Prozne kubłanje

From Wikisource
Jump to navigation Jump to search
nadpis Prozne kubłanje
awtor Jan Bogumił Nytška
lěto 1871
žrědło Łužičan, No 3/1871 b. 36
licenca public domain
nota nowy pšawopis
Prozne kubłanje

Měł som młode kanarki,
Seźece w rumnej klětce,
Śiwkali su, - grajkali,
Kaž te mjatele na grědce.

Chytšy sused k pšawicy
Spiwa rědnje ze wšej prócu;
Bachtaŕ toś na lěwicy
Žerjo se kaž sroka z mócu.

Ptašacki te słuchachu, -
Spyt’wachu se po wšych głosach;
Źins kusk lěpjej šćakocu,
Ak te wroble žyn we kłosach.

Běda tam tym źiśetkam,
Źož se modle – a tež klěju!
Groniš nikom’ njetrjebam,
Kake rěcy z wust jim zněju.



nadpis Prozne kubłanje
awtor Jan Bogumił Nytška
lěto 1871
žrědło
licenca public domain
nota stary pšawopis
Prozne kubłanje

Měł som młode kanaŕki,
Seźece w rumnej klětce,
Śiwkali su, - grajkali,
Kaž te mjatele na grědce.

Chytřy sused k přawicy
Spiwa rědnje ze wšej prócu;
Bachtaŕ toś na lěwicy
Zerjo se kaž sroka z mócu.

Ptašacki te słuchachu, -
Spyt’wachu se po wšych głosach;
Źins kusk lěpjej šćakocu,
Ak te wroble žyn we kłosach.

Běda tam tym źiśetkam,
Źož se modle – a tež klěju!
Groniš nikom’ njetrjebam,
Kake rěcy z hust jim zněju.