'i rigs su snang
dbang gi rtags su 'od zer le brtan 'phros
rtog med shes rab dbyings la dbang bskur ro
om mum su ra gha ya hum
skye med ro ldan mam sa tshil chen bcas
rgyal ba kun dang skye med snying por mnyam
rig pa'i sku dang so so tha mi dad
dbyings dang mi 'bral shes rab pad mar ldan
sgo lnga ma 'gags zhi gnas lhag mthong ste
bskyed pa ma yin rang byung rdzogs pa che
sna tshogs 'od 'phro longs sku nyid kyi lus
ma bsgribs dri med shes rab ye shes spyan
gsang ba'i mdzod 'dzin thugs ni cit ta'i ngang
mi dmigs stong gsal dran stong gnyis las 'das
gnyis 'dzin yul dag chos nyid dag pa'i snyan
'khor ba'i skyon spong ye shes dri med shangs
the tshom gnyis bsal pad ma dag pa'i ljags
511
skye ba rgyun bcad ye nas sku gsung thugs
ma skyes thig le'i ngang du dbang bskur ro
a yam so ti ta a hum a
stong pa nyid dang nam mkha' skur mtshon te
stod zhing bdag med mtha' gnyis rnam par gsal
rgya ma chad pa'i ye shes bum pa'i sku
stong nyid dbyibs zlum ye shes thig le'i ngang
rgyud gsang rmad byung sku ni du mar ston
mtha' dang dbus med yangs pa snying po 'don
rang snang chos nyid ye nas gzung 'dzin bral
chos nyid las ni sku nyid so sor gsal
yang gsang don ston kha rgyan snying por bcas
dag pa nyid kyis dag pa'i snying por ston
bum pa'i gzugs la sku bzhi ye shes gsal
sku gsum stong pa'i mtha' gnyis rang snang ste
thabs mkhas ye shes sprul pa phyogs bcur 'gyed
tshig dang brjod bya gnyis las rab tu 'das
sangs rgyas dang ni rig pa stong nyid gsal
ye shes dang ni sku yang ma bsgribs gsal
chos nyid rang byung rtog med pas
mkha' klong dbyings su dbang bskur ro
om lam du yang tri ta hum
de ltar rdzas kyi dbang rdzogs nas
yang dag dbang la 'jug par bya
yang dag dbang la 'jug tshe na
512
g.yon gyi yum la dmigs byas te
byang chub sems nyid 'dren pa'i phyir
bha ga'i nang du ri lu gzhug
phyed 'dren na ni na gcig ste
lhag ma med par rdzogs byed na
che chung sran ma'i tshad du mnyam des ni gnyis ka 'dren par byed
thig le zlog par byed pa na
yi ge 'bru bzhi dran par bya
dmar po rang la stim byed na
'bru gnyis dgu dang bcas pa'o
de ltar dran zhing gsal byas nas
rdo rje chu 'thung zhes byar 'gyur
ril bu bcug la sbyar byas te
dkyil 'khor nub kyi phyogs dag tu
sgrub po yab yum sbyor byed pa'i
sbyor ba'i brda yis 'di skad bskul
ho bdag nyid las ni sna tshogs snang
rgyal ba thams cad mnyam sbyor bas
mkha' las sems babs 'od du zhu
'od 'phros sbyor ba'i brdas bskul lo
sa ma ya
mnyam par sbyor cig rdo rje rgyal
mum a
bde gsal longs spyod chos kyi sku
gnyis med dbyings su brda sbyor 'khyud
Mum a
bde ldan phun sum tshogs pa'i sa
rdo rje la ni ti pa ste
pad ma la ni ba dzra hum
sngoms shig stong nyid mu dra ste
bstims shig byang chub dbyings su bstim
tra ta ma hum lam
de nas slob ma dang ldan gyis
513
me long ma chags ma gas par
byang chub sems ni lce yis blangs
blangs te slob dpon nyid la 'bul
de nas slob dpon gsang ba nyid
'gying bag chas su zhugs nas ni
bu la gnang ba'i skabs phye ste
sta gon cho ga rdzogs byas la
dang po spyi gtsug dbang bskur te
ting 'dzin rim pa 'di lta ste
bu yi steng du bzhag pa'i tshe
rdzas de yi ge hum du bsam
hum nyid dmar rtsa dag tu bsam
de nas 'od zer rab 'phros pas
yi ge de nyid le brgan te
'od zer phyogs bcur 'phros par bsam
de nas tshangs pa'i bu gar thim
dung khang 'bar bar babs par bsam
hum de'i 'od zer 'phros pa las
khro bo'i dkyil 'khor mgo la bsam
de nas chos nyid rtsar thim pas
hum de 'od kyi thig ler bsam
de nas tsit tar thim par bsam
hum de sna tshogs 'od du bsam
de nyid las ni zhi skur bsam
thugs la dkyil 'khor rdzogs par bsgom
de nas yi ge hum de yang
sgal tshigs nyid kyi rta brgyud nas
pho mo gang yin gsang gnas su
yi ge de nyid babs par bsam
brgyud pa'i dbang nyid ma rdzogs par
514
ye shes de nyid brtan par bsam
de ltar babs lugs rnam bzhi bsgom
de ltar ting 'dzin gsol byas la
byang chub sems kyi snod de yang
grub mchog dag dang ldan pa yis
gsang ba'i gnas su gzhag bya ste
byang chub sems ni mum dang a
de nyid 'od du 'phros pa las
byang chub sems ni 'od du bsam
mum dang a yis phul gyur nas
gsang ba'i mkha' la thim par bsam
hum dang gnyis med 'khril par bsam
gnyis med yi ge de dag ni
yam gis spangs dag rtsar bskyod nas
lte ba'i rtsa la thim par bsam
de nyid 'od du zhu ba las
gang dag skye med 'dod pa rnams
yi ge de yi byin brlabs las
skye ba'i sgo yang bcad par bsam
gang dag bu dang tsha 'dod pas
de yis 'od dang zer ldan pas
dbang po'i dangs ma mig tu bsam
de la shag zugs dod par bsam
de nas yan lag rgyas par bsam
srid pa'i sha gzugs dod pa'o
de nas tsit tar brgyud par bsam
zhi ba'i sku la thim gyur pas
sku rnams 'od dang ldan gyur pas
yab yum sbyor ba byas par bsam
mkha' la sems dang 'od 'phros pas
515
lte ba'i sras la dbang bskur bsam
de nas yam gis bskyod nas ni
chos nyid stong pa'i rtsa bzhir hum
thig le'i sku las 'od 'phros pas
dangs ma snyigs su phye gyur nas
dangs ma lnga yi 'od 'phros nas
yam gyis dung khang nang du bskyod
de las 'od zer lnga byung pas
khro bo'i sku rnams 'od ldan bsam
hum dang a gnyis rnam dag pas
khro bo yab yum sbyor bar bsam
de nyid thig le'i sems spyar bas
byang hub sems ni 'od du zhu
de nas hum gis mar bdas nas
srog pa rtsa yi rta brgyud nas
lte pa'i sras la dbang bskur bsam
thig le de la bstims nas ni
hum de slar la log par bsam
hum las sgra dang 'od byung bas
bu yi tshangs ba'i bu ga ru
hum nyid 'od dang bcas par bsam
a nyid mi gnas byung ste gnas
mum gnyis rna ba g.yas g.yon no
de ltar yig 'bru rab gsal te
spyi gtsug hum nyid der skur bsam
de las 'od 'phros dbang chen sku
yab yum bcas pa rab gsal bsgom
dbang chen yab yum sbyor bar bsam
byang chub sems nyid bab pa las
bu yi lus nyid thim gyur pas
516
lus nyid 'od du zhu bar bsam
de las stong nyid der skur bsam
chos sku'i sras su yang dag bsam
mig gi a nyid longs spyod sku
bcom ldan snang ba mtha' yas bsam
yab yum grangs med 'phros bsams te
dza hum bam ho'i brdas bskul nas
las kyi phyag rgyar bstim byas te
yab yum gnyis med bde ba las
mkha' la byang chub sems babs pas
lus dang dbang po tshims byas te
lus rnams 'od du zhu gyur te
longs spyod sku dang dbyer med bsam
longs sku'i sras su gyur pa'o
de nas mum la dmigs byas te
mum nyid 'od du zhu ba las
sprul sku rdo rje 'dzin du bsam
de nyid 'od du zhu ba las
rnam snang mngon byang yab yum bsam
dza hum ba ho'i brdas bskul bas
las kyi phyag rgya bsdoms gyur nas
yab yum gnyis med sbyor bar bsam
mkha' las sems bab 'od 'phros pas
bu yi lus la thim gyur nas
lus ni 'od du zhu nas ni
dbang rdzogs mngon shes drug ldan pa'i
sprul sku nyid kyi sku thob ste
sprul sku rdo rje'i sras dbang thob
517
rdzogs sangs rgyas dang chos sku thob
de ltar dbang nyid rab rdzogs nas
rgyu ni rnam pa bzhi yin no
de nas sku gsum rdzogs pa'i dbang
rang byung dbang nyid rab tu rdzogs
sku gsum dbyer med thob pa'o
dbang bskur dkyil 'khor rdzogs byed na
dang po sbyor ba byed tshe nas
bdag dang bsgrub pa'i yum nyid kyi
spyi gtsug bde ba'i gnas su yang
yi ge 'di ltar bsgom par bya
yum la mum nyid dmar po ste
yab la a dkar 'od 'phro'o
de gnyis 'od 'bar 'phro 'du las
tshangs pa'i bu gar thim par bsam
de nyid 'od du bsdus pa las
sa ma ya zhes sgra byung nas
dam tshig phyag rgyas 'khyud nas ni
yab yum gnyis med sbyar par bsam
mkha' las byang chub sems babs pas
rtsa bzhi'i nang du thig le stong
de las gzi ldan 'od 'phros pas
thig le dangs snyigs phyed nas ni
dangs ma 'od zer rnam lnga ste
snyigs ma dkar po'i thig le'o
dangs ma tsit ta'i nang du babs
de las 'od zer rab 'phros pas
dangs ma sid ta'i sgras byung bas
zhi ba yab yum brdas bskul bas
518
chos kyi phyag rgyas 'khyud nas ni
yab yum gnyis med sbyor par bsam
byang chub sems nyid babs pa las
'od zer sna tshogs 'phros pa yis
cha shas 'od zer thams cad kyang
sgal tshigs thig le dag la thim
las kyam rlung gis ded nas ni
sgal tshigs nyid kyi rta brgyud nas
gsang ba'i mkha' la babs gyur nas
bdag nyid sbyor ba'i brdas bskul te
las kyi phyag rgyas 'khyud byas te
yum gyi bskyod bzhis bde ba bskyed
yab yum gnyis med lhun sbyar te
bde gsang chos nyid dbang bskur ro
snying po'i sku yang des thob bo
dang po'i skabs su shes par bya
de ltar dbang bskur rdzogs nas ni
sbyor ba'i dbang bskur 'di ltar brjod
rigs des bstan pa'i tshig 'di brjod
'di ni rigs nges rgyal ba'i sras
e ma ho
de ring phan chad rgyal ba'i sku
'di ni sangs rgyas des pa'i lam
sku gsum 'bras bu rang snang ste
phyin ci ma log dbang thob nas
sangs rgyas kun dang dbyer med mnyam
rdzogs sangs rgyas pa'i sku thob pas
phyir mi ldog pa'i sa yang thob
gdod nas ma chags snying po'i don
519
snga ma khyod kyis ma thob ste
dus 'di nyid du thob pas na
de ring phan chad rdzogs sangs rgyas
yang dag nges pa'i sa thob pas
sangs rgyas kun dang mnyam par sbyor
thig le nyag gcig dbang thob po
lnga gsum dgu la rdzogs pa'o
rdo rje 'chang gi gral thob pas
de la lhun gyis gnas par spyod
bdag gis sras su byas nas ni
sangs rgyas nyid dang mnyam pa yi
rab tu dgyes pa'i dbang tho po
a ma sva mong stan pa shan ta hum
a ldan byang chub sems kyi rang bzhin dkar la dangs
mum ldan byang sems dmar dang 'od zer 'phros
gnyis med sku yang rab tu gsang ba'i thig le ste
sku gsum yon tan byang chub sems mnyam pas
byang chub snying po sgyu ma lhun grub sku
tha dad mi 'byed chos sku stong bdag med
dkar dang dmar dang shes rab thabs mkhas sku
chos nyid stong pa mkha' khyab kun la rol
chags med chags pa'i tshul bstan byang chub nyid kyi sku
mtshan ma spros bral gsang ba'i yum gyi dbang
thabs mkhas thugs rje chen po yin pas na
deng nas bzung ste rgyal ba'i sras su'o
om bodhi citta i ba ke ya a
520
e ma ngo mtshar blta ba'i dkyil 'khor che
dkyil 'khor nyid la dkyil 'khor nyid bstan pas
sngon chad ma 'tshal deng nas bdag gis shes
rang gi rang bzhin yin par da shes pas
gzhan nas ma btsal phyi nang dbang thob pas
gsang ba'i dbang dang yongs rdzogs dus 'dir thob
dpa' bos gnang bas bka' drin rab tu che'o
ha ha he he rig des so
a a i i ngo mtshar ro
dbang rdzogs yon yang 'bul bar bya'o
slob dpon nyid kyis dal bsdu'o
zhes rdzogs pa rang byung chen po'i rgyud las
gsang ba mkha' dbyings bum pa'i dbang bskur ba'i le'u ste nyi shu rtsa gcig pa'o
rdzogs so
@22
rgya gar skad du
da ra sa ya sing a nu bu na ma
bod skad du
rdzogs pa chen po rang snang gi dbang zhes bya ba
bcom ldan 'das rdo rje'i snying po'i sku la phyag 'tshal lo
de nas de'i tshe
dur khrod chen po'i gnas su
'khor bsam gyis mi khyab pa'i tshogs 'dus te
gsang ba'i bdag pos 'di skad ces gsol to
kye kye bcom ldan rdo rje 'chang
blo 'das rdzogs pa chen po'i dbang
gang gis 'thob par 'gyur ba lags
521
'dus pa'i tshogs la bka' stsol cig
de nas snying po byang chub skus
nye ba'i 'khor la bka' stsal pa
kye ma nyon cig rdo rje 'dzin
yang dag nges pa'i lung 'di yis
rdzogs pa chen po'i gnas lugs ston
kye ma ngo mtshar bstan pa yis
rdzogs chen sku yang 'dir bstan gyis
'dir ni nges pa'i rgyal po thob
khyad par dbang rdzogs byed pa na
shin tu dben pa'i gnas nyid du
dkyil 'khor 'dom gang tshad du bya
dri sna lnga yis chag chag gdab
thig gdab tshon ni dgye bar bya'o
pho brang zlum po dag tu bya'o
de nas phyi rim 'khor lor bskor bya ste
mthing ga la sogs rim lnga bya
lte ba la yang bum pa ste
bum pa'i phyogs bzhir bum pa bri
zlum po de yang bum pa bri
de yi phyi rim dag tu yang
'khor lo lnga rim dag tu bya
'khor lo de yi dbus su yang
phyogs su bum pa re re bri
de ltar dkyil 'khor nyid bris te
steng du rdzas nyid dgram par bya
bum pa'i steng du bum pa re
mgul chings rgyan dang bcas pa'o
de nas dkyil 'khor nyid phub ste
de yi steng du dar gyi gdugs
522
sna tshogs mdzes pa dag gis 'bul
nges pa'i rgyal po thob bya'i phyir
mda' dang me long dang sna'o
de ltar rdzas rnams rdzogs byas la
dbang bskur las kyang rdzogs par bya
de nas chos nyid stong pa yi
rdzogs chen bzhi yi dbang rdzogs bya
sku gsung thugs dang mi 'byed par
yang dag gsang ba'i dbang rdzogs nas
rdzogs pa nyid kyang dbang bskur phyir
bu nyid dad dang ldan pa des
dri sna lnga yis lus bkrus te
rgyan dang cha lugs mdzes brgyan te
zhu ba'i tshig rnams rdzogs par bya
de nas slob dpon gsang ba yis
rang gi rgyan cha mdzes gon la
'gying ba'i stabs kyis gar byas te
dam tshig chu bo byin nas ni
ye shes dag pa'i dbang bskur bya
'di yis thams cad grol bar gsungs
yang dag gsang ba'i rdo rje rigs ldan pas
mtshan ma'i skyon bral ye shes chen por sbyor
shar nyid nas kyang shar med yang dag rig pa che
chos kyi sku las chos sku'i snying po yang gsang ste
bsgrub med bsgrub pa'i dkyil 'khor zhal phyes te
blta med lta ba'i 'od snang chos skur bstan
chos med chos kyi sku dang mnyam par sbyor
523
thabs kyi mdzad pa ci yang mdzad
chos sku skye med rdo rje nyid du dbang bskur ro
om lung stan ba dzra shwa dha ya
yang dag spros med rin chen phung po ltar
rdzogs sangs rgyas dang gnyis med yul las 'das
'od gsal spros bral blo yi yul las 'das
chos med bag chags thams cad sreg byed pa'i
byang chub snying por sprul pas dbang bskur ro
sva ta tra thar mang
yang dag nyid du sku las snang mtha' yas
rig pa'i sku la mdun dang rgyab med dang
shes rab rang byung sku ni tha mi dad
sangs rgyas rnams kyi 'od 'dis dbang bskur ro
tra tha rat na abhi la
dri med rang gsal don nyid grub pa ste
yang gsang thugs kyi nyi ma'i 'od zer stong
byang chub sems ni bya ba ye nas rdzogs
rnam dag med yang ngang du dbang bskur ro
a bu svo tri ya hum
de ltar yang dag dbang rdzogs nas
bsgom pa'i rim pa 'di lta ste
shar phyogs chu yi bum pa blang byas te
spyi bo'i gtsug tu bskur byas la
'bras bu grol lam dbang thob ste
rdzogs sangs rgyas dang dbyer med mnyam
mnyam pa 'di yi dbang thob ste
524
'di ltar bsam rdzogs dbang bskur bya
bum pa nyid la hum bsam ste
hum nyid 'od du zhu ba las
bum pa nyid la khro skur bsgom
de yis dbang bskur las rdzogs bsam
lho phyogs bum pa mgrin pa ru
a nyid 'od 'phros thig le'i sku
de las gang ltar dbang bskur bsam
nub kyi lte ba'i gnas su bskur
yi ge sva nyid 'od zhu bas
skye ba med pa'i dbang bskur bsam
byang phyogs gsang ba'i gnas su'o
ha las 'od 'phros dga' bde'i dbang
dus de nyid du thob par bsam
dbus kyi bum pa thugs ka ru
om las 'od 'phros zhi skur bsam
zhi ba'i sems la dbang thob bsam
de ltar ting 'dzin rdzogs par bya
e ma ho
stong pa nyid kyi sku gsum ma spangs rdzogs
rang gsal yid 'ong 'od 'phros chos sku'i ngang
mkha' mnyam snying po ye shes chos sku kun 'byung klong
sku gsum ma bskyed chos nyid dbyings su rdzogs
rgyu med rkyen bral rdo rje sems dpa' che
rdo rjes 'dzin blo gros mtha' yas shing
rdo rje sku 'bar ye shes lhun rdzogs brjid
rdo rje sems dpa' yab yum dkyil 'khor che
rdo rje 'byung po ro langs kun gyi bdag
rdo rje mda' 'phen shes rab mtshon cha ste
525
rdo rje yangs pa dbyings la gar bsgyur zhing
rdo rje'i sku nyid yangs pa che
mtshan ma med pa rdo rje'i sku
bum pa rdo rje thabs stobs che
sku dang thugs ni rdo rje'i bdag
yang dag rdo rje kun 'byung lam
yang dag nges pa'i rdo rje 'dis
thams cad dbang gi rdo rjer bstan
dbang nyid las ni rdo rje 'phro
rdo rje dbang gi rang bzhin las
rdo rje gsang ba'i rgyal mtshan las
gsang sngags rdo rje'i dbang thob ste
deng nas bzung nas rdo rje'i sku
rdzogs sangs rgyas pa rdo rje'i gsung
deng nas bskal pa stong du yang
mi 'jig brtan pa rdo rje thob
rang rig brtan pa rdo rje'i sku
sku dang ldan par ma gyur bar
sku gsum bstan pa'i dbang thob nas
'gyur ba med pa rdo rje'i thugs
'khrul pa spang bas yang dag thugs
chos kyi sku dang yang gsang rdor
mkha' gsang gtsug gi nor bu ste
chos dang chos las rab 'das pa'i
chos nyid dbang yang der thob po
zhes rdzogs pa rang byung chen po'i rgyud las
rdzogs chen rang gi lta ba bstan pa'i le'u ste nyi shu gnyis pa'o
rdzogs so
@23
rgya gar skad du
ka ya tsa kra rat na a sha na ma
bod skad du
526
'khor lo rin po che sku ltar bskur ba zhes bya ba
bcom ldan 'das rnam par snang mdzad la phyag 'tshal lo
de nas 'dus pa'i 'khor bsam gyis mi khyab pas
bcom ldan 'das de dag la 'di skad ces zhus so
kye kye bcom ldan rnam grol bdag
'khor ba'i sems can 'di dag rnams
'khor ba nyid las bsgral ba'i phyir
dkyil 'khor lha tshogs thams cad kyi
sku yi dbang bskur ci ltar lags
rdo rje 'dzin pas bka' stsol cig
de nas mos 'khor de dag la
rdo rje 'dzin pas bka' stsal pa
e ma rdo rje gsang bdag nyon
nga yis legs par bstan par bya
stobs dang ldan pa'i sems kyis nyon
sku yi dbang bskur byed tshe na
shin tu dben pa'i gnas dag tu
dkyil 'khor 'dom gang gru bzhi la
dri sna lnga yi chag chag gdab
thig gdab tshon yang dgye bar bya
de ltar byas pa'i steng nyid du
dbus su rin chen bum pa zlum
kha rgyan mgul chings bcings pa bzhag
nas gyi steng du de bzhag ste
rigs lnga'i sku yang de bzhin bltas
shar nyid du yang bum pa ste
rigs gsum sku dang gos dkar can
legs par phyogs su dgram par bya
lho nyid du yang bum pa ste
527
rig gser phreng dang tshe dpag med
pha rol phyin dang sman gyi bla
lho yi phyogs su de bzhin gzhag par bya
nub tu yang ni bum pa ste
rigs lnga khro sku rnam par bzhag
byang gi phyogs su bum pa ste
sgo ba bzhi ni phyogs phyogs bzhag
byang shar mtshams su bum pa ste
rigs gsum khro dang rnam 'joms so
shar lho mtshams su bum pa ste
rnam 'dzin zhal dang stobs drug dang
gshin rje zhags pa stong thogs kun bzang ngo
lho nub mtshams su bum pa ste
rigs lnga'i yum nang de bzhin bzhag
nub byang mtshams su bum pa ste
kro te shwa ri lnga nyid do
phyogs bzhi mtshams dang brgyad du'o
de yang bkra shis nas ni re re'o
bum pa de dab re re'i rtsar
phud dang bcas pa'i gtor ma re
mkhas pas rab tu gzhag par bya
bhan da mtshan ldan de bzhin no
de ltar rdzas rnams bshams nas ni
dbang bskur cho ga rdzogs par bya
de nas 'di skad brjod bya zhing
gsal ba gsum dang ldan pa'o
ting 'dzin rgyal po bsgom bya zhing
tshig dang bcas pas sku de dag
rang rang gnas su bskur bar bya
hum lnga ldan rdo rje 'bar ba'i dkyil 'khor du
528
rdo rje 'du 'bral med pa'i skur gsal las
gsang bdag rdo rje rigs kyi dbang bskur zhing
rdo rje 'dus pa'i sras su dbang bskur ro
dkyil 'khor lnga dang sku dang ye shes dang
dus dang gnas dang tshig dang rdo rje yi
gsang ba bde ldan rdo rje gar gyi bdag
bdag dang gzhan dang sku lnga mthar phyin nas
mi 'gyur gsang mchog dgyes pa'i gad mo che
rig dang stong dang bya dang byed pa'i stobs
chos dang gnas dang sems dang yid la bskur
a la la ho rdo rje mos pa rtsal
rigs dang sa dang rdo rje drag por tsal
dkyil 'khor mchog ston rdo rje bzhang pa rtsal
stong dang dgyes mchog rdo rje 'od 'bar rtsal
chos nyid rang snang rdo rje gter dbang rtsal
dkyil 'khor yang gsang rdo rje rab bsngags rtsal
dmar ldan yid 'phrog rdo rje gsung thob rtsal
dkyil 'khor rgyas mdzad dkyil 'khor rig 'dzin rtsal
e ma ho
he he ti sta rdo rje gsang mchog khyod
dbang ldan dbang gi rigs ldan rigs mchog ste
'bar ba 'od 'phro 'khor lo'i gzhal yas su
bde ldan dbyings mchog sku lngas dbang bskur ro
chos nyid dbyings la rig pa'i dbyings shar bas
529
mthong ba nyid dang ye shes thabs kyi sku
tsit ta rin chen 'khor lo'i gzhal yas su
bde mchog thugs kyi 'khor lo'i dbang bskur ro
bde ldan dbyings shar shes rab dbyings kyi ngang
gsal 'tsher lhun sdug rdo rje rab gsang 'bar
gsang ba'i mkha' dbyings bha ga'i gzhal yas su
chos nyid spros bral bde chen dbang bskur ro
rdo rje gsang ba bde mchog dbyings su sgrol
shes rab thabs ldan ka dag yangs pa'i ngang
sems dpa'i dkyil 'khor sems ma'i rang bzhin mchog
chos rnams dmigs med rdo rje sems dpa'i sku
nam mkha'i mtha' las chos dbyings ro gcig tu
las rnams mthar phyin stong nyid gdal ba'i sku
sems dang stong nyid chos kyi sku la dbang
mtshan ldan srid skyed lte ba'i gzhal yas su
rdo rje las gsang thugs kyi dbang bskur ro
gsal ba rab brjid ye shes sems dpa'i ngang
shes rab 'od 'phro nyon mongs zil gyis gnon
rdo rje mnga' 'phen shes rab dbyings su 'phen
dkyil 'khor mtha' sdud ye shes gsang ba'i bdag
sangs rgyas lngar ldan thugs kyi cod pan can
530
rin chen rgyug byed rtsa ba'i gzhal yas su
mnyam nyid 'od 'phro chos sku'i dbang bskur ro
rdo rje bde ldan thugs kyi gsang mchog sku
yang dag gsang ba thugs kyi dkyil 'khor bdag
gsang ldan dbyings dang ye shes 'od 'phro zhing
phyogs med rang snang chos sku'i dkyil 'khor bdag
bde ldan chos dbyings gsang bar dbang bskur ro
gsang sngags sku dang yang dag mtha' 'das dang
sa rnams mthar phyin ye shes rnam par dag
chos nyid snang stong ka dag nyid du snang
bhan da gsal 'phro 'khor lo'i gzhal yas dbyings
rtog med bsam yas snyin po lnga yi sku
rdo rje thugs kyi sras su dbang bskur ro
de ltar tshig don rdzogs byas nas
sngags dang phyag rgya 'di ltar bstan
mkhas pa ting 'dzin ldan pa yis
de ltar ting 'dzin ldan par bskur
rnam snang mngon byang phyag rgya yis
spyi gtsug gnas su rnam par bzhag
om a hum sva ha
bud dha tsa kra pa tsa hum hum
'od zer 'phro 'du ldan pa yi
mngon byang sku dang dbyer med bsam
g.yas ni rdo rje rtse gsum tshul
g.yon na dril bu dkrol ba'i tshul
mgrin pa'i gnas su gzhag par bya
531
om a hum
ba dzra tsa kra pa tsa hum hum
lag gnyis mnyam par bzhag pa yis
thugs ka'i gnas su rnam par bzhag
om a hum sva ha
rat na tsa kra pa tsa abhi shintsa a a a
lag gnyis mnyam par bzhag pa yis
lte ba'i gnas su bzhag nas ni
de la yang ni 'di skad do
om a hum sva ha
pad ma sar ba ku la na ha ha hum a
lag gnyis mnyam par bzhag pa yis
dpral ba'i gnas su gzhag par bya
om a hum sva ha
kar ma dushta na ghar a nya hum kra bha rtsa ma hri hri hri
g.yas pa ral gri'i tshul byas la
g.yon pa thugs kar rnam par bzhag
om a hum sva ha
mdzu ta snga ba dzra sid ti ha ha ha
lag gnyis mkhrig ma bsnol nas ni
sna tshogs rdo rje'i tshul du bya
snying gnyid du rnam par bzhag
om a hum sva ha
om na ga lam ba dzra krodha hum hum phat phat
g.yas pa brkyangs te thugs ka ru
thal mo skyabs sbyin tshul du bzod
g.yon pa brkyangs te de bzhin no
snying ga dag tu gzhag par bya
lag g.yas gur gyi tshul byas la
spyi gtsug nyid du gzhag par bya
om a hum sva ha
be shed sva ha hum
g.yas pas brdeg pa ltar byas la
532
snying ga'i gnas su gzhag par bya
om a hum sva ha
om ba dzra dhri ka
sva rat na dhri ka
pam ra ga ra ti
mam mo ha ra ti
om a ro li ka
ba dzra sar va hum hum sva ha
rdo rje khu tshur bsnol byas la
snying ga'i gnas su gzhag par bya
om a hum sva ha
prajna sarba hum svaha
abhi shintsa dza
rin chen sgrom bu ltar byas la
gsang ba'i gnas su gzhag par bya
om a hum sva ha
ba dzra a yu sva ha
hum hum a
lag gnyis pad ma ltar byas la
snying ga'i gnas su gzhag par bya
om a hum sva ha
amrita rupa ha la hum
g.yon pa sdigs mdzub phyag rgya yi
lag pa'i mthil du gzhag par bya
om a hum sva ha
a kro ratna abhi shintsa a a
g.yas pas se gol phyag rgya ni
lte ba'i gnas su gzhag par bya
om a hum sva ha
ha ya gri ba sar ba ku la na si ti hum
lag gnyis khyung gshog ltar byas la
smin phrag nyid du gzhag byas la
om a hum sva ha
bhu bhu kro ta sar ba kra tsam abhi shintsa hum
lag gnyis bum pa ltar byas la
dpral ba'i gnas su gzhag par bya
om a hum sva ha
kun da li amrita kar ma hum
lag pa srin lag mtheb sbyar la
lce yi steng du rnam par bzhag
om a hum sva ha
ba dzra kril hya sisya nya bhu ma phat
533
g.yon pas lcag kyu'i phyag rgya yis
snying ga'i gnas su bzung byas la
om a hum sva ha
rdza pa rgya phat phat sva ha
lag gnyis zhags pa'i phyag rgya yis
mig gi g.yas su reg byas la
om a hum sva ha
ba dzra sing ha pha la ya
bho te ho ho ho
lag gnyis 'khyud brgyud sgrog bsdams la
dpung pa g.yon du gzhag par bya
om a hum sva ha
om mang dus ya hum a ho
g.yas gdengs g.yon bskum khu tshur gyis
snying ga nyid du bstan byas la
om a hum sva ha
gha na ba dzra ka pa tsa hum hum
lag gnyis dgra sat va'i phyag rgya yis
pus mo g.yon du gzhag par bya
om a hum sva ha
ka la hri sti ku la na nye phat phat sva ha
lag g.yas mgo'i phyag rgya yis
spyi po'i gtsug tu gzhag par bya
om a hum sva ha
pad man ta krid khum kha ya sva ha
g.yas pa rtse gsum phyag rgya yis
lag gnyis bum pa ltar byas la
spyi gtsug dag tu gzhag par bya
om a hum sva ha tsa na ba dzra na ye ye hye hye phat phat sva ha
lag gnyis gzhu 'gengs tshul du bya
g.yon gyi mdzub mo sna rtser bzhag
om a hum sva ha
ba dzra kun re ser ser hum sva ha
lag g.yon lcags kyu'i phyag rgya yis
534
snying ga nyid du bzung byas la
om a hum sva ha
ba dzra du shan ka ya ba dzra hum hum
lag gnyis thod phreng phyag rgya yis
spyi bo'i gtsug tu gzhag par bya
om a hum sva ha
ba dzra ma 'ju ka ta ra ma sudha hum hum
lag gnyis mnyam par bzhag pa yi
mgrin pa'i gnas su gzhag par bya
om a hum sva ha
sil si hum
lag gnyis se gol bsnol ma yi
rtsib logs g.yas su gzhag par bya
om a hum sva ha
ma nu pa ri sha abhi shintsa om
g.yas pa'i mtheb mos g.yon mdzub mnan
rtsib logs g.yon du gzhag par bya
om a hum sva ha
a la hri abhi shintsa a
g.yas par la gri lta bu yi
lce yi steng du gzhag par bya
om a hum sva ha
mum bhrum abhi shintsa hum
lag g.yon dag gi sor mo ni
mtheb dang mdzub dang mthe'u chung sprad
lhag ma gnyis ni bsgreng bar bya
g.yas pas thal mo gdengs pa yis
ltag pa'i khung du gzhag par bya
om a hum sva ha
sti mi sar ba abhi shintsa sva ha
lag pa rtse gsum bsgreng ba yis
rna ltag gnyis su bzhag par bya
om a hum sva ha
ba dzra pun ha abhi shintsa sva ha
lag pa mthe bong bsgreng ba yis
rna ltag g.yon du gzhag par bya
535
om a hum sva ha
mu tha shi abhi shintsa a
lag g.yon mthe'u chung mdzub brkyangs te
lkog ma'i gnas su gzhag par bya
om a hum sva ha
mum lam ham til ri abhi shintsa a
lag gnyis pad ma ltar byas te
nu ma g.yas su gzhag par bya
om a hum sva ha
sa lam kro ti abhi shintsa a
lag g.yon rtsibs bzhi ltar byas la
mtshogs ma'i steng du gzhag par bya
om a hum sva ha
bhi shir abhi shi ti na sha a
lag gnyis sor mo bsnol byas te
spyi gtsug steng du gzhag par bya
om a hum sva ha
bhi sha stan ta sha ra abhi shintsa a
skyob pa mthar phyin sngags ldan pa'i
bde gshegs dbu yi dbang bskur ni
bkra shis gdugs la brten byas nas
deng mchog bu la gnas par gyis
om a hum sva ha
bi bag gha ya si abhi shintsa a
lta byed ma 'gags don mtshon pa'i
bde gshegs spyan gyi dbang bskur ni
bkra shis nya la brten nas ni
deng mchog bu la gnas par gyis
om a hum sva ha
pra ni pa ya ba thug pa abhi shintsa a
smra byed pha rol sgrol la mkhas
sangs rgyas ljags kyi dbang bskur ni
536
bkra shis pad ma la brten nas
deng mchog bu la gnas par gyis
om a hum sva ha
ti ka ta yi si abhi shintsa a
chos rnams lam byung chos dbyings zlum
sangs rgyas mgul gyi dbang bskur ni
bkra shis bum pa la brten nas
deng mchog bu la gnas par gyis
om a hum sva ha
tishta la sha abhi shintsa a
sgra dbyangs rtog med don mtshon pa'i
sangs rgyas rnams kyi gsung gi dbang
bkra shis dung la brten nas kyang
deng mchog bu la gnas par gyis
om a hum sva ha
bi gra ya rgya a abhi shintsa a
gsal 'od ldan pa dpal be'u'i thugs
sangs rgyas rnams kyi thugs kyi dbang
bkra shis dpal be'u la brten nas
deng mchog bu la gnas par gyis
om a hum sva ha
tsitta ya abhi shintsa a
thogs med myur mgyogs 'khor lo'i zhabs
sangs rgyas rnams kyi zhabs kyi dbang
bkra shis 'khor lo la brten nas
537
deng mchog bu la gnas par gyis
om a hum sva ha
tsa kra pu la bhin ku abhi shintsa a
dbang dang ldan pa'i dkyil 'khor ni
dbang mchog rdzas byin byas nas ni
dkyil 'khor thams cad rdzogs byas te
dang ldan 'khor la rdzogs pa ste
bde ldan gsang mchog bde ba'i dbyings
yang gsang thugs kyi rdo rje mchog
sangs rgyas kun dang mnyam sbyor bas
mkha' la dbyings ldan thams cad du
bdag gis dbang mchog bskur ba bzhin
deng nas bzung ste thob par shog
thob nas 'gyur med brtan par shog
yang dag gsang ba'i don ldan des
'jig rten pa yi sku gsung thugs
deng nas bzung ste ma btang zhig
e ma sangs rgyas kun gyi dngos
rdo rje 'chang chen ma btang bar
thugs kyi dkyil du legs par zung
a la la ho rdzogs sangs rgyas
bdag gis deng nas bzung nas ni
bskal pa brgya stong bar du yang
bdag gi stong pa nyid kyi sku
nam du yang ni mi btang ngo
de ltar dbang rdzogs byas nas ni
phyag rgya sngags dang bcas pa rnams
sku yi bar du bskur nas ni
gsang sngags ldan pas rdzogs par bya
538
che gsang chen po 'di bshad pas
thams cad rdzogs sangs rgyas kyi sku nyid thob
de ltar gnyis med lam mchog ni
sangs rgyas rnams ye shes thugs
'di ni nges pa'i yul yin pas
thabs dang ldan pa'i yul yang yin
yi dam sems kyi dkyil 'khor nas
chos kyi sku dang dbyer med pas
gnyis su med pa thob bya'i phyir
'di ni nges pa'i rgyud chen gsang
bde mchog nges pa'i rgyal pos bshad
gsang ba'i gsang mchog nges pa'i lung
dbang dang ldan pa'i dbang nyid ni
rdzogs pa'i sangs rgyas rnams kyis gsungs
sangs rgyas rnams kyi sku gsung thugs
rdo rje gsang ba'i las 'di'o
chos nyid gsang ba'i legs pa'i lam rgyan ni
sku dang rdo rje yid bzhin nor bu'i klong
rdo rje sems dpa'i sku gsung thugs
mdor bsdus dbang chen nyid kyis bshad
ces rdzogs pa rang byung chen po'i rgyud las
'khor lo rin po che ltar bkod pa'i le'u ste nyi shu rtsa gsum pa'o
rdzogs so
@24
rgya gar skad du
rat na abhi shintsa a nu tsa kra pra se na ma
bod skad du
dbang rin po che 'khor lo rnam par bshad pa zhes bya ba
539
bcom ldan 'das pad ma dbang la phyag 'tshal lo
de nas pad ma dbang chen la
gsang ba'i bdag pos 'di skad gsol
kye kye bcom ldan dbang chen sku
gsang ba'i dbang gi rnam pa'i tshom
dbang chen nyid kyi bka' stsol cig
de nas phyag na rdo rje la
gsang ba'i gsang bdag chen po yis
gsang ba'i dbang ni 'di skad bshad
kye rdo rje 'dzin pa nyon cig
ngas bstan legs par yid la zung
dbang gi rnam pa bshad bya yi
dkyil 'khor tshon dang rdzas rnams bshad
sku gsung thugs dang tshon yig bshad
phyi dang nang dang gsang ba bshad
yongs su rdzogs pa chen po bshad
phyi ltar bshad pa 'di lta ste
dkyil dang 'khor dang bhan dha ngang
dkyil ni dbang gi gzhi yin la
'khor ni dbang gi lam yin no
bhan ni 'dzin pa'i don yin la
dha ni gsang mchog bde ba'i gnas
sku ni sprul pa'i gsang mchog ste
rdo rje thugs kyi don yin no
dril bu rtogs pa mchog gsang yin
spyan la dbang ni bskur ba ni
thugs gsang rdo rje'i sku thob yin
dri med spyan ni rnam pa lnga
mi rtog thob pa the tshom med
540
rdo rje las kyi chu nyid ni
rgyu gcig 'bras bu khyag par che
gnyis su zad cing brtags pa gnyis
'khor dang mya ngan 'das pa'o
dgongs su gsol ba'i tha tshig ni
thob pa'i rgyud dang blang thabs so
snyan gyi dbang dag bskur ba yang
thogs med snyan ni rnam drug gis
don dang las ni rdzogs pa'o
shangs la dbang ni rdzogs byed pa
dri ldan mtshan ma gsum thob ste
gnas byed ljags la dbang ba na
ro ldan 'bras bu brgyad thob po
de ltar rdzogs byed dbang gi tshig
mkhas pa yis ni rdzogs par bya
'dus pa bzhi yang rdzogs pa ste
med pa bzhi yang thob pa ste
snang ba gsum la dbang bskur thob
rdo rje'i gsang thob drug thob ste
'dzin pa bcu las rnam par thar
stong pa nyid ni rnam gsum rdzogs
stong pa'i yul ni gzhi dag la
rang dbang nyid du bsgyur dbang thob
log pa nyid las rnam par grol
sa mchog bcu gcig yongs su rdzogs
mtshan ma bcu drug zil gyis gnon
gcig las 'bras bu rnam gsum thob
gnyis rdzogs sa la rnam par gnas
mchog tu ldan pa gsum yig yin
bya bral theg pa gsum thob ste
541
skye med 'khor lo drug kyang bskor
ting 'dzin drug la dbang bsgyur zhing
sdug bsngal gsum las rnam par thar
khyed pa'i sbyor ba shin tu thob
khams gsum las ni rnam par rgyal
'dus pa'i rtsa ni stong phrag las
bde ba'i rung ni brgyad cu thob
'tsher ba'i thig le rnam dgu las
stong pa'i bde ba bco brgyad thob
gsang ba lus ni gsum dag la
brten pa'i 'bras bu bcu bdun no
gsang mchog bde ba gnyis las ni
'dod pa'i 'bras bu drug thob po
rigs ni rnam pa drug dag las
so so'i mtshan nyid bcu gnyis thob
stong nyid shes rab bdun las ni
thad ka'i 'bras bu bdun thob po
gsang ba'i dkyil 'khor bcu dgu las
mun pa bcu gcig rnam par sangs
rig pa rtsal dbang bco brgyad las
snang ba 'char tshul bco lnga thob
sbyor ba'i mtshan yig drug cu las
phyag mtshan drug cu rtsa gnyis gsal
lha yi mtshan ma drug cu gnyis
sku gsung thugs dang bcas pa gsal
gnyis dang gnyis las bzhir 'gyur dang
phyed phyed drug pa sum cu bdun
542
lhag ma lhag ma dang po'i bdun
drug tsho dag la bdun 'gyur ro
brgyad cha la ni sa bon dngos
drug cu gnyis ni rnam par bsal
phyag rgya rnam pa bzhi ldan las
bde gsang phyag rgya bzhi gnyis thob
mtshan med sku ni rnam drug las
sems kyi dkyil 'khor rnam lnga rdzogs
ka li yi ge bzhi bcu las
mtshan ma'i dbang ni bzhi gnyis thob
rtags kyi phyag rgya bdun las ni
dbang chen 'khor lo rnam gsum thob
gsung gi 'khor lo sum cu las
thugs kyi ting 'dzin lnga bcu thob
gsang ba'i sbyor thob drug las ni
yang yum bde ba sum cu thob
don gyi snying po so gcig las
rtags kyi phyag rgya nga gcig thob
bsgral ba'i yan lag bcu dgu las
thugs ldan dkyil 'khor brgyad cur snang
nyi zla gnyis ni sum 'gyur las
sku gsum 'bras bu brgya 'gyur thob
cho 'phrul brgyad cu rtsa lnga las
yi dam sum cu rtsa gnyis snyed
stong rig gsal ldan nyi shu la
rtogs pa'i 'bras bu bcu gnyis thob
khyab byed rlung ni lnga dag las
skye med 'bras bu gsum yang thob
rtog pa med pa chos kyi sku
rnam pa drug ni 'dir snang ste
543
thabs ldan bde ba nyi shu thob
gsang ba'i ngo bo gsum la ni
stong pa nyid kyi chos lnga rdzogs
sa bon 'bras bu drug las ni
thad ka'i 'bras bu rnam drug bzlog
stong pa'i mtshan ma bsam yas las
mtha' bzhi bral pa'i dri med thob
shes rab rnam pa bzhi dag gis
mun pa'i rgyu ni rnam drug bcad
phyogs mtshams bum pa brgyad kyis ni
rnam thar stong pa bcu drug thob
gsang ba'i skur thabs 'di dag las
yon tan 'bras bu brgya rtsa thob
phyin pa'i blta ba rnam bzhi las
drod rtags bzhi bcu rtsa gnyis rdzogs
sku yi rang bzhin lnga dag las
mthong ba'i skyes tshul gsum yang thob
snang ba rnam pa bzhi dag las
mthong ba'i thabs ni so sor thob
'din snang gcig las ma 'das tshe
bden pa'i khyad ni re re las
yul ni so sor gcod par nges
'bras bu'i snang ba skyes tshul thob
bar gyi snang ba dang po las
mthong ba'i yul ni re re ste
'jug dang grol ba'i dus gsum thob
smin pa'i 'bras bu yid ches gsum
bar gyi snang ba tha ma la
'jug pa'i snang ba so so drug
mthong stong lam yang de bzhin te
544
mun pa'i 'khor sgo drug las thar
phyed phyed 'das pa'i mchems 'jug tshe
sprul pa'i rgyu ni rnam gnyis thob
lnga brgya dag na grol bar nges
gsung mchog gsung ni drug phrag bdun
ma bcos rgyu lnga las 'phros na
bzhi ni rnam par bcad byas nas
'khrul pa bzhi las rnam par thar
a li sgra bsgyur stong phrag las
'jug pa'i sa bon bdun nyid dang
mthar phyin nges pa'i sa la thob
gsang ba'i phyag rgya dgu las ni
skye mod mtshon pa dgu 'thob bo
e ma ho mgon po rdzogs sangs rgyas
thob byed sdom pa bshad du gsol
rdzogs sangs rgyas kyis bka' stsal te
kye ma nya dbang gsang ba'i bdag
thob byed rtags kyi 'bras bu las
thabs ni rnam pa sdom ste bshad
smin par byed pa drug tshe na
gzhi dang bzhengs dang bzhag pa dang
yongs su grol ba bzhi yin no
rdzogs pa'i stong pa brgyad tshe na
khregs chod thod rgal gnyis yin no
mtshan ma bzhi bcu'i tshe na ni
rgyas 'debs rang grol gnyis yin no
rtags kyi 'bras bu drug tshe na
dngos dang mtshan med gnyis yin no
rab tu bskur dang rdzas drug che
545
stong pa rang gsal skyed gsum yin
phyag rgya rnam pa bzhi tshe na
stong dgang mtshan ma rgyas 'debs so
gnas pa drug gi tshe na yang
bzhag thabs rnam pa bzhi yin no
mtshan ma gnas bsgyur gsum tshe na
thar chags skad cig gnyis yin no
bum pa brgya rtsa'i tshe na yang
thig le gcig dang stong nyid do
lus kyi gnas lugs bzhi tshe na
rtsa dang rlung dang thig le'o
'bab lugs rnam par bzhi tshe na
yi ge dgongs pa 'od zer ro
rgyud pa rnam pa bzhi tshe na
dam dang chod dang chen las so
sgrub thabs rnam pa bzhi tshe na
thabs dang rgyu dang yon tan no
rdzas ni rnam pa bzhi tshe na
bde 'khor chos dang longs sprul lo
ting 'dzin rnam pa bzhi tshe na
rdzogs dang yan lag ma yin no
thob lugs rnam pa bzhi tshe na
do dang chos dang longs sprul lo
yon tan rnam pa bzhi tshe na
stong dang gsal dang bskur gnas so
bskur ba'i gnas ni bzhi tshe na
bstim dang thim dang thob dang mthong
ma bskur skyon ni bzhi tshe na
sdug dang sangs dang bred rtab po
gsang ba rnam pa bzhi tshe na
546
thabs dang rgyu dang yon tan no
'byung ba rnam pa bzhi tshe na
'byung dang stong dang gsal 'tsher ro
rtogs lugs rnam pa bzhi tshe na
'gul dang 'phrigs dang ldem me'o
'bras bu rnam pa bzhi tshe na
stong dang snang dang gsal phyin no
thugs rje rnam pa bzhi tshe na
'phro dang mched dang sku rdzogs pa'o
med pa'i lam ni bzhi tshe na
'char dang 'gags dang 'phrog gnas so
thob dang rgyu mthun rnam bzhi na
skye dang 'chi dang na bral lo
ma bskur rdzogs pa bzhi tshe na
khregs chod thod rgal rang bzhag go
rtsal las shar lugs bzhi tshe na
thad kar rang grol zil gnon no
gzhi la rdzogs pa bzhi tshe na
ma bsgyur ma bcos ma bslad do
gzhi la bskyang tshul bzhi tshe na
rang dag rbad chod ka dag go
lam du blang ba bzhi tshe na
rang dag lta dang gzhi bzhag go
'bras bar dril ba bzhi tshe na
ye dag ye rdzogs ye nyid do
snang ba rnam pa bzhi tshe na
gcod dang bzlog dang bsgyur btang ngo
rig pa rnam pa bzhi tshe na
rtogs dang grol dang mthar phyin no
sbyor ba rnam pa gzhi tshe na
yul dang sems dang rtogs sku'o
547
sems la dbang ba bzhi tshe na
phyi nang gsang ba yongs rdzogs so
gsal ba rnam pa bzhi tshe na
ma dang bu dang thad ka 'o
gsal ba'i yul ni bzhi tshe na
rdzogs dang snang dang bsgyur pa'o
stong pa rnam pa bzhi tshe na
sems dang chos dang mtshan ma'o
gsal ba'i gdams pa bzhi tshe na
dngos dang dngos med rang gsal lo
dngos po rnam pa bzhi tshe na
mtshan ma'i ming dang yi ge'o
mchog ldan dngos grub rnam pa bzhi yi tshe
dngos dang snang dang rang bzhin no
stong pa'i thig le drug gi tshe
ngo dang 'od dang nam mkha'o
mtshan ma'i yig 'bru gnyis kyi tshe
dkar dang dmar dang 'phro 'du'o
thabs dang shes rab 'khril sbyor tshe
yul dang rig pa bde ba'o
dkyil 'khor rnam bzhi bstim pa'i tshe
mi dmigs gsum dang 'od drug go
lha yi mtshan ma 'jug tshe na
stong nyid gsum dang rang gsal lo
chos sku'i bde ba drug phyed tshe
sa dang dkyil 'khor rdzogs sku'o
smin byed thob pa'i yul bzhi'i tshe
sa bon myu gu 'bras bu'o
dga' bde'i yul ni bzhi tshe na
snang ba rgyas 'debs bde chen rol
548
rtog med lam ni bzhi yi tshe
snang dang mi snang chos chog go
'jug pa rnam pa gsum gyi tshe
mthong dang rtogs dang thob pa'o
las kyi rnam pa bzhi yi tshe
rtags dang mtshan ma dus tshod do
rlung gi 'phro 'du bzhi yi tshe
gnas dang lam dang 'char sgo gcun
'gyur ba'i dus tshod bzhi tshe na
gnad dang gcun dang brtan bzlog go
thig le bde ba gnyis kyi tshe
dran dang bstim dang bskor log ko
bskor log rnam pa bzhi tshe na
mum dang a dang spro bsdu'o
mtshan ma'i yi ge gnyis kyi tshe
sgra dang mtshan ma kha dog go
gsang ba'i 'phro 'du gnyis kyi tshe
bde dang stong dang khyab bzhi'o
dran pa rnam pa bzhi yi tshe
smin dang grol dang brdal ba'o
bkra shis mtshan ma bzhi yi tshe
gzhal yas rnam pa bzhi yin no
mtshan ma bhan dha brgyad kyi tshe
sku dang dbyings dang rnam thar ro
gsal 'tsher yub can gyi tshe
dbyings dang thabs dang rab snang ngo
chal chen dum bu gcig pa'i tshe
nyag gcig spros bral gzhi rdzogs so
dkar 'tsher dmar la dangs pa'i tshe
rgyas gdab ting 'dzin ro myong gnyis yin no
549
sbrul sdug yid 'ong lnga yi tshe
'od dang kha dog mtshan ma'o
mu med gsal 'tsher lnga yi tshe
gzhi dang lam dang 'bras bu'o
rin chen ro mchog bcud kyi tshe
'dzin dang rdzogs dang rtogs pa'o
pad ma sre byed lu ma'i tshe
shes rab yum dang sems ma'o
las rnams grub byed las kyi tshe
sku lnga ye shes lnga chos lnga'o
las kyi rdzas ni brgyad kyi tshe
bskur dang thob dang 'bras bu'o
rin chen rdzas ni brgyad kyi tshe
thob dang gnas dang brtan pa'o
dkyil dang 'khor ni gnyis kyi tshe
rig dang ye shes yul yin no
sku gsum yul dang snang ba'i tshe
gsal dang dro dang bsil ba'o
snang dang mun dang snang bsgyur tshe
'dris dang shes dang thag chod do
so so'i mtshan nyid gsal ba'i tshe
'od dang kha dog sku lnga'o
rig gsal chos nyid gnyis kyi tshe
gnas pa dang ni mkha' dbyings so
gsal ba'i lam bzhi sgo 'byed tshe
rig pa yon tan dngos grub bo
rdzogs dang gsal dang 'phro ba'i tshe
yul dang snang ba rtogs lugs so
sems kyi yul dang rig yul tshe
gsal dang 'phro dang rdzogs grub po
550
bshad byed rnam gnyis bskur ba'i tshe
yi ge phyag mtshan 'khor lo'o
'das dang 'dzin dang dam tshig tshe
gzung dar gnas dang skyon yon no
gsang ba'i dam tshig dug gi tshe
gsum dang drug dang cha dgu'o
sangs rgyas gsum du 'gyur ba'i tshe
'khor dang 'khrul dang bzlog yugs so
'byung ba rnam pa gnyis kyi tshe
byung sa gnas sa grol lugs so
rig pa nyid kyi gnas lugs tshe
grol lugs rtogs lugs thob lugs so
skye med yul la gnas pa'i cho
lta thabs bzhag thabs bskyal thabs so
rang bzhin rnam pa lnga yi tshe
mig dang nam mkha'i rigs snang ngo
stong pa nyid kyi cho 'phrul tshe
rdzogs dang rang bzhin snang ba'o
gsang sngags 'bras bu brtag pa'i tshe
rang bzhin sems dang spyod yul bral
sems kyi 'khor lo gnas byung tshe
chos dang chos min 'khrul pa'o
yul sems gnyis su snang ba'i tshe
chos nyid gnas dang 'bras bu'o
yang gsang 'bras bu gnyis kyi tshe
stong pa nyid dang chos sku'o
sa lam rnam par rdzogs byed tshe
551
bcu dang lnga dang bzhi yin no
rtags dang dbyings rig gsal ba'i tshe
snang ba'i yul dang bzung thabs so
ye shes gnyis la lam gyi tshe
snang dang mun dang go dbye'o
go ba'i dus ni rnam bzhi'i tshe
cog bzhag rang grol ma bskyed pa'o
phyi nang gsal byed gdams pa'i tshe
zhing khams lus dang thig le'o
skyon med rang bzhin dag pa'i tshe
ka dag lhun grub ma nges pa'o
longs sku'i mtshan nyid snang ba'i tshe
dkar dang dmar dang ser ljang ngo
de ni yang dag rdzogs pa'i lam
gdams pa'i dus su shes par bya'o
de bzhin gshegs pa bcom ldan 'das
rdzogs pa'i sangs rgyas dbang chen sku
de dag rnam pa bshad pa'i tshom
dpa' bo rdo rje dbang gi skus
legs par dgongs te bka' stsol cig
rdo rje khro bos rang snang ba
gar ldan nyid kyis ka' stsal pa
dpa' bo rdo rje sems dpa'i sku
legs par bshad par bya ba ni
gang dag de la dpe spyod cig
sgra ni bdun phrag nyi shu las
lhag ma rnams la sum cha phyed
dngos po la ni drug 'gyur ro
yan lag rnam la gsum gsum phyed
552
rab kyis gdams pa nyis 'gyur tshe
rab kyis lhag ma phyed phyed do
'bring la gdams pa nyi shu gcig
lhag ma la ni bzhi bzhi'o
tha ma la ni nyis 'gyur ro
gsum gsum la ni phrag yas drug
lhag ma gsum ni re re'o
de nas bzhi ni drug 'gyur ro
dbang po'i yul ni sum cha ste
lam la lnga lnga zung du 'jug
bzhi la gsum gsum dgu 'gyur ro
'bras bu la ni drug 'gyur ro
lhag ma rnams la phyed phyed do
gsum la phyed ni drug drug go
de dag rnams la so so'i lung
mdo ni rnam pa bco brgyad las
lnga lnga zung dang phyed 'gyur ro
bde ba stong pa nyid las ni
dang po bar dang tha mar 'gyur
steng pa'i lam ni 'dus pa'o
de rnams la ni dang po'o
bden pa 'dus pas bzhi snang la
lam ni drug drug phyed snang ngo
de ni gsang ba'i gnas drug yin
cho 'phrul yig 'bru gsum dag yin
dran pa la ni sum 'gyur ro
shes pa'i dus ni gcig shes so
snang ba mthong ba'i yul dus nas
yul las the tshom gnyis yin no
gnyis gnyis gsum 'gyur dgu snang ste
phyag mtshan sum cu rtsa gnyis 'gyur
553
mtshan ma snang ba'i rgyu drug las
so so'i lam ni brgyad phrag go
gsang ba'i lam ni bdun cu gnyis
rgyu las gnas pa drug 'gyur ro
rtags la gnyis gnyis lam 'gyur tshe
gsang ba'i sku gsum gnyis te drug
dang po dkar dmar gnyis dag las
tham dkar dmar lnga 'gyur ro
de dag rnams la phyed phyed do
rnam par 'phro ba nyid kyang yin
rtags kyi lhag ma bzhi bzhi'o
bya bral 'bras bu thob pa'i tshe
lhag ma'i nges shes sum cha phyed
stong pa nyid ni bdun 'gyur ro
lhag ma'i 'bras bu gcig tu gsal
chos kyi rgyu ni bdun gnyis las
rtogs pa'i 'bras bu de phrag go
gcod byed shes rab de bzhin che
dang po las kyi phyed bskyed pa
rang rang snang ba rdzogs par bshad
de 'og las ni nyis 'gyur las
dbang gi snang ba nyis 'gyur ro
phyed ma las ni phyed 'gyur ba
de yi 'bras bu rdzogs pa'o
de dag drug cha nyis 'gyur las
thad ka'i 'bras bu rdzogs pa'o
de yi snang gsum rdzogs pa las
zhing khams rnam pa drug 'gyur ro
554
las kyi 'bras bu nyis 'gyur las
dbang rdzogs 'bras bu gnyis yin no
dbang rdzogs 'bras bu nyis 'gyur las
rang bzhin dbang gi 'bras bu drug
de ni phyed dang nyis 'gyur las
bzhi rdzogs dbang gi 'bras bu'o
de yi rang bzhin drug las ni
lam gyi dbang gi 'bras bu'o
de yi gcod byed nyis 'gyur las
rang bzhin dbang ba'i 'bras bu drug
de ni phyed dang nyis 'gyur las
bzhi rdzogs dbang gi 'bras bu'o
de yi rang bzhin drug las ni
khams kyi dbang gi 'bras bu'o
de yi gcod byed rnam drug las
rig pa rtsal dbang 'bras bu'o
de yi 'gyur med 'bras bu las
'bras bu'i dbang gi 'bras bu'o
de nyid rnam pa gsum las ni
gzhi lam dbang gi 'bras bu'o
de yi lung ni rnam bzhi las
yid ches dbang gi 'bras bu'o
de yi las ni rnam bdun las
mtshon pa dbang gi 'bras bu'o
de ltar rdzogs byed lam lnga las
blo gzhan dbang gi 'bras bu'o
de ltar rtogs pa'i skyes bu des
skye med sa la rnam par phyin
mthar phyin dbang gi 'bras bu'o
rdzogs sangs rgyas dang mnyam sbyor ba
555
dkyil 'khor thams cad ma bsgrubs 'grub
the tshom rtog pa chod pa'o
zhes rdzogs pa rang byung chen po'i rgyud las
dbang rin po che 'khor lo rnam par bshad pa'i le'u ste nyi shu rtsa bzhi pa'i
rdzogs so
@25
gter nas gter du stsal pa lags
sngags kyi srung mas srungs shig
bcom ldan 'das dpal khrag 'thung gi rgyal po la phyag 'tshal lo
de nas sgra thams cad gtan la phab pa'i man ngag
don dang ye shes kyi 'grel pa
gsang sngags kyi lta phug
don thams cad kyi 'dus sa
ye shes chen po'i mdo 'di bstan te
de la sgra'i sdom byang 'di lta ste
thams cad du sgra gar grags par
rang bzhin rang byung gi thugs rje'i yi ger 'di ltar shes par bya'o
de la 'og nas bshad de
a ni skye med kyi yi ger kun tu shes par bya'o
ha ni dag pa'i yi ger shes par bya'o
sa ni mi 'gyur ba'i yi ger shes par bya'o
sha ni shes rab kyi yi ger shes par bya'o
la ni gcod byed kyi yi ger shes par bya'o
ra ni rang byung thugs rje'i yi ger shes par bya'o
ya ni rang snang gi yi ger shes par bya'o
556
'a ni 'gag med kyi yi ger shes par bya'o
da ni mtshon pa'i yi ger shes par bya'o
ka ni sku gsum gyi yi ger shes par bya'o
kha ni gnyis snang gi yi ger shes par bya'o
ga ni skyong pa'i yi ger shes par bya'o
nga ni 'khor ba'i yi ger shes par bya'o
ca ni lci ba'i yi ger shes par bya'o
cha ni rgyan gyi yi ger shes par bya'o
ja ni snang ba'i yi ger shes par bya'o
nya ni shes pa'i yi ger shes par bya'o
ta ni rtag pa'i yi ger shes par bya'o
tha ni shin tu 'thug pa'i yi ger shes par bya'o
da ni chad pa'i yi ger shes par bya'o
na ni lus kyi yi ger shes par bya'o
pa ni stong pa'i yi ger shes par bya'o
pha ni thabs kyi yi ger shes par bya'o
ba ni ma rig pa'i yi ger shes par bya'o
ma ni bzhi mnyam pa'i yi ger shes par bya'o
tsa ni lam gyi yi ger shes par bya'o
tshan ni 'byung ba'i yi ger shes par bya'o
dza ni 'dzin pa'i yi ger shes par bya'o
mtshan ma lam gyi yi ge ni
wa zhes bya ba shin tu nyung ngo
zha ni bzhag thabs kyi yi ger shes par bya'o
za ni snang ba rang log pa'i yi ger shes par bya'o
de la 'dogs dang yan lag ni
557
dang po'i dbang du 'bod par bya'o
sgra mi shes pa'i yi ge ni 'di lta ste
thal ra btags byung ba ni
thar zhes 'bod par bya'o
a yang de bzhin no
de bzhin dun dang
zha dang
za dang
'a dang
a dang
ra sta mi 'byung ba thams cad la de bzhin du 'bod par bya'o
ta la ya btags byung ba na
tad ces bya bar 'bod par bya'o
thal byung na
che zhes bya ba 'bod par bya'o
dal byung na
srid ces bya ba 'bod par bya'o
nal byung na
rnrir zhes 'bod par bya'o
'a la byung na 'od ces 'bod par bya'o
tsa la byung na tsan da zhes 'bod par bya'o
nga la byung na
tri zhes 'bod par bya'o
nya la byung na mnyan zhes 'bod par bya'o
sa la byung na
sin zhes 'bod par bya'o
a la byung na
brid ces 'bod par bya'o
ca la byung na
'dud ces 'bod par bya'o
cha la byung na
o zhes 'bod par bya'o
ja la byung na
lte ba zhes 'bod par bya'o
ha la byung na
seb zhes 'bod par bya'o
de ma yin pa'i mi rigs pa gang las byung yang
'od zhes bya bar 'bod do
de yang rdo rje sems dpa'i sgra don gyi man ngag tu bshad pa'o
de bzhin du sgra las thabs kyi yan lag 'byung bar bstan pa'o
558
sngags kyi gtan tshigs rgyas par bstan pa'i le'u ste nyer lnga pa'o
i thi
ghu hya
kha tham rdzogs so
rdzogs pa rang byung gi rgyud ma bu bcu gnyis pa rdzogs so
dge'o dge'o dge'o