Psalm 126

Psalm 126

Hdyž Knjez změni wosud Sionski,
bě nam, jako by so nam dźało.

Tehdy napjelni so naš ert ze smjećom
a naš jazyk z wyskanjom.

Tehdy praji so mjez pohanami:
„Wulke wěcy je jim Knjez sčinił.“

Wulke wěcy je nam zawěrno Knjez sčinił;
z toho so radujmy.

Kotřiž ze sylzami syja,
budźeja wyskajo žnjeć.

Płakajo tam chodźa,
kotřiž symjo wusywaju.

Tola wróčeja so wyskajo
swoje snopy njeso.