Pened hiela J. C. Aaen gasede: Volapük (Guadalajara) 2

DÄN. - Aabybro, balsebalul 31.

Klub nulik plo pakam vpa pefünom in Randers balsebalul 25; ninom ya kopanalis telsezül. Klub at pefünom sukü pükat maniföfik söla Aaen balsul 19. Cif binom söl sanel Neergaard. Lasam valikodik leodik kluba de Aalborg ezitom balsebalul 27 in zäl gletik loteda «Dania». Plofed Aaen äpükatam dö pakam jünuik vpa in läns difik.

Dileket nulik at pävälom:

Aaen, plofed, bisiedel.

Rasmussen, tidel vpa e lovepolel regik.

E. Poulsen, tidel e spodel vpa.

G. W. Hansen, bukatedel.

P. Möller, lenünodel.

Kopanalaläpol pälonom obinön krons tel, ab plo kopanals kels ovpoms vpabledi dänik glato, krons kil.

Läpol lasuma binom kron bal. Tidel kluba, söl Rasmussen, ogevom glato tidami kopanales, e kopanls ut kels no vipoms visitön tidüpi, laboms giti sedön pösodi votik (son, jison e l.)

Lasam leodik kluba de Kjöbenhavn ezitom ädelo (balsebalul 30).

Aaen.

Se Volapük: Gased bevünetik tedelik, nolik, literatik e gälodik 1888, Nüm: 1, Pads: 6-7.