Qadu og’zingg’a boqsam, oh derman...
Jump to navigation
Jump to search
Qadu og’zingg’a boqsam, oh derman,
Seni ko’rgan sayin Olloh derman.
Tilar ko’nglim seni olamdau bas,
Bu nisbatin seni dilxoh derman.
Meni haddim emaski, istasa vasl,
“Ko’z uchi birla boq goh-goh” — derman.
Qusuri tab’din derman seni sarv,
Erur ul noravo bir oh derman.
Etagingga kishining ilki etmas,
Seni bu vajh ila men moh derman.
Sening qadding bila nozik yururda,
Erur o’zga nima hamroh derman.
Jamoling Lutfi so’zin qildi rangin,
Sening husnungga “shay’anlilloh” derman.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse