Pened kobanefe Vpakluba valemik Nedänik

From Wikisource
Jump to navigation Jump to search

Nüm: 26

‚Weisskirchen i. Ts‛ (Deutän), 1934, yulula d. 22id.


O Volapükaflens palestümöl!


Kodedü kobikam ela „Volapükaklub valemik Nedänik“ tü del 28id yulula, Volapükans fol vilaga: ‚Weisskirchen im Taunus‛ potons oles glidis ladöfikün e vipons kobanefe benoseki gudikün. Ünü dels anik tidabuk Volapükik pro Deutänans opubon, e spelobs das suno olabobs Volapükaklubi Deutänik ad yufön olis pö propagid e slopükam pro pük jönik obas. Ols valik bonedolsös tidabuki at as blöf flenama, dat ofägobs ad pübön bukis nulik! Volapük obas muton kömön ini län alik, ini vilagül smalikün. Komipolsöd pro din dialik obas!


Ko lestüm,

ds. d. o.

nemü ons: ‚JOHANN SCHMIDT‛.

‚Weisskirchen im Taunus‛.



Se Volapükagased pro Nedänapükans 1934, Nüm: 5, Pad: 32.