Per Crist, si'l sirvents fos mèus
Razon ab Coblas[edit]
Lo Dalfins d'Alvèrnhe si èra druts d'una dòmna d'un son castèl, et avia nom dòmna Maurina, Et un dia ela mandèt al baile del Dalfin que'lh dès lart ad òus frire, e'l baile si lh'en dèt un mèi bacon. E l'evesques lo saup, e fetz-n’ aquesta cobla, blasmant lo baile car no'lh dèt lo bacon tot entièr, e blasmant lo Dalfin que lh'o fesés dar mèi :
Per Crist, si'l sirvents fos mèus,
d'un coutèl li dèr’ al còr,
car fetz del bacon partida
a lèi que li'l querí tant gent.
Ben saup del Dalfin lo talent,
que s'el plus ni mens i mesés
a la gauta li dèra tres ;
mas pòsc en [vertat] dire :
Petit ac lart Maurina a'ls òus frire.
Lo vesques si èra druts d'una fòrt bèla dòmna, qu'èra mólher d'En Chantart de Caulec, qu'estava a E'l Dalfins si'lh respondèt a la cobla :
Lo vesques tròb’ en sos brèus
mais vàlon caulet que pòr,
e pesca qui l'i convida
a Pescadoiras fòrt sovent,
per un bèl peisson que lai prent ;
e'l peissons es gais e cortés ;
mas d'una ren lh'es tròp mal pres,
car s'es laissats aucire
al preveire que non fai mas lo frire.