Quæl car Bardassa che coi sò quadrel

Sirin Caraa (1794-1848)

Quæl car Baradassa che coi sò quadrel
(quadrel æl vœu dì fræzz in poesia)
con tut ch'æl gh'ha la beinda in si parpel
æl mira i cœur fallàn mai mia;

vœui dæ 'sti d' l'ha dit a sò fradel
æl Dio di matrimoni: "andôm, vé via;
ho ferì du bèi cœur, du cœur fedel:
fômæss onor, ligômi in compagnia"

Donca, sibei ch'l'è rar a vædi amis,
'sta volta chì s'èn miss a fà tut du
di bèi cadén æd rœus dæl Paradis:

ma prima dæ dovrai, coi sò manéi,
povri gôgnin! Chi sa côm s'è spongiù,
gh'hæn vorù tirà via fei l'ultim spei.