Rambaldo, vedaràs di cà indevant

by Ermes di Colloredo

Rambaldo, vedaràs di cà indevant  (1828)  by Ermes di Colloredo

Poesie scelte edite ed inedite in dialetto friulano

Al Sig. Rambaldo N. N.

SONETTO

RAMBALDO, vedaràs di cà indevant
A svolà il pess al par d' ogni falcon;
Tu vedaràs la quaje e 'l pernigon
A là pa l'aghe dut il dì nadant.

Vedaràs il lacài a là saltant,
Tu vedaràs un muss a fa un sermon.
Tu vedaràs l'agnel fa di lëon,
E la magne-copasse là balant.

Tu vedaras insume dug j'uciei
Dug i nemài dal mond a dì la so,
E dug: favelaràn, sin ju purciei.

Ma tu no vedaràs, cospè di Giò,
Che 'o credi mai a femine cu sei
Just tant che fossin Abramat Zugiò.