Primer visión (Llïonés)

Dispués de separtame al sitiu que primeiru desinara, mirandu alredor y alcontrándume sólu, arrodilleime y escomencipiéi a ellevar a Dious el deseyu del mieu corazón. Namái fízelu, cuandu de sópetu s'apoderóu de min una fuerza que me dominóu dafeichu, y fizu una influyencia en min tan asombrosa, que trabóuseme la llingua, de mou que nun pude falare... precísamente n'este momentu de tan grande alarma gueyéi una coluna de lluz, más brillante que'l Sol, direutamente p'hacia arriba de la mia tiesta; y esta lluz pasu ente pasu descendiéu ata deitase sobru min. Namás s'aparciéu, sentime llibre del enemigu que m'aferronaba. Al pousare sobru min la lluz, vi nel aire enriba de min a dous personaxes, cun un fulgor y gloria que nun almiten descrición. Ún d'eillos falóume, chamándume pul mieu nome, y dixu, asiñalandu pal outru: Éste yía'l mieu fiyu amáu: ¡Ascóitalu!