Eventas ofte ke Esperantisti, Neutralisti, Universalisti, e c. kritikas ca o ta detalo di nia linguo, o « konsilas » a ni chanjar ca o ta punto. A ti de nia amiki, quin ta kritiki e konsili povus shanceligar, ni memorigos unesme, ke li venas de partiani di lingui, quin la Komitato di la Delegitaro rejetis, e qui esas evidente min bona kam la nia ; quan autoritaton tala personi havas do por kritikar o por plubonigar Ido ? Duesme, ni questionos, kad ita personi intencas adherar ad Ido, se nur on emendas la difekteti, quin li kredas trovar en ol ? Evidente no : li simple penas trublar l’Idisti per sua insidyema kritiki o konsili, e se ni esus sat naiva por auskultar oli, ni simple demolisus nia linguo sen aquirar per to un adepto pluse. Se la kritikanti volas sincere la « perfektigo » di la L. I., li devas unesme adherar a l’Uniono ; lor ni aceptos lia konsili e lia kunlaborado. Til lor, ni povas konsiderar li nur quale adversi (koncianta o nekoncianta), qui tendencas, ne konstruktar, sed destruktar nia linguo. Praktikala konkluzo : ni devas auskultar ed atencar nula kritiko, nula propozo, qua ne venas de Unionano, t. e. de sincera e devota amiko di nia linguo.
Progreso/Triesma Yaro/Numero 28/Simpla reflekto
| ← Kontenajo ← Esperantido |
TRIESMA YARO PROGRESO No28 Junio 1910 Simpla reflekto Linguala questioni |
Bruxelles → |
Temo : Generala reflekti
|
[ 234 ]
Simpla reflekto.