[ 217 ]
Fornikistino.
Lektinte ica vorto (No 26, p. 100) So L. de Guesnet judikas ol shokanta. Fakte, ol apartenas nur a la linguo bibliala e religyala. Quale expresar decante ta delikata ideo ? Prostitucatino esas la vorto exakta, sed konvenas nur en la stilo ciencala di la sociologio. Diboch-ulino (‑istino) esas grosa, brutala, preske insultanta. Por tradukar la eleganta perifrazi od eufemismi di nia lingui (F. demi-mondaine exemple), So de Guesnet propozas amistino, qua esas efektive sat justa (« qua facas mestiero di amo »), polita e mem galanta.