Quand el Spinazz

From Wikisource
Jump to navigation Jump to search
Quand el Spinazz
by Giovanni Bertacchi

Gioann Bertacch (1869-1942)‎

Quand el Spinazz

Quand el Spianzz col ciforell in boca
el ghe fa segn al treno de inviass,
ghe par anca al mè cœur de destacass
d'on quaicoss che 'l sia staa de la soa vita...
mi vedi el mè paes che a poch a poch
el se slontana ne l'ombra del pasaa.
L'è ormai finii l'estaa:
comincia on certo giàld sü per i ram:
mi torni el fiœu che lassa la soa mam.
O mia mam granda, vall di mè memori...!