Plonakanit de Werner yunik

Se poedot: “Topetan de Säkkingen” fa Josef Victor von Scheffel.
Pelovepolöl de deutapük fa Fried. Hoffmann e H. Löw, München in Deutän.

Binos in lif pestitöl hetliküno,
Das spin glofom leigüpo ko lols,
Ed ifi lad levipom mödiküno,
Fino golön de balvoto mutols.
Eliladob vöno in logs tel olik,
Nis elogob nidi löfa litön:

Adyö, adyö! Ibinosöv tu glolik!

Adyö, adyö! No esötos binön!

Glöti, heti ed i liedi dibik
Tevan fenik binöl vo esenob;
Dlimöl ladapüdi e düpis stilik,
O jilöfan, al oli ekömob.
Espelob saunön in logs tel olik,

Ole. - Adyö! Ibinosöv tu glolik!

Adyö, adyö! No esötos binön!

Lefog fugom, in fot ed in fel vagik
Levienos - tep meköfik stomom;
Al deditön binom nu tim no badik,
Glümik, äs sil, füd nu obe jinom.
Va fät oba vedom gudik u dolik,
Olik, jipul, ai vilob memön!

Adyö, adyö! Ibinosöv tu glolik!

Adyö, adyö! No esötos binön!

Se Kosmopolan 1893, Nüm: 8, Pad: 118.